ᒨᓯᓯ ᐂᑉᐸᖏᑦ 12:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ ᐱᓱᒃᓗᑎᒃ ᓄᓇᒥᑦ ᕌᒥᓯᓯᒥᑦ ᓱᑰᑎᒧᑦ ᑎᑭᓪᓗᑎᒃ, ᐊᖑᑎᓪᓗ ᐅᓄᕐᓂᖃᓚᐅᕐᐳᑦ 600,000ᓂᒃ ᐊᕐᓁᑦ ᓄᑕᖅᑲᓪᓗ ᐱᖃᓯᐅᑎᓇᒋᑦ.

ᒨᓯᓯ ᐂᑉᐸᖏᑦ 12:37 Iomraidhean Croise

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᒨᓯᓯ ᓯᕗᓪᓖᑦ 15:5

ᐊᓂᑎᓪᓗᓂᐅᒃ ᓯᓚᒧᑦ ᐅᖃᐅᑎᕚ, “ᐸᐅᖓ ᕿᓚᖕᒧᑦ ᑕᑯᓴᕆᑦ, ᐅᓪᓗᕆᐊᑦ ᓈᓴᒃᑭᑦ, ᓈᓴᕈᓐᓇᕈᕕᒋᑦ.” ᐅᖃᐅᑎᒃᑲᓐᓂᕐᓗᒍᓗ, “ᑍᒫᒃ ᐅᓄᕐᑐᑎᒋᔪᓂᒃ ᑭᖑᕚᖃᕈᒫᕐᐳᑎᑦ.”

ᒨᓯᓯ ᓯᕗᓪᓖᑦ 46:3

ᑕᕝᕙ ᐅᖃᕐᐳᖅ, “ᒎᑎᐅᕗᖓ, ᐊᑖᑕᕕᑦ ᒎᑎᒋᕚᖓ; ᓯᕘᕋᓂᐊᕐᓇᒃ ᑕᐅᓄᖓ ᐄᑦᔨᑉᑎᒧᐊᕆᐊᒃᓴᖅ, ᑕᕝᕙᓂ ᐃᓅᖃᑎᒌᒡᔪᐊᓐᖑᕐᑎᓐᓂᐊᕋᒃᑭᑦ.

ᒨᓯᓯ ᓯᕗᓪᓖᑦ 47:11

ᑕᕝᕙ ᔫᓯᐱᐅᑉ ᐊᑖᑕᓂ ᐊᖓᔪᓂᓗ, ᓄᓇᑖᕈᓐᓇᕐᑎᑉᐰᑦ ᐄᑦᔨᑉᑎᐅᑉ ᓄᓇᖓᓂ; ᓄᓇᐅᑉ ᐱᐅᓂᕐᐹᖓᓂ, ᓄᓇᒥ ᕌᒥᓯᓯᒥ, ᑍᒫᒃ ᐰᕉᑉ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 1:11

ᐊᓱᐃᓛᒃ ᐄᑦᔨᑉᑎᒥᐅᑦ ᐃᓖᔭᕐᓱᐃᔨᓂᒃ ᑎᓕᓯᓚᐅᕐᐳᑦ ᑖᒃᑯᓂᖓ ᐊᒃᓱᐊᓗᒃ ᓴᓇᑎᓪᓗᓂᑦᔪᒃ ᖁᕕᐊᓱᒍᓐᓃᖁᓪᓗᒋᑦ; ᐃᓴᕆᐊᓕᒥᐅᑦ ᐃᒡᓗᒐᓴᒡᔪᐊᓂᒃ ᓴᓇᓚᐅᕐᐳᑦ ᐰᑕᒥᒥᒃ ᕌᒥᓯᓯᒥᒡᓗ ᐊᑎᖃᕐᑐᓂᒃ, ᑖᒃᑯᐊᒃ ᐊᖓᔪᖅᑳᕐᔪᐊᑉ ᐱᖁᑎᒃᑯᕕᒃᓴᕆᔭᖏᒃ.

ᒨᓯᓯ ᐂᑉᐸᖏᑦ 10:9

ᒨᓯᓯᐅᑉ ᑭᐅᕚ, “ᑕᒪᑦᑕ ᐊᐅᓪᓚᕐᓂᐊᕐᐳᒍᑦ, ᕿᑐᕐᖓᕗᓪᓗ ᐃᓄᑐᖃᕗᓪᓗ ᐃᓚᒋᓗᒋᑦ; ᐊᐅᓪᓚᕐᓂᐊᕐᐳᒍ ᐃᕐᓂᕗᑦ ᐸᓂᕗᓪᓗ ᓰᐱᖁᑎᕗᓪᓗ ᐆᒪᔪᖁᑎᕗᓪᓗ ᐃᓚᒋᓗᒋᑦ, ᓇᓪᓕᐅᓐᓂᕐᓯᐅᕆᐊᖃᕐᓂᐊᕋᑦᑕ ᑕᒪᑦᑕ ᐊᑕᓂᖅ ᐅᐱᒋᓗᒍ.”

ᒨᓯᓯ ᐂᑉᐸᖏᑦ 13:20

ᐃᓴᕆᐊᓕᒥᐅᑦ ᓄᓇᒥᑦ ᓱᑰᑎᒥᑦ ᐊᐅᓪᓚᕆᕗᑦ ᑕᖕᒫᕐᓗᑎᒡᓗ ᓄᓇᒥ ᐃᑖᒻᒥ ᓯᐅᕌᓘᑉ ᑭᒡᓕᖓᓂ.

ᒨᓯᓯ ᐂᑉᐸᖏᑦ 38:26

ᑖᒃᑯᐊ ᐃᓄᐃᑦ ᐅᓄᕐᓂᖏᑦ ᐊᑐᓂᑦ ᓈᓴᕐᑕᐅᓯᒪᔪᑦ ᐊᑦᔨᒌᒥᒃ ᐊᑭᓖᑎᑕᐅᔪᑦ ᒪᓕᒡᓗᒋᑦ ᑍᒫᒃ ᐊᑐᓂᑦ ᐊᑭᓕᐅᑎᒋᔭᐅᖁᔭᐅᔪᒥᒃ ᒪᓕᒡᓗᑎᒃ ᐊᑭᓖᓚᐅᕐᒪᑕ, ᐅᖁᒤᓐᓂᕐᓯᐅᑎᑦ ᐊᑐᕐᑕᐅᒐᔪᒃᐸᒃᑐᑦ ᒪᓕᒡᓗᒋᑦ. ᐊᖑᑎᑦ ᐊᕐᕌᒍᓖᑦ 20ᓂᒃ ᐱᒋᐊᕐᓗᒋᑦ ᐅᖓᑖᓄᑦ ᐊᕐᕌᒍᓖᑦ ᑎᑭᓪᓗᒋᑦ ᓈᓴᕐᑕᐅᓯᒪᔪᑦ ᐅᓄᕐᓂᖃᓚᐅᕐᐳᑦ 603,550ᓂᒃ.

ᒨᓯᓯ ᓯᑕᒪᖏᑦ 1:2

“ᓈᓴᓚᐅᒃᑭᑦ ᑲᑎᕙᒃᑐᓕᒫᑦ ᐃᓴᕆᐊᓕᐅᑉ ᕿᑐᕐᖓᖏᑦ, ᐃᓚᒌᑦ ᐃᒡᓗᒥᐅᖃᑎᒌᑦ ᒪᓕᒡᓗᒋᑦ, ᐊᑖᑕᖏᑕᓗ ᓯᕗᓕᖏᑦ ᒪᓕᒡᓗᒋᑦ, ᐊᑎᖏᑕ ᐅᓄᕐᓂᖏᑦ ᒪᓕᒡᓗᒋᑦ, ᐊᖑᑎᓕᒫᑦ,

ᒨᓯᓯ ᓯᑕᒪᖏᑦ 1:46

ᑲᑎᓪᓗᒋᑦ ᓈᓴᕐᑕᐅᔪᑦ 603,550ᐅᓚᐅᕐᐳᑦ.

ᒨᓯᓯ ᓯᑕᒪᖏᑦ 11:21

ᒨᓯᓯᓗ ᐅᖃᕐᐳᖅ, “ᐃᓄᐃᑦ ᐃᓚᒋᔭᒃᑲ ᐊᖑᑎᑦ 600,000ᖏᓐᓃᑉᐳᑦ ᐱᓱᒃᑏᑦ; ᑭᓯᐊᓂ ᐅᖃᕐᐳᑎᑦ, ‘ᓂᕿᓪᓚᕆᖕᒥᒃ ᑐᓂᓯᕕᒋᓂᐊᕐᐸᒃᑲ, ᑕᖅᑭᓕᒫᒧᑦ ᓂᕿᑑᒪᖁᓪᓗᒋᑦ.’

ᒨᓯᓯ ᓯᑕᒪᖏᑦ 2:32

ᑖᒃᑯᐊ ᑕᕝᕙ ᐃᓴᕆᐊᓕᒥᐅᑦ, ᓈᓴᕐᑕᐅᓚᐅᕐᑐᑦ ᐃᓚᒌᑦ ᒪᓕᒡᓗᒋᑦ. ᑕᖕᒫᕐᓯᒪᕕᖕᒦᑦᑐᓕᒫᑦ, ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ, 603,550ᓂᒃ ᑲᑎᓪᓗᒋᑦ ᐅᓄᕐᓂᖃᓚᐅᕐᐳᑦ.

ᒨᓯᓯ ᓯᑕᒪᖏᑦ 26:51

ᑖᒃᑯᐊᓕᒫᑦ ᐃᓴᕆᐊᓕᒥᐅᓂᑦ ᓈᓴᕐᑕᐅᔪᑦ ᑲᑎᓪᓗᒋᑦ: 601,730ᓂᒃ ᐅᓄᕐᓂᖃᓚᐅᕐᐳᑦ.

ᒨᓯᓯ ᓯᑕᒪᖏᑦ 33:3

ᑕᖅᑭᒥ ᓯᕗᓪᓕᕐᐹᒥ ᐊᐅᓪᓚᓚᐅᕐᐳᑦ ᕌᒥᓯᓯᒥᑦ ᑕᖅᑭᐅᑉ ᓯᕗᓪᓕᕐᐹᖓᓂᒃ, ᐅᓪᓗᐃᑦ 15ᖓᓂ ᑕᖅᑭᐅᑉ ᓯᕗᓪᓕᕐᐹᖓᓂ, ᐅᓪᓗᒥ ᖄᖏᕐᑕᐅᕕᒃᓯᐅᕐᕕᐅᑉ ᑭᖑᓂᑦᓯᐊᖓᓂ ᐃᓴᕆᐊᓕᒥᐅᑦ ᐊᐅᓪᓚᓚᐅᕐᐳᑦ ᓯᕘᕋᓇᑎᒃ ᐄᑦᔨᑉᑎᒥᐅᑦ ᑕᑯᓐᓇᕐᑎᓪᓗᒋᑦ.

ᒨᓯᓯ ᓯᑕᒪᖏᑦ 33:5

ᐃᓴᕆᐊᓕᒥᐅᑦ ᕌᒥᓯᓯᒥᑦ ᐊᐅᓪᓚᕋᒥᒃ ᓱᑰᑎᒧᑦ ᑕᖕᒫᓚᐅᕐᐳᑦ.