ᒨᓯᓯ ᐂᑉᐸᖏᑦ 12:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᒪᓐᓇᓗ ᐅᒃᐱᕐᓂᒃᑯᑦ ᓇᓪᓕᐅᓐᓂᕐᓯᐅᕈᑎᒋᖃᑦᑕᕆᐊᖃᕈᒫᕐᐸᓯ ᐃᖅᑲᐅᒪᒃᓯᕈᑕᐅᖁᓪᓗᒍ ᖃᓄᖅ ᐅᕙᖓ ᐊᑕᓂᐅᔪᖓ ᐱᓇᓱᐊᓚᐅᕐᓯᒪᓂᓐᓂᒃ, ᓇᓪᓕᐅᓐᓂᕐᓯᐅᕐᐸᒍᒫᕐᐸᓯ ᑍᒪᓐᖓᑦ ᓯᕗᓂᕐᒥ ᐱᔪᒫᕐᑐᒥ.”

ᒨᓯᓯ ᐂᑉᐸᖏᑦ 12:14 Iomraidhean Croise

ᐊᑕᓃᑦ ᐂᑉᐸᖏᑦ 23:21

ᐊᖓᔪᖅᑳᕐᔪᐊᖅ ᔫᓮᐊ ᐃᓄᓕᒫᓂᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᖁᔨᕗᖅ, “ᐊᑕᓂᖅ ᒎᑎᒋᔭᓯ ᐱᓪᓗᒍ ᖄᖏᕐᑕᐅᕕᒃ ᓇᓪᓕᐅᓐᓂᕐᓯᐅᕐᓯᐅᒃ, ᐊᒡᓚᖕᓂ ᐅᑯᓇᓂ ᐊᖏᖃᑎᒌᒍᑎᓂ ᑎᑎᕋᕐᓯᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 111:4

ᐱᓇᓱᐊᕐᓯᒪᔭᖏᑕ ᐱᐅᔪᐊᓘᓂᖏᑦ ᐃᖅᑲᐅᒪᔭᐅᑦᔪᑎᒃᓴᓕᐅᕐᓯᒪᕔᑦ; ᐊᑕᓂᖅ ᐱᑦᓯᐊᕐᑐᐊᓘᕗᖅ ᓂᑲᒍᓱᒃᑑᓪᓗᓂᓗ.

ᐃᓐᖏᕈᑎᑦ 135:13

ᐊᑕᓃᖅ, ᐊᑏᑦ ᐃᓱᖃᖏᑦᑐᒧᑦ ᑐᕌᕐᐳᖅ, ᐊᑕᓃᖅ, ᐃᖅᑲᐅᒪᔭᐅᓃᑦ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᒨᓯᓯ ᐂᑉᐸᖏᑦ 12:17

ᑕᒪᓐᓇ ᓇᓪᓕᐅᓐᓂᖅ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᕐᑐᕐᕕᒃ ᓇᓪᓕᐅᓐᓂᕐᓯᐅᕐᐸᖑᒫᕐᐸᓯ, ᑖᑦᓱᒪᓂ ᐅᓪᓗᒥ ᐃᓅᖃᑎᓯ ᐊᓂᑎᓚᐅᕋᒃᑭᑦ ᐄᑦᔨᑉᑎᐅᑉ ᓄᓇᖓᓂᑦ; ᑍᒤᒻᒪᑦ ᑖᓐᓇ ᐅᓪᓗᖅ ᐃᒃᐱᒋᑦᓯᐊᕋᒃᓴᕆᕙᓯ, ᑭᖑᕚᕆᔪᒫᕐᑕᓯᓗ, ᓇᓪᓕᐅᓂᕐᓯᐅᖃᑦᑕᕈᒫᕐᐸᓯ ᐅᓪᓗᓂ ᕾᔪᒫᕐᑐᓂ.

ᒨᓯᓯ ᐂᑉᐸᖏᑦ 12:24

ᐃᓕᑦᓯ ᕿᑐᕐᖓᓕᒫᓯᓗ ᑕᒪᒃᑯᐊ ᒪᓕᒐᒃᓮᑦ ᓈᓚᒃᑕᕐᓴᕆᕙᓯ.

ᒨᓯᓯ ᐂᑉᐸᖏᑦ 12:43

ᐊᑕᓂᖅ ᐅᖃᕐᐳᖅ ᒨᓯᓯᒧᑦ ᐂᕉᓂᒧᓪᓗ, “ᐅᑯᐊ ᑕᕝᕙ ᖄᖏᕐᑕᐅᕕᖕᒧᑦ ᒪᓕᒐᐅᔭᕆᐊᖃᕐᑐᑦ ᐃᒤᑦᑑᕗᑦ; ᐃᓅᖃᑎᑐᖃᕆᓐᖏᑕᓯ ᖄᖏᕐᑕᐅᕕᖕᒥᒃ ᓇᓪᓕᐅᓂᕐᓯᐅᕐᓂᕐᒧᑦ ᓂᕆᖃᑎᒌᖕᓂᕐᒥ ᓂᕆᖃᑕᐅᔪᒃᓴᐅᓐᖏᓚᖅ.

ᒨᓯᓯ ᐂᑉᐸᖏᑦ 12:6

ᑭᓯᐊᓂᓕ ᓇᔪᕐᑎᒋᔭᒃᓴᕆᕙᓯ ᑕᖅᑭᐅᑉ ᑕᒪᑐᒪ ᐅᓪᓗᖓᑕ 14ᖓᑦ ᑎᑭᓪᓗᒍ, ᐊᑕᐅᑦᓯᒃᑯᒃ ᐃᓴᕆᐊᓕᒥᐅᑦ ᑲᑎᒪᔪᑦ ᓄᕐᕋᐅᔭᖁᑎᒥᖕᓂᒃ ᑐᖁᑦᓯᔪᒃᓴᐅᕗᑦ ᐅᓐᓄᒃᑯᑦ.

ᒨᓯᓯ ᐂᑉᐸᖏᑦ 23:15

ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ; ᑍᒤᖃᑦᑕᖁᓚᐅᕋᑦᓯ, ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᔪᒃᓴᐅᕗᓯ ᐅᓪᓗᓂᒃ 7ᓂᒃ ᓇᓪᓕᐅᓐᓂᖓ ᓇᓪᓕᐅᑎᔭᕌᖓᑦ ᑕᖅᑭᒥ ᐊᐱᑎᒥ, ᑕᕝᕙᓂ ᓇᓪᓕᐅᓐᓂᕐᒥ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ. ᓇᓪᓕᐊᓐᓂᒡᓘᓐᓃᑦ ᐅᕙᓐᓄᑦ ᑐᒃᓯᐊᕆᐊᕐᑐᖃᕐᑐᒃᓴᐅᓐᖏᓚᖅ ᑐᓂᕐᕈᑎᒃᓴᖃᖏᓪᓗᓂ.

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᒨᓯᓯ ᐂᑉᐸᖏᑦ 5:1

ᑕᒪᑐᒪᓕ ᑭᖑᓂᖓᒍᑦ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ ᐅᖃᕐᓗᑎᒡᓗ, “ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ, ‘ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᖁᕕᐊᓱᖃᑎᒌᒡᓗᑎᒃ ᐃᓄᖃᖏᑦᑐᒥ ᓂᕆᖃᑎᒌᒍᓐᓇᖁᓪᓗᒋᑦ ᐱᑦᔪᑎᒋᓗᖓ.’”

ᐃᓯᑭᐊᓕᐅᑉ ᐊᒡᓚᖏᑦ 46:14

ᐅᓪᓛᑕᒫᓪᓗ ᓂᐊᖂᔭᒃᓴᒥᒃ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ ᑐᓂᕐᕈᓯᕐᓃᑦ ᐃᓚᒃᓴᖏᓐᓂᒃ ᐸᐅᕐᖎᓪᓗ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐊᖏᑎᒋᔪᒥᒃ ᐃᓚᓕᐅᑎᔪᒃᓴᒥᒃ ᓂᐊᖂᔭᒃᓴᒧᑦ ᑐᓂᕐᕈᓯᕈᑕᐅᓗᑎᒃ ᐊᑕᓂᕐᒧᑦ ᐊᑐᐃᓐᓇᕈᐃᖃᑦᑕᕐᑐᒃᓴᐅᕗᖅ; ᑕᒪᑦᔭ ᑐᓂᕐᕈᓯᕐᓂᕐᒧᑦ ᐃᑯᐊᓚᑎᑕᒃᓴᒧᑦ ᒪᓕᒐᒃᓮᑦ ᐊᑐᕐᑕᐅᔪᒃᓴᐅᔪᑦ ᑍᒪᓐᖓᓕᒫᖅ.

ᒨᓯᓯ ᐱᖓᔪᖏᑦ 23:6

ᐅᓪᓗᐃᑦ 15ᖓᓂ ᑕᖅᑭᒥ ᑕᕝᕙᓂ ᐊᑕᓂᐅᑉ ᓇᓪᓕᐅᓐᓂᕐᓯᐅᕐᕕᐅᑎᑕᖓ ᐳᕙᓪᓚᕐᓴᐅᑎᖃᖏᑦᑐᒥ ᓂᐊᖂᔭᕐᑐᕐᕕᒃ ᐱᒋᐊᕐᓂᖃᕐᐳᖅ; ᐅᓪᓗᓂᒃ 7ᓂᒃ ᓂᐊᖂᔭᕐᑐᖃᑦᑕᕆᐊᖃᕐᐳᓯ ᐳᕙᓪᓚᕐᓴᐅᑎᖃᖏᑦᑐᓂᒃ.

ᓴᑲᕅᐊᐅᑉ ᐊᒡᓚᖏᑦ 6:14

ᐊᖓᔪᖅᑳᕐᔪᐊᕐᓯᐅᑦ ᓇᓴᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓃᓪᓗᓂ ᐃᖅᑲᐅᒪᑦᔪᑎᒃᓴᐅᓂᐊᕐᐳᖅ ᕼᐄᓪᑍᒧᑦ, ᑐᐱᐊᒧᑦ, ᔨᑍᐊᒧᓪᓗ, ᔪᓮᐊᒧᓪᓗ ᔨᐸᓁᐊᐅᑉ ᐃᕐᓂᖓᓄᑦ.”

ᒨᓯᓯ ᓯᑕᒪᖏᑦ 10:8

ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᐃᕐᓂᖏᑦ ᑎᑦᑐᓚᐅᑎᓂᒃ ᓂᓪᓕᕐᑎᑦᓯᔭᕆᐊᖃᕐᐳᑦ; ᑕᒪᓐᓇ ᑕᕝᕙ ᐱᖁᔭᖅ ᒪᓕᒋᐊᖃᕐᑕᓯ ᑍᒪᓐᖓᓕᒫᖅ ᑭᖑᕚᕇᓄᑦ.

ᒨᓯᓯ ᓯᑕᒪᖏᑦ 15:15

ᒪᓕᒐᖃᕐᓂᐊᕐᐳᓯ ᐃᓕᑦᓯᓐᓄᑦ ᑲᑎᒪᔪᕐᔪᐊᓄᑦ ᓄᓇᐅᓪᓗ ᐊᓯᐊᓂᑦ ᐱᓯᒪᔪᓄᑦ, ᑍᒪᓐᖓᓕᒫᖅ ᒪᓕᒐᕆᓂᐊᕐᑕᓯ ᑭᖑᕚᕇᓂᑦ ᑭᖑᕚᕇᓄᑦ; ᐃᓕᑦᓯ ᑍᒤᑦᓴᕆᐊᖃᕐᓂᐊᕋᑦᓯ, ᑍᒫᒃᑕᐅᖅ ᓄᓇᐅᑉ ᐊᓯᐊᓂᑦ ᐱᓯᒪᔪ ᐱᔭᕆᐊᖃᕆᕗᑦ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 16:40

ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.

ᒨᓯᓯ ᓯᑕᒪᖏᑦ 18:8

ᐊᑕᓂᐅᓪᓗ ᐂᕉᓂ ᐅᖃᕐᕕᒋᕚ, “ᐅᕙᖓ ᓇᖕᒥᓂᖅ ᑐᓂᓯᕕᒋᕙᑦᓯ ᐊᖓᔪᖅᑳᖑᖁᓪᓗᓯ ᑐᓂᕐᕈᓯᕐᓂᕐᒧᑦ ᐃᓵᒃᑕᕈᑎᒧᑦ, ᐃᑦᔪᕐᓁᑦᑐᓕᒫᓂᒡᓗ ᐃᓴᕆᐊᓕᒥᐅᑦ ᑐᓂᕐᕈᑎᒋᕙᒃᑕᖏᓐᓄᑦ; ᑐᓂᓯᕕᒋᕙᑦᓯ ᐃᓕᖕᓄᑦ ᐃᕐᓂᕐᓄᓪᓗ, ᑍᒪᓐᖓᓕᒫᖅ ᑕᒪᓐᓇ ᒪᓕᒐᐅᖁᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 26:13

ᓱᓕᔪᒥᒃ ᐅᖃᐅᑎᕙᑦᓯ, ᓇᓂᑐᐃᓐᓇᓕᒫᖅ ᓄᓇᕐᔪᐊᕐᒥ ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᓕᕌᖓᑕ, ᑖᑦᓱᒪ ᐊᕐᓇᐅᑉ ᐱᓂᐊᕐᓂᕆᔭᖓ ᐅᖃᐅᓯᐅᖃᑦᑕᕈᒫᕐᐳᖅ ᐃᖅᑲᐅᒪᔭᐅᑦᔪᑎᒋᓗᒍ.”

ᓘᑲᓯᐅᑉ ᐊᒡᓚᖏᑦ 22:19

ᓂᐊᖂᔭᖅ ᑎᒍᒐᒥᐅᒃ, ᖁᔭᓕᔭᕇᕋᒥ ᐊᕕᒃᐹ ᑖᒃᑯᓄᖓ ᑐᓂᓪᓗᒍ, ᐅᖃᕐᐳᖅ, “ᐅᓇ ᑕᕝᕙ ᑎᒥᒐ ᑐᓂᔭᐅᔪᖅ ᐃᓕᑦᓯᓐᓄᑦ. ᑍᒤᓕᐅᖃᑦᑕᕆᑦᓯ ᐃᖅᑲᐅᒪᑦᔪᑎᒋᓗᒍ ᐅᕙᓐᓂᒃ.”

ᒨᓯᓯ ᑕᓪᓕᒪᖏᑦ 16:1

“ᐊᑕᓂᖅ ᒎᑎᒋᔧᑦ ᐅᐱᓐᓇᕐᓯᑎᑕᒃᓴᕆᕙᑦ ᓇᓪᓕᐅᓐᓂᕐᓯᐅᕐᓗᑎᑦ ᖄᖏᕐᑕᐅᕕᖕᒥᒃ ᑕᖅᑭᒥ ᐊᐱᑉᒥᒃ ᑍᔭᐅᔪᒥ; ᑕᕝᕙᓂ ᑕᖅᑭᒥ ᐅᓐᓄᐊᒃᑯᑦ ᓴᐳᑎᔭᐅᓚᐅᕐᓯᒪᒐᑦᓯ ᐊᐅᓪᓚᕐᑎᑕᐅᓪᓗᓯᓗ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 6:8

ᐊᒡᒐᐅᑎᑦᓯᓐᓂ ᓇᓗᓁᒃᑯᑕᐅᓗᑎᒃ ᕿᓚᒃᓯᒪᔪᒃᓴᐅᕗᑦ ᖃᐅᕐᒥᐅᑕᕆᓗᒋᓪᓗ ᖃᐅᕈᑎᒧᑦ ᐃᓕᓯᒪᓗᒋᑦ ᐃᖅᑬᑦᔪᑎᒃᓴᐅᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 4:7

ᑭᐅᔪᒫᕋᑦᓯᐅᒃ ᔪᐊᕐᑕᓂᐅᑉ ᑰᖓ ᑰᒍᓐᓃᓚᐅᕐᓯᒪᓂᖓᓂᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑳᕈᑦᔭᐅᓕᕐᑎᓪᓗᒍ ᑰᖕᒥᒃ ᔪᐊᕐᑕᓂᒥᒃ, ᔪᐊᕐᑕᓂᐅᑉ ᑰᖓ ᓄᖅᑲᖓᑎᑕᐅᓚᐅᕐᒪᑦ. ᑖᒃᑯᐊ ᐅᔭᕅᑦ ᐃᓴᕆᐊᓕᒥᐅᓄᑦ ᖃᓄᖅ ᐱᔪᖃᓚᐅᕐᓯᒪᖕᒪᖔᑦ ᐃᖅᑲᐅᒪᑦᔪᑎᒃᓴᐅᓂᐊᕐᐳᑦ ᐃᓱᖃᖏᑦᑐᒧᑦ.”

ᓴᒧᐃᓕ ᓯᕗᓪᓖᑦ 30:25

ᑍᕕᑎᐅᑉ ᑕᒪᓐᓇ ᑕᕝᕙᓐᖓᑦ ᐱᒋᐊᕐᓗᒍ ᐱᖁᔭᓕᐊᕆᓚᐅᕐᐹ, ᐃᓴᕆᐊᓕᒥᐅᓂᓪᓗ ᑍᒪᓐᖓ ᑕᒪᓐᓇ ᒪᓕᒃᑕᐅᓕᓚᐅᕐᐳᖅ.