ᒨᓯᓯ ᐂᑉᐸᖏᑦ 11:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓂᐱᖅᑯᕐᑐᓗᑎᒃ ᕿᐊᔪᖃᕐᓂᐊᕐᐳᖅ ᐄᑦᔨᑉᑎᓕᒫᒥ, ᑍᒫᑎᒋ ᓯᕗᓂᖓᒍᑦ ᐱᔪᖃᓚᐅᕐᓯᒪᓐᖏᓚᖅ ᑍᒫᒡᓗ ᐱᔪᖃᒃᑲᓐᓂᕐᓂᐊᕋᓂ ᑭᖑᓂᖓᒍᑦ.

ᒨᓯᓯ ᐂᑉᐸᖏᑦ 11:6 Iomraidhean Croise

ᒨᓯᓯ ᐂᑉᐸᖏᑦ 11:7

ᕿᒻᒦᓪᓘᓐᓃᑦ ᕿᓗᖕᓂᐊᓐᖏᓚᑦ ᐃᓴᕆᐊᓕᒥᐅᓄᑦ ᓂᕐᔪᑎᖁᑎᖏᓐᓄᓪᓗ, ᑕᕝᕙ ᖃᐅᔨᓂᐊᕐᐳᓯ ᐅᕙᖓ ᐊᑕᓂᖅ ᐄᑦᔨᑉᑎᒥᐅᓂᒃ ᐃᓴᕆᐊᓕᒥᐅᓂᒡᓗ ᐊᑦᔨᒌᓐᖏᑎᑦᓯᓂᓐᓂᒃ.”

ᒨᓯᓯ ᐂᑉᐸᖏᑦ 12:30

ᐅᓐᓄᐊᒥᓗ ᑕᒪᑐᒪᓂ, ᐊᖓᔪᖅᑳᕐᔪᐊᖅ ᐊᖓᔪᖅᑳᖁᑎᖏᓪᓗ ᐄᑦᔨᑉᑎᒥᐅᖑᖃᑎᓕᒫᖏᓪᓗ ᐃᖅᑯᒻᒪᕐᑎᑕᐅᕗᑦ ᓂᐱᖅᑯᕐᑐᓪᓗᑎᒃ ᕿᐊᔪᑦ ᑐᓴᕐᑕᐅᔪᓐᓇᓚᐅᕐᐳᑦ ᐄᑦᔨᑉᑎᓕᒫᒥ. ᐃᒡᓗᑕᖃᓚᐅᓐᖏᓚᖅ ᐊᑕᐅᓯᕐᒥᒡᓘᓐᓃᑦ ᐃᕐᓂᒥᓂᒃ ᑐᖁᔨᐊᖃᕐᓯᒪᖏᑦᑐᒥᒃ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᒨᓯᓯ ᐂᑉᐸᖏᑦ 9:18

ᑕᑯᒋᑦ, ᖃᐅᒃᐸᑦ ᒫᓐᓇᑐᑦ ᑍᒤᓪᓗᐊᓕᕐᑎᓪᓗᒍ ᓇᑕᖅᑯᕐᓇᕐᓂᒃ ᐊᖏᔫᑎᐊᓗᖕᓂᒃ ᑲᑕᒐᕐᑎᑦᓯᓂᐊᕐᐳᖓ, ᑕᒪᑐᒪᓗ ᓯᕗᓂᖓᒍᑦ ᑍᒤᑦᑐᖃᓚᐅᕐᓯᒪᓐᖏᓚᖅ ᑕᒫᓂ ᐄᑦᔨᑉᑎᒥ ᒫᓐᓇᒧᑦ ᑎᑭᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:13

ᐊᔪᕐᓴᕐᑐᑦ ᕿᓄᓂᖏᓐᓂᒃ ᑐᓴᕐᑍᓕᒪᔪᖅ, ᕿᓄᓇᓱᐊᓕᕋᓗᐊᕐᐸᑦ ᑐᓴᕐᑕᐅᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 15:8

ᓇᓂᑐᐃᓐᓇᖅ ᒧᐊᐱᐅᑉ ᓄᓇᖓᓂ ᕿᐊᔪᑦ ᑐᓴᕐᓴᐅᕗᑦ; ᕿᐊᓂᖅ ᑐᓴᕐᓴᐅᓕᕐᐳᖅ ᐃᒡᓔᒻᒥᐅᓂ, ᕿᐊᓂᕐᓗ ᑐᓴᕐᓴᐅᒋᕗᖅ ᐱᐊᕐ-ᐃᓕᒻᒥᐅᓂ.

ᐂᓮᐊᓯᐅᑉ ᐊᒡᓚᖏᑦ 19:16

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐄᑦᔨᑉᑎᒥᐅᑦ ᐊᕐᓇᑎᑐᑦ ᑍᒤᓕᕈᒫᕐᐳᑦ, ᓴᔪᒍᒫᕐᐳᑦ ᑲᑉᐱᐊᓱᒡᓗᑎᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᒡᒐᖕᒥᓄᑦ ᓴᔪᒃᑎᑦᓱᒫᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 31:15

ᐃᒫᒃ ᐊᑕᓂᖅ ᐅᖃᕐᐳᖅ, “ᕌᒪᒥ ᓂᐱ ᑐᓴᕐᓴᐅᕗᖅ, ᕿᐊᓂᖅ ᐅᒡᒍᐊᕐᓂᕐᓗ, ᕅᒋᓕᐅᑉ ᕿᑐᕐᖓᓂ ᕿᐊᑦᔪᑎᒋᕔᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓗ ᕿᑐᕐᖓᖏᑦ ᓄᖑᑕᐅᖕᒪᑕ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:8

ᑐᒃᓯᐊᕋᓗᐊᕋᒪ ᐃᑲᔪᕐᑕᐅᔪᒪᓪᓗᖓ, ᑐᒃᓯᐊᕐᓂᕋ ᒪᑐᕚ.

ᐂᒨᓯᐅᑉ ᐊᒡᓚᖏᑦ 5:17

ᕔᓂᒃᓴᓂᒡᓗ ᐱᕈᕐᓰᕕᓕᒫᓂ ᕿᐊᓂᕐᔪᐊᖃᕈᒫᕐᐳᖅ, ᑕᒪᐅᓇ ᐃᓕᑦᓯᑎᒍᑦ ᐊᖅᑯᓵᕈᒫᕋᒪ,” ᐊᑕᓂᖅ ᐅᖃᕐᐳᖅ.

ᔨᐸᓁᐊᐅᑉ ᐊᒡᓚᖏᑦ 1:10

“ᐅᓪᓗᖅ ᓇᓪᓕᐅᑎᒃᐸᑦ,” ᐊᑕᓂᖅ ᐅᖃᕐᐳᖅ, “ᕿᐊᓂᖅ ᑐᓴᕐᓴᐅᔪᒫᕐᐳᖅ ᐃᑎᕐᑕᕐᕕᖕᒥᑦ ᐃᖃᓗᖕᒥᒃ ᐊᑎᓕᖕᒥᑦ, ᐅᒡᒍᐊᕐᓂᕐᒧᓪᓗ ᕿᐊᓂᖅ ᑐᓴᕐᓴᐅᔪᒫᕐᐳᖅ ᐃᒡᓗᒐᓮᑦ ᓄᑖᕕᓂᐅᓂᖓᓂᑦ, ᑲᑕᒐᕐᕙᓗᐃᓪᓗ ᐱᖑᕐᓂᑦ ᓂᐱᖅᑯᑐᔪᐊᓘᔪᒫᕐᐳᑦ.

ᓘᑲᓯᐅᑉ ᐊᒡᓚᖏᑦ 13:28

ᑕᕝᕙᓂ ᕿᐊᔪᒫᕐᐳᓯ ᐊᒡᓕᕈᓚᕐᓗᓯᓗ, ᐂᑉᕋᕼᐋᒻ ᐂᓴᑭᓗ ᔧᑯᓗ ᓇᓚᐅᑦᑍᔫᓚᐅᕐᑐᓪᓗ ᐊᑕᓂᐅᕕᖓᓃᑦᑐᑦ ᑕᑯᒍᑦᓯᐅᒃ ᐃᓕᑦᓯ ᐊᓂᑎᑕᐅᓗᓯ.