ᒨᓯᓯ ᐂᑉᐸᖏᑦ 12:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᓱᓕ ᑕᒪᑐᒪ ᐅᓐᓄᐊᖓᓂ ᐊᖓᔪᖅᑳᕐᔪᐊᖅ ᐂᔭᐅᒃᑬᕗᖅ ᒨᓯᓯᒥᒃ ᐂᕉᓂᒥᒡᓗ ᐅᖃᐅᑎᓪᓗᒋᒡᓗ, “ᐊᐅᓪᓚᕆᑦᓯ ᐃᓴᕆᐊᓕᒥᐅᖑᖃᑎᓯᓗ, ᓄᓇᖁᑎᒐ ᕿᒪᓕᕐᓯᐅᒃ, ᐊᑕᓂᖅ ᑐᒃᓯᐊᕐᕕᒋᔭᕐᑐᓕᕐᓯᐅᒃ ᑍᒫᒃ ᐱᔪᒪᓂᕆᓚᐅᕐᑕᑦᓯᑐᑦ.

ᒨᓯᓯ ᐂᑉᐸᖏᑦ 12:31 Iomraidhean Croise

ᐃᓐᖏᕈᑎᑦ 105:38

ᐄᑦᔨᑉᑎᒥᐅᑦ ᖁᕕᐊᓱᓚᐅᕐᐳᑦ ᐃᓴᕆᐊᓕᒥᐅᑦ ᐊᐅᓪᓚᕐᒪᑕ, ᑲᑉᐱᐊᓱᒻᒪᕆᓕᓚᐅᕐᒪᑕ ᑖᒃᑯᓂᖓ.

ᒨᓯᓯ ᐂᑉᐸᖏᑦ 10:29

ᒨᓯᓯᓗ ᐅᖃᕐᐳᖅ, “ᑍᒫᒃ ᐅᖃᕋᕕᑦ! ᑕᕝᕙ ᑕᑯᒃᑲᓐᓂᑦᔮᔪᓐᓃᕐᐸᒋᑦ.”

ᒨᓯᓯ ᐂᑉᐸᖏᑦ 10:9

ᒨᓯᓯᐅᑉ ᑭᐅᕚ, “ᑕᒪᑦᑕ ᐊᐅᓪᓚᕐᓂᐊᕐᐳᒍᑦ, ᕿᑐᕐᖓᕗᓪᓗ ᐃᓄᑐᖃᕗᓪᓗ ᐃᓚᒋᓗᒋᑦ; ᐊᐅᓪᓚᕐᓂᐊᕐᐳᒍ ᐃᕐᓂᕗᑦ ᐸᓂᕗᓪᓗ ᓰᐱᖁᑎᕗᓪᓗ ᐆᒪᔪᖁᑎᕗᓪᓗ ᐃᓚᒋᓗᒋᑦ, ᓇᓪᓕᐅᓐᓂᕐᓯᐅᕆᐊᖃᕐᓂᐊᕋᑦᑕ ᑕᒪᑦᑕ ᐊᑕᓂᖅ ᐅᐱᒋᓗᒍ.”

ᒨᓯᓯ ᐂᑉᐸᖏᑦ 11:1

ᐊᑕᓂᕐᓗ ᒨᓯᓯᒧᑦ ᐅᑲᕐᐳᖅ, “ᐊᑕᐅᓯᑐᐃᓐᓇᐅᓕᕐᐳᖅ ᓱᒋᐊᕐᓯᑦᔪᑎᒋᔪᒪᔭᕋ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᓄᖁᑎᖏᓐᓄᓪᓗ, ᑕᒪᓐᓇ ᐱᔭᕇᕐᐸᑦ ᐊᐅᓪᓚᕈᓐᓇᕐᓯᑎᓐᓂᐊᕐᐹᓯ ᓱᓇᒥᒍᓐᓇᕐᓯᓗᓯ ᐊᒡᓛᑦ.

ᒨᓯᓯ ᐂᑉᐸᖏᑦ 11:8

ᒨᓯᓯ ᑭᖑᓪᓕᕐᐹᒥᒃ ᐅᖃᓕᕐᐳᖅ, “ᐱᔨᑎᑦ ᐅᕙᓐᓄᑦ ᕾᓂᐊᕐᐳᑦ ᓵᓐᓄᓪᓗ ᐹᒻᒪᒃᑎᕐᓗᑎᒃ, ᐅᕙᓐᓂᒡᓗ ᐊᐅᓪᓚᖁᔨᕕᒃᔪᐊᕐᓂᐊᕐᐳᑦ ᐃᓄᖁᑎᒃᑲ ᐱᖃᑎᒋᓗᒋᑦ, ᑭᖑᓂᖓᒍᓪᓗ ᐊᐅᓪᓚᕐᓂᐊᕐᐳᖓ.” ᒨᓯᓯᒧᓗ ᐊᑲᐅᒃᓴᖏᑦᑐᒻᒪᕆᐊᓘᓪᓗᓂ ᐊᖓᔪᖅᑳᕐᔪᐊᖅ ᕿᒪᓕᕐᐹ.

ᒨᓯᓯ ᐂᑉᐸᖏᑦ 12:39

ᐳᕙᓪᓚᕐᓴᐅᑎᖃᖏᑦᑐᓂᒡᓗ ᓂᐊᖂᔭᓕᐅᖃᑦᑕᕐᐳᑦ ᐄᑦᔨᑉᑎᒦᓪᓗᑎᒃ ᓴᓇᔭᕕᓂᕐᒥᖕᓂᒃ. ᐄᑦᔨᑉᑎᒥᑦ ᑐᐊᕕᕐᓗᑎᒃ ᐊᐅᓪᓚᕐᑎᑕᐅᓚᐅᕋᒥᒃ ᑕᖁᐊᒃᓴᒥᖕᓂᒡᓘᓐᓃᑦ ᐱᔪᓐᓇᕐᓯᓇᑎᒃ ᐳᕙᓪᓚᕐᓴᐅᑎᓕᖕᒥᒡᓗ ᓂᐊᖂᔭᓕᐅᕈᓐᓇᕐᓯᓇᑎᒃ.

ᒨᓯᓯ ᐂᑉᐸᖏᑦ 6:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᑕᑯᓂᐊᕐᐳᑎᑦ ᐰᕉᒧᑦ ᖃᓄᐃᓕᐅᕐᓂᕆᓂᐊᕐᑕᓐᓂᒃ; ᐱᔪᓐᓇᕐᓂᕐᔪᐊᒥᓄᑦ ᐃᓄᖁᑎᒃᑲ ᐊᐅᓪᓚᕐᑎᓐᓂᐊᕐᐰᑦ, ᐱᔪᓐᓇᕐᓂᕐᔪᐊᒥᓄᑦ ᓄᓇᒥᓂᑦ ᐊᐅᓪᓚᕐᑎᓐᓂᐊᕐᐰᑦ.”

ᒨᓯᓯ ᐂᑉᐸᖏᑦ 8:25

ᑕᕝᕙ ᐰᕉ ᕾᖁᔨᓕᕐᐳᖅ ᒨᓯᓯᒥᒃ ᐂᕉᓂᒥᒡᓗ, ᐅᖃᐅᑎᓗᒋᒡᓗ, “ᐊᐅᓪᓚᕐᓗᓯ ᒎᑎᑦᓯᓐᓄᑦ ᑐᓂᕐᕈᓯᕆᐊᕐᑐᓕᕆᑦᓯ ᑕᒫᓂ ᓄᓇᒥ.”

ᒨᓯᓯ ᐂᑉᐸᖏᑦ 8:8

ᑕᕝᕙ ᐰᕉᑉ ᒨᓯᓯᒃᑯᒃ ᐂᕉᓂᒃᑯᒃ ᕾᖁᕚᒃ, ᐅᖃᐅᑎᓪᓗᒋᒡᓗ, “ᐊᑕᓂᖅ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᒃᑯᓂᖓ ᓈᕌᔨᓂᒃ ᐲᕐᓯᖁᓗᒍ ᐅᕙᓐᓂᑦ ᐃᓄᖁᑎᓐᓂᓪᓗ; ᑕᕝᕙ ᐃᓅᖃᑎᒌᒡᔪᐊᑦ ᐊᐅᓪᓚᖁᓂᐊᕐᐸᒃᑲ ᑐᓂᕐᕈᓯᕆᐊᕐᑐᖁᓪᓗᒋᑦ ᐊᑕᓂᕐᒧᑦ.”

ᓴᒧᐃᓕ ᓯᕗᓪᓖᑦ 6:6

ᓱᖕᒪᑦ ᐆᒻᒪᑎᓯ ᓯᑎᔫᒋᐊᖃᕐᐸᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑎᑐᑦ ᐰᕉᑐᑦ ᐄᑦᔨᑉᑎᒥᐅᑎᑐᓪᓗ ᐆᒻᒪᑎᖏᑦ ᓯᑎᔫᓚᐅᕐᓂᖏᑎᑐᑦ? ᐱᓐᖑᐊᕆᑐᐃᓐᓇᓕᓚᐅᕐᒪᒋᑦ, ᐃᓄᖁᑎᖏᓐᓂᒃ ᐊᐅᓚᕐᑎᑦᓯᓚᐅᕐᑎᓐᓇᒋᑦ, ᑕᕝᕙ ᐊᐅᓪᓚᕈᓇᕐᓯᑎᑦᓯᓚᐅᕐᐳᑦ.