ᒨᓯᓯ ᐂᑉᐸᖏᑦ 14:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐃᓴᕆᐊᓕᒥᐅᓪᓗ ᑕᑯᒐᒥᒃ ᐊᑕᓂᐅᑉ ᐱᔪᓐᓇᕐᓂᕐᔪᐊᒥᓄᑦ ᓵᓚᖃᕐᓂᖓ ᐄᑦᔨᑉᑎᒥᐅᓂᒃ, ᐊᑕᓂᖅ ᓯᕘᕋᒋᓕᕐᐹᑦ, ᐊᑕᓂᕐᓗ ᐅᒃᐱᕆᓪᓗᒍ ᐃᓅᓕᕐᐳᑦ, ᒨᓯᓯᓗᑦᑕᐅᖅ ᐊᑕᓂᐅᑉ ᐱᔨᒋᔭᖓ.

ᒨᓯᓯ ᐂᑉᐸᖏᑦ 14:31 Iomraidhean Croise

ᑯᕉᓂᑲ ᐂᑉᐸᖏᑦ 20:20

ᐅᓪᓛᒻᒪᕆᒃᑯᓪᓗ ᒪᑭᑉᐳᑦ ᐂᓗᑎᒡᓗ ᐃᓄᖃᔪᐃᑦᑐᒧᑦ ᑎᑯᐊᒧᑦ; ᐊᐅᓪᓚᕐᑎᓪᓗᒋᑦ, ᔨᕼᐆᓴᐸᑦ ᓂᑯᕕᓪᓗᓂ ᐅᖃᕐᐳᖅ, “ᑐᓴᕐᓯᓐᖓ ᔫᑕᒥᐅᑦ ᔨᕉᓴᓕᒥᓗ ᓄᓇᖃᕐᑐᓯ! ᐅᒃᐱᕆᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ, ᑕᕝᕙ ᐃᓂᓪᓚᒃᑎᑕᐅᓂᐊᕐᐳᓯ; ᐅᖃᕐᑎᖏᑦ ᐅᒃᐱᕆᓯᒋᒃ, ᑕᕝᕙ ᒪᑭᑎᑕᐅᓂᐊᕐᐳᓯ.”

ᓂᕼᐃᒤᐊᐅᑉ ᐊᒡᓚᖏᑦ 9:9

ᓯᕗᓕᕗᑦ ᐅᖁᒤᒃᓴᕐᑎᓪᓗᒋᑦ ᑕᑯᓚᐅᕐᐸᑎᑦ ᐄᑦᔨᑉᑎᒥ; ᐃᑲᔪᕐᑕᐅᔪᒪᓂᖏᓐᓂᒡᓗ ᑐᓴᓚᐅᕐᐸᑎᑦ ᐃᒪᕐᒥ ᐊᐅᐸᓗᒃᑕᒥ.

ᐃᓐᖏᕈᑎᑦ 119:120

ᑎᒥᒐ ᓴᔪᒃᐳᖅ ᐃᓕᖕᓂᒃ ᓯᕘᕋᓂᕐᒧᑦ; ᐃᖅᑲᕐᑐᐃᓃᓪᓗ ᑲᑉᐱᐊᒋᕙᕋ.

ᒨᓯᓯ ᐂᑉᐸᖏᑦ 19:9

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᐃᓕᖕᓄᑦ ᕾᓂᐊᕐᐳᖓ ᓄᕗᔭᒥ ᐃᓛᒃᑰᕐᑐᒦᓪᓗᖓ, ᐃᓄᐃᑦ ᑐᓵᔪᓐᓇᖁᓪᓗᒋᑦ ᐃᓕᖕᓄᑦ ᐅᖃᓪᓚᒃᑎᓪᓗᖓ, ᐃᓕᖕᓂᒡᓗ ᐅᒃᐱᕈᓱᓕᖁᓪᓗᒋᑦ ᑍᒪᓐᖓᑦ.” ᒨᓯᓯᐅᓪᓗ ᐃᓄᐃᑦ ᐅᖃᐅᓯᖏᑦ ᐊᑕᓂᕐᒧᑦ ᐅᖃᐅᓯᕆᕔᑦ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᓘᑲᓯᐅᑉ ᐊᒡᓚᖏᑦ 8:13

ᐱᕈᕐᓯᐊᒃᓮᑦ ᐅᔭᕋᓛᓄᑦ ᐃᑦᔪᑭᑦᑐᒧᑦ ᑲᑕᒃᑐᑦ ᑖᒃᑯᐊᖑᕗᑦ, ᐅᖃᐅᓯᕐᓂᒃ ᑐᓴᕐᑐᑦ, ᐃᓚᓕᐅᕐᓯᔪᓪᓗ ᖁᕕᐊᓱᒡᓗᑎᒃ; ᑭᓯᐊᓂᓕ ᐊᒫᑭᓐᓇᒥᒃ ᓄᓇᒧᑦ ᒪᖑᒃᓯᒪᔪᓂᒃ, ᐅᒃᐱᕈᓱᓚᐅᕋᓗᐊᕐᓗᑎᒃ ᐱᐅᓐᖏᑐᒥᒃ ᐱᔪᒥᓵᕐᑕᐅᓕᕋᒥᒃ ᑲᑕᒃᐳᑦ.

ᔪᐊᓇᓯᐅᑉ ᐊᒡᓚᖏᑦ 11:45

ᔫᑎᑦ ᐊᒥᓱᑦ ᒥᐊᕆᒧᑦ ᐳᓛᕆᐊᕐᓯᒪᔪᑦ ᔩᓱᓯᐅᑉ ᐱᓂᐊᕐᓂᕆᔭᖓᓂᒃ ᑕᑯᔪᑦ, ᔩᓱᓯ ᐅᒃᐱᕆᓕᕐᐹᑦ.

ᔪᐊᓇᓯᐅᑉ ᐊᒡᓚᖏᑦ 2:11

ᑕᒪᑦᔭ ᔩᓱᓯᐅᑉ ᓇᓗᓁᒃᑯᑕᖏᑕ ᓯᕗᓪᓕᕐᐹᖓᑦ, ᐱᓂᐊᕐᓂᕆᓚᐅᕐᑕᖓ ᑬᓇᒥ ᒐᓕᓕᐊᒦᑦᑐᒥ, ᑕᕝᕙᓂ ᓂᕐᑐᕐᓇᕐᓂᕐᔪᐊᓂ ᓴᖅᑭᑎᓚᐅᕐᐹ; ᐃᓕᓐᓂᐊᕐᑎᖏᑕᓗ ᐅᒃᐱᕆᕚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:13

ᓮᒨᓂᑦᑕᐅᖅ ᐅᒃᐱᓕᕐᐳᖅ, ᐹᑉᑎᑕᐅᒐᒥ ᐱᓕᑉᐴᓯ ᐃᓚᒋᓕᕐᐹ, ᑲᒪᓂᐊᕐᓗᓂ ᑕᑯᖃᑦᑕᓕᕋᒥ ᑲᒪᓇᕐᑐᓂᒃ ᓇᓗᓁᒃᑯᑕᕐᓂᒡᓗ ᐱᓂᐊᕐᓂᐅᔪᓂᒃ.

