ᒨᓯᓯ ᐂᑉᐸᖏᑦ 12:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᒫᒃ ᑕᕝᕙ ᓂᕆᔭᒃᓴᕆᕙᓯ, ᕿᑎᑦᓯᒍᑦ ᑕᑦᓯᕈᓯᕐᓯᒪᔪᒃᓴᐅᕗᓯ ᐃᑎᒐᒍᓯᕐᓯᒪᓗᓯᓗ, ᐊᔭᐅᑉᐱᐊᓯᓗ ᑎᒍᒥᐊᕐᓗᒋᑦ; ᑐᐊᕕᕐᓗᓯ ᓂᕆᔪᒃᓴᐅᕗᓯ. ᑕᒪᓐᓇ ᐊᑕᓂᐅᑉ ᖄᖏᕐᑕᐅᕕᒃᓯᐅᑎᒋᖕᒪᒍ.

ᒨᓯᓯ ᐂᑉᐸᖏᑦ 12:11 Iomraidhean Croise

ᐊᑕᓃᑦ ᐂᑉᐸᖏᑦ 23:21

ᐊᖓᔪᖅᑳᕐᔪᐊᖅ ᔫᓮᐊ ᐃᓄᓕᒫᓂᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᖁᔨᕗᖅ, “ᐊᑕᓂᖅ ᒎᑎᒋᔭᓯ ᐱᓪᓗᒍ ᖄᖏᕐᑕᐅᕕᒃ ᓇᓪᓕᐅᓐᓂᕐᓯᐅᕐᓯᐅᒃ, ᐊᒡᓚᖕᓂ ᐅᑯᓇᓂ ᐊᖏᖃᑎᒌᒍᑎᓂ ᑎᑎᕋᕐᓯᒪᓂᖓ ᒪᓕᒡᓗᒍ.”

ᒨᓯᓯ ᐂᑉᐸᖏᑦ 12:13

ᐊᖏᕐᕋᕆᔭᑦᓯᓗ ᐃᑎᕐᑕᕐᕕᖓᑕ ᐊᕙᓗᐊᒍᑦ ᐊᐅᒥᑎᕐᓯᒪᓂᖏᑦ, ᐃᓕᑦᓯᓐᓄᑦ ᓇᓗᓁᒃᑯᑕᐅᓂᐊᕐᐳᑦ ᓇᓃᓐᓂᑦᓯᓐᓂᒃ; ᐊᐅᖕᒥᒡᓗ ᑕᑯᑐᐊᕈᒪ, ᑕᕝᕙ ᖄᖏᕐᓂᐊᕐᐸᑦᓯ, ᑕᒪᑐᒧᖓᓗ ᑲᑉᐱᐊᓇᕐᑐᕐᔪᐊᒧᑦ ᑎᑭᑕᐅᓂᐊᓐᖏᓚᓯ ᐄᑦᔨᑉᑎᒥᐅᑦ ᓱᒋᐊᓕᕈᒃᑭᑦ.

ᒨᓯᓯ ᐂᑉᐸᖏᑦ 12:21

ᐃᓴᕆᐊᓕᒥᐅᑦ ᐊᖓᔪᖅᑳᕆᔭᓕᒫᖏᑦ ᒨᓯᓯᐅᑉ ᑲᑎᖃᑎᒋᔪᒪᕔᑦ, ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᑐᓂᑦ ᓄᕐᕋᐅᔭᒥᒃ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐱᓗᓯ ᑐᖁᑦᓯᔭᕆᐊᖃᕐᐳᓯ, ᐃᒡᓗᒥᐅᖃᑎᒌᖑᔪᓯᒍᑦ ᑐᖁᓐᓇᕐᑐᒧᑦ ᖄᖏᕐᑕᐅᑦᔪᑎᒋᔭᑦᓯᓐᓂᒃ ᓂᕆᕕᒃᔪᐊᕈᑎᖃᕐᓂᐊᕋᑦᓯ.

ᒨᓯᓯ ᐂᑉᐸᖏᑦ 12:27

ᑭᐅᕙᖕᓂᐊᕐᐳᓯ, ‘ᑐᓂᕐᕈᓯᕐᓂᖅ ᖄᖏᕐᑕᐅᓂᕆᓯᒪᔭᕗᑦ ᐱᓪᓗᒍ, ᐊᑕᓂᕐᒥᒃ ᐅᐱᒍᓱᖕᓂᑦᑎᓐᓂᒃ ᓇᓗᓁᒃᑯᑕᐅᕗᖅ. ᐊᑕᓂᐅᑉ ᐃᓴᕆᐊᓕᒥᐅᑦ ᐃᒡᓗᖏᑦ ᖄᖏᓚᐅᕐᒪᒋᑦ ᐄᑦᔨᑉᑎᒦᑎᓪᓗᑕ, ᐄᑦᔨᑉᑎᒥᐅᓪᓗ ᕿᑐᕐᖓᖏᓐᓂᑦ ᐊᖓᔪᒃᓯᕐᐹᖑᔪᑦ ᑐᖁᑎᓚᐅᕐᒪᒋᑦ, ᐅᕙᒍᓪᓕ ᐆᒪᑎᓚᐅᕐᐹᑎᒍᑦ.’” ᐃᓴᕆᐊᓕᒥᐅᓪᓗ ᓰᖅᑯᕐᓗᑎᒃ ᑐᒃᓯᐊᕐᐳᑦ.

ᒨᓯᓯ ᐂᑉᐸᖏᑦ 12:43

ᐊᑕᓂᖅ ᐅᖃᕐᐳᖅ ᒨᓯᓯᒧᑦ ᐂᕉᓂᒧᓪᓗ, “ᐅᑯᐊ ᑕᕝᕙ ᖄᖏᕐᑕᐅᕕᖕᒧᑦ ᒪᓕᒐᐅᔭᕆᐊᖃᕐᑐᑦ ᐃᒤᑦᑑᕗᑦ; ᐃᓅᖃᑎᑐᖃᕆᓐᖏᑕᓯ ᖄᖏᕐᑕᐅᕕᖕᒥᒃ ᓇᓪᓕᐅᓂᕐᓯᐅᕐᓂᕐᒧᑦ ᓂᕆᖃᑎᒌᖕᓂᕐᒥ ᓂᕆᖃᑕᐅᔪᒃᓴᐅᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 52:12

ᑐᐊᕕᕐᑎᑕᐅᓗᓯ ᐊᐅᓪᓚᕐᓂᐊᓐᖏᓐᓇᑦᓯ, ᕿᒫᓂᕐᒧᓪᓗ ᐊᐅᓪᓚᕐᓂᐊᖏᓐᓇᑦᓯ; ᐊᑕᓂᐅᑉ ᓯᕗᓪᓕᕐᓂᐊᕐᒪᓯ, ᐃᓴᕆᐊᓕᐅᓪᓗ ᒎᑎᖓᑦᑕ ᒪᓕᖕᓂᐊᕐᐹᓯ ᑭᖑᓂᑦᓯᓐᓂ ᐃᓕᑦᓯᓐᓂᒃ ᓴᐳᓐᓂᐊᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 45:21

“ᑕᖅᑭᐅᑉ ᓯᕗᓪᓕᕐᐹᑉ ᐅᓪᓗᖏᑕ 14ᖓᓐᓂ, ᖄᖏᕐᑕᐅᕕᒃ ᓇᓪᓕᐅᓐᓂᕐᓯᐅᒐᒃᓴᕆᕙᓯ, ᐅᓪᓗᓂᒡᓗ 7ᓂᒃ ᓂᕆᖃᑦᑕᕐᑐᒃᓴᐅᕗᓯ ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ.

ᒨᓯᓯ ᐱᖓᔪᖏᑦ 23:5

ᖄᖏᕐᑕᐅᕕᒃ, ᐱᒋᐊᓲᖑᕗᖅ ᐅᓪᓛᒃᑯᑦ ᖃᐅᒻᒪᓕᕐᑎᓪᓗᒍ ᐅᓪᓗᐃᑦ 14ᖓᓂ ᑕᖅᑮᓪᓗ ᓯᕗᓪᓕᕐᐹᖓᓂ.

ᒨᓯᓯ ᓯᑕᒪᖏᑦ 28:16

“ᐅᓪᓗᐃᑦ 14ᖓᓂ ᑕᖅᑮᑦ ᓯᕗᓪᓕᕐᐹᖓᓂ ᐊᑕᓂᐅᑉ ᐊᐅᓪᓚᕐᕕᒃᓯᐅᕐᕕᖓ ᓇᓪᓕᐅᑎᕗᖅ.

ᒨᓯᓯ ᓯᑕᒪᖏᑦ 9:1

ᐊᑕᓂᐅᓪᓗ ᒨᓯᓯ ᐅᖃᕐᕕᒋᓚᐅᕐᐹ ᐃᓄᖃᖏᑦᑐᒥ ᓮᓁᒥ, ᑕᖅᑭᐅᑉ ᓯᕗᓪᓕᕐᐹᖓᓂ ᐊᕐᕌᒍᑉ ᐂᑉᐸᖓᓂ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᖓᑦᑕ ᑭᖑᕐᖓᓂ, ᐃᒫ ᐅᖃᕐᓗᓂ:

ᓘᑲᓯᐅᑉ ᐊᒡᓚᖏᑦ 12:35

“ᐅᐸᓗᖕᒊᕐᓯᒪᒋᑦᓯ ᓱᓇᓕᒫᒧᑦ ᐊᓐᓄᕌᕐᓯᒪᓗᓯ ᓇᓂᕈᐊᓯᓗ ᐃᑯᒪᓗᑎᒃ.

ᓘᑲᓯᐅᑉ ᐊᒡᓚᖏᑦ 15:22

ᐊᑖᑕᖓᑕ ᐱᔨᓂ ᐅᖃᐅᑎᕔᑦ, ‘ᑐᐊᕕᕐᓗᓯ ᐊᓐᓄᕌᓂᒃ ᐱᐅᓂᕐᐹᓂᒃ ᕾᑦᓯᓕᕆᑦᓯ, ᐊᓐᓄᕌᕐᓗᒍ; ᓇᒡᒍᐊᕐᒥᒃᑕᐅᓗᓂ, ᐃᑎᒐᒍᓯᕐᑕᐅᓗᓂᓗ;

ᓘᑲᓯᐅᑉ ᐊᒡᓚᖏᑦ 2:41

ᐊᕐᕌᒍᑕᒫᑦ ᔩᓱᓯᐅᑉ ᐊᖓᔪᖅᑳᖏᒃ ᔨᕉᓴᓕᒻᒧᐊᖃᑦᑕᓚᐅᕐᐴᒃ ᓇᓪᓕᐅᓐᓂᕐᓯᐅᕆᐊᕐᑐᕐᓗᑎᒃ ᖄᖏᕐᑕᐅᕕᖕᒥᒃ.

ᓘᑲᓯᐅᑉ ᐊᒡᓚᖏᑦ 7:38

ᔩᓱᓯᐅᑉ ᑐᓄᐊᓂ ᓇᖏᕐᐳᖅ ᐃᑎᒐᖏᑕ ᓴᓂᐊᓂ, ᕿᐊᓪᓗᓂ, ᖁᕝᕕᒥᓄᑦ ᐃᑎᒐᖏᑦ ᖃᐅᓯᓕᕐᑎᕐᐰᑦ, ᐊᓪᓚᕐᑎᕐᓗᒋᓪᓗ ᓄᔭᕐᒥᓄᑦ, ᐃᑎᒐᖏᓪᓗ ᑯᓂᒃᐰᑦ, ᑎᐱᑦᓯᐊᕆᒃᑐᒥᒃ ᑯᕝᕕᕆᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:7

ᐳᕙᓪᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᓚᐅᕐᑕᓯ ᐲᔭᓕᕐᓯᐅᒃ ᓄᑖᒥᒃ ᓂᐊᖂᔭᒃᓴᐅᓂᐊᕋᑦᓯ ᐳᕙᓪᓚᖅᑯᑎᖃᖏᑦᑐᒥᒃ, ᖃᐅᔨᒪᕗᖓ ᐳᕙᓪᓚᖅᑯᑎᖃᖏᑦᑑᒐᑦᓯ. ᖄᖏᕐᑕᐅᕕᖕᒥ ᓇᓪᓕᐅᓐᓂᕐᓯᐅᕐᓂᕗᑦ ᐱᔭᕇᕐᓯᒪᓕᕐᒪᑦ, ᓄᕐᕋᐅᔮᕐᑐᖁᑎᕗᑦ ᙭ᔅᑑᓯ ᑐᓂᕐᕈᑕᐅᔭᕇᕐᓯᒪᓕᕐᒪᑦ.

ᐃᐱᓯᒥᐅᓄᑦ 6:15

ᑲᒥᒃᓯᒪᒋᑦᓯᓗ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᑦ ᐅᖃᐅᓯᕆᔪᓐᓇᕐᓗᒋᑦ ᐊᑐᐃᓐᓇᐅᖁᓪᓗᓯ;

ᒨᓯᓯ ᑕᓪᓕᒪᖏᑦ 16:1

“ᐊᑕᓂᖅ ᒎᑎᒋᔧᑦ ᐅᐱᓐᓇᕐᓯᑎᑕᒃᓴᕆᕙᑦ ᓇᓪᓕᐅᓐᓂᕐᓯᐅᕐᓗᑎᑦ ᖄᖏᕐᑕᐅᕕᖕᒥᒃ ᑕᖅᑭᒥ ᐊᐱᑉᒥᒃ ᑍᔭᐅᔪᒥ; ᑕᕝᕙᓂ ᑕᖅᑭᒥ ᐅᓐᓄᐊᒃᑯᑦ ᓴᐳᑎᔭᐅᓚᐅᕐᓯᒪᒐᑦᓯ ᐊᐅᓪᓚᕐᑎᑕᐅᓪᓗᓯᓗ ᐄᑦᔨᑉᑎᒥᑦ.

ᔮᓱᐊᑉ ᐊᒡᓚᖏᑦ 5:10

ᐃᓴᕆᐊᓕᒥᐅᑦ ᑕᖕᒫᕐᓯᒪᓪᓗᑎᒃ ᒋᐅᓪᒐᐅᓪᒥ ᓇᑎᕐᓇᒦᑦᑐᒥ ᔨᕆᑰᑉ ᓴᓂᐊᓂ, ᓇᓪᓕᐅᓐᓂᕐᓯᐅᓚᐅᕐᐳᑦ ᖄᖏᕐᑕᐅᕕᐅᑉ ᓇᓪᓕᐅᓂᖓᓂᒃ ᑕᖅᑭᐅᑉ ᐅᓪᓗᖓᑕ 14ᖓᓂ ᐅᓐᓄᒃᑎᓪᓗᒍ.

ᐲᑦᑐᕉᓯ ᓯᕗᓪᓖᑦ 1:13

ᑍᒤᒻᒪᑦ ᐃᓱᒪᑦᓯᒍᑦ ᐅᐸᓗᖕᒊᕐᓯᒪᓕᕆᑦᓯ; ᓇᖕᒥᓂᑦᓯᓐᓂᒃ ᑲᒪᑦᓯᐊᕐᓗᓯ ᐃᓅᓯᑦᓯᓐᓂᒃ; ᓂᕆᐅᖕᓂᓯ ᓱᖁᓯᕐᑍᓕᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑎᑭᓐᓂᐊᕐᒪᑦ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.