ᒨᓯᓯ ᐂᑉᐸᖏᑦ 13:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᒎᑎᐅᓪᓕ ᐃᓄᐃᑦ ᑕᓯᐅᓚᐅᕐᐰᑦ ᐃᓄᖃᖏᑦᑐᒃᑯᑦ ᓂᒍᕈᑎᓪᓗᓂᒋᑦ ᐃᒪᖅ ᐊᐅᐸᓗᒃᑕ ᑐᕌᕐᓗᒍ. ᐃᓴᕆᐊᓕᒥᐅᓪᓗ ᑕᐸᐅᓐᖓᓚᐅᕐᐳᑦ ᐄᑦᔨᑉᑎᐅᑉ ᓄᓇᖓᓂᑦ ᐊᓂᓪᓗᑎᒃ ᐅᓇᑕᕐᓂᕐᒧᑦ ᐅᐸᓗᖎᔭᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 13:18 Iomraidhean Croise

ᒨᓯᓯ ᓯᕗᓪᓖᑦ 50:25

ᑕᕝᕙ ᔫᓯᐱ ᐅᖃᕕᖁᔨᕗᖅ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᐅᖃᕐᓗᓂ, “ᒎᑎᐅᑉ ᑎᑭᕝᕕᒋᔪᒫᕐᒪᓯ, ᑕᕝᕙ ᓴᐅᓂᒃᑲ ᓇᒃᓴᕆᐊᖃᕈᒫᕐᐸᓯ ᑕᒫᓐᖓᑦ ᐊᐅᓪᓚᓕᕈᑦᓯ.”

ᐃᓐᖏᕈᑎᑦ 107:7

ᑕᓯᐅᓚᐅᕐᐰᓪᓗ ᐊᖅᑯᑎᒃᑯᑦ ᑕᒻᒪᕐᓇᖏᑦᑐᒃᑯᑦ, ᐃᒡᓗᒐᓴᖕᓄᑦ ᑎᑭᐅᑎᖁᓪᓗᒋᑦ ᐃᓂᒃᓴᕆᔪᓐᓇᕐᓂᐊᓕᕐᑕᒥᖕᓄᑦ.

ᐃᓐᖏᕈᑎᑦ 136:16

ᐃᓄᖁᑎᒥᓂᒃ ᑕᓯᐅᕐᓯᓚᐅᕐᑐᖅ ᐱᕈᕐᑐᖃᖏᑦᑐᒃᑯᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 68:8

ᓄᓇ ᓴᔪᓚᐅᕐᐳᖅ, ᕿᓔᓪᓗ ᑯᕕᓚᐅᕐᐳᑦ ᓯᓚᓗᖕᒥᒃ, ᒎᑎᐅᑉ ᓇᔪᕐᓂᖓᓄᑦ; ᓮᓁᓗᑦᑕᐅᖅ ᓴᔪᓚᐅᕆᕗᖅ ᒎᑎᐅᑉ ᓇᔪᕐᓂᖓᓄᑦ, ᐃᓴᕆᐊᓕᑏᑦ ᒎᑎᖓᓐᓄᑦ.

ᒨᓯᓯ ᐂᑉᐸᖏᑦ 12:51

ᑕᕝᕙᓂᓗ ᐅᓪᓗᒥ ᓇᓪᓕᐅᓐᓂᕐᓯᐅᕐᕕᖕᒥ ᐃᓴᕆᐊᓕᒥᐅᑦ ᐃᓄᖏᑦ ᐊᑕᓂᐅᑉ ᐄᑦᔨᑉᑎᒥᑦ ᐊᓂᑎᓚᐅᕐᐰᑦ ᑎᒍᔭᐅᓯᒪᕕᒋᔭᖏᓐᓂᑦ.

ᒨᓯᓯ ᐂᑉᐸᖏᑦ 14:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ ᐅᑎᕐᓗᑎᒃ ᓯᓂᒃᑕᖁᓗᒋᑦ ᐰ-ᕼᐊᕼᐃᕋᑎᒥ, ᓄᓇᐅᑉ ᒥᒡᑐᓕᐅᑉ ᐃᒪᐅᓪᓗ ᐊᐅᐸᓗᒃᑕᒥᒃ ᐊᑎᓕᐅᑉ ᐊᑯᓐᓂᖓᓃᑦᑐᒥ, ᐰᓕ-ᔨᐸᓂᐅᑉ ᖃᓂᒋᔭᖓᓃᑦᑐᒧᑦ.

ᒨᓯᓯ ᐂᑉᐸᖏᑦ 14:9

ᐄᑦᔨᑉᑎᒥᐅᓪᓕ ᐅᓇᑕᕐᑐᒃᓴᖁᑎᖏᑦ ᕿᒻᒥᕐᔪᐊᒥᖕᓄᑦ ᕿᒧᒃᓯᐅᑎᓄᓪᓗ ᐊᒃᓴᓗᐊᓕᖕᓄᑦ ᒪᓕᒃᑲᒥᒃ ᐊᓐᖑᑎᓕᕐᐳᑦ ᐃᓴᕆᐊᓕᒥᐅᑦ ᑕᖕᒫᕐᓯᒪᕕᒋᔭᖓᓐᓂ ᐃᒪᐅᑉ ᐊᐅᐸᓗᒃᑕᐅᑉ ᓴᓂᐊᓂ ᐰ-ᕼᐊᕼᐃᕋᑎᐅᑉ ᐰᓕ-ᔨᐸᓂᐅᑉ ᖃᓂᒋᔭᖓᓂ.

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᒨᓯᓯ ᑕᓪᓕᒪᖏᑦ 32:10

ᑖᑦᓱᒪ ᓇᓂᓚᐅᕐᐹ ᐃᓄᖃᖏᑦᑐᒦᑎᓪᓗᒍ, ᓱᓇᖃᖏᑦᑐᒥ, ᐊᓄᕌᖏᓐᓇᕐᑐᒥ ᐃᓄᖃᖏᑦᑐᒥ; ᑖᑦᓱᒪ ᐊᕙᓗᓯᒪᓚᐅᕐᐹ ᓴᐳᑎᓯᒪᓪᓗᒍ ᑲᒪᒋᑦᓯᐊᕐᓗᒍᓗ, ᓴᐳᑎᓯᒪᓚᐅᕐᐹ ᐃᒻᒥᓂᒃ ᓴᐳᑎᓯᒪᒐᔭᕐᓂᕐᒥᑐᑦ.

ᔮᓱᐊᑉ ᐊᒡᓚᖏᑦ 1:14

ᓄᓕᐊᓯ, ᕿᑐᕐᖓᓯ, ᐆᒪᔪᖁᑎᓯᓗ ᑕᒫᓃᓐᓂᐊᕐᐳᑦ ᒨᓯᓯᐅᑉ ᑐᓂᓚᐅᕐᑕᖓᓂ ᔪᐊᕐᑕᓂᐅᑉ ᐊᑭᐊᓂ, ᐅᓇᑕᕐᑐᒃᓴᖁᑎᓯᓕ ᐅᓇᑕᐅᑎᒥᓂᒃ ᐊᑎᓂᐊᕐᐳᑦ, ᐃᑳᕐᓗᑎᒡᓗ ᓯᕗᓪᓕᐅᓗᑎᒃ ᐃᓴᕆᐊᓕᒥᐅᖑᖃᑎᒥᖕᓂᒃ ᐃᑲᔪᕆᐊᕐᓗᑎᒃ.

ᔮᓱᐊᑉ ᐊᒡᓚᖏᑦ 4:12

ᕉᐱᓂᐅᑉ ᑭᖑᕚᖏᑦ, ᒑᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑦᑕ ᐊᕝᕙᖏᑦ ᑖᒃᑯᐊ ᐅᓇᑕᐅᑎᓖᑦ ᐃᑳᖅᑳᓚᐅᕐᐳᑦ ᐊᑐᐃᓐᓇᐅᓪᓗᑎᒃ ᐅᓇᑕᕐᓂᕐᒧᑦ, ᒨᓯᓯᐅᑉ ᑍᒫᒃ ᐅᖃᐅᑎᓚᐅᕐᓯᒪᖕᒪᒋᑦ.

ᔮᓱᐊᑉ ᐊᒡᓚᖏᑦ 4:13

ᐊᑕᓂᐅᑉ ᓵᖓᓂ ᐊᖑᑏᑦ 40,000ᓮᑦ ᐅᓇᑕᕐᓂᕐᒧᑦ ᐊᑐᐃᓐᓇᐅᓚᐅᕐᐳᑦ ᐃᑳᕐᓗᑎᒡᓗ ᓇᑎᕐᓇᒧᑦ ᔨᕆᑰᑉ ᖃᓂᒋᔮᓄᑦ.