ᒨᓯᓯ ᐂᑉᐸᖏᑦ 12:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓴᕆᐊᓕᒥᐅᓕᒫᑦ ᐅᖃᐅᑎᓚᐅᒃᑭᑦ ᑕᕝᕙᓂ ᑕᖅᑭᒥ ᐅᓪᓗᑦ 10ᒋᓕᕐᐸᒍ ᐊᖑᑎᑦ ᐃᒡᓗᖃᕐᑐᓕᒫᑦ ᐊᑐᓂᑦ ᓄᕐᕋᐅᔭᕐᒥᒃ ᐊᑕᐅᓯᕐᒥᒃ ᑎᒍᓯᔪᒃᓴᐅᕗᑦ, ᐃᒡᓗᒥᐅᖃᑎᒌᓄᑦ ᐊᑕᐅᓯᕐᓄᑦ ᓄᕐᕋᐅᔭᖅ ᐊᑕᐅᓯᖅ ᑐᕌᖓᖁᓪᓗᒍ;

ᒨᓯᓯ ᐂᑉᐸᖏᑦ 12:3 Iomraidhean Croise

ᒨᓯᓯ ᓯᕗᓪᓖᑦ 22:8

ᐂᑉᕋᕼᐋᒻᓕ ᑭᐅᕚ, “ᒎᑎᐅᑉ ᑐᓂᕐᕈᑎᒃᓴᖅ ᑐᓂᓂᐊᕐᐹ ᐃᕐᓃᒃ.” ᑕᕝᕙ ᐱᓱᖃᑎᒌᓕᕐᐴᒃ.

ᒨᓯᓯ ᓯᕗᓪᓖᑦ 4:4

ᐂᐱᓕᓕ ᓰᐱᖁᑎᒥ ᕿᑐᕐᖓᕐᑖᕆᐅᕈᑎᖏᓐᓂᒃ ᖁᐃᓂᓂᖏᓐᓂᒡᓗ ᑐᓂᕐᕈᓯᕐᐳᖅ, ᐊᑕᓂᐅᓪᓗ ᐂᐱᓕ ᖁᕕᐊᒋᕚ ᑐᓂᕐᕈᑎᖏᓪᓗ.

ᑯᕉᓂᑲ ᐂᑉᐸᖏᑦ 35:7

ᔫᓮᐊᐅᓪᓗ ᐃᓄᐃᑦ ᑐᓂᕔᑦ ᓄᕐᕋᐅᔭᕐᓂᒃ ᒎᑦᓯᓪᓗ ᓄᕐᕋᖏᓐᓂᒃ ᑕᕝᕙᓂ ᓇᔫᑎᔪᓕᒫᑦ ᖄᖏᕐᑕᐅᕕᒃᓯᐅᕈᑎᒃᓴᒧᑦ ᑐᓂᕐᕈᓯᖁᓪᓗᒋᑦ, ᐆᒪᔪᖁᑎᒥᓂᒃ ᑲᑎᓪᓗᒋᑦ 30,000ᓂᒃ, ᐃᒻᒧᒃᓯᐅᒊᓪᓗ ᐊᖑᓴᓪᓗᖏᓐᓂᒃ 3,000ᓂᒃ; ᑕᒪᒃᑯᐊ ᐊᖓᔪᖅᑲᕐᔪᐊᑉ ᓇᖕᒥᓂᖅ ᐆᒪᔪᖁᑎᖏᓐᓂᑦ ᐱᓚᐅᕐᐳᑦ.

ᒨᓯᓯ ᐂᑉᐸᖏᑦ 12:2

“ᑕᒪᓐᓇ ᑕᖅᑭᖅ ᐊᑐᕐᑕᕗᑦ ᐃᓕᖕᓄᑦ ᓯᕗᓪᓕᕐᐸᐅᓗᓂ ᑕᖅᑭᕆᔭᐅᓂᐊᕐᐳᖅ; ᐅᑭᐅᕆᔭᕐᓄᓪᓗ ᓯᕗᓪᓕᕐᐸᐅᓗᓂ ᑕᖅᑭᐅᓂᐊᓕᕐᓗᓂ.

ᒨᓯᓯ ᐂᑉᐸᖏᑦ 12:21

ᐃᓴᕆᐊᓕᒥᐅᑦ ᐊᖓᔪᖅᑳᕆᔭᓕᒫᖏᑦ ᒨᓯᓯᐅᑉ ᑲᑎᖃᑎᒋᔪᒪᕔᑦ, ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᑐᓂᑦ ᓄᕐᕋᐅᔭᒥᒃ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐱᓗᓯ ᑐᖁᑦᓯᔭᕆᐊᖃᕐᐳᓯ, ᐃᒡᓗᒥᐅᖃᑎᒌᖑᔪᓯᒍᑦ ᑐᖁᓐᓇᕐᑐᒧᑦ ᖄᖏᕐᑕᐅᑦᔪᑎᒋᔭᑦᓯᓐᓂᒃ ᓂᕆᕕᒃᔪᐊᕈᑎᖃᕐᓂᐊᕋᑦᓯ.

ᒨᓯᓯ ᐂᑉᐸᖏᑦ 12:4

ᐃᒡᓗᒥᐅᖃᑎᒌᓪᓕ ᐃᓄᖏᑦ ᐅᓄᓐᖏᓗᐊᕐᐸᑕ ᓄᕐᕋᐅᔭᕐᒧᑦ ᐊᑕᐅᓯᕐᒧᑦ, ᑕᕝᕙ ᓯᓚᓕᑎᒃ ᐃᒡᓗᒥᐅᖃᑎᒌᑦ ᕾᖁᔭᒃᓴᕆᕔᑦ ᐃᓄᖏᑕ ᐅᓄᕐᓂᖏᑦ ᒪᓕᒡᓗᒋᑦ; ᐃᓄᐃᑦ ᐊᑐᓂᑦ ᓂᕆᔪᓐᓇᕐᓂᖏᑦ ᒪᓕᒡᓗᒋᑦ ᓄᕐᕋᐅᔭᖅ ᓄᖑᑕᐅᔪᓐᓇᖁᓪᓗᒍ.

ᒨᓯᓯ ᐂᑉᐸᖏᑦ 12:6

ᑭᓯᐊᓂᓕ ᓇᔪᕐᑎᒋᔭᒃᓴᕆᕙᓯ ᑕᖅᑭᐅᑉ ᑕᒪᑐᒪ ᐅᓪᓗᖓᑕ 14ᖓᑦ ᑎᑭᓪᓗᒍ, ᐊᑕᐅᑦᓯᒃᑯᒃ ᐃᓴᕆᐊᓕᒥᐅᑦ ᑲᑎᒪᔪᑦ ᓄᕐᕋᐅᔭᖁᑎᒥᖕᓂᒃ ᑐᖁᑦᓯᔪᒃᓴᐅᕗᑦ ᐅᓐᓄᒃᑯᑦ.

ᒨᓯᓯ ᐂᑉᐸᖏᑦ 14:15

ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ, “ᓱᖕᒪᑦ ᐃᓗᖏᕐᑐᕐᓗᓯ ᕿᓄᕕᓰ ᐃᑲᔪᕐᑕᐅᔪᒪᓪᓗᓯ? ᐃᓴᕆᐊᓕᒥᐅᑦ ᓯᕗᒧᑦ ᐃᖏᕐᕋᖁᓕᒃᑭᑦ.

ᒨᓯᓯ ᐂᑉᐸᖏᑦ 20:19

ᒨᓯᓯᒧᓪᓗ ᐅᖃᕐᐳᑦ, “ᐅᕙᑦᑎᓐᓄᑦ ᐅᖃᕈᕕᑦ ᓈᓚᖕᓂᐊᕐᐳᒍᑦ, ᑭᓯᐊᓂᓕ ᓯᕘᕋᕗᒍᑦ ᒎᑎᐅᑉ ᐅᖃᕐᕕᒋᒃᐸᑎᒍᑦ ᑐᖁᑐᐃᓐᓇᕆᐊᖃᕋᑦᑕ.”

ᒨᓯᓯ ᐂᑉᐸᖏᑦ 4:30

ᐂᕉᓂᓗ ᐅᓂᒃᑳᕐᐳᖅ ᑕᒤᓐᓂᒃ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ ᒨᓯᓯᒧᑦ, ᓇᓗᓁᒃᑯᑕᕐᓂᒡᓗ ᐱᓇᓱᐊᕐᓗᓂ ᐃᓄᐃᑦ ᓵᖏᓐᓂ.

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᐃᓯᑭᐊᓕᐅᑉ ᐊᒡᓚᖏᑦ 40:1

ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᖏᑕ 25ᖓᓐᓂ, ᐊᕐᕌᒎᑉ ᐱᒋᐊᕐᓂᖓᓂ, ᑕᖅᑭᐅᑉ ᐅᓪᓗᒋᑕ 10ᖓᓐᓂ, ᔨᕉᓴᓕᐅᑉ ᓵᓚᐅᓯᒪᓂᖓᑕ ᐊᕐᕌᒍᐃᑦ 14ᖓᓐᓂ, ᐅᓪᓗᒥ ᑕᕝᕙᓂᓪᓗᐊᖅ, ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᓕᕐᐹᖓ,

ᒨᓯᓯ ᐱᖓᔪᖏᑦ 1:2

“ᐃᓴᕆᐊᓕᒥᐅᑦ ᐅᖃᕐᕕᒋᒃᑭᑦ ᐃᒫᒃ ᐅᖃᐅᑎᓗᒋᑦ, ‘ᓇᓕᕐᓯ ᑐᓂᕐᕈᑎᒃᓴᒥᒃ ᑐᓂᓯᔭᕐᑐᕐᐸᑦ ᐊᑕᓂᕐᒧᑦ, ᑐᓂᕐᕈᑎᒃᓴᖃᕆᐊᖃᕐᐳᖅ ᐆᒪᔪᒥᒃ ᐃᒻᒧᒃᓯᐅᒐᕐᒥᒡᓘᓐᓃᑦ ᓰᐱᒥᒡᓘᓐᓃᑦ.

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᓯᑕᒪᖏᑦ 15:11

“ᑍᒫᒃ ᐱᔭᕆᐊᖃᕐᐳᖅ ᐃᒻᒧᒃᓯᐅᒐᐅᑉ ᐊᖑᓴᓪᓗᖏᓐᓄᑦ, ᓰᐱᐅᓪᓗ ᐊᖑᓴᓪᓗᖏᓐᓄᑦ, ᓰᐱᐅᓪᓗ ᓄᕐᕋᖏᓐᓄᑦ, ᒎᑦᓯᓪᓗ ᓄᕐᕋᖏᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 1:36

ᔩᓱᓯ ᐱᓱᒃᑐᖅ ᑕᑯᓈᕋᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ!”

ᔪᐊᓇᓯᐅᑉ ᐊᒡᓚᖏᑦ 12:1

ᐅᓪᓗᑦ ᐱᖓᓲᔪᕐᑐᑦ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᐅᑉ ᓯᕗᓂᖓᓂ, ᔩᓱᓯ ᐱᑕᓂᒧᐊᕐᐳᖅ, ᓛᓴᕉᓯᐅᑉ ᑐᖁᖓᔪᓂᑦ ᐆᒻᒪᕐᑎᓚᐅᕐᑕᖓᑕ ᓄᓇᖓᓄᑦ.

ᔪᐊᓇᓯᐅᑉ ᐊᒡᓚᖏᑦ 12:12

ᖃᐅᑎᓪᓗᒍ ᐃᓄᒋᐊᒃᑐᕐᔪᐊᑦ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕆᐊᕐᓯᒪᔪᑦ ᑐᓴᕐᐳᑦ ᔩᓱᓯᐅᑉ ᔨᕉᓴᓕᒻᒧᐊᓕᕐᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:7

ᐳᕙᓪᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᓚᐅᕐᑕᓯ ᐲᔭᓕᕐᓯᐅᒃ ᓄᑖᒥᒃ ᓂᐊᖂᔭᒃᓴᐅᓂᐊᕋᑦᓯ ᐳᕙᓪᓚᖅᑯᑎᖃᖏᑦᑐᒥᒃ, ᖃᐅᔨᒪᕗᖓ ᐳᕙᓪᓚᖅᑯᑎᖃᖏᑦᑑᒐᑦᓯ. ᖄᖏᕐᑕᐅᕕᖕᒥ ᓇᓪᓕᐅᓐᓂᕐᓯᐅᕐᓂᕗᑦ ᐱᔭᕇᕐᓯᒪᓕᕐᒪᑦ, ᓄᕐᕋᐅᔮᕐᑐᖁᑎᕗᑦ ᙭ᔅᑑᓯ ᑐᓂᕐᕈᑕᐅᔭᕇᕐᓯᒪᓕᕐᒪᑦ.

ᔮᓱᐊᑉ ᐊᒡᓚᖏᑦ 7:14

ᑍᒤᒻᒪᑦ ᐅᓪᓛᒃᑯᑦ ᑭᖑᕚᕇᑦ ᒪᓕᒡᓗᒋᑦ ᕾᔭᕆᐊᖃᕐᓂᐊᕐᐳᑦ; ᑭᖑᕚᕇᓪᓗ ᐊᑕᓂᐅᑉ ᓇᓗᓁᕐᑕᖏᑦ ᕾᔭᕆᐊᖃᕐᓂᐊᕐᐳᑦ ᐃᓚᒌᖑᓗᑎᒃ; ᐃᓚᒌᓪᓗ ᐊᑕᓂᐅᑉ ᓇᓗᓁᕐᑕᖏᑦ ᕾᔭᕆᐊᖃᕐᓂᐊᕆᕗᑦ ᐃᒡᓗᒥᐅᖃᑎᒌᖑᓪᓗᑎᒃ, ᐃᒡᓗᒥᐅᖃᑎᒌᓪᓗ ᐊᑕᓂᐅᑉ ᓇᓗᓁᕐᑕᖏᑦ ᕾᔭᕆᐊᖃᕐᓂᐊᕆᕗᑦ ᐊᖑᑏᑦ ᐃᓛᒃᑰᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᓴᒧᐃᓕ ᓯᕗᓪᓖᑦ 7:9

ᑕᕝᕙ ᓴᒧᐃᓕ ᑐᖁᑦᓯᕗᖅ ᓰᐱᐅᑉ ᓄᕐᕋᖓᓂᒃ ᐊᑕᖏᕐᓗᒍᓗ ᐃᑯᐊᓪᓚᒡᓗᒍ ᑐᓂᕐᕈᑎᒋᕚ ᐊᑕᓂᕐᒧᑦ; ᑐᒃᓯᐊᕐᐳᕐᓗ ᐊᑕᓂᕐᒧᑦ ᐃᓴᕆᐊᓕᒥᐅᑦ ᐃᑲᔪᕐᑕᐅᖁᓪᓗᒋᑦ, ᐊᑕᓂᐅᓪᓗ ᑭᐅᕚ ᑐᒃᓯᐊᕈᑎᖓᓂᒃ.