ᒨᓯᓯ ᐂᑉᐸᖏᑦ 12:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐅᓪᓗᑦ 7 ᓯᕗᓪᓕᕐᐹᖓᓐᓂ ᑲᑎᒪᔪᒃᓴᐅᕗᓯ ᐃᑦᔪᕐᓁᑦᑐᒥᒃ ᑲᑎᒪᓂᕐᒥᒃ, ᐊᒻᒪ ᐅᓪᓗᑦ ᑭᖑᓪᓕᕐᐹᖓᓐᓂ 7ᖓᓐᓂ ᑲᑎᒪᒃᑲᓐᓂᕐᓗᓯ ᐃᑦᔪᕐᓁᑦᑐᒥᒃ; ᑖᒃᑯᓇᓂᓗ ᐅᓪᓗᓂ ᓇᓪᓕᐊᓐᓂᒡᓘᓐᓃᑦ ᓴᓇᔪᖃᕐᑐᒃᓴᐅᓐᖏᓚᖅ, ᑕᒪᕐᒥᒡᓕ ᓂᕆᔪᒃᓴᐅᕗᑦ ᐊᑐᐃᓐᓇᕈᕐᑕᐅᓯᒪᔪᓂᒃ.

ᒨᓯᓯ ᐂᑉᐸᖏᑦ 12:16 Iomraidhean Croise

ᒨᓯᓯ ᐂᑉᐸᖏᑦ 16:23

ᒨᓯᓯᐅᓪᓕ ᐅᖃᐅᑎᕔᑦ, “ᐊᑕᓂᐅᑉ ᐱᑯᓯᒪᖕᒪᑎᒍᑦ ᖃᐅᒃᐸᑦ ᑕᕾᕐᓯᕐᕕᐅᓂᐊᕐᒪᑦ ᑭᓱᓕᕆᕕᐅᖏᑦᓯᐊᕐᓗᓂ, ᑖᓐᓇ ᐊᑕᓂᐅᑉ ᓴᐸᑎᖁᑎᒋᖕᒪᒍ ᐃᑦᔪᕐᓁᑦᑐᖅ; ᑕᕝᕙᓂ ᐅᓪᓗᒥ ᐆᑎᕆᒋᑦᓯ ᐆᑦᑕᕆᐊᖃᕐᑕᑦᓯᓐᓂᒃ ᐆᔪᓕᐅᕐᓗᓯᓗ ᐆᔪᓕᐅᕆᐊᖃᕐᑕᑦᓯᓐᓂᒃ, ᐊᒥᐊᒃᑯᒋᔭᓯᓗ ᖃᐅᒃᐸᒧᑦ ᖁᒥᐅᑎᒋᓗᒋᑦ.”

ᒨᓯᓯ ᐂᑉᐸᖏᑦ 16:29

ᐃᖅᑲᐅᒪᓚᐅᕆᑦᓯ, ᐅᕙᖓ ᐊᑕᓂᐅᔪᖓ ᑕᕾᕐᓯᕐᕕᒃᓴᑦᓯᓐᓂᒃ ᑐᓂᓯᕕᒋᓚᐅᕋᑦᓯ, ᑍᒤᒻᒪᑦ ᐅᓪᓗᑦ ᐱᖓᓲᔪᕐᑐᖓᓐᓂ ᓂᕿᒃᓴᓂᒃ ᐅᓪᓘᖕᓄᑦ ᒪᕐᕉᖕᓄᑦ ᓈᒻᒪᒃᑐᒥᒃ ᑐᓂᓯᕕᒋᕙᑦᓯ; ᑍᒤᒻᒪᑦ ᐃᓄᓕᒫᑦ ᐃᓂᒥᖕᓂᑦ ᓅᑦᑐᖃᕐᑐᒃᓴᐅᓐᖏᓚᑦ ᐊᓂᔪᖃᖏᓪᓗᑎᒡᓗ ᐃᒡᓗᒥᖕᓂᑦ ᐅᓪᓗᑦ 7ᖓᓐᓂ.”

ᒨᓯᓯ ᐂᑉᐸᖏᑦ 16:5

ᐅᓪᓗᑦ 6ᖓᓐᓂ ᒪᕐᕈᐊᕐᑎᓪᓗᐊᕐᑐᒥᒃ ᑲᑎᑦᓯᔭᕆᐊᖃᖃᑦᑕᕐᓂᐊᕐᐳᑦ ᐱᐅᓯᕐᒥᒃᑐᓪᓗ ᑖᓐᓇ ᐅᐸᓗᖎᔭᕐᓗᒍ.”

ᒨᓯᓯ ᐂᑉᐸᖏᑦ 20:10

ᐅᓪᓗᓪᓕ 7ᖓᓐᓂ ᐅᓪᓗᖅ ᑕᕾᕐᓯᕐᕕᒃᓴᖅ ᓇᓪᓕᐅᑎᕗᖅ ᐊᑕᓂᕐᒧᑦ ᒎᑎᖕᓄᑦ ᑐᕌᖓᔪᖅ. ᐅᓪᓗᒥ ᑕᕝᕙᓂ ᑭᓇᓘᓐᓃᑦ ᓴᓇᔪᒃᓴᐅᓐᖏᓚᖅ ᕿᑐᕐᖓᑎᑦ, ᐱᔨᑎᓪᓗ ᐆᒪᔪᖁᑎᑎᓪᓘᓐᓃᑦ, ᓂᐅᕐᕈᐊᓪᓘᓐᓃᑦ ᓄᓇᑦᓯᓐᓄᑦ;

ᒨᓯᓯ ᐂᑉᐸᖏᑦ 34:18

“ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓇᓪᓕᐅᓐᓂᕐᓯᐅᕐᕕᒃ ᑲᒪᒋᓯᐊᖏᓐᓇᕋᒃᓴᕆᕙᓯ, ᑕᒪᓐᓇ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᒐᒃᑯ, ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕿᖃᕐᑐᒃᓴᐅᕗᓯ ᐅᓪᓗᓂᒃ 7ᓂᒃ ᑕᖅᑭᖅ ᐊᐱᑉᒥᒃ ᐊᑎᓕᒃ ᐊᑐᕐᑎᓪᓗᒍ; ᑕᕝᕙᓂ ᑕᖅᑭᒥ ᐊᐱᑉᒥ ᐄᑦᔨᑉᑎᒥᑦ ᐊᐅᓪᓚᓚᐅᕋᑦᓯ.

ᐂᓮᐊᓯᐅᑉ ᐊᒡᓚᖏᑦ 1:13

ᑐᓂᕐᕈᑎᒃᓴᓯ ᐊᑑᑎᖃᖏᑦᑐᑦ ᕾᑎᖃᑦᑕᕈᓐᓃᕐᓯᐅᒃ; ᐃᓯᕐᓗᐊᕐᓂᑎᑦᓯᑦᔪᑏᓪᓗ ᑎᐱᖏᑦ ᐱᐅᒋᓐᖏᓚᒃᑲ, ᑕᖅᑭᓂᕋᑖᕐᓂᖓᓂ ᓇᓪᓕᐅᓐᓂᕐᓯᐅᕈᑎᓯ ᓴᐸᑎᒥᓗ ᑲᑎᒪᓂᕆᕙᒃᑕᓯ ᐊᕆᐅᑉᐸᒃᑲ ᐊᔪᕐᓂᑦᓯᓐᓄᑦ ᐱᐅᔪᓐᓃᕐᑎᑕᐅᓯᒪᖕᒪᑕ.

ᒨᓯᓯ ᐱᖓᔪᖏᑦ 23:21

ᐅᓪᓗᒥ ᑕᕝᕙᓂ ᑍᒤᓕᐅᕐᕕᒋᔭᑦᓯᓐᓂ ᑲᑎᒪᔭᕆᐊᖃᕐᐳᓯ ᑐᒃᓯᐊᖃᑎᒌᒃᓗᓯ ᖃᐅᑕᒫᕐᓯᐅᑎᓂᒃ ᐱᓇᓱᐊᒐᕐᓂᑦ ᓄᖅᑲᖓᓗᓯ. ᑕᒪᓐᓇ ᒪᓕᒐᖅ ᐃᓕᖓᓂᐊᕐᒪᑦ ᑍᒪᓐᖓᓕᒫᒧᑦ, ᓇᓂᑐᐃᓐᓇᖅ ᓄᓇᖃᕋᓗᐊᕈᑦᓯ.

ᒨᓯᓯ ᐱᖓᔪᖏᑦ 23:27

“ᐅᓪᓗᐃᑦ ᖁᓕᖓᓂ ᑕᕝᕙᓂ ᑕᖅᑮᑦ 7ᖓᓐᓂ ᐊᕐᕌᒍᑕᒫᕐᓯᐅᑦ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᕕᒃ ᓇᓪᓕᐅᑎᕗᖅ, ᑲᑎᒪᓗᓯ ᑐᒃᓯᐊᖃᑎᒌᒋᑦᓯ ᓂᕆᑦᑍᓕᓗᓯᓗ, ᐊᑕᓂᕐᒧᓪᓗ ᑐᓂᕐᕈᓯᕐᓗᓯ ᐃᑯᐊᓚᑦᓯᓂᒃᑯᑦ.

ᒨᓯᓯ ᐱᖓᔪᖏᑦ 23:35

ᑖᒃᑯᐊ ᐅᓪᓗᐃᑦ ᓯᕗᓪᓕᕐᐹᖓᓐᓂ ᑲᑎᒪᔭᕆᐊᖃᕐᐳᓯ ᑐᒃᓯᐊᑲᑎᒌᒃᓗᓯ; ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᓯ.

ᒨᓯᓯ ᓯᑕᒪᖏᑦ 28:18

ᐅᓪᓗᐃᑦ ᓯᕗᓪᓕᕐᐹᖓᓂ ᑐᒃᓯᐊᖃᑎᒌᒋᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕝᕙᓂ ᓴᓇᕙᒃᑕᑦᓯᓂᒃ ᐱᓇᓱᐊᕐᓂᐊᖏᓚᓯ.

ᒨᓯᓯ ᓯᑕᒪᖏᑦ 28:25

ᐅᓪᓗᐃᑦ 7ᖓᓂ ᑐᒃᓯᐊᕆᐊᕐᓯᒪᔭᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕝᕙᓂ ᓴᓇᕙᒃᑕᑦᓯᓐᓂᒃ ᐱᓇᓱᐊᕆᐊᖃᓐᖏᓚᓯ.”

ᒨᓯᓯ ᓯᑕᒪᖏᑦ 28:26

“ᐊᒻᒪ ᐱᕈᕐᑐᑦ ᓯᕗᓪᓕᕐᐹᑦ ᑲᑎᑕᐅᓂᖏᓐᓂ, ᐱᕈᕐᑐᓂᒃ ᓄᑖᓂᒃ ᐊᑕᓂᕐᒧᑦ ᑐᓂᕐᕈᓯᓕᕈᑦᓯ ᐱᓇᓱᐊᕈᓯᕐᓂ ᐱᕈᕐᑐᑦ ᐱᓗᒋᑦ ᓇᓪᓕᐅᓐᓂᕐᓯᐅᕐᕕᖕᒥ, ᑲᑎᒪᓗᓯ ᑐᒃᓯᐊᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕝᕙᓂ ᓴᓇᕙᒃᑕᑦᓯᓂᒃ ᐱᓇᓱᐊᕐᑐᒃᓴᐅᓐᖏᓚᓯ.

ᒨᓯᓯ ᓯᑕᒪᖏᑦ 29:1

“ᑕᖅᑮᑦ 7ᖓᑦᑕ, ᐅᓪᓗᖓᑕ ᓯᕗᓪᓕᕐᐹᖓᓂ, ᑐᒃᓯᐊᕆᐊᕐᑐᒃᓴᐅᕗᓯ ᐃᑦᔪᕐᓁᑦᑐᒥᒃ ᑍᓗᒍ. ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ. ᐅᓪᓗᒥ ᑕᕝᕙᓂ ᑎᑦᑐᓚᐅᑎᑦ ᓂᓪᓕᐊᑎᑕᐅᔭᕆᐊᖃᕐᐳᑦ.

ᒨᓯᓯ ᓯᑕᒪᖏᑦ 29:12

“ᐅᓪᓗᐃᑦ 15ᖓᓂ ᑕᖅᑮᑦ 7ᖓᓐᓂ, ᑐᒃᓯᐊᕆᐊᕐᓯᒪᔭᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕐᓂᓯ ᑐᓂᔭᕆᐊᖃᕐᐸᓯ; ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ, ᐊᑕᓂᕐᒧᑦ ᓇᓪᓕᐅᓐᓂᕐᓯᐅᕆᐊᖃᕐᐳᓯ ᐅᓪᓗᓂᒃ 7ᓂᒃ.

ᔪᐊᓇᓯᐅᑉ ᐊᒡᓚᖏᑦ 19:31

ᐅᓪᓗᖅ ᐅᐸᓗᖕᒊᔭᕐᕕᐅᖕᒪᑦ, ᓴᐸᑎᐅᑎᓪᓗᒍ ᑎᒥᓂᒃ ᓂᕕᖓᖁᔨᓇᑎᒃ ᓴᓐᓂᖓᔪᓕᖕᒥ, ᐅᓪᓗᖅ ᑖᓐᓇ ᐃᑦᔪᕐᓁᒻᒪᑦ, ᔫᑎᑦ ᐊᖓᔪᖅᑳᖏᑦ ᐰᓛᑑᓯᒧᑦ ᐊᐱᕆᔭᕐᑐᕐᐳᑦ ᑭᑭᐊᒃᑐᕐᑕᐅᓯᒪᔪᑦ ᓂᐅᖏᑦ ᓇᑲᑎᕐᑕᐅᖁᓪᓗᒋᑦ, ᓴᓐᓂᖓᔪᓕᖕᒥᑦ ᐲᕐᑕᐅᔪᓐᓇᕐᓯᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 16:8

ᐅᓪᓗᓂᒡᓕ ᓱᓕ ᐱᖓᓲᔪᕐᑐᓂᒃ ᓂᐊᖂᔭᓂᒃ ᓂᕿᖃᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᓂᒃ; ᐅᓪᓗᓪᓕ 7ᖓᓐᓂ ᑲᑎᔪᒃᓴᐅᕗᓯ ᑐᒃᓯᐊᕆᐊᕐᑐᕐᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ, ᑕᕝᕙᓂᓗ ᐅᓪᓗᒥ ᐱᓇᓱᐊᕐᑐᒃᓴᐅᓐᖏᓚᓯ.”