ᐄᑉᕈᐃᓄᑦ 3:5

ᒨᓯᓯ ᓱᖁᓯᔪᐃᑦᑑᓚᐅᕐᐳᖅ ᒎᑎᐅᑉ ᐃᒡᓗᖓᓂ ᐱᔨᐅᓪᓗᓂ, ᓇᓗᓁᕐᓯᓪᓗᓂ ᑭᖑᕐᖓᒍᑦ ᐅᖃᐅᓯᕆᔭᐅᔪᒫᕐᑐᓂᒃ,

ᔮᓱᐊᑉ ᐊᒡᓚᖏᑦ 24:7

ᐃᓗᖏᕐᑐᕐᓗᑎᒡᓗ ᐃᑲᔪᕐᑕᐅᔪᒪᓕᕐᒪᑕ ᐊᑕᓂᕐᒧᑦ; ᐄᑦᔨᑉᑎᒥᐅᓪᓗ ᓯᕗᓕᓯᓗ ᐊᑯᓐᓂᖓᓄᐊᕐᓯᓚᐅᕐᐳᖓ ᑖᕐᑐᕐᔪᐊᒥᒃ, ᑕᕆᐅᕐᓗ ᐅᑎᕐᑎᓚᐅᕐᐸᕋ ᐄᑦᔨᑉᑎᒥᐅᑦ ᐅᓕᒃᑕᐅᖁᓪᓗᒋᑦ ᐃᐱᓪᓗᑎᒡᓗ; ᐃᓕᑦᓯᓗ ᓇᖕᒥᓂᖅ ᑕᑯᓚᐅᕐᐳᓯ ᖃᓄᐃᓕᐅᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥᐅᓄᑦ; ᐃᓄᖃᔪᐃᑦᑐᒦᓚᐅᕐᐳᓯᓗ ᐊᑯᓂᐊᓗᒃ.

ᔮᓱᐊᑉ ᐊᒡᓚᖏᑦ 4:14

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᐅᐱᓐᓇᕐᓯᑎᓚᐅᕐᐹ ᔮᓱᐊ ᐃᓴᕆᐊᓕᒥᐅᑦ ᑕᑯᓐᓇᕐᑎᓪᓗᒋᑦ; ᐃᒃᐱᒋᔭᐅᑦᓯᐊᓚᐅᕐᐳᕐᓗ ᐃᓅᓯᖓᑕ ᐃᓱᐊ ᑎᑭᓪᓗᒍ, ᑍᒫᑦᓮᓐᓇᖅ ᒨᓯᓯᒥᒃ ᐃᒃᐱᒍᓱᑦᓯᐊᓚᐅᕐᓂᕐᒥᑐᑦ.

ᔮᓱᐊᑉ ᐊᒡᓚᖏᑦ 4:24

ᐃᓄᓕᒫᑦ ᓄᓇᕐᔪᐊᕐᒥᐅᑦ ᖃᐅᔨᖁᓪᓗᒋᑦ ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓂᒃ; ᐃᓕᑦᓯᓗ ᐃᓕᕋᓱᐃᓐᓇᕐᓂᐊᕋᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓱᖃᖏᑦᑐᒧᑦ.”

ᓴᒧᐃᓕ ᓯᕗᓪᓖᑦ 12:16

ᒫᓐᓇ ᑍᒤᒻᒪᑦ ᐃᓂᒋᔭᑦᓯᓐᓂ ᕿᑲᕐᓗᓯ ᑕᑯᔪᒫᕐᐳᓯ ᐊᑕᓂᐅᑉ ᐱᓂᐊᕐᓂᖏᓐᓂᒃ ᐱᐅᔪᕐᔪᐊᓂᒃ, ᐱᓇᓱᐊᕈᒫᕐᑕᖏᓐᓂᒃ ᑕᑯᓐᓇᕐᑎᓪᓗᓯ.

ᓴᒧᐃᓕ ᓯᕗᓪᓖᑦ 12:18

ᑕᕝᕙ ᓴᒧᐃᓕ ᑐᒃᓯᐊᓕᕐᐳᖅ ᐊᑕᓂᕐᒧᑦ, ᐊᑕᓂᕐᓗ ᑲᓪᓕᓕᕐᑎᑦᓯᕗᖅ ᓯᓚᓗᓕᕐᑎᓪᓗᒍᓗ ᐅᓪᓗᒥ ᑕᕝᕙᓂ; ᐃᓄᓕᒫᓪᓗ ᑲᑉᐱᐊᓱᓕᕐᐳᑦ ᐊᑕᓂᕐᒥᒃ ᓴᒧᐃᓕᒥᒡᓗ.