ᒨᓯᓯ ᐂᑉᐸᖏᑦ 13:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᒃᓴᕆᕙᓯ ᐊᑕᓂᕐᒧᑦ. ᐆᒪᔪᖁᑎᑦᓯᓗ ᐃᕐᓂᐊᕆᖅᑳᕐᑕᖏᑦ ᐊᖑᑎᑦ ᐊᑕᓂᐅᑉ ᐱᖁᑎᒋᕔᑦ.

ᒨᓯᓯ ᐂᑉᐸᖏᑦ 13:12 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 10:36

ᐊᒻᒪ ᒎᑎᐅᑉ ᐃᒡᓗᖓᓄᑦ ᐂᑎᑦᓯᖃᑦᑕᕐᓂᐊᕐᐳᒍᑦ, ᓯᕗᓪᓕᕐᐹᒥᒃ ᐃᕐᓂᕐᑖᕆᔭᑦᑎᓐᓂᒃ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒦᑦᑐᓄᑦ ᒎᑎᒧᑦ ᑐᓂᕐᕈᑎᒋᓗᒋᑦ, ᑍᒫᒃ ᐱᖁᔭᑦᑎᓐᓂ ᐱᖁᔭᐅᓂᕗᑦ ᒪᓕᒡᓗᒍ, ᐃᒻᒧᒃᓯᐅᒐᖁᑎᑦᑕᓗ ᓰᐱᖁᑎᑦᑕᓗ ᒎᑦᓯᖁᑎᑦᑕᓗ ᓯᕗᓪᓕᕐᐹᒥᒃ ᐃᕐᓂᐊᕆᖅᑳᕐᑕᖏᓐᓂᒃ ᑐᓂᕐᕈᑎᖃᖃᑦᑕᕈᒪᓪᓗᑕ, ᒎᑎᑦᑕ ᐃᒡᓗᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 10:37

ᓂᐊᖂᔭᒃᓴᖁᑎᑦᑕᓗ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᑐᓂᕐᕈᑎᒋᖃᑦᑕᕐᓂᐊᕐᐸᕗᑦ, ᓇᐹᕐᑐᐃᓪᓗ ᖃᓄᐃᑦᑐᑐᐃᓐᓁᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᓯᕗᓪᓕᕐᐹᒥᒡᓗ ᕔᓂᓐᖑᕐᑐᓂᒃ ᐅᕐᓱᒃᓴᓂᒡᓗ, ᑐᓂᕐᕈᓯᕐᑎᑦᓯᔨᓄᑦ ᑐᓂᓗᒋᑦ, ᒎᑎᑦᑕ ᐃᒡᓗᖓᑕ ᓱᓇᑐᐃᓐᓇᖃᐅᑎᖓᓄᑦ ᐃᓕᔭᐅᖁᓪᓗᒋᑦ. ᓄᓇᖁᑎᑦᑕᓗ ᑕᓪᓕᒪᐅᔪᖏᑦ ᑐᓂᓂᐊᕐᐸᕗᑦ ᓕᕔᑎᓄᑦ, ᓕᕔᑎᓪᓗ ᑎᒍᓯᖁᓪᓗᒋᑦ ᐱᕈᕐᓰᕕᖁᑎᑦᑕ ᐱᕈᕐᑎᑕᖏᑕ ᑕᓪᓕᒪᐅᔪᓕᒫᖏᓐᓂᒃ.

ᒨᓯᓯ ᐂᑉᐸᖏᑦ 13:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ,

ᒨᓯᓯ ᐂᑉᐸᖏᑦ 13:2

“ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᐅᔪᒃᓴᐅᕗᑦ ᐅᕙᓐᓄᑦ; ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᐃᓴᕆᐊᓕᒥᐅᓂ ᐆᒪᔪᓂᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑕᒪᕐᒥᒃ ᐱᖁᑎᒋᕙᒃᑲ.”

ᒨᓯᓯ ᐂᑉᐸᖏᑦ 22:28

“ᒎᑎᒥᒃ ᐅᖃᕐᓂᕐᓘᑎᖃᕐᑐᒃᓴᐅᓐᖏᓚᓯ, ᐃᓅᖃᑎᑦᓯᓐᓄᓪᓗ ᐊᖓᔪᖅᑳᖑᔪᒥᒃ ᓯᕗᓂᕐᓗᖁᔨᔪᒃᓴᐅᓐᖏᓚᓯ.

ᒨᓯᓯ ᐂᑉᐸᖏᑦ 22:29

“ᐱᕈᕐᑐᕕᓂᕐᓂᑦ ᑲᑎᕐᓱᐃᓕᕈᑦᓯ ᓯᕗᓪᓕᕐᐹᒥᒃ ᑲᑎᕐᓱᕐᑕᕕᓂᑦᓯ ᐱᐅᓂᕐᐹᖏᓐᓂᒃ ᑐᓂᕐᕈᓯᕐᓇᓵᕐᑐᒃᓴᐅᓐᖏᓚᓯ ᓇᓪᓕᐊᓐᓂᑐᐃᓐᓇᖅ ᐱᕈᕐᑐᕕᓂᕐᓂᑦ. “ᐃᕐᓂᐊᖑᖅᑳᕐᑐᑦ ᐃᕐᓂᓯ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐂᑉᐸᖏᑦ 34:19

“ᐊᖑᑏᑦ ᓯᕗᓪᓕᕐᐹᒥᒃ ᐊᓈᓇᒥᖕᓂᑦ ᐃᕐᓂᐊᖑᔪᑦ ᐆᒪᔪᖁᑎᑦᓯᓐᓂᓗ ᐃᕐᓂᐊᕆᔭᐅᖅᑳᕐᓯᒪᔪᑦ ᐊᖑᑎᓕᒫᑦ ᑕᒪᒃᑯᐊ ᐱᖁᑎᒋᕙᒃᑲ,

ᒨᓯᓯ ᐂᑉᐸᖏᑦ 34:20

ᓯᐅᑎᖅᑯᕐᑐᔫᓪᓕ ᐃᕐᓂᐊᕆᖅᑳᕐᑕᖏᑦ ᑕᐅᕐᓯᐅᑎᔪᓐᓇᕐᐸᓯ ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᖔᕐᓗᓯ ᑖᑦᓱᒥᖓ ᐃᓇᖐᑎᖔᕐᓗᒍ, ᑭᓯᐊᓂᓕ ᑕᐅᕐᓯᐅᑎᓂᐊᖏᒃᑯᑦᓯᐅᒃ, ᖁᖓᓯᖓ ᓇᑲᑕᒃᓴᕆᕙᓯ, ᐊᖑᑎᓕᒫᑦ ᐃᕐᓂᐊᖑᖅᑳᕐᑐᑦ ᑕᐅᕐᓯᒐᒃᓴᕆᕙᓯ. “ᓇᓪᓕᐊᓐᓂᒡᓘᓐᓃᑦ ᑐᓂᕐᕈᓯᖏᑦᑐᒥᒃ ᓵᓐᓄᑦ ᓴᖅᑭᑦᑐᖃᕐᑐᒃᓴᐅᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 16:20

“ᐃᕐᓂᕐᑖᕐᑎᓐᓇᒃᑭᑦ ᐸᓂᒃᑖᕐᑎᓐᓇᒃᑭᓪᓗ ᑐᓂᕐᕈᑎᒋᓚᐅᕐᐸᑎᑦ ᑖᒃᑯᓄᖓ ᓂᕆᔭᐅᖁᓪᓗᒋᑦ. ᐊᓯᓐᓂᐊᖃᑦᑕᕐᓂᑏᑦ ᓱᓇᐅᓐᖏᓗᐊᕐᒪᑕ?

ᐃᓯᑭᐊᓕᐅᑉ ᐊᒡᓚᖏᑦ 44:30

ᑲᑎᕐᓱᕐᑕᐅᔪᓕᒫᑦ ᓯᕗᓪᓕᕐᐹᖏᑕ ᐱᐅᓂᖏᓐᓂᒃ, ᐅᕙᓐᓄᓪᓗ ᑐᓂᔭᐅᔪᓕᒫᓂᒃ ᐊᑦᔨᒌᖏᑦᑐᓂᒃ, ᑐᓂᕐᕈᓯᕐᑎᑦᓯᔩᑦ ᐱᖃᕐᑐᒃᓴᐅᕗᑦ; ᓂᐊᖂᔭᓕᐅᕐᑕᐅᔪᓪᓗ ᓯᕗᓪᓕᕐᐹᖅ ᐆᑕᐅᔪᖅ, ᐊᖏᕐᕋᓯ ᓮᒻᒪᕐᑎᑕᐅᓯᒪᖁᓪᓗᒍ.

ᒨᓯᓯ ᐱᖓᔪᖏᑦ 27:26

“ᓂᕐᔪᑎᐅᑉ ᕿᑐᕐᖓᕐᑖᕆᐅᕈᑎᖓ, ᐃᑦᔪᕐᓁᓕᑎᑕᐅᔪᓐᓇᓐᖏᓚᖅ, ᕿᑐᕐᖓᕐᑖᕐᖓᐅᑎᑦ ᐊᑕᓂᐅᑉ ᐱᒋᔭᕇᕐᒪᒍ, ᐃᒻᒧᒃᓯᐅᒐᕐᓘᓐᓃᑦ ᓰᐱᐅᒃᐸᓪᓘᓐᓃᑦ.

ᒨᓯᓯ ᓯᑕᒪᖏᑦ 18:15

“ᓱᓇᑐᐃᓐᓁᑦ ᐃᕐᓂᐊᕆᔭᐅᖅᑳᕐᑐᑦ ᑎᒥᖃᕐᑐᓕᒫᓄᑦ ᐊᑕᓂᕐᒧᑦ ᑐᓂᔭᐅᔭᕆᐊᖃᕐᐳᑦ, ᐊᑕᓂᕐᒧᑦ ᕾᑦᔪᑎᓗᒋᑦ, ᐃᓅᒃᐸᓪᓘᓐᓃᑦ ᓂᕐᔪᑎᐅᒃᐸᓪᓘᓐᓃᑦ, ᐃᕝᕕᑦ ᐱᒋᔭᕆᐊᖃᕐᐸᑎᑦ; ᑭᓯᐊᓂᓕ ᐃᓄᒃ ᐊᖑᑕᐅᓗᓂ ᐃᕐᓂᐊᕆᔭᐅᖅᑳᕐᐸᑦ ᐅᑎᕐᑎᑕᐅᓪᓚᕆᒋᐊᖃᕐᐳᖅ, ᐃᕐᓂᐊᖑᖅᑳᕐᑐᖅ ᓂᕐᔪᑎ ᓴᓗᒤᑦᑑᒃᐸᑦ ᐅᑎᕐᑎᓴᕆᐊᖃᕐᐸᑦ.

ᒨᓯᓯ ᓯᑕᒪᖏᑦ 3:12

“ᑕᑯᒋᑦ, ᐅᕙᖓ ᓇᖕᒥᓂᖅ ᓕᕔᑎᑦ ᓂᕈᐊᓚᐅᕐᐸᒃᑲ ᐃᓴᕆᐊᓕᐅᑉ ᕿᑐᕐᖓᖏᓐᓂᑦ ᐃᕐᓂᐊᖑᖅᑳᕐᑐᑦ ᐊᖑᑎᑦ ᐱᓐᖏᖔᕐᓗᒋᑦ, ᐃᒡᓕᐊᕐᒥᑦ ᐊᓂᖅᑳᕐᑐᑦ ᐃᓴᕆᐊᓕᒥᐅᓂᑦ. ᑍᒤᒻᒪᑦ ᓕᕔᑎᑦ ᐱᒋᓂᐊᕐᐸᒃᑲ,

ᒨᓯᓯ ᓯᑕᒪᖏᑦ 3:13

ᐃᕐᓂᐊᖑᔪᑦ ᓯᕗᓪᓕᕐᐹᒥᒃ ᐱᒋᒐᒃᑭᑦ. ᑍᑦᓱᒪᓂ ᓇᓪᓕᐅᑦᑐᒥ ᐃᕐᓂᐊᖑᖅᑳᕐᑐᑦ ᑐᖁᑎᓚᐅᕋᒃᑭᑦ ᓄᓇᒥ ᐄᑦᔨᑉᑎᒥ, ᐅᕙᓐᓂᒃ ᐃᑦᔪᕐᓁᑎᑉᐳᖓ ᐃᓴᕆᐊᓕᓂ ᐃᕐᓂᐊᖑᖅᑳᕐᑐᓄᑦ, ᐃᓄᖕᓄᓪᓗ ᓂᕐᔪᑎᓄᓪᓗ. ᑖᒃᑯᐊ ᐱᒋᓂᐊᕐᐸᒃᑲ: ᐅᕙᖓ ᐊᑕᓂᐅᒐᒪ.”

ᒨᓯᓯ ᓯᑕᒪᖏᑦ 8:17

ᐃᓴᕆᐊᓕᐅᑉ ᕿᑐᕐᖓᖏᑕ ᐃᕐᓂᕐᑖᕆᐅᕈᑎᖏᑦ ᐱᒋᒐᒃᑭᑦ, ᐃᓄᐃᑦ ᓂᕐᔪᑎᓪᓗ; ᐅᓪᓗᒥ ᑍᑦᓱᒪᓂ ᐄᑦᔨᑉᑎᒥ ᐃᕐᓂᕐᑖᕆᔭᐅᖅᑳᕐᓯᒪᔪᑦ ᑐᖁᓚᐅᕋᒃᑭᑦ ᑍᒪᓐᖓᑦ ᐅᕙᓐᓄᑦ ᐃᑦᔪᕐᓁᑎᓚᐅᕐᐸᒃᑲ.

ᓘᑲᓯᐅᑉ ᐊᒡᓚᖏᑦ 2:23

ᐃᒫᒃ ᐅᖃᕐᓯᒪᖕᒪᑦ ᐊᑕᓂᐅᑉ ᐱᖁᔭᖏᓐᓂ, “ᓄᑕᕋᑯᓗᐃᑦ ᐊᖑᑕᐅᒃᐸᑕ ᓯᕗᓪᓕᕐᐹᒥᒃ ᓄᑕᕋᕐᑖᕆᔭᐅᔪᑦ ᑐᓂᔭᐅᔪᒃᓴᐅᕗᑦ ᐊᑕᓂᕐᒧᑦ.”

ᒨᓯᓯ ᑕᓪᓕᒪᖏᑦ 15:19

“ᓴᓂᕐᕔᓯᒪᖃᑦᑕᕐᑐᒃᓴᐅᕗᓯ ᐊᑕᓂᕐᒧᑦ ᒎᑎᑦᓯᓄᑦ ᑐᓂᕐᕈᑎᒃᓴᓕᒫᓂᒃ ᐊᖑᑎᓂᒃ ᐃᕐᓂᐊᕆᔭᐅᖄᕐᓯᒪᔪᓂᒃ ᐃᒻᒧᒃᓯᐅᒐᖁᑎᑦᓯᓐᓄᑦ ᓰᐲᖁᑎᑦᓯᓐᓄᓪᓗ; ᑕᒪᒃᑯᐊ ᐃᒻᒧᒃᓯᐅᒊᑦ ᐃᕐᓂᐊᖑᖅᑳᕐᓯᒪᔪᑦ ᐱᓇᓱᐊᕈᑎᒋᔭᒃᓴᕆᓐᖏᓚᓯ, ᓰᐲᓪᓗ ᐃᕐᓂᐊᖑᖅᑲᕐᓯᒪᔪᑦ ᓴᓕᔭᒃᓴᕆᓇᒋᑦ.