ᒨᓯᓯ ᐂᑉᐸᖏᑦ 13:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ.

ᒨᓯᓯ ᐂᑉᐸᖏᑦ 13:14 Iomraidhean Croise

ᒨᓯᓯ ᓯᕗᓪᓖᑦ 30:33

ᓯᕗᓂᑦᑎᓐᓂ ᑕᒪᓐᓇ ᖃᐅᔨᒐᔭᕐᐸᑦ ᓱᓕᑦᓯᐊᕐᓗᖓ ᐱᓕᕆᓐᓂᕐᒪᖔᕐᒪ, ᑕᒪᒃᑯᐊᓗ ᐊᑭᓕᕐᑕᐅᑦᔪᑎᒋᔭᒃᑲ ᕿᒥᕐᕈᐊᓕᕈᕕᒋᑦ, ᒎᑦᓯᖁᑎᖃᕈᒪ ᑕᕐᓴᒐᓛᖃᖏᑦᑐᒥᒃ ᐅᕝᕙᓗ ᐅᑭᓕᕆᐊᖏᑦᑐᒥᒃ ᐅᕝᕙᓘᓐᓃᑦ ᓰᐱᒥᒃ ᓇᓪᓕᐊᓐᓂᑐᐃᓐᓇᖅ ᕿᕐᓂᐅᖏᑦᑐᒥᒃ, ᑕᕝᕙ ᖃᐅᔨᒐᔭᕐᐳᑎᑦ ᑎᒡᓕᒐᕕᓂᐅᓂᖓᓂᒃ.”

ᑯᕉᓂᑲ ᓯᕗᓪᓖᑦ 16:12

ᑲᒪᓇᕐᑐᓕᓃᑦ ᐱᓂᐊᕐᓂᕆᓚᐅᕐᑕᖏᑦ ᐃᖅᑲᐅᒪᓯᒋᒃ, ᓇᓗᓁᒃᑯᑍᑦ ᓴᖅᑭᑎᓚᐅᕐᑕᖏᑦ, ᐋᖅᑭᒃᓱᐃᓂᖏᓪᓗ ᐅᖃᐅᓯᒃᑯᑦ,

ᓂᕼᐃᒤᐊᐅᑉ ᐊᒡᓚᖏᑦ 1:10

“ᑖᒃᑯᐊ ᐱᔨᒋᒐᕕᒋᑦ ᐃᓄᖁᑎᒋᓪᓗᒋᓪᓗ, ᐱᔪᓐᓇᕐᓂᕐᔪᐊᕐᓄᑦ ᐱᐅᓕᓚᐅᕋᕕᒋᑦ, ᓴᓐᖏᓂᕐᔪᐊᕐᓄᓪᓗ.

ᐃᓐᖏᕈᑎᑦ 136:11

ᐃᓴᕆᐊᓕᒃᑯᓐᓂᒡᓗ ᐊᐅᓪᓚᕐᑎᑦᓯᓚᐅᕐᑐᖅ ᑕᕝᕙᓐᖓᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 145:4

ᑭᖑᕚᕇᑦ ᐱᓂᐊᕐᓂᑎᑦ ᓂᕐᑐᕈᒫᕐᐰᑦ ᑭᖑᕚᕇᖑᔪᑦ ᑭᖑᓪᓕᖏᓐᓄᑦ ᑎᑭᓪᓗᒋᑦ, ᓇᓗᓁᕐᓯᔪᒫᕐᐳᓪᓗ ᐱᓂᐊᕐᓂᕐᐱᑦ ᑲᒪᓇᕐᑐᕐᔪᐊᖑᓂᖏᓐᓂᒃ.

ᐃᓐᖏᕈᑎᑦ 78:4

ᑕᒪᒃᑯᐊ ᐃᔨᕐᓯᒪᓂᐊᓐᖏᓚᕗᑦ ᕿᑐᕐᖓᖏᓐᓄᑦ, ᑭᖑᕚᓄᑦ ᐃᓅᔪᒫᕐᑐᓄᑦ ᐅᖃᐅᓯᐅᓕᑦ ᐊᑕᓂᐅᑉ ᐱᓐᓇᕐᓇᕐᑐᕐᔪᐊᑦ ᐱᓂᐊᕐᓯᒪᔭᖏᑦ, ᓴᓐᖏᔫᓂᖓ, ᐱᓂᐊᕐᓂᖏᓪᓗ ᑲᒪᓇᕐᑐᑦ ᐱᓂᐊᖃᑦᑕᕐᓯᒪᔭᖏᑦ.

ᒨᓯᓯ ᐂᑉᐸᖏᑦ 10:2

ᐊᒻᒪᑦᑕᐅᖅ ᐅᖃᐅᓯᖃᕈᓐᓇᖁᓪᓗᑎᑦ ᕿᑐᕐᖓᕐᓄᑦ ᕿᑐᕐᖓᕕᓪᓗ ᕿᑐᕐᖓᖏᓐᓄᑦ ᖃᓄᖅ ᐄᑦᔨᑉᑎᒥᐅᓂᒃ ᐱᓐᖑᐊᖃᑐᐃᓐᓇᕐᑑᔮᓚᐅᕐᓂᓐᓂᒃ ᖃᓄᕐᓗ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᒪᖔᕐᒪ ᑖᒃᑯᑎᒎᓇᖅ; ᑕᒪᑦᓯ ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ.”

ᒨᓯᓯ ᐂᑉᐸᖏᑦ 12:41

ᑖᒃᑯᐊ ᐊᕐᕌᒍᑦ 430 ᓈᑎᓪᓗᒋᑦ ᐃᓅᖃᑎᒌᑦ ᐊᑕᓂᐅᑉ ᐃᓄᖁᑎᒋᔭᖏᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᔪᐃᓐᓇᐅᓕᓚᐅᕐᐳᑦ.

ᒨᓯᓯ ᐂᑉᐸᖏᑦ 13:3

ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᒨᓯᓯ ᐂᑉᐸᖏᑦ 13:8

ᐅᓪᓗᒥᓗ ᑕᕝᕙᓂ ᐃᕐᓂᓯ ᐅᓂᒃᑲᐅᑎᔭᒃᓴᕆᕙᓯ, ‘ᐊᑕᓂᐅᑉ ᐱᓇᓱᐊᕐᓯᒪᓂᖓᓄᑦ ᑭᓯᐊᓂ ᑕᕝᕙ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᕗᖓ.’

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 6:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᑕᑯᓂᐊᕐᐳᑎᑦ ᐰᕉᒧᑦ ᖃᓄᐃᓕᐅᕐᓂᕆᓂᐊᕐᑕᓐᓂᒃ; ᐱᔪᓐᓇᕐᓂᕐᔪᐊᒥᓄᑦ ᐃᓄᖁᑎᒃᑲ ᐊᐅᓪᓚᕐᑎᓐᓂᐊᕐᐰᑦ, ᐱᔪᓐᓇᕐᓂᕐᔪᐊᒥᓄᑦ ᓄᓇᒥᓂᑦ ᐊᐅᓪᓚᕐᑎᓐᓂᐊᕐᐰᑦ.”

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 34:13

“ᐃᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᓯᕗᓕᓯ ᐊᖏᖃᑎᒌᒍᑎᒥᒃ ᐋᖅᑭᒃᓯᖃᑎᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒃᑭᑦ ᑎᒍᔭᐅᓯᒪᕕᒋᓚᐅᕐᑕᖏᓐᓂᑦ. ᐅᖃᕐᓗᖓᓗ;

ᑖᓂᐊᓕᐅᑉ ᐊᒡᓚᖏᑦ 9:15

“ᒫᓐᓇᓕ ᐊᑕᓃᖅ, ᐃᓄᖁᑎᖕᓂᒃ ᐊᐅᓪᓚᕐᑎᑦᓯᓚᐅᕐᑐᑎᑦ ᐄᑦᔨᑉᑎᒥᑦ ᐊᒡᒐᕕᑦ ᐱᔪᓐᓇᕐᓂᖓᓄᑦ ᐊᑏᓪᓗ ᓱᖁᓯᕐᓂᐊᖏᒻᒪᑦ ᐅᓪᓗᒥᒧᑦ ᑎᑭᓪᓗᒍ, ᐱᐅᖏᑦᑐᓕᓯᒪᒐᑦᑕ, ᑕᒻᒪᕐᓯᒪᔪᐊᓘᒐᑦᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 13:17

ᐃᓄᐃᑦ ᐃᓴᕆᐊᓕᒥᐅᑦ ᒎᑎᖓᑦᑕ ᓯᕗᓕᕕᓂᕗᑦ ᓂᕈᐊᓚᐅᕐᐰᑦ, ᐃᓄᒋᐊᒃᑐᐊᓘᓕᕐᑎᓚᐅᕐᐰᑦ ᐄᑦᔨᑉᑎᒥ ᓄᓇᖃᕐᑎᓪᓗᒋᑦ, ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᐰᑦ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 5:15

ᐃᖅᑲᐅᒪᓚᐅᕆᑦᓯ ᓯᐊᓛᕆᔭᐅᓚᐅᕐᓂᑦᓯᓐᓂᒃ ᓄᓇᒥ ᐄᑦᔨᑉᑎᒥ, ᐅᕙᖓᓗ, ᐊᑕᓂᖅ ᒎᑎᒋᔭᓯ ᐃᓕᑦᓯᓐᓂᒃ ᓴᐳᑦᔨᓚᐅᕐᐳᖓ ᐱᔪᓐᓇᕐᓂᕐᔪᐊᓐᓄᑦ ᓴᓐᖏᓂᕐᔪᐊᓐᓄᓪᓗ. ᑍᒤᒻᒪᑦ ᑕᕝᕙ ᑲᒪᑦᓯᐊᖁᓪᓗᓯ ᐱᖁᕙᑦᓯ ᐅᓪᓗᒥᒃ ᓴᐸᑎᒥᒃ.

ᒨᓯᓯ ᑕᓪᓕᒪᖏᑦ 5:6

‘ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᓴᐳᑎᓚᐅᕐᐸᑦᓯ, ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᔮᓱᐊᑉ ᐊᒡᓚᖏᑦ 22:24

ᑍᒫᒃ ᐱᓂᐊᓚᐅᕐᐳᒍᑦ ᑲᑉᐱᐊᓱᓚᐅᕋᑦᑕ ᓯᕗᓂᒃᓴᑦᑎᓐᓂᒃ ᑭᖑᕚᓯ ᐅᖃᑐᐃᓐᓇᕆᐊᖃᕐᒪᑕ ᑭᖑᕚᑦᑎᓐᓄᑦ ᐃᒫᒃ, ‘ᐊᑕᓂᖃᕋᓱᒋᕕᓰ ᐃᓴᕆᐊᓕᒥᐅᑦ ᒎᑎᖓᓐᓂᒃ?

ᔮᓱᐊᑉ ᐊᒡᓚᖏᑦ 24:17

ᐊᑕᓂᐅᑉ ᒎᑎᑦᑕ ᐊᐅᓪᓚᕐᑎᓚᐅᕐᐹᑎᒍᑦ ᓯᕗᓕᕗᓪᓗ ᓄᓇᒥᑦ ᐄᑦᔨᑉᑎᒥᑦ, ᑎᒍᔭᐅᓯᒪᕕᖕᒦᑎᓪᓗᒋᑦ ᐄᑦᔨᑉᑎᒥᑦ, ᑖᑦᓱᒪᓗ ᑲᒪᓇᕐᑐᓕᓂᕐᔪᐊᖏᑦ ᑕᑯᓚᐅᕐᐸᕗᑦ ᐱᓂᐊᕐᓂᕆᓚᐅᕐᑕᖏᓪᓗ, ᐅᐸᒃᑕᓕᒫᑦᑎᓐᓂᓗ ᓴᐳᑎᖃᑦᑕᓚᐅᕐᐹᑎᒍᑦ, ᐃᓅᖃᑎᒌᒡᔪᐊᓂᓪᓗ ᐊᖅᑯᓵᕐᑕᓕᒫᑦᑎᓐᓂᑦ.

ᔮᓱᐊᑉ ᐊᒡᓚᖏᑦ 4:6

ᑖᒃᑯᐊ ᐅᔭᕅᑦ ᓇᓗᓁᒃᑯᑕᐅᔪᒫᕐᒪᑕ ᐃᓄᖕᓄᑦ ᐊᑕᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ, ᕿᑐᕐᖓᑦᓯᓐᓄᑦ ᐊᐱᕆᔭᐅᒍᑦᓯ ᖃᓄᖅ ᑖᒃᑯᐊ ᐅᔭᕅᑦ ᑐᑭᖃᕐᒪᖔᑕ,

ᐃᓗᐊᕐᓮᔩᑦ ᐊᒡᓚᖏᑦ 2:12

ᐊᑕᓂᖅ ᑲᒪᒋᔪᓐᓃᕐᐹᑦ, ᓯᕗᓕᖏᑦᑕ ᒎᑎᖓᑦ, ᐊᐅᓪᓚᕐᑎᑦᓯᓚᐅᕐᑐᖅ ᑖᒃᑯᓂᖓ ᐄᑦᔨᑉᑎᒥᑦ: ᑐᒃᓯᐊᖃᑦᑕᓕᓚᐅᕐᐳᓪᓗ ᒎᑎᐅᑉ ᐊᓯᖏᓐᓄᑦ, ᐃᓄᐃᑦ ᓄᓇᖅᑲᑎᒋᔭᒥ ᒎᑎᖏᓐᓄᑦ. ᐹᒻᒪᒃᑎᕐᕕᒋᓪᓗᒋᓪᓗ; ᐊᑕᓂᕐᒥᒡᓗ ᓂᓐᖓᒃᓮᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 6:8

ᐊᑕᓂᐅᑉ ᑎᓕᓯᕕᒋᓚᐅᕐᐰᑦ ᐅᖃᕐᑎᒥᓂᒃ ᐃᓴᕆᐊᓕᒥᐅᓄᑦ; ᐅᖃᐅᑎᓪᓗᒋᑦ, ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ: “ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᓯᐊᓛᖑᕕᒋᓚᐅᕐᑕᑦᓯᓐᓂᑦ.