ᒨᓯᓯ ᐂᑉᐸᖏᑦ 14:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᓱᐃᓛᒃ ᒨᓯᓯᐅᑉ ᑕᓕᓂ ᐃᓵᒃᐹ ᐃᒪᐅᑉ ᖁᓛᓄᑦ, ᖃᐅᒻᒪᓕᕐᑎᓪᓗᒍᓗ ᐃᒪᖅ ᐅᑎᕐᐳᖅ ᐃᓕᖅᑯᓯᕆᕙᒃᑕᒥᑐᑦ. ᐄᑦᔨᑉᑎᒥᐅᓪᓗ ᕿᒫᓇᓱᒃᑲᓗᐊᕐᑎᓪᓗᒋᑦ ᐃᒫᓂᑦ ᐊᑕᓂᐅᑉ ᐃᒫᓄᑦ ᐱᔭᐅᒃᑲᕐᐰᑦ.

ᒨᓯᓯ ᐂᑉᐸᖏᑦ 14:27 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:11

ᐃᒪᖅ ᐊᕕᒃᑎᓪᓗᒍ ᐃᓄᖁᑎᑎᑦ ᐊᖅᑯᓯᓚᐅᕐᐸᑎᑦ, ᐃᒪᐅᓚᐅᕐᑐᒃᑯᑦ ᑕᓯᐅᓚᐅᕐᐸᑎᑦ ᓄᓇᒃᑯᑦ ᐸᓂᕐᑐᒃᑯᑦ; ᑍᒃᑯᐊᓗ ᐊᑭᕋᕐᑐᕐᑐᑦ ᐃᐱᓚᐅᕐᐳᑦ ᐃᒫᓂ, ᐅᔭᕋᒃᑎᑐᑦ ᑭᕕᓚᐅᕐᐳᑦ ᐃᒪᕐᔪᐊᕐᒥ.

ᐃᓐᖏᕈᑎᑦ 106:11

ᐃᒪᕐᔪᐊᓪᓗ ᐅᓕᓚᐅᕐᐰᑦ ᐊᑭᕋᕐᑐᕐᑎᖏᑦ: ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑕᖃᓚᐅᓐᖏᓚᖅ.

ᐃᓐᖏᕈᑎᑦ 136:15

ᐰᕉᕐᒥᒃ ᐃᓚᖏᓐᓂᒡᓗ ᓵᓚᖃᓚᐅᕐᑐᖅ ᐃᒪᕐᒥ ᐊᐅᐸᓗᒃᑕᒥ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 78:53

ᓯᕗᓕᓚᐅᕐᐰᑦ ᖃᓄᐃᓐᓇᖏᑦᑐᑎᒍᑦ, ᑕᕝᕙ ᑲᑉᐱᐊᓱᓚᐅᓐᖏᓚᑦ; ᐃᒪᕐᕕᐅᓪᓕ ᓵᓚᒋᓚᐅᕐᐰᑦ ᐊᑭᕋᕐᑐᕐᑎᖏᑦ.

ᐂᓮᐊᓯᐅᑉ ᐊᒡᓚᖏᑦ 10:26

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᓱᒋᐊᕐᓯᑦᔪᑎᓂ ᐊᑐᓕᕈᒫᕐᐹ ᑖᒃᑯᓄᖓ, ᑐᖁᕅᓚᐅᕐᓂᕐᒥᑐᑦ ᒥᑎᐊᓂᒥᐅᓂᒃ ᕾᕐᓱᒥ ᐅᕆᐱᒥ; ᑖᑦᓱᒪᓗ ᐊᓇᐅᑕᓂ ᐃᒪᐅᑉ ᓇᓛᓄᐊᕐᑎᑦᓱᒫᕐᐹ, ᑭᕕᒡᓗᒍᓗ ᓲᕐᓗ ᐄᑦᔨᑉᑎᒥᐅᓄᑦ ᐱᓇᓱᐊᓚᐅᕐᓂᕐᒥᑐᑦ.

ᒨᓯᓯ ᑕᓪᓕᒪᖏᑦ 11:4

ᑕᑯᓚᐅᕆᕗᓯ ᐊᑕᓂᐅᑉ ᓵᓚᖃᓪᓚᕆᖕᓂᖓᓂᒃ ᐄᑦᔨᑉᑎᒥᐅᑦ ᐅᓇᑕᕐᑐᒃᓴᖁᑎᖏᓐᓂᒃ, ᕿᒻᒥᕐᔪᐊᑯᑎᖏᓪᓗ ᕿᒧᒃᓯᐅᑎᓄᓪᓗ ᐊᒃᓴᓗᐊᓕᑦ ᐱᖃᓯᐅᑎᓪᓗᒋᑦ, ᐃᒪᕐᒥ ᐊᐅᐸᓗᒃᑕᒥ ᑭᕕᑎᑦᓯᓚᐅᕐᒪᑦ ᐃᓕᑦᓯᓐᓂᒃ ᒪᓕᒐᓱᒃᑐᓂᒃ.

ᐄᑉᕈᐃᓄᑦ 11:29

ᐅᒃᐱᕐᓂᑯᑦ ᐃᓴᕆᐊᓕᒥᐅᑦ ᐃᑳᕈᓐᓇᓚᐅᕐᐳᑦ ᐃᒪᒃᑯᑦ ᐊᐅᐸᓗᒃᑕᒃᑯᑦ ᓄᓇᑐᑦ ᐸᓂᕐᑐᒃᑯᑦ ᐃᖏᕐᕋᔪᑎᑐᑦ; ᐄᑦᔨᑉᑎᒥᐅᑦᑕᐅᖅ ᐆᒃᑐᕋᓱᐊᓚᐅᕋᓗᐊᕐᐳᑦ, ᐃᒪᕐᔪᐊᕐᒥᓕ ᐃᐱᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 24:7

ᐃᓗᖏᕐᑐᕐᓗᑎᒡᓗ ᐃᑲᔪᕐᑕᐅᔪᒪᓕᕐᒪᑕ ᐊᑕᓂᕐᒧᑦ; ᐄᑦᔨᑉᑎᒥᐅᓪᓗ ᓯᕗᓕᓯᓗ ᐊᑯᓐᓂᖓᓄᐊᕐᓯᓚᐅᕐᐳᖓ ᑖᕐᑐᕐᔪᐊᒥᒃ, ᑕᕆᐅᕐᓗ ᐅᑎᕐᑎᓚᐅᕐᐸᕋ ᐄᑦᔨᑉᑎᒥᐅᑦ ᐅᓕᒃᑕᐅᖁᓪᓗᒋᑦ ᐃᐱᓪᓗᑎᒡᓗ; ᐃᓕᑦᓯᓗ ᓇᖕᒥᓂᖅ ᑕᑯᓚᐅᕐᐳᓯ ᖃᓄᐃᓕᐅᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥᐅᓄᑦ; ᐃᓄᖃᔪᐃᑦᑐᒦᓚᐅᕐᐳᓯᓗ ᐊᑯᓂᐊᓗᒃ.

ᔮᓱᐊᑉ ᐊᒡᓚᖏᑦ 4:18

ᑐᓂᕐᕈᓯᕐᑎᑦᓯᔩᓪᓗ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓂᒃ ᐊᒡᔭᕐᓯᔪᑦ ᔪᐊᕐᑕᓂᒥᑦ ᑰᖕᒥᑦ ᒪᔪᕐᒪᑕ, ᐃᑎᒐᖏᑦ ᑰᑉ ᑭᒡᓕᖓᓄᑦ ᐸᓂᕐᑐᒧᑦ ᑐᑎᑐᐊᕐᒪᑕ, ᔪᐊᕐᑕᓂᐅᑉ ᑰᖓ ᐅᑎᓚᐅᕐᐳᖅ ᑰᓕᕐᓗᓂᓗ ᑰᖕᓂᕆᓚᐅᕐᑕᒥᑐᑦ.