ᒨᓯᓯ ᐂᑉᐸᖏᑦ 11:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᖓᔪᒃᓯᕐᐹᖁᑎᓕᒫᖏᓪᓗ ᐄᑦᔨᑉᑎᒥ ᑐᖁᓂᐊᕐᐳᑦ, ᐊᖓᔪᖅᑳᕐᔪᐊᓪᓗ ᐃᕐᓂᕐᑖᕆᐅᕈᑎᖓ ᑖᓐᓇ ᑭᖑᕝᕕᕐᑎᒃᓴᕆᒐᔭᕐᑕᖓ ᐊᖓᔪᖅᑳᕐᔪᐊᑉ ᐊᒡᓛᑦ ᑐᖁᓂᐊᕆᕗᖅ, ᓯᐊᓛᖑᔪᑦ, ᓱᒃᑯᐃᓪᓗ, ᐊᖓᔪᒃᓯᕐᐹᖁᑎᓕᒫᖏᑦ ᑖᒃᑯᐊ ᓂᐊᖂᔭᒃᓴᓂᒃ ᓯᖁᑦᑎᕆᔨᐅᔪᑦ; ᐃᒻᒧᒃᓯᐅᒊᓪᓗᑦᑕᐅᖅ ᐊᖓᔪᒃᓯᕐᐹᖁᑎᖏᑦ ᑐᖁᓂᐊᕆᕗᑦ.

ᒨᓯᓯ ᐂᑉᐸᖏᑦ 11:5 Iomraidhean Croise

ᐃᓐᖏᕈᑎᑦ 105:36

ᐃᕐᓂᐊᕆᔭᐅᖅᑳᕐᓯᒪᔪᓕᒫᑦ ᓄᓇᖏᓐᓂ ᓄᖑᑕᐅᓚᐅᕆᕗᑦ, ᓲᖑᑦᔪᑎᒃᓴᖏᑕ ᓯᕗᓪᓕᕐᐸᐅᔪᖁᑎᓕᒫᖏᑦ.

ᐃᓐᖏᕈᑎᑦ 135:8

ᑖᑦᓱᒪ ᐃᕐᓂᐊᖑᖅᑳᕐᓯᒪᔪᑦ ᑐᖁᑎᓚᐅᕐᐰᑦ ᐄᑦᔨᑉᑎᒥ, ᑕᒪᕐᒥᒃ ᐃᓄᐃᓪᓗ ᓂᕐᔪᑎᓪᓗ;

ᐃᓐᖏᕈᑎᑦ 136:10

ᐄᑦᔨᑉᑎᒥ ᑐᖁᑎᑦᓯᓚᐅᕐᑐᖅ ᐃᕐᓂᐊᕆᔭᐅᖄᕐᓯᒪᔪᓂᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 78:51

ᐃᕐᓂᐊᖑᖅᑳᕐᓯᒪᔪᑦ ᐃᕐᓂᖏᑦ ᐄᑦᔨᑉᑎᒥ ᑐᖁᕋᓚᐅᕐᐰᑦ, ᐃᕐᓂᐊᖑᖅᑳᕐᑐᑦ ᓴᓐᖏᔫᑦᔪᑎᒃᓮᑦ ᕼᐋᒥᐅᑉ ᑭᖑᕚᖏᓐᓂ.

ᒨᓯᓯ ᐂᑉᐸᖏᑦ 12:12

“ᑕᕝᕙᓂ ᐅᓐᓄᒥ ᐄᑦᔨᑉᑎᐅᑉ ᓄᓇᖓᒍᑦ ᐃᖏᕐᕋᓂᐊᕋᒪ, ᐄᑦᔨᑉᑎᒥᓗ ᐃᕐᓂᐊᖑᖅᑳᕐᓯᒪᔪᓕᒫᑦ ᑐᖁᓐᓂᐊᕐᐸᒃᑲ, ᐃᓄᖕᓂᓗ ᐆᒪᔪᓂᓗ; ᐄᑦᔨᑉᑎᒥᐅᓪᓗ ᒎᑎᓐᖑᐊᓕᒫᖏᑦ ᓱᒋᐊᕐᓂᐊᕐᐸᒃᑲ ᑐᑭᓯᖁᓪᓗᒋᑦ, ᐅᕙᖓ ᐊᑕᓂᐅᒐᒪ.

ᒨᓯᓯ ᐂᑉᐸᖏᑦ 12:29

ᐅᓐᓄᐊᓪᓗᐊᖑᓕᕐᑎᓪᓗᒍ ᐊᑕᓂᐅᑉ ᑐᖁᑎᑉᐰᑦ ᐃᕐᓂᕐᑖᕆᐅᕈᑕᐅᓯᒪᔪᓕᒫᑦ ᐄᑦᔨᑉᑎᒥᐅᓄᑦ. ᐊᖓᔪᖅᑳᕐᔪᐊᑉ ᐃᕐᓂᖓᓂᑦ ᐱᒋᐊᕐᓗᓂ, ᑖᓐᓇ ᐊᖓᔪᖅᑳᕐᔪᐊᑉ ᑭᖑᕝᕕᕐᑎᒃᓴᕆᒐᔭᕐᑕᖓ, ᑎᒍᔭᐅᓯᒪᕕᖕᒦᑦᑐᑦ ᐃᕐᓂᑖᕆᐅᕈᑎᕕᓂᖓᑦ ᑎᑭᓪᓗᒍ. ᐆᒪᔪᓪᓗᑦᑕᐅᖅ ᕿᑐᕐᖓᕐᑖᕆᐅᕈᑎᕕᓂᖏᑦ ᑐᖁᑕᐅᒋᕗᑦ.

ᒨᓯᓯ ᐂᑉᐸᖏᑦ 13:15

ᐰᕉᖅ ᐅᕙᑦᑎᓐᓂᒃ ᐊᐅᓪᓚᖁᔨᖏᑦᑐᐊᓘᑎᓪᓗᒍ, ᐊᑕᓂᐅᑉ ᐄᑦᔨᑉᑎᒥᐅᓂ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᖁᑎᓚᐅᕐᐰᑦ, ᐊᑕᖏᕐᓗᒋᑦ ᐃᓅᒐᓗᐊᕐᐸᑦ ᐆᒪᔫᒐᓗᐊᕐᐸᓪᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ. ᑍᒤᒻᒪᑦ ᐊᑕᓂᕐᒧᑦ ᑐᓂᕐᕈᑎᖃᕐᐳᖓ ᐊᖑᑎᓂ ᐃᕐᓂᐊᖑᖅᑳᕐᓯᒪᔪᓂᒃ; ᑭᓯᐊᓂᓕ ᐃᕐᓂᓐᓂ ᐃᕐᓂᐊᖑᖅᑳᕐᓯᒪᔪᑦ ᑕᐅᕐᓯᐅᑎᓯᒪᕙᒃᑲ.’

ᒨᓯᓯ ᐂᑉᐸᖏᑦ 4:23

ᐅᖃᐅᑎᕙᒋᓪᓗ, ᐃᕐᓂᕋ ᐊᐅᓪᓚᕈᓐᓇᕐᑎᓚᐅᕈᒃ ᐱᔨᑦᓯᕈᓐᓇᖁᓪᓗᒍ ᐅᕙᓐᓂᒃ. ᐊᐅᓪᓚᖁᓂᐊᖏᒃᑯᕕᐅᒃ, ᑕᕝᕙ ᐊᖓᔪᒃᓯᕐᐹᖁᑏᑦ ᐃᕐᓃᑦ ᑐᖁᑎᓐᓂᐊᕐᐸᕋ.’”

ᐂᓮᐊᓯᐅᑉ ᐊᒡᓚᖏᑦ 47:2

ᓯᖃᓪᓕᓯᐅᑎ ᓂᐊᖂᔭᒃᓴᒥᒃ ᑎᒍᓕᕈᒃ, ᓂᐊᖂᔭᒃᓴᓂᒡᓗ ᓯᖁᑦᑎᕆᓕᕆᑦ, ᑮᓇᕐᐱᑦ ᒪᑐᐊᖓ ᐲᓕᕈᒃ, ᐊᓐᓄᕌᑎᑦ ᐱᐅᔪᑦ ᐲᔭᕐᓗᒋᑦ, ᓂᐅᒃᑭᒃ ᓴᖅᑭᑎᒃᑭᒃ, ᑰᖕᒥᒡᓗ ᐃᑳᓕᕆᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:13

ᐃᓅᓱᒃᑐᖁᑎᕗᓪᓗ ᓯᖃᓪᓕᓯᕕᖕᒥ ᓂᐊᖂᔭᒃᓴᓂᒃ ᓯᐊᓛᕆᔭᐅᑐᐃᓐᓇᕐᐳᑦ; ᓄᑲᑉᐱᐊᓪᓗ ᕿᔪᒃᓴᓂᒃ ᐊᒡᔭᕐᑐᕐᑎᐅᔪᑦ ᐅᖁᒤᒃᓴᕐᑎᑕᐅᓗᐊᕐᓂᕐᒧᑦ ᐅᕐᕈᔮᕐᓗᑎᒃ ᐊᒡᔭᕐᑐᖃᑦᑕᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 24:41

ᐊᕐᓈᒃ ᒪᕐᕉᒃ ᓂᐊᖂᔭᒃᓴᓂᒃ ᓯᖅᑲᓪᓕᑎᑦᓯᕕᖕᒦᑦᓱᒫᕐᐴᒃ; ᐂᑉᐹ ᐊᐅᓪᓚᕈᑦᔭᐅᔪᒫᕐᐳᖅ, ᐂᑉᐹᓕ ᕿᒪᒃᑕᐅᓗᓂ.

ᐄᑉᕈᐃᓄᑦ 11:28

ᐅᒃᐱᕐᓂᑯᑦ ᖄᖏᕐᑕᐅᕕᖕᒥᒃ ᐱᒋᐊᕐᑎᑦᓯᓚᐅᕐᐳᖅ; ᐃᒡᓘᓪᓗ ᐅᒃᑯᐊᖏᑦ ᐊᐅᒃᑎᕐᑕᐅᖁᓪᓗᓂᒋᑦ, ᐃᕐᓂᐊᖑᖅᑳᕐᓯᒪᔪᑦ ᐊᖑᑎᑦ ᑐᖁᑕᐅᖁᓇᒋᑦ ᐃᓴᕆᐊᓕᒥᐅᓂ, ᑐᖁᕅᔭᕐᑐᕐᑐᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 16:21

ᐱᓕᔅᑍᓂᒥᐅᑦ ᑎᒍᕚᑦ, ᐃᔨᖏᒡᓗ ᖃᕐᓗᒋᒃ, ᐂᑎᑉᐹᓗ ᒑᓴᒧᑦ, ