ᒨᓯᓯ ᐂᑉᐸᖏᑦ 15:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᒪᐅᓐᖓᐅᑎᓚᐅᕐᐸᑎᑦ ᑲᓐᖓᕐᓲᑎᒋᓪᓗᒋᓪᓗ ᓇᖕᒥᓂᖅ ᖃᖅᑲᖁᑎᖏᓐᓄᑦ, ᑕᕝᕗᖓ ᐃᓂᒃᓴᒧᑦ ᐃᕝᕕᑦ ᐊᑕᓃᖅ, ᓂᕈᐊᕐᓯᒪᔭᕐᓄᑦ ᐃᓂᒃᓴᕆᔪᒪᓪᓗᒍ, ᑐᒃᓯᐊᕐᕕᒡᔪᐊᕐᒧᑦ ᐃᕝᕕᑦ ᓇᖕᒥᓂᖅ ᓴᓇᓚᐅᕐᑕᕐᓄᑦ.

ᒨᓯᓯ ᐂᑉᐸᖏᑦ 15:17 Iomraidhean Croise

ᓴᒧᐃᓕ ᐂᑉᐸᖏᑦ 7:10

ᐃᓂᒃᓴᒥᒃ ᓂᕈᐊᕐᓂᐊᕐᐳᖓ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐃᓂᖃᑦᓯᐊᖁᓪᓗᒋᑦ, ᓇᖕᒥᓂᖅ ᓄᓇᖃᖁᓪᓗᒋᑦ, ᐸᕝᕕᓴᒃᑕᐅᖃᑦᑕᖏᓪᓗᑎᒃ ᓇᓪᓕᐊᓐᓄᓪᓘᓐᓃᑦ; ᐃᓴᒋᔭᖃᖏᑦᑐᓄᓪᓗ ᐸᒡᕕᓴᒃᑕᐅᖃᑦᑕᕈᓐᓁᖁᓪᓗᒋᑦ, ᓯᕗᓕᕆᓚᐅᕐᑕᖏᑎᑐᑦ.

ᐊᑕᓃᑦ ᓯᕗᓪᓖᑦ 8:13

ᐱᐅᔪᒻᒪᕆᐊᓗᖕᒥᒃ ᐊᖏᒡᓕᑎᕐᑕᐅᕕᒃᓴᕐᓂᒃ ᓴᓇᓯᒪᕗᖓ ᐃᒡᓗᒃᓴᕐᓂᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”

ᐃᓐᖏᕈᑎᑦ 114:2

ᔫᑕ ᐊᑕᓂᐅᑉ ᐃᑦᔪᕐᓁᑦᑐᕕᖁᑎᑖᕆᓚᐅᕐᐹ, ᐃᓴᕆᐊᓕᓗ ᐊᖓᔪᖅᑳᖃᕐᕕᒋᓕᕐᓱᓂᐅᒃ.

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐃᓐᖏᕈᑎᑦ 44:2

ᐃᓅᖃᑎᒌᒡᔪᐊᑦ ᐊᒡᒐᖕᓄᑦ ᐊᐅᓪᓚᕐᑎᓚᐅᕋᕕᒋᑦ, ᐊᑖᑕᕗᓪᓗ ᓄᓇᒃᓴᖏᓐᓄᐊᕐᑎᓪᓗᒋᑦ; ᐃᓄᐃᑦ ᓵᓚᒋᓚᐅᕐᐸᑎᑦ ᐊᐅᓪᓚᕐᑎᓪᓗᒋᓪᓗ.

ᐃᓐᖏᕈᑎᑦ 68:16

ᓱᖕᒪᑦ ᑕᑯᓐᓇᕐᐱᓰ ᑐᓱᓪᓗᓯ, ᖃᖅᑲᐅᔪᓯ ᓄᕗᖃᐅᕐᑐᑦ ᐅᓄᕐᑐᓂᒃ, ᑕᑯᓐᓇᕐᓗᓯᐅᒡᓗ ᖃᖅᑲᖅ ᒎᑎᐅᑉ ᐃᓂᒋᔪᒪᔭᖓ, ᑕᕝᕙᓂ ᐊᑕᓂᖅ ᐃᓂᖃᕐᓂᐊᕐᐳᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 76:2

ᓴᓕᒥᒥ ᑐᐱᕐᔪᐊᖁᑎᖓ ᐃᓂᖃᕐᐳᖅ, ᐃᓂᖃᕐᐳᕐᓗ ᓮᐅᓂᒥ.

ᐃᓐᖏᕈᑎᑦ 80:15

ᑕᓕᕐᐱᖕᓄᑦ ᓇᑉᐸᕐᑎᓚᐅᕐᑍᑦ, ᑖᓐᓇ ᕔᓂᒃᓴᓕᒃ ᓴᓐᖏᔪᕈᕐᑎᓚᐅᕋᕕᐅᒃ ᐱᓪᓗᑎᑦ.

ᐃᓐᖏᕈᑎᑦ 80:8

ᓇᐹᕐᑐᖅ ᕔᓂᓕᒃᓴᖅ ᐂᓚᐅᕐᐸᑦ ᐄᑦᔨᑉᑎᒥᑦ; ᐃᓅᖃᑎᒌᒡᔪᐊᑦ ᓄᓇᖏᓐᓂᑦ ᐊᐅᓪᓚᐅᑎᓪᓗᒍ ᓄᓇᖏᓐᓄᑦ ᐃᓕᖔᓚᐅᕐᐸᑦ.

ᒨᓯᓯ ᐂᑉᐸᖏᑦ 15:13

ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ ᑕᓯᐅᓚᐅᕐᐸᑎᑦ ᐃᓄᖁᑎᑎᑦ ᑖᒃᑯᐊ ᐱᐅᓕᓚᐅᕐᑕᑎᑦ, ᐱᔪᓐᓇᕐᓂᕐᓄᓪᓗ ᑕᓯᐅᓚᐅᕐᐸᑎᑦ ᓄᓇᒧᑦ ᐃᑦᔪᕐᓁᑦᑐᒧᑦ.

ᒨᓯᓯ ᐂᑉᐸᖏᑦ 23:20

“ᑕᑯᒋᑦ, ᐂᖏᓕᒥᒃ ᑎᓕᓯᕗᖓ ᓯᕗᓂᕐᓄᑦ, ᑖᑦᓱᒧᖓ ᓴᐳᑎᔭᐅᓯᒪᖁᓪᓗᑎᑦ ᐊᖅᑯᑎᖕᓂ ᓄᓇᒧᓪᓗ ᐃᓕᖕᓄᑦ ᐅᐸᓗᖎᕐᓯᒪᔭᓐᓄᑦ ᑎᑭᑦᓱᓐᓇᖁᓪᓗᑎᑦ.

ᒨᓯᓯ ᐂᑉᐸᖏᑦ 25:8

ᑖᒃᑯᓇᓂ ᐃᑦᔪᕐᓁᓐᓂᕐᐹᒥᒃ ᐃᓂᒃᓴᒥᒃ ᓴᓐᓇᔪᖃᕐᑐᒃᓴᐅᕗᖅ, ᐃᓂᒃᓴᖃᖁᓪᓗᖓ ᐊᑯᕐᖓᓐᓂ.

ᒨᓯᓯ ᐂᑉᐸᖏᑦ 32:34

ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 2:21

ᐱᕈᕐᓮᓚᐅᕐᐳᖓ ᐃᓕᖕᓂᒃ ᕔᓂᒃᓴᓂᒃ ᐸᐅᕐᖓᖃᕐᕕᒃᓴᑎᑐᑦ ᓂᕈᐊᕐᑕᐅᓯᒪᔪᑎᑐᑦ, ᐱᐅᓂᕐᐹᒥᒃ ᐱᕈᕐᑐᒃᓴᓂᑦ, ᖃᓄᕐᓕ ᐅᕙᓐᓂᒃ ᓇᕐᕈᓕᓚᐅᕐᓂᕆᕖᑦ? ᐸᐅᕐᖓᖃᕐᕕᒃᓴᑎᑐᑦ ᐱᕈᕐᓂᕐᓗᕕᐅᔪᑎᑐᑦ ᐱᕈᕐᓰᕕᐅᖏᑦᑐᒥ.

ᔨᕆᒤᐊᐅᑉ ᐊᒡᓚᖏᑦ 31:23

ᐃᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: “ᐊᐅᓪᓚᕈᑦᔭᐅᓯᒪᕕᒋᓚᐅᕐᑕᖏᓐᓂᑦ ᐅᑎᕐᑎᓯᒪᓕᕈᒃᑭᑦ, ᐃᓄᐃᑦ ᔫᑕᐅᑉ ᓄᓇᖓᓂ ᓄᓇᖃᓚᐅᕐᑐᑦ ᐅᖃᕈᓐᓇᕐᓯᔪᒫᕆᕗᑦ ᐃᒫᒃ, ‘ᐊᑕᓂᐅᑉ ᓮᒻᒪᕐᑎᓪᓕᓯ, ᓄᓇᖃᕐᑐᓯ ᐃᓱᐊᕐᑐᓕᓂᕐᒥ, ᖃᖅᑲᒦᑦᑐᑦ ᐃᑦᔪᕐᓁᑦᑐᒥ.’

ᔨᕆᒤᐊᐅᑉ ᐊᒡᓚᖏᑦ 32:41

ᐱᐅᔪᒥᒃ ᐱᓇᓱᐊᕐᕕᒋᔭᕆᐊᖏᑕ ᖁᕕᐊᒋᕙᒃᑲ, ᓄᓇᒧᓪᓗ ᑕᒪᐅᖓ ᑲᓐᖓᕐᓲᑎᒋᔪᒫᕐᐸᒃᑲ ᐃᓄᒋᔭᐅᖏᓐᓇᖁᓪᓗᒋᑦ ᑲᔪᓯᑦᓯᐊᕐᓗᑎᒃ, ᐆᒻᒪᑎᓐᓄᑦ ᐃᓘᓐᓈᓄᑦ ᐃᓱᒪᓐᓄᓪᓗ ᐃᓘᓐᓈᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 37:26

ᐊᖏᖃᑎᒌᒍᑎᓕᐅᕈᒫᕐᐳᖓᓗ ᑖᒃᑯᓄᖓ ᐃᓂᓪᓚᖓᑦᓯᐊᕐᓇᕐᑐᒥᒃ; ᑕᒪᓐᓇᓗ ᐊᖏᖃᑎᒌᒍᑎᓕᐅᕐᓂᕋ ᑖᒃᑯᓄᖓ ᐃᓱᖃᖏᑦᑐᒧᑦ ᐃᓕᖓᔪᒫᕐᐳᖅ; ᓮᒻᒪᕐᑎᑦᓱᒫᕐᐸᒃᑲ ᐅᓄᕐᓯᕙᓪᓕᐊᑎᓪᓗᒋᓪᓗ, ᐃᑦᔪᕐᓁᑦᑐᕕᖁᑎᖓᓗ ᐊᑯᕐᖓᓐᓂ ᐃᓂᖃᕐᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 37:28

ᑕᕝᕙ ᐃᓅᖃᑎᒌᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᖅ ᐃᓴᕆᐊᓕᒥᐅᓂᒃ ᐃᑦᔪᕐᓁᑎᑦᓯᒐᒪ, ᐃᑦᔪᕐᓁᑦᑐᕕᖁᑎᒪ ᑖᒃᑯᐊ ᐊᑯᕐᖓᓐᓃᓐᓂᖓᓄᑦ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 33:19

ᑖᒃᑯᐊ ᐃᓅᖃᑎᒌᒡᔪᐊᓂᒃ ᕾᖁᔨᔪᒫᕐᐳᑦ ᖃᖅᑲᖁᑎᒥᖕᓄᑦ; ᑕᕝᕙᓂᓗ ᑐᓂᕐᕈᑎᒃᓴᓂᒃ ᓈᒻᒪᒋᔭᐅᔪᓂᒃ ᑐᓂᕐᕈᓯᕐᓗᑎᒃ; ᐊᔪᕐᓴᖏᑦᔪᑎᓂᒃ ᐃᒪᕐᒥᑦ ᑕᕆᐅᒥᑦ ᐱᔪᓂᒃ ᓂᐅᕐᓯᖕᒪᑕ ᓯᐅᕋᕐᒥᓪᓗ ᐃᔨᕐᓯᒪᔪᓂᒃ ᐊᒃᓱᐃᑦᔪᑎᓂᒃ ᑕᕆᐅᑉ ᓯᓈᓂᑦ.”

ᔮᓱᐊᑉ ᐊᒡᓚᖏᑦ 22:19

ᒫᓐᓇᓕ, ᓄᓇᖁᑎᑦᓯ ᑐᒃᓯᐊᕐᕕᒋᒋᐊᖓ ᓈᒻᒪᖏᐸᑦ, ᕾᓚᐅᕆᑦᓯ ᐃᑳᕐᓗᓯ ᑕᒪᐅᖓ ᐊᑕᓂᐅᑉ ᓄᓇᖓᓄᑦ, ᑐᐱᖁᑎᖓᓄᑦ ᓇᔪᕐᑕᖓᓄᓪᓗ, ᓄᓇᑖᕈᒪᓗᓯᓗ ᐊᑯᓐᓇᑦᑎᓐᓂ; ᑭᓯᐊᓂᓕ ᐊᑭᕋᕐᑐᓕᕐᑍᓕᒋᑦᓯ ᐊᑕᓂᕐᒥᒃ, ᐅᕝᕙᓘᓐᓃᑦ ᐊᑭᕋᕐᑐᓕᕐᑎᑦᑍᓕᑎᒍᑦ ᑐᓂᕐᕈᓯᕐᕕᓕᐅᕐᓂᑦᓯᓐᓄᑦ ᑐᓂᕐᕈᓯᕐᕕᒋᐊᓪᓚᖕᒥᒃ ᐊᑕᓂᕐᒧᑦ ᒎᑎᑦᑎᓐᓄᑦ.