ᒨᓯᓯ ᐂᑉᐸᖏᑦ 14:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ ᐄᑦᔨᑉᑎᒥᐅᓂᑦ. ᐃᓴᕆᐊᓕᒥᐅᓪᓗ ᐄᑦᔨᑉᑎᒥᐅᕕᓂᕐᓂᒃ ᑐᖁᖓᓕᕐᑐᓂᒃ ᑕᑯᕗᑦ ᐃᒪᐅᑉ ᓯᓈᓂ.

ᒨᓯᓯ ᐂᑉᐸᖏᑦ 14:30 Iomraidhean Croise

ᑯᕉᓂᑲ ᐂᑉᐸᖏᑦ 32:22

ᐊᑕᓂᐅᓪᓗ ᕼᐃᓯᑬᐊ ᔨᕉᓴᓕᒥᓗ ᓄᓇᖃᕐᑐᑦ ᐱᐅᓕᕔᑦ ᓯᓇᑯᕆᑉᒥᑦ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᑦ, ᐊᑭᕋᓕᒫᖏᑕᓗ ᐱᔪᓐᓇᕐᓂᖏᓐᓂᑦ; ᐊᕙᑎᒥᐅᑕᖏᓐᓂᓪᓗ ᐅᓇᑕᕐᑕᐅᑎᓚᐅᓐᖏᓔᑦ.

ᐃᓐᖏᕈᑎᑦ 106:10

ᐱᐅᓕᓚᐅᕐᐰᑦ ᐆᒥᒋᔨᖏᑕ ᐱᓇᓱᐊᕐᓂᖏᓐᓂᑦ, ᓴᐳᑎᓪᓗᒋᓪᓗ ᐊᑭᕋᕐᑐᕐᑎᖏᑕ ᐱᔪᓐᓇᕐᓂᖏᓐᓂᑦ.

ᐃᓐᖏᕈᑎᑦ 106:8

ᓱᓕᓕ ᐱᐅᓕᓚᐅᕐᐰᑦ ᐊᑎᓂ ᐱᑦᔪᑎᒋᓪᓗᒍ, ᐱᔪᓐᓇᕐᓂᕐᔪᐊᓂ ᖃᐅᔨᔭᐅᑎᑦᓱᒪᓪᓗᒍ.

ᐃᓐᖏᕈᑎᑦ 58:10

ᐃᓱᐊᕐᑐᑦ ᖁᕕᐊᓱᒍᒫᕐᐳᑦ ᐃᑲᔪᕐᓯᕐᑕᐅᓂᕐᒥᖕᓂᒃ ᑕᑯᓕᕈᑎᒃ; ᐃᑎᒐᑎᒡᓗ ᐅᐊᓴᕈᒫᕐᐰᑦ ᐱᐅᖏᑦᑐᓕᔪᑦ ᐊᐅᖏᓐᓄᑦ.

ᐃᓐᖏᕈᑎᑦ 59:10

ᒎᑎᒪ ᓇᒡᓕᖕᓂᕐᒥᓄᑦ ᓱᖁᓯᔪᐃᑦᑐᒧᑦ ᐅᐸᖕᓂᐊᕐᐹᖓ; ᒎᑎᐅᓪᓗ ᑕᑯᑎᓐᓂᐊᕐᐹᖓ ᐊᑭᕋᕐᑐᕐᑎᒃᑲ ᓵᓚᐅᑎᓪᓗᒋᑦ.

ᐃᓐᖏᕈᑎᑦ 91:8

ᑕᑯᓴᑐᐊᕈᕕᑦ ᑕᑯᓐᓇᑐᐃᓐᓇᕐᓂᐊᕐᐳᑎᑦ, ᐱᐅᖏᑦᑐᑦ ᐊᑭᓂᐊᕐᑕᐅᓕᕐᑎᓪᓗᒋᑦ.

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 63:11

ᑕᕝᕙ ᐃᓄᖁᑎᖏᑦ ᐃᖅᑬᓕᓚᐅᕐᐳᑦ ᑍᒃᑯᓂᖓᑐᖃᖅ, ᒨᓯᓯ ᒎᑎᐅᑉ ᐱᔨᖓ ᐃᓅᑎᓪᓗᒍ ᐊᑐᕐᑕᐅᕙᓚᐅᕐᑐᓂᒃ, ᐅᖃᕐᓗᑎᒃ, “ᓇᐅᒡᓕᑍᒪ ᐃᒪᒃᑯᑦ ᐃᑳᕐᑎᑦᓯᓚᐅᕐᑐᖅ? ᐰᕐᓯᔨᖁᑎᖏᓪᓗ ᓰᐱᖁᑎᒥᓂᒃ? ᓇᐅᒡᓕ ᑍᒪ ᐊᓂᕐᓂᕐᒥᓄᑦ ᐃᑦᔪᕐᓁᑦᑐᒧᑦ ᓇᔪᕐᑕᐅᑎᑦᓯᓚᐅᕐᑐᖅ ᑖᒃᑯᓂᖓ?

ᐂᓮᐊᓯᐅᑉ ᐊᒡᓚᖏᑦ 63:8

ᐅᖃᓚᐅᕐᒪᑦ, “ᑖᒃᑯᐊ ᐃᓄᖁᑎᒋᕙᒃᑲ, ᐃᕐᓂᕆᒐᒃᑭᑦ ᓱᓕᖏᑦᑐᓂᒃ ᐅᕙᓐᓄᑦ ᐱᓂᐊᕐᓂᖃᕐᓂᐊᓐᖏᓚᑦ.” ᑍᒤᒻᒪᑦ ᑕᕝᕙ ᐱᐅᓕᔨᑖᕆᓚᐅᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᕼᐆᓯᐊᑉ ᐊᒡᓚᖏᑦ 1:7

ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᕐᐸᒃᑲ, ᐱᐅᓕᔪᒫᕐᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᔫᑎᐅᑉ ᐊᒡᓚᖏᑦ 1:5

ᖃᐅᔨᒪᒐᓗᐊᕐᑎᓪᓗᓯ ᐃᖅᑬᑎᑦᓱᒪᕙᑦᓯ, ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᓗᒋᑦ ᐄᑦᔨᑉᑎᒥᑦ, ᑭᖑᕐᖓᒍᑦ ᐅᒃᐱᖏᑦᑐᑦ ᐊᓯᕈᓚᐅᕐᒪᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 10:11

ᐊᑕᓂᐅᑉ ᐃᓴᕆᐊᓕᒥᐅᑦ ᑭᐅᕔᑦ ᐃᒫᒃ: “ᓴᐳᑎᓚᐅᓐᖏᓚᑦᓰ ᐄᑦᔨᑉᑎᒥᐅᓂᑦ, ᐊᒧᕅᑎᒥᐅᓂᓪᓗ, ᐊᒧᓁᑎᒥᐅᓂᓪᓗ, ᐱᓕᔅᑍᓂᒥᐅᓂᓪᓗ?

ᓴᒧᐃᓕ ᓯᕗᓪᓖᑦ 11:13

ᓴᐅᓕᓕ ᐅᖃᕐᐳᖅ, “ᐅᓪᓗᒥ ᑐᖁᑕᐅᔪᖃᕐᓂᐊᓐᖏᓚᖅ, ᐅᓪᓗᒥ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᖕᒪᒋᑦ.”

ᓴᒧᐃᓕ ᓯᕗᓪᓖᑦ 14:23

ᐅᓪᓗᒥ ᑖᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ; ᐅᓇᑕᕐᓂᕐᓗ ᑎᑭᐅᑎᓚᐅᕐᐳᖅ ᓄᓇᒧᑦ ᐱᑦᐂᕕᓐᒧᑦ.