ᒨᓯᓯ ᐂᑉᐸᖏᑦ 14:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᒨᓯᓯᐅᓪᓗ ᑕᓕᓂ ᐃᓵᒃᐹ ᐃᒪᕐᒧᑦ, ᐊᑕᓂᐅᓪᓗ ᐃᒪᖅ ᐅᑎᕆᐊᕐᑎᑉᐹ ᐊᓄᕆᐊᓗᖕᒧᑦ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᑦ, ᐅᓐᓄᐊᓕᒫᖅ ᐊᓄᕌᕐᑐᐊᓘᖕᒪᑦ ᐃᒪᖅ ᐊᕕᒃᐳᖅ ᑕᒪᓐᓇᓗ ᓄᓇ ᐸᓂᑦᓯᐊᕐᑑᓕᕐᓗᓂ.

ᒨᓯᓯ ᐂᑉᐸᖏᑦ 14:21 Iomraidhean Croise

ᒨᓯᓯ ᓯᕗᓪᓖᑦ 8:1

ᒎᑎᐅᓪᓕ ᐃᖅᑲᐅᒪᓚᐅᕐᐰᑦ ᓄᐊᒃᑯᑦ ᐆᒪᔪᓪᓗ ᐆᒪᔪᖁᑏᓪᓗ ᐅᒥᐊᕐᔪᐊᕐᒦᖃᑎᖏᑦ. ᒎᑎᓗ ᐊᓄᕌᓕᕐᑎᑦᓯᕗᖅ ᓄᓇᕐᔪᐊᕐᒥ, ᐃᒪᕐᓗ ᑎᓂᑉᐸᓪᓕᐊᓯᓪᓗᓂ.

ᐊᑕᓃᑦ ᐂᑉᐸᖏᑦ 2:8

ᐃᓔᑦᔭᐅᑉ ᐅᓕᓂ ᐲᕐᐹ, ᐃᒧᓚᐅᕐᓗᒍ, ᐃᒪᖅ ᑖᑦᓱᒧᖓ ᑏᒐᕐᐹ, ᑎᒐᕐᒪᒍᓗ ᐃᒪᖅ ᐊᕙᒻᒧᑦ ᐃᕐᐸᕐᐳᖅ, ᐃᕐᐸᕐᒪᑦ ᑖᒃᑯᐊᒃ ᐃᒤᕐᓯᓐᓂᖓᒍᑦ ᓴᓗᐊᖓᔪᒃᑯᑦ ᑰᑉ ᐊᑭᐊᓄᑦ ᐃᑳᕐᐴᒃ.

ᓂᕼᐃᒤᐊᐅᑉ ᐊᒡᓚᖏᑦ 9:11

ᐃᒪᖅ ᐊᕕᒃᑎᓪᓗᒍ ᐃᓄᖁᑎᑎᑦ ᐊᖅᑯᓯᓚᐅᕐᐸᑎᑦ, ᐃᒪᐅᓚᐅᕐᑐᒃᑯᑦ ᑕᓯᐅᓚᐅᕐᐸᑎᑦ ᓄᓇᒃᑯᑦ ᐸᓂᕐᑐᒃᑯᑦ; ᑍᒃᑯᐊᓗ ᐊᑭᕋᕐᑐᕐᑐᑦ ᐃᐱᓚᐅᕐᐳᑦ ᐃᒫᓂ, ᐅᔭᕋᒃᑎᑐᑦ ᑭᕕᓚᐅᕐᐳᑦ ᐃᒪᕐᔪᐊᕐᒥ.

ᔫᐱᐅᑉ ᐊᒡᓚᖏᑦ 26:12

ᐱᔪᓐᓇᕐᓂᕐᒥᓄᑦ ᐃᒪᕐᕕᒃ ᓂᒫᓪᓚᒃᑎᑉᐹ; ᖃᐅᔨᒪᓂᕐᒥᓄᓪᓗ ᒪᓕᒡᔪᐊᖅ ᕆᕼᐋᑉ ᓄᖅᑲᕐᑎᑉᐹ.

ᔫᐱᐅᑉ ᐊᒡᓚᖏᑦ 38:24

ᖃᐅᒪᔫᑉ ᐱᒋᐊᕐᓂᖓᑕ ᐊᖅᑯᑎᖓᓄᐊᕆᐊᒥᒃ ᖃᐅᔨᒪᕖᑦ? ᐅᕝᕙᓗ ᐊᓄᕆᐅᑉ ᐱᒋᐊᕐᕕᖓᓂᒃ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ?

ᐃᓐᖏᕈᑎᑦ 136:13

ᐃᒪᕐᒥᒃ ᐊᐅᐸᓗᒃᑕᒥᒃ ᐊᕕᒃᑎᑦᓯᓚᐅᕐᑐᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 148:8

ᐃᑯᒪᐅᑉ ᓇᑕᖅᑯᕐᓁᓪᓗ, ᐊᐳᑎᐅᑉ ᓂᓔᓪᓗ; ᐊᓄᕆᐅᑉ ᐊᖅᑯᓇᕐᔪᐊᑉ, ᑖᑦᓱᒪ ᐱᖁᔨᓂᖓᓂᒃ ᒪᓕᒃᑐᑦ!

ᐃᓐᖏᕈᑎᑦ 66:6

ᐃᒪᕐᔪᐊᖅ ᓄᓇᓐᖑᕐᑎᓚᐅᕐᐹ ᓴᓗᐊᒪᓕᕐᓗᓂ; ᐃᓄᐃᑦ ᐱᓱᒡᓗᑎᒃ ᑰᖕᒥᒃ ᐃᑳᓚᐅᕐᐳᑦ. ᑍᑲᓂ ᖁᕕᓱᖃᑎᒌᒍᑎᒋᕙᕗᑦ ᐱᓇᓱᐊᕐᓯᒪᓂᖓ ᐱᓪᓗᒍ.

ᐃᓐᖏᕈᑎᑦ 74:13

ᐱᔪᓐᓇᕐᓂᕐᓄᑦ ᐃᒪᕐᔪᐊᖅ ᐊᕕᓚᐅᕐᐸᑦ; ᐃᒪᕐᕕᖕᒥ ᐆᒪᔪᕐᔪᐊᑦ ᓂᐊᖁᖏᑦ ᓯᖁᒥᑉᐸᑎᑦ.

ᐃᓐᖏᕈᑎᑦ 78:13

ᐃᒪᕐᕕᒃ ᐊᕕᓚᐅᕐᐹ, ᑕᒪᐅᓇᓗ ᑕᓯᐅᕐᓗᒋᑦ ᐊᓂᒍᐃᑎᓚᐅᕐᐰᑦ; ᐃᒪᕐᓗ ᕿᑲᕐᑎᓚᐅᕐᐹ ᓇᖏᕐᑐᑐᑦ ᐳᕐᑐᓯᓯᒪᓪᓗᓂ.

ᒨᓯᓯ ᐂᑉᐸᖏᑦ 14:16

ᐊᔭᐅᑉᐱᐊᑦ ᐃᓴᐅᑎᒍᒃ ᐃᒪᐅᑉ ᖁᓛᓄᑦ ᓄᖅᑲᖓᑎᓪᓗᒍᓗ. ᐃᒪᖅ ᑕᕝᕙ ᐊᕕᖕᓂᐊᕐᐳᖅ, ᐃᓴᕆᐊᓕᒥᐅᓪᓗ ᐃᒪᐅᖅᑲᐅᔪᒃᑰᕈᓐᓇᕐᓂᐊᕐᐳᑦ ᐸᓂᑦᓯᐊᕐᑐᒃᑯᑦ.

ᒨᓯᓯ ᐂᑉᐸᖏᑦ 14:20

ᓄᖅᑲᕐᓗᓂᓗ ᐃᓴᕆᐊᓕᒥᐅᑦ ᐄᑦᔨᑉᑎᒥᐅᓪᓗ ᐊᑯᓐᓂᖓᓄᑦ, ᑖᓐᓇᓗ ᓄᕗᔮᓗᒃ ᑖᕐᓯᐅᕐᑎᑦᓯᓕᕐᐳᖅ ᐄᑦᔨᑉᑎᒥᐅᓂᒃ, ᐃᓴᕆᐊᓕᒥᐅᓪᓕ ᖃᐅᒪᔪᕐᓯᐅᕐᑎᑉᐰᑦ, ᑍᒤᓐᓂᖓᓄᓪᓗ ᐅᓇᑕᕐᓂᐊᕐᑑᒐᓗᐊᑦ ᑲᑎᔪᓐᓇᓐᖏᑎᑕᐅᓕᕐᐳᑦ ᐅᓐᓄᐊᓕᒫᖅ.

ᒨᓯᓯ ᐂᑉᐸᖏᑦ 15:8

ᐃᒪᖅ ᓱᐱᒐᕕᐅᒃ ᐊᕕᒃᐳᖅ ᐊᑭᓐᓇᑎᑐᑦ ᑍᒤᓕᕐᓗᓂ, ᐃᒪᖅ ᐳᕐᑐᓯᕗᖅ ᐃᓐᓈᕈᕐᑎᑐᑦ; ᐃᒪᕐᔪᐊᓪᓗ ᐃᑎᓂᖓ ᓯᑎᔪᑎᑐᑦ ᐊᐅᓚᔪᓐᓃᕐᐳᖅ.

ᒨᓯᓯ ᐂᑉᐸᖏᑦ 7:19

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ, ‘ᐊᔭᐅᑉᐱᐊᑦ ᑎᒍᓗᒍ ᐃᓵᓚᐅᕆᑦ ᐄᑦᔨᑉᑎᐅᑉ ᐃᒪᖏᓐᓄᑦ, ᑰᖏᓐᓄᑦ, ᑰᓕᐊᕆᓯᒪᔪᓄᓪᓗ, ᑕᓯᖏᓐᓄᓪᓗ, ᐃᒥᕐᑕᕐᕕᖁᑎᖏᓐᓄᓪᓗ ᑕᒤᓐᓄᑦ, ᑕᒪᕐᒥᒃ ᐊᐅᖑᓕᖁᓪᓗᒋᑦ; ᐄᑦᔨᑉᑎᐅᑉ ᓄᓇᖓ ᑕᒪᕐᒥᑦᓯᐊᖅ ᑕᕝᕙ ᐊᐅᓐᖑᕐᓂᐊᕐᐳᖅ, ᐊᒡᓛᑦ ᕿᔪᐃᑦ ᐃᒪᖃᐅᑏᑦ ᐅᔭᕅᓪᓗ ᐃᒪᖃᐅᑏᑦ ᑕᒪᕐᒥᒃ ᐊᐅᓐᖑᕐᓂᐊᕐᐳᑦ.’”

ᐂᓮᐊᓯᐅᑉ ᐊᒡᓚᖏᑦ 23:11

ᐊᑕᓂᐅᑉ ᐊᒡᒐᓂ ᐃᓴᖕᒪᒋᑦ ᑕᕆᐅᑉ ᓇᓛᓄᑦ ᐊᖓᔪᖅᑳᕐᔪᐊᖃᕐᕖᑦ ᐊᓯᕈᕐᓗᒋᑦ; ᐊᑕᓂᐅᑉ ᐱᖁᔨᓂᖓᓄᑦ ᑬᓇᓂᒥᐅᑦ ᑮᓇᐅᔭᓕᐅᕐᕕᒋᓐᓂᕐᐹᖏᑦ ᐊᓯᕈᕐᑕᐅᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 43:16

ᐊᑕᓂᖅ ᐃᒫᒃ ᐅᖃᕐᐳᖅ, “ᐊᖅᑯᑎᑖᕐᑎᑦᓯᓚᐅᕐᑐᖅ ᐃᒪᒃᑯᑦ, ᐃᒪᕐᔪᐊᓪᓗ ᐃᓗᐊᒍᑦ ᐱᓱᒡᕕᒋᓂᐊᕐᑕᑦᓯᓐᓂᒃ ᐋᖅᑭᒃᓯᓚᐅᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 44:27

ᑭᓇ ᐅᖃᕐᐸ ᐃᒪᕐᔪᐊᕐᒧᑦ ᐃᑎᔪᒧᑦ, ‘ᓴᓗᐊᓕᕆᑦ! ᑰᖁᑎᑎᓪᓗ ᐃᒪᖃᕈᓐᓁᕐᑎᑦᓱᒪᕙᒃᑲ’;

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:10

ᐃᕝᕕᓂᓐᓈ ᐃᒪᕐᔪᐊᖅ ᐃᒤᕈᑎᑎᓚᐅᕐᐱᐅᒃ? ᐃᒪᕐᐱᒃ ᐃᑎᔪᖅ; ᐊᖅᑯᑎᓕᐅᕐᓗᑎᑦ ᐃᒪᕐᔪᐊᒃᑯᑦ, ᓂᐅᕕᐊᖑᓪᓗᑎᒃ ᐅᑎᕐᑎᑕᐅᓯᒪᔪᑦ ᐊᖅᑯᑎᖃᕐᓗᑎᒃ ᐃᑳᕈᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 51:15

ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᒪᕐᔪᐊᓂᒃ ᒪᓪᓕᕐᑎᑦᓯᔪᓐᓇᕐᑐᖅ ᐃᒃᑑᓕᔮᕐᑎᓪᓗᒋᓪᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ ᐊᑎᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 63:12

ᑕᓕᖓ ᐱᓐᓇᕐᓇᕐᑐᖅ ᒨᓯᓯᐅᑉ ᐊᒡᒐᖓᑕ ᑕᓕᕐᐱᐊᓂᒃ ᑎᒍᒥᐊᓚᐅᕐᑐᖅ. ᐃᒪᕐᒥᒃ ᓵᖓᓐᓂ ᐊᕕᑎᑦᓯᓚᐅᕐᑐᖅ, ᐃᓱᖃᖏᑦᑐᒧᑦ ᖃᐅᔨᒪᔭᐅᑦᔪᑎᒋᓂᐊᓕᕐᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 63:13

ᐃᑎᔪᒃᑯᑦ ᑕᓯᐅᕐᓯᓚᐅᕐᑐᖅ ᑖᒃᑯᓂᖓ ᕿᒧᒃᓯᐅᑎᒃᑰᕐᑐᑎᑐᑦ ᓄᓇᒃᑯᑦ ᓱᓇᖃᖏᑦᑐᒃᑯᑦ ᓯᐅᕅᓐᓇᕐᒥ, ᐹᓪᓚᓚᐅᕋᑎᒡᓗ.

ᕼᐊᐸᑲᐅᑉ ᐊᒡᓚᖏᑦ 3:8

ᐊᑕᓃᖅ, ᑰᖕᒧᑦ ᓂᓐᖓᒃᑎᑕᐅᕖᑦ? ᐃᒪᕕᖕᒧᑦ ᓂᓐᖓᕕᒡᔪᐊᕐᑎᑕᐅᕖᑦ? ᓄᕗᔧᑦ ᖄᖏᑎᒍᑦ ᐃᑭᒪᒐᕕᑦ; ᓯᓚᕐᓂᕐᓗᐃᓪᓗ ᓄᕗᔭᑦ ᕿᒧᒃᓯᐅᑎᒋᕙᑎᑦ ᐊᒃᓴᓗᐊᓕᒃᑎᑐᑦ, ᑕᒪᒃᑯᑎᒎᓇᕐᓗ ᓵᓚᖃᕐᑎᑦᓯᓪᓗᑎᑦ ᐃᓄᖁᑎᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:36

ᑖᑦᓱᒪ ᐃᓄᐃᑦ ᐊᐅᓪᓚᕈᑎᓚᐅᕐᐰᑦ ᐄᑦᔨᑉᑎᒥᑦ, ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᖃᑦᑕᕐᓗᓂ ᐄᑦᔨᑉᑎᒥ, ᐃᒪᕐᒥ ᐊᐅᐸᓗᒃᑕᒥ, ᓄᓇᒥᓗ ᐃᓄᖃᖏᑦᑐᒥ ᐊᕐᕌᒍᑦ 40 ᓈᓪᓗᒋᑦ.

ᔮᓱᐊᑉ ᐊᒡᓚᖏᑦ 2:10

ᑐᓴᐅᒪᒐᑦᑕ ᐊᑕᓂᐅᑉ ᐃᒪᖅ ᐊᐅᐸᓗᒃᑕᖅ ᓴᓗᐊᕐᑎᓚᐅᕐᒪᒍ ᐊᐅᓪᓚᕐᑎᓪᓗᓯ ᐄᑦᔨᑉᑎᒥᑦ, ᑐᓴᓚᐅᕆᕗᒍᑦᑕᐅᖅ ᑐᖁᕅᓂᕆᓚᐅᕐᑕᑦᓯᓐᓂᒃ ᓮᕼᐆᓂᒥᐅᓂᒃ ᐋᒡᒥᐅᓂᒡᓗ ᑖᒃᑯᐊᓗ ᐊᖓᔪᖅᑳᕐᔪᐊᒃ ᒪᕐᕉᒃ ᐊᒧᕅᑎᒥᐅᑕᖅ ᐋᒡᒥᐅᑕᕐᓗ ᑐᖁᕋᕐᑕᐅᓚᐅᕐᓂᖏᓐᓂᒃ ᓄᖑᑕᐅᓪᓗᑎᒃ ᔪᐊᕐᑕᓂᐅᑉ ᐅᖓᑖᓂ.

ᔮᓱᐊᑉ ᐊᒡᓚᖏᑦ 3:17

ᐃᓄᐃᑦ ᐃᑳᕐᑎᓪᓗᒋᑦ ᓄᓇᒃᑯᑦ ᓴᓗᐊᒪᔪᒃᑰᓚᐅᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓂ ᓄᖅᑲᖓᓚᐅᕐᐳᑦ ᐃᓅᖃᑎᒌᒡᔪᐊᑦ ᐃᑳᕇᓚᐅᖏᓐᓂᖏᓐᓂ.

ᔮᓱᐊᑉ ᐊᒡᓚᖏᑦ 4:23

ᐊᑕᓂᐅᑉ ᒎᑎᑦᓯ ᔪᐊᕐᑕᓂᐅᑉ ᐃᒪᖓ ᓴᓗᐊᕐᑎᓚᐅᕐᒪᒍ ᐃᑳᕇᓚᐅᖅᑳᕐᑎᓐᓇᓯ ᔪᐊᕐᑕᓂᐅᑉ ᑰᖓᓂᒃ, ᑍᒫᑦᓮᓐᓇᖅ ᐊᑕᓂᐅᑉ ᒎᑎᑦᓯ ᐃᒪᖅ ᐊᐅᐸᓗᒃᑕᖅ ᓴᓗᐊᕐᑎᓚᐅᕐᒪᒍ ᐃᑳᕐᑐᐃᓐᓇᐅᓛᐅᖅᑳᕐᑎᓐᓇᑕ.