ᒨᓯᓯ ᐂᑉᐸᖏᑦ 12:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑭᐅᕙᖕᓂᐊᕐᐳᓯ, ‘ᑐᓂᕐᕈᓯᕐᓂᖅ ᖄᖏᕐᑕᐅᓂᕆᓯᒪᔭᕗᑦ ᐱᓪᓗᒍ, ᐊᑕᓂᕐᒥᒃ ᐅᐱᒍᓱᖕᓂᑦᑎᓐᓂᒃ ᓇᓗᓁᒃᑯᑕᐅᕗᖅ. ᐊᑕᓂᐅᑉ ᐃᓴᕆᐊᓕᒥᐅᑦ ᐃᒡᓗᖏᑦ ᖄᖏᓚᐅᕐᒪᒋᑦ ᐄᑦᔨᑉᑎᒦᑎᓪᓗᑕ, ᐄᑦᔨᑉᑎᒥᐅᓪᓗ ᕿᑐᕐᖓᖏᓐᓂᑦ ᐊᖓᔪᒃᓯᕐᐹᖑᔪᑦ ᑐᖁᑎᓚᐅᕐᒪᒋᑦ, ᐅᕙᒍᓪᓕ ᐆᒪᑎᓚᐅᕐᐹᑎᒍᑦ.’” ᐃᓴᕆᐊᓕᒥᐅᓪᓗ ᓰᖅᑯᕐᓗᑎᒃ ᑐᒃᓯᐊᕐᐳᑦ.

ᒨᓯᓯ ᐂᑉᐸᖏᑦ 12:27 Iomraidhean Croise

ᑯᕉᓂᑲ ᓯᕗᓪᓖᑦ 29:20

ᑕᕝᕙ ᑍᕕᑎ ᑲᑎᓐᖓᔪᓕᒫᓄᑦ ᐅᖃᕐᐳᖅ, “ᐊᑕᓂᖅ ᒎᑎᓯ ᓂᕐᑐᕐᓯᐅᒃ.” ᐃᓄᓕᒫᓪᓗ ᐊᑕᓂᖅ ᓂᕐᑐᕐᐹᑦ, ᓯᕗᓕᖏᑦᑕ ᒎᑎᖓᑦ, ᐅᑯᓪᓗᑎᒡᓗ, ᐊᑕᓂᖅ ᑐᒃᓯᐊᕐᕕᒋᕚᑦ, ᐊᖓᔪᖅᑳᕐᔪᐊᓪᓗ ᐅᑯᕕᒋᓪᓗᒍ ᐅᐱᒋᕚᑦ.

ᑯᕉᓂᑲ ᐂᑉᐸᖏᑦ 20:18

ᑕᕝᕙ ᔨᕼᐆᓴᐸᑦ ᐅᑯᕗᖅ ᑮᓇᓂᓗ ᒪᓂᖅᑲᒧᑦ ᐊᒃᑐᕐᑎᓪᓗᒍ, ᔫᑕᒥᐅᓕᒫᓪᓗ ᔨᕉᓴᓕᒥᓗ ᓄᓇᖃᕐᑐᑦ ᐅᑯᕗᑦ ᐊᑕᓂᐅᑉ ᓵᖓᓄᑦ, ᐊᑕᓂᖅ ᑐᒃᓯᐊᕐᕕᒋᓪᓗᒍ.

ᑯᕉᓂᑲ ᐂᑉᐸᖏᑦ 29:30

ᐊᖓᔪᖅᑳᕐᔪᐊᕐᓗ ᕼᐃᓯᑬᐊ ᐊᖓᔪᖅᑳᓪᓗ ᑎᓕᓯᕗᑦ ᓕᕔᑎᓂᒃ ᐃᓐᖏᕐᓗᑎᒃ ᓂᕐᑐᐃᖁᓪᓗᒋᑦ ᐊᑕᓂᕐᒥᒃ ᑍᕕᑎᐅᑉ ᐊᓴᐸᐅᓪᓗ ᓇᓚᐅᑦᑍᔫᑉ ᐅᖃᐅᓯᖏᖅ ᒪᓕᒡᓗᒋᑦ. ᐃᓐᖏᓚᐅᕐᐳᓪᓗ ᓂᕐᑐᐃᓪᓗᑎᒃ ᖁᕕᐊᓱᒡᓗᑎᒃ, ᐅᑯᓪᓗᑎᒡᓗ ᑐᒃᓯᐊᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 8:6

ᐄᓱᕋᓗ ᓂᕐᑐᐃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᒎᑎᓗ ᐊᖏᓂᕐᐸᐅᔪᖅ!” ᑕᕝᕙ ᐃᓄᐃᑦ ᐃᓘᓐᓇᑎᒃ ᑕᓕᕐᒥᖕᓂᒃ ᖁᒻᒧᐊᒃᑎᑦᓯᓪᓗᑎᒃ ᑭᐅᕗᑦ, “ᐋᒦᓐ! ᐋᒦᓐ!” ᓰᖅᑯᕐᓗᑎᒡᓗ ᑐᒃᓯᐊᓕᕐᐳᑦ ᐊᑕᓂᕐᒧᑦ ᒪᓂᖅᑲᒧᑦ ᐳᓪᓗᑎᒃ.

ᐃᓐᖏᕈᑎᑦ 44:1

ᒎᑏ, ᓯᐅᑎᑦᑎᓐᓄᑦ ᑐᓴᓚᐅᕐᐳᒍᑦ, ᐊᑖᑕᑦᑕ ᐅᓂᒃᑳᕐᕕᒋᓚᐅᕐᒪᑎᒍᑦ, ᐱᓂᐊᕐᓂᕕᓂᕐᓂᒃ ᑍᒃᑯᐊ ᐃᓅᑎᓪᓗᒋᑦ ᑍᑦᓱᒪᓂᐊᓗᒃ.

ᐃᓐᖏᕈᑎᑦ 78:5

ᔧᑯᒧᑦ ᐱᓂᐊᕐᑕᐅᖁᔭᓂ ᓇᓗᓁᕐᓯᒪᖕᒪᒋᑦ, ᐃᓴᕆᐊᓕᓗ ᐱᖁᔭᓕᐅᓚᐅᕐᒪᒍ, ᐱᖁᓚᐅᕐᒪᒋᓪᓗ ᓯᕗᓕᕕᓂᕐᐳᑦ, ᕿᑐᕐᖓᒥᖕᓂᒃ ᑕᒪᒃᑯᓂᖓ ᐊᔪᕆᕐᑐᐃᖁᓪᓗᒋᑦ;

ᒨᓯᓯ ᐂᑉᐸᖏᑦ 10:2

ᐊᒻᒪᑦᑕᐅᖅ ᐅᖃᐅᓯᖃᕈᓐᓇᖁᓪᓗᑎᑦ ᕿᑐᕐᖓᕐᓄᑦ ᕿᑐᕐᖓᕕᓪᓗ ᕿᑐᕐᖓᖏᓐᓄᑦ ᖃᓄᖅ ᐄᑦᔨᑉᑎᒥᐅᓂᒃ ᐱᓐᖑᐊᖃᑐᐃᓐᓇᕐᑑᔮᓚᐅᕐᓂᓐᓂᒃ ᖃᓄᕐᓗ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᒪᖔᕐᒪ ᑖᒃᑯᑎᒎᓇᖅ; ᑕᒪᑦᓯ ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ.”

ᒨᓯᓯ ᐂᑉᐸᖏᑦ 12:11

ᐃᒫᒃ ᑕᕝᕙ ᓂᕆᔭᒃᓴᕆᕙᓯ, ᕿᑎᑦᓯᒍᑦ ᑕᑦᓯᕈᓯᕐᓯᒪᔪᒃᓴᐅᕗᓯ ᐃᑎᒐᒍᓯᕐᓯᒪᓗᓯᓗ, ᐊᔭᐅᑉᐱᐊᓯᓗ ᑎᒍᒥᐊᕐᓗᒋᑦ; ᑐᐊᕕᕐᓗᓯ ᓂᕆᔪᒃᓴᐅᕗᓯ. ᑕᒪᓐᓇ ᐊᑕᓂᐅᑉ ᖄᖏᕐᑕᐅᕕᒃᓯᐅᑎᒋᖕᒪᒍ.

ᒨᓯᓯ ᐂᑉᐸᖏᑦ 12:23

ᐊᑕᓂᖅ ᐄᑦᔨᑉᑎᒃᑯᑦ ᐃᖏᕐᕋᓕᕈᓂ ᐄᑦᔨᑉᑎᒥᐅᓂᒃ ᑐᖁᕅᔭᕐᑐᕐᓗᓂ ᐊᐅᒥᑎᕐᓯᒪᔪᒥᒃ ᐅᒃᑯᐊᒥᒃ ᑕᑯᔭᕌᖓᒥ ᐂᖏᓕ ᑐᖁᕅᔨ ᐃᒡᓗᑦᓯᓐᓄᑦ ᐃᑎᕐᓂᐊᓐᖏᓚᖅ ᑐᖁᑦᓯᔭᕐᑐᕐᓗᓂ.

ᒨᓯᓯ ᐂᑉᐸᖏᑦ 12:28

ᐃᓴᕆᐊᓕᒥᐅᓪᓗ ᐂᕗᑦ ᐊᑕᓂᐅᑉ ᐱᓂᐊᕐᑕᐅᖁᔭᖓ ᒨᓯᓯᒧᑦ ᐂᕉᓂᒧᓪᓗ ᒪᓕᒡᓗᒋᑦ ᐱᓂᐊᕐᐳᑦ.

ᒨᓯᓯ ᐂᑉᐸᖏᑦ 13:14

ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ.

ᒨᓯᓯ ᐂᑉᐸᖏᑦ 13:8

ᐅᓪᓗᒥᓗ ᑕᕝᕙᓂ ᐃᕐᓂᓯ ᐅᓂᒃᑲᐅᑎᔭᒃᓴᕆᕙᓯ, ‘ᐊᑕᓂᐅᑉ ᐱᓇᓱᐊᕐᓯᒪᓂᖓᓄᑦ ᑭᓯᐊᓂ ᑕᕝᕙ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᕗᖓ.’

ᒨᓯᓯ ᐂᑉᐸᖏᑦ 34:25

“ᓂᐊᖂᔭᒥᒃ ᐳᕙᓪᓚᕐᓴᐅᑎᓕᖕᒥᒃ ᑐᓂᕐᕈᓯᕐᑐᒃᓴᐅᓐᖏᓚᓯ ᐆᒪᔪᒥᒃ ᐊᐅᓕᖕᒥᒃ ᑐᓂᕐᕈᓯᓕᕐᑎᓪᓗᓯ ᐅᕙᓐᓄᑦ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᑎᓯᒪᑎᓪᓗᒍ ᐆᒪᔫᑉ ᑐᓂᕐᕈᑎᕕᓂᐅᑉ ᐃᓚᖓᓂᒃ ᐅᓪᓛᒧᑦ ᑎᑭᓪᓗᒍ ᐊᒥᐊᒃᑯᖃᕐᑐᒃᓴᐅᓐᖏᓚᓯ.

ᒨᓯᓯ ᐂᑉᐸᖏᑦ 34:8

ᒨᓯᓯᓕ ᑕᕝᕔᓐᓇᖅ ᓄᓇᒧᑦ ᐹᒻᒪᒃᑎᕐᐳᖅ ᑐᒃᓯᐊᕐᕕᒋᓪᓗᒍᓗ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:7

ᐳᕙᓪᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᓚᐅᕐᑕᓯ ᐲᔭᓕᕐᓯᐅᒃ ᓄᑖᒥᒃ ᓂᐊᖂᔭᒃᓴᐅᓂᐊᕋᑦᓯ ᐳᕙᓪᓚᖅᑯᑎᖃᖏᑦᑐᒥᒃ, ᖃᐅᔨᒪᕗᖓ ᐳᕙᓪᓚᖅᑯᑎᖃᖏᑦᑑᒐᑦᓯ. ᖄᖏᕐᑕᐅᕕᖕᒥ ᓇᓪᓕᐅᓐᓂᕐᓯᐅᕐᓂᕗᑦ ᐱᔭᕇᕐᓯᒪᓕᕐᒪᑦ, ᓄᕐᕋᐅᔮᕐᑐᖁᑎᕗᑦ ᙭ᔅᑑᓯ ᑐᓂᕐᕈᑕᐅᔭᕇᕐᓯᒪᓕᕐᒪᑦ.

ᒨᓯᓯ ᑕᓪᓕᒪᖏᑦ 16:2

ᑐᒃᓯᐊᕐᕕᖕᒧᐊᕐᑐᒃᓴᐅᕗᓯ ᑐᖁᑦᓯᓗᓯᓗ ᓰᐱᖁᑎᑦᓯ ᐃᓚᖓᓐᓂᒃ ᐅᕝᕙᓗ ᐃᒻᒧᒃᓯᐅᒐᖁᑎᑦᓯᓐᓂᒃ ᖄᖏᕐᑕᐅᕕᒃᓯᐅᑎᒥ ᓂᕆᔭᒃᓴᐅᖁᓪᓗᒍ ᐊᑕᓂᐅᑉ ᒎᑎᓯ ᐅᐱᓐᓇᕐᓯᑎᑕᐅᓂᖓᓄᑦ.

ᒨᓯᓯ ᑕᓪᓕᒪᖏᑦ 16:5

“ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕈᑎᒃᓴᒧᑦ ᑐᓂᕐᕈᑎᒃᓴᖅ ᐆᒪᔪᖅ ᑐᖁᑕᒃᓴᕆᕙᓯ ᑐᒃᓯᐊᕐᕕᖕᒥ ᐊᓯᐊᓂᐅᖏᑦᑐᖅ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᓄᓇᒥ;