ᒨᓯᓯ ᐂᑉᐸᖏᑦ 15:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᒨᓯᓯ ᐂᑉᐸᖏᑦ 15:11 Iomraidhean Croise

ᓴᒧᐃᓕ ᐂᑉᐸᖏᑦ 7:22

ᑍᒤᒻᒪᑦ ᐊᖏᔪᕐᔪᐊᖑᕗᑎᑦ, ᐊᑕᓃᖅ ᒎᑏ; ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ, ᐊᓯᖕᓂᒡᓗ ᒎᑎᑕᖃᓐᖏᓚᖅ, ᑐᓴᕐᓯᒪᔭᓕᒫᕗᑦ ᒪᓕᒡᓗᒋᑦ.

ᐊᑕᓃᑦ ᓯᕗᓪᓖᑦ 8:23

ᐅᖃᕐᓗᓂᓗ, “ᐊᑕᓃᖅ ᐃᓴᕆᐊᓕᐅᑉ ᒎᑎᖓᑦ, ᐊᑦᔨᖕᓂᒃ ᒎᑎᑕᖃᓐᖏᓚᖅ, ᐹᓂ ᕿᓚᖕᒥ ᓄᓇᐅᓪᓗ ᐊᑖᓂ, ᐊᖏᖃᑎᒌᒍᑎᒋᓯᒪᔭᑎᑦ ᑲᔪᓯᑎᒃᑲᕕᒋᑦ ᓇᒡᓕᖕᓃᓪᓗ ᓱᖁᓯᔪᐃᑦᑐᖅ ᖃᐅᔨᔭᐅᑎᓪᓗᒍ ᐱᔨᖕᓄᑦ ᓈᓚᒃᑐᓄᑦ ᐆᒻᒪᑎᓕᒫᒥᖕᓄᑦ ᐃᓕᖕᓂᒃ;

ᑯᕉᓂᑲ ᓯᕗᓪᓖᑦ 16:25

ᐊᑕᓂᖅ ᐊᖏᔫᖕᒪᑦ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ; ᓯᕘᕋᒋᔭᐅᔪᒃᓴᐅᕗᖅ ᐊᖏᓂᕐᓴᒥᒃ ᒎᑎᒋᔭᐅᔪᓕᒫᓂᑦ.

ᑯᕉᓂᑲ ᐂᑉᐸᖏᑦ 2:5

ᑐᒃᓯᐊᕐᕕᒡᔪᐊᕐᓗ ᓴᓇᔪᒫᕐᑕᕋ ᐊᖏᔪᕐᔪᐊᖑᔪᒫᕐᐳᖅ, ᒎᑎᕗᑦ ᐊᖏᓂᕐᐸᐅᖕᒪᑦ ᒎᑎᒋᔭᐅᔪᓕᒫᓂᑦ.

ᑯᕉᓂᑲ ᐂᑉᐸᖏᑦ 6:14

ᐅᖃᕐᓗᓂᓗ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᒎᑎᑕᖃᓐᖏᓚᖅ ᐃᓕᒃᑐᑦ ᑍᒤᑦᑐᒥᒃ ᕿᓚᖕᒥ ᓄᓇᒥᓗ, ᐊᖏᖃᑎᒌᒍᑏᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᑲᔪᓯᑎᒃᑲᕕᐅᒃ ᐱᔨᖕᓄᑦ ᐱᑦᓯᐊᕐᑐᓄᑦ ᑲᔪᖏᓪᓚᕆᒃᑐᓄᓪᓗ.

ᐃᓐᖏᕈᑎᑦ 113:5

ᑭᓇ ᐊᑦᔨᖃᕐᐸ ᐊᑕᓂᕐᒥᒃ ᒎᑎᑦᑎᓐᓂᒃ? ᖁᑦᓯᒃᑐᒥ ᐃᓂᖃᕐᑐᒥᒃ,

ᐃᓐᖏᕈᑎᑦ 119:120

ᑎᒥᒐ ᓴᔪᒃᐳᖅ ᐃᓕᖕᓂᒃ ᓯᕘᕋᓂᕐᒧᑦ; ᐃᖅᑲᕐᑐᐃᓃᓪᓗ ᑲᑉᐱᐊᒋᕙᕋ.

ᐃᓐᖏᕈᑎᑦ 136:4

ᑲᒪᓇᕐᑐᓕᔪᑑᓚᐅᕐᑐᖅ ᐊᖏᔪᕐᔪᐊᒥᒃ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 145:17

ᐊᑕᓂᖅ ᓈᒻᒪᓈᑦᓯᐊᕐᐳᖅ ᑕᒤᑎᒍᑦ ᐱᓇᓱᐊᕐᓂᕐᒥᒍᑦ, ᐱᑦᓯᐊᕐᓂᖃᕐᓗᓂᓗ ᑕᒤᑎᒍᑦ ᐱᓂᐊᕐᓂᕐᒥᒍᑦ.

ᐃᓐᖏᕈᑎᑦ 22:23

ᐃᓕᑦᓯ ᐊᑕᓂᕐᒥᒃ ᓯᕘᕋᔪᓯ, ᑖᓐᓇ ᓂᕐᑐᕐᓯᐅᒃ! ᔧᑰᑉ ᑭᖑᕚᖏᑦ ᑕᒪᑦᓯ, ᐅᐱᒋᑦᓯᐊᕐᓯᐅᒃ, ᐃᓴᕆᐊᓕᐅᑉ ᕿᑐᕐᖓᓕᒫᖏᑦ ᑖᓐᓇ ᐃᓕᕋᒋᓯᐅᒃ!

ᐃᓐᖏᕈᑎᑦ 35:10

ᓴᐅᓂᓕᒫᒃᑲ ᐅᖃᕈᒫᕐᐳᑦ, “ᐊᑕᓃᖅ, ᑭᓇᒥᒃ ᐊᑦᔨᖃᕐᐲᑦ? ᓴᐳᑦᔨᒐᕕᑦ ᐊᔪᓗᐊᕐᑐᒥᒃ ᓵᓚᒋᔨᒋᔭᖓᓂᑦ, ᐃᓛᒃ, ᐊᔪᕐᓴᕐᑐᑦ ᐱᖃᖏᑦᑐᓪᓗ ᓴᐳᑎᕙᑎᑦ ᑎᒡᓕᒐᕐᕕᒋᔨᖏᓐᓂᑦ.”

ᐃᓐᖏᕈᑎᑦ 60:2

ᓄᓇ ᓴᔪᒃᐱᓗᒃᑎᓚᐅᕐᐸᑦ, ᓱᕋᒃᑎᕐᓗᒍᓗ; ᓯᖁᒥᓯᒪᓂᖏᑦ ᐋᖅᑭᒃᓱᓚᐅᒃᑭᑦ, ᓴᔪᒃᑐᐊᓘᓕᕐᒪᑦ.

ᐃᓐᖏᕈᑎᑦ 66:5

ᕾᒋᑦᓯ ᑕᑯᔭᕐᑐᕐᓗᓯ ᒎᑎᐅᒃ ᐱᓂᐊᕐᓯᒪᔭᖏᓐᓂᒃ; ᑲᒪᓇᕐᑐᐊᓗᖕᓂᒃ ᐱᓂᐊᕐᓯᒪᖕᒪᑦ ᐃᓄᖕᓄᑦ.

ᐃᓐᖏᕈᑎᑦ 77:11

ᐊᑕᓂᐅᑉ ᐱᓂᐊᕐᓂᕆᓯᒪᔭᖏᑦ ᐳᐃᒍᕐᓂᐊᓐᖏᓚᒃᑲ; ᐃᓛᒃ, ᑍᑦᓱᒪᓂᐊᓗᒃ ᑲᒪᓇᕐᑐᓕᓂᑎᑦ ᐃᖅᑲᐅᒪᔪᒪᕙᒃᑲ.

ᐃᓐᖏᕈᑎᑦ 77:14

ᒎᑎᐅᕗᑎᑦ ᑲᒪᓇᕐᑐᓂᒃ ᐱᓇᓱᐊᕐᑎᐅᓪᓗᑎᑦ; ᓴᓐᖏᔫᓃᑦ ᓴᖅᑭᑎᓯᒪᕙᑦ ᐃᓄᐃᑦ ᐊᑯᕐᖓᓐᓂ.

ᐃᓐᖏᕈᑎᑦ 77:19

ᐊᖅᑯᑎᑎᑦ ᐃᒪᕕᒃᑰᖓᓚᐅᕐᐳᑦ, ᐊᖅᑯᓯᓂᑎᓪᓗ ᐃᒪᕐᔪᐊᑎᒎᖓᓪᓗᑎᒃ, ᑭᓯᐊᓂᓕ ᑐᒥᑎᑦ ᑕᑯᔭᐅᓯᒪᓐᖏᓚᑦ.

ᐃᓐᖏᕈᑎᑦ 86:10

ᐊᔪᖏᑦᑐᕐᔪᐊᖑᒐᕕᑦ ᐱᓇᓱᐊᕐᓂᑎᓪᓗ ᐱᐅᔪᐊᓘᓪᓗᑎᒃ, ᐃᕝᕕᑐᐊᑦᓯᐊᖅ ᒎᑎᐅᕗᑎᑦ ᐊᓯᖃᖏᑦᑐᖅ.

ᐃᓐᖏᕈᑎᑦ 86:8

ᐊᑕᓃᖅ ᓇᓂᓕᒫᖅ ᐃᓕᒃᑐᑦ ᑍᒤᑦᑐᒥᒃ ᒎᑎᑕᖃᓐᖏᓚᖅ, ᐃᓕᒃᑐᓪᓗ ᐱᓇᓱᐊᕈᓐᓇᕐᑎᒋᔪᒥᒃ ᐱᑕᖃᕋᓂ.

ᐃᓐᖏᕈᑎᑦ 89:18

ᐊᑕᓂᖅ ᓴᐴᓗᑕᕆᒐᑦᑎᒍ, ᐃᓴᕆᐊᓕᒥᓗ ᐃᑦᔪᕐᓁᑦᑑᔪᖅ ᐊᖓᔪᖅᑳᕐᔪᐊᕆᕙᕗᑦ.

ᐃᓐᖏᕈᑎᑦ 90:11

ᑭᓇ ᓂᓐᖓᖕᓂᕕᑦ ᓲᖑᓂᖓᓂᒃ ᖃᐅᔨᔪᓐᓇᕐᐸ? ᑭᓇᓗ ᓂᓐᖓᐅᒪᓂᕐᓂᒃ ᓯᕘᕋᒋᔭᖃᕈᓐᓇᕐᐹ?

ᒨᓯᓯ ᐂᑉᐸᖏᑦ 18:11

ᒫᓐᓇᓗ ᖃᐅᔨᕗᖓ ᐊᑕᓂᖅ ᐊᖏᓂᕐᓴᐅᖕᒪᑦ ᒎᑎᒋᔭᐅᔪᓕᒫᓂᑦ, ᐃᓄᐃᑦ ᐊᓂᑎᓚᐅᕐᒪᒋᑦ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᑖᒃᑯᐊᓗ ᓂᑲᒋᔭᐅᖏᑦᑐᒻᒪᕆᐊᓘᑎᓪᓗᒋᑦ.”

ᒨᓯᓯ ᐂᑉᐸᖏᑦ 20:3

“ᐊᓯᓐᓂᒃ ᒎᑎᖃᕐᑐᒃᓴᐅᓐᖏᓚᓯ.

ᒨᓯᓯ ᐂᑉᐸᖏᑦ 3:20

ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᒨᓯᓯ ᐂᑉᐸᖏᑦ 8:10

ᐰᕉᑉ ᑭᐅᕚ, “ᖃᐅᒃᐸᑦ ᑐᒃᓯᐅᑎᓛᓕᕐᐸᕐᒪ.” ᒨᓯᓯ ᐅᖃᕐᐳᖅ, “ᑍᒤᓐᓂᐊᓕᕐᐳᖅ ᐅᖃᐅᓯᕆᔭᕐᑐᑦ, ᖃᐅᔨᖁᓪᓗᑎᑦ ᒎᑎᑕᖃᖏᓐᓂᖓᓂᒃ ᐊᑕᓂᕆᔭᑦᑕ ᒎᑎᐅᑉ ᐊᓯᐊᓂᒃ.

ᒨᓯᓯ ᐂᑉᐸᖏᑦ 8:6

ᑕᕝᕙ ᐂᕉᓂᐅᑉ ᑕᓕᓂ ᐃᓵᒃᐹ ᐄᑦᔨᑉᑎᐅᑉ ᐃᒪᖏᑕ ᖁᓛᓄᑦ; ᓈᕌᔩᓪᓗ ᓴᖅᑭᐊᓕᕐᐳᑦ ᐄᑦᔨᑉᑎᐅᑉ ᓄᓇᖓ ᐅᓕᒃᑕᐅᓪᓗᓂ ᑕᒪᒃᑯᓄᖓ.

ᒨᓯᓯ ᐂᑉᐸᖏᑦ 9:14

ᑕᒪᑐᒪᓂᓕ ᓱᓕ ᐱᖁᔨᓂᐊᖏᒃᑯᕕᑦ ᑕᕝᕙ ᐱᔨᑎᑦ ᐃᓄᖁᑎᑎᓪᓗ ᓱᒋᐊᕐᑕᑐᐊᕆᓂᐊᕈᓐᓃᕐᐸᒃᑲ ᐃᕝᕕᓪᓕ ᓱᒋᐊᖃᓯᐅᑎᓂᐊᓕᕐᐸᒋᑦ, ᖃᐅᔨᓕᖁᓪᓗᑎᑦ ᐅᕙᑦᑐᑦ ᑍᒤᑦᑐᒥᒃ ᐱᑕᖃᖏᓐᓂᖓᓂᒃ ᓄᓇᕐᔪᐊᓕᒫᒥ.

ᐂᓮᐊᓯᐅᑉ ᐊᒡᓚᖏᑦ 30:11

ᐊᖅᑯᒻᒥᑦ ᐊᒡᕔᕆᑦᓯ, ᐊᖅᑯᑕᐅᕙᒃᑐᖅ ᐊᑐᕈᓐᓃᕐᓗᒍ, ᑐᓴᕐᑎᑦᓯᓂᐊᕋᓯ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᓂᒃ ᐅᕙᑦᑎᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 40:18

ᓱᓇᒥᒡᓕ ᑍᒪ ᒎᑎ ᐊᑦᔨᖃᕐᑎᑦᓱᓐᓇᕐᐱᐅᒃ? ᓱᓇᒧᓪᓗ ᐊᑦᔨᐅᓕᕐᑎᑕᒃᓴᐅᒐᔭᕐᐹ?

ᐂᓮᐊᓯᐅᑉ ᐊᒡᓚᖏᑦ 40:25

ᑭᓇᒥᒃ ᐊᑦᔨᖃᕐᑎᑦᓱᓐᓇᕐᐱᖔ? ᓱᓇᒥᒡᓗ ᑍᒤᓪᓗᐊᖃᕐᑎᑦᓱᓐᓇᕐᐱᖔ? ᐃᑦᔪᕐᓁᑦᑐᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 46:9

ᐃᖅᑬᓕᕆᑦᓯ ᑍᑦᓱᒪᓂᐊᓗᒃ ᐊᑐᓚᐅᕐᑐᓂᒃ; ᐅᕙᖓᐅᕗᖅ ᒎᑎ, ᐊᓯᓐᓂᒡᓗ ᐱᑕᖃᕋᓂ, ᐅᕙᖓᐅᕗᖅ ᒎᑎ, ᐅᕙᑦᑐᑦ ᑍᒤᑦᑐᕐᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 6:3

ᑖᒃᑯᐊᓗ ᐃᒻᒥᖕᓄᑦ ᕾᒐᓛᖃᑦᑕᐅᑎᕗᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ! ᐱᓐᓇᕐᓇᕐᓂᕐᔪᐊᖓ ᑕᑍᓯᒪᕗᖅ ᓄᓇᕐᔪᐊᕐᒥᒃ!”

ᔨᕆᒤᐊᐅᑉ ᐊᒡᓚᖏᑦ 10:16

ᔧᑯᒃᑯᓐᓂᒡᓕ ᐱᒋᐊᕐᑎᑦᓯᓚᐅᕐᑐᖅ ᑍᒤᓐᖏᓚᖅ, ᓱᓇᓕᒫᓂᒃ ᐱᓐᖑᕐᑎᑦᓯᓯᒪᖕᒪᑦ, ᐃᓴᕆᐊᓕᒥᐅᑦ ᓴᖅᑭᑎᓯᒪᕔᑦ, ᑭᖑᕚᕇᓐᖑᕐᓗᑎᒃ ᑭᖑᕐᖑᔨᖃᑎᒌᒃᑐᒃᓴᐅᖁᓪᓗᒋᑦ; ᑕᒪᒃᑯᓂᖓ ᓴᖅᑭᑎᑦᓯᔪᖅ ᐊᑕᓂᐅᕗᖅ ᖁᑦᓯᖕᓂᕐᐹᒥᒃ ᐊᑎᓕᒃ.

ᔨᕆᒤᐊᐅᑉ ᐊᒡᓚᖏᑦ 49:19

ᑕᑯᒋᑦ, ᐃᒤᑦᓱᒫᕐᐳᖅ ᓛᔭᑎᑐᑦ ᓇᐹᕐᑐᐃᑦ ᐃᒻᒧᐊᓂ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᒧᑦ ᔪᐊᕐᑕᓂᐅᑉ ᑰᖓᓄᑦ, ᑍᒫᒃᑕᐅᖅ ᐄᑐᒥᒥᐅᑦ ᐊᖑᔪᒫᕐᐸᒃᑲ ᓄᓇᖓᓐᓂ ᑕᕝᕔᓐᓇᖅ, ᓇᓪᓕᐊᓐᓂᒃ ᑍᒤᓕᐅᕐᑐᒃᓴᒥᒃ ᓂᕈᐊᕈᓐᓇᕐᐳᖔ, ᑭᓇ ᐅᕙᑦᑐᑦ ᑍᒤᑉᐹ? ᐊᑭᓕᖃᕈᓐᓇᕐᑐᖅ ᐅᕙᓐᓂᒃ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᐊᑭᕋᕐᑐᕈᓐᓇᕐᑐᒥᒃ?

ᒨᓯᓯ ᐱᖓᔪᖏᑦ 19:2

“ᐃᓴᕆᐊᓕᒥᐅᓕᒫᑦ ᐃᒫᒃ ᐅᖃᐅᑎᒃᑭᑦ, ᐃᑦᔪᕐᓁᒋᑦᓯ, ᐅᕙᖓ, ᐊᑕᓂᖅ ᒎᑎᓯ, ᐃᑦᔪᕐᓁᓐᓇᒪ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᓘᑲᓯᐅᑉ ᐊᒡᓚᖏᑦ 12:5

ᐅᖃᐅᑎᔪᒪᕙᑦᓯ ᓯᕘᕋᒋᔭᕆᐊᖃᕐᑕᑦᓯᓐᓂᒃ: ᑖᓐᓇ ᓯᕘᕋᒋᓯᐅᒃ, ᑐᖁᑦᓯᔭᕇᕈᓂ, ᐱᔪᓐᓇᕐᓂᖃᕐᒥᔪᖅ ᑲᑉᐱᐊᓇᕐᑐᕕᖕᒧᑦ ᐃᒋᑦᓯᓂᕐᒥᒃ; ᐃᓛᒃ, ᐅᖃᐅᑎᕙᑦᓯ ᑖᓐᓇ ᓯᕘᕋᒋᓯᐅᒃ!

ᒨᓯᓯ ᑕᓪᓕᒪᖏᑦ 1:30

ᐊᑕᓂᐅᑉ ᒎᑎᑦᓯ ᑖᑦᓱᒪ ᑕᓯᐅᕐᓂᐊᕐᒪᓯ, ᐅᓇᑕᕐᓂᑦᓯᓐᓂᓗ ᐃᑲᔪᕐᓂᐊᕐᐹᓯ, ᐄᑦᔨᑉᑎᒥ ᐱᓇᓱᐊᕐᑎᓪᓗᒍ ᓇᖕᒥᓂᖅ ᑕᑯᖃᑦᑕᓚᐅᕋᑦᓯᐅᒃ,

ᒨᓯᓯ ᑕᓪᓕᒪᖏᑦ 3:24

‘ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᖃᐅᔨᒪᔪᖓ ᑕᑯᑎᓯᒪᒐᕕᖓ ᐃᓔᓐᓇᑯᓗᐊᓂᒃ ᐱᒋᐊᕐᓂᑐᐃᓐᓇᖓᓂᒡᓗ ᐊᖏᔪᐊᓘᓂᕐᐱᑦ ᐱᐅᔪᐊᓘᓂᕐᐱᓪᓗ ᐱᓇᓱᐊᕈᒫᕐᑕᖓᓂᒃ. ᐊᓯᖕᓂᒃ ᒎᑎᑕᖃᖏᒻᒪᑦ ᕿᓚᖕᒥ ᓄᓇᒥᓗ ᐃᓕᒃᑐᑦ ᑍᒫᒃ ᐊᔪᒐᖃᖏᑦᑑᑎᒋᔪᒥᒃ ᐱᓇᓱᐊᕈᓐᓇᕐᑎᒋᔪᒥᒡᓗ ᐱᓇᓱᐊᖃᑦᑕᕐᓯᒪᔭᕐᑐᑦ ᐱᓕᕆᔪᓐᓇᕐᑎᒋᔪᒥᒃ!

ᒨᓯᓯ ᑕᓪᓕᒪᖏᑦ 33:26

“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:4

ᐃᓄᐃᓪᓗ ᑐᕌᒎᓂ ᑐᒃᓯᐊᕐᕕᒋᕚᑦ, ᐱᔪᓐᓇᕐᓂᓕᒫᒥᓂᒃ ᑐᓂᓯᓚᐅᕐᒪᑦ ᐆᒪᔪᐊᓗᖕᒧᑦ, ᐆᒪᔪᐊᓗᒃᑕᐅᖅ ᑐᒃᓯᐊᕐᕕᐅᖃᑦᑕᕆᕗᖅ ᐃᓄᖕᓄᑦ ᐅᖃᕐᓗᑎᒃ, “ᐆᒪᔪᐊᓗᒃ ᑭᓇᒧᑦ ᐊᑦᔨᒋᔭᐅᔪᓐᓇᕐᐸ, ᑭᓇᓗ ᐅᓇᑕᕈᓐᓇᕐᐹ ᑖᑦᓱᒥᖓ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:8

ᐆᒪᔪᑦ ᓯᑕᒪᑦ, ᐃᓴᕈᖃᕐᐳᑦ ᐊᑐᓂᑦ ᐱᖓᓲᔪᕐᑐᓂᒃ, ᐃᔨᖃᕐᓗᑎᒡᓗ ᐃᓗᒥᒃᑎᒍᑦ ᓯᓚᑎᓕᒫᒥᒃᑎᒍᓪᓗ, ᐅᓪᓘᑎᓪᓗᒍᓗ ᐅᓐᓄᐊᒥᓗ ᓄᖅᑲᔪᐃᑦᑑᓪᓗᑎᒃ ᐃᓐᖏᕐᐳᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ, ᑍᒤᓚᐅᕋᒥ ᒫᓐᓇᓗ ᑍᒤᑦᑐᖅ ᑍᒤᖏᓐᓇᕐᓂᐊᕐᑐᕐᓗ ᓯᕗᓂᕐᒥ!”

ᓴᒧᐃᓕ ᓯᕗᓪᓖᑦ 2:2

ᐃᑦᔪᕐᓁᑦᑐᖃᓐᖏᓚᒃ ᐊᑕᓂᕐᑐᑦ ᐃᑦᔪᕐᓁᑦᑐᒥᒃ; ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ; ᕾᕐᑐᕐᑕᖃᓐᖏᓚᕐᓗ ᒎᑎᑦᑎᑐᑦ ᓴᐳᑦᔨᔪᓐᓇᕐᑎᒋᔪᒥᒃ.