ᒨᓯᓯ ᐂᑉᐸᖏᑦ 13:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓯᐅᑎᖅᑯᕐᑐᔪᒥᓪᓗ ᐃᕐᓂᐊᖑᖅᑳᕐᑐᑦ ᑕᐅᕐᓯᕐᑕᐅᖔᕈᓐᓇᕐᐳᑦ ᓄᕐᕋᐅᔭᕐᒧᑦ, ᐅᕝᕙᓗ ᑕᐅᕐᓯᐅᑎᓂᐊᖏᒃᑯᑦᓯᐅᒃ ᑐᖁᑕᒃᓴᕆᕙᓯ. ᐊᖑᑎᓕᒫᑦ ᐃᕐᓂᐊᖑᖅᑳᕐᓯᒪᔪᑦ ᑕᐅᕐᓯᕐᑕᐅᑎᑦᓱᓐᓇᕐᐸᓯ.

ᒨᓯᓯ ᐂᑉᐸᖏᑦ 13:13 Iomraidhean Croise

ᒨᓯᓯ ᐂᑉᐸᖏᑦ 12:21

ᐃᓴᕆᐊᓕᒥᐅᑦ ᐊᖓᔪᖅᑳᕆᔭᓕᒫᖏᑦ ᒨᓯᓯᐅᑉ ᑲᑎᖃᑎᒋᔪᒪᕔᑦ, ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᑐᓂᑦ ᓄᕐᕋᐅᔭᒥᒃ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐱᓗᓯ ᑐᖁᑦᓯᔭᕆᐊᖃᕐᐳᓯ, ᐃᒡᓗᒥᐅᖃᑎᒌᖑᔪᓯᒍᑦ ᑐᖁᓐᓇᕐᑐᒧᑦ ᖄᖏᕐᑕᐅᑦᔪᑎᒋᔭᑦᓯᓐᓂᒃ ᓂᕆᕕᒃᔪᐊᕈᑎᖃᕐᓂᐊᕋᑦᓯ.

ᒨᓯᓯ ᐂᑉᐸᖏᑦ 12:3

ᐃᓴᕆᐊᓕᒥᐅᓕᒫᑦ ᐅᖃᐅᑎᓚᐅᒃᑭᑦ ᑕᕝᕙᓂ ᑕᖅᑭᒥ ᐅᓪᓗᑦ 10ᒋᓕᕐᐸᒍ ᐊᖑᑎᑦ ᐃᒡᓗᖃᕐᑐᓕᒫᑦ ᐊᑐᓂᑦ ᓄᕐᕋᐅᔭᕐᒥᒃ ᐊᑕᐅᓯᕐᒥᒃ ᑎᒍᓯᔪᒃᓴᐅᕗᑦ, ᐃᒡᓗᒥᐅᖃᑎᒌᓄᑦ ᐊᑕᐅᓯᕐᓄᑦ ᓄᕐᕋᐅᔭᖅ ᐊᑕᐅᓯᖅ ᑐᕌᖓᖁᓪᓗᒍ;

ᒨᓯᓯ ᐂᑉᐸᖏᑦ 13:2

“ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᐅᔪᒃᓴᐅᕗᑦ ᐅᕙᓐᓄᑦ; ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᐃᓴᕆᐊᓕᒥᐅᓂ ᐆᒪᔪᓂᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑕᒪᕐᒥᒃ ᐱᖁᑎᒋᕙᒃᑲ.”

ᒨᓯᓯ ᐂᑉᐸᖏᑦ 34:20

ᓯᐅᑎᖅᑯᕐᑐᔫᓪᓕ ᐃᕐᓂᐊᕆᖅᑳᕐᑕᖏᑦ ᑕᐅᕐᓯᐅᑎᔪᓐᓇᕐᐸᓯ ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᖔᕐᓗᓯ ᑖᑦᓱᒥᖓ ᐃᓇᖐᑎᖔᕐᓗᒍ, ᑭᓯᐊᓂᓕ ᑕᐅᕐᓯᐅᑎᓂᐊᖏᒃᑯᑦᓯᐅᒃ, ᖁᖓᓯᖓ ᓇᑲᑕᒃᓴᕆᕙᓯ, ᐊᖑᑎᓕᒫᑦ ᐃᕐᓂᐊᖑᖅᑳᕐᑐᑦ ᑕᐅᕐᓯᒐᒃᓴᕆᕙᓯ. “ᓇᓪᓕᐊᓐᓂᒡᓘᓐᓃᑦ ᑐᓂᕐᕈᓯᖏᑦᑐᒥᒃ ᓵᓐᓄᑦ ᓴᖅᑭᑦᑐᖃᕐᑐᒃᓴᐅᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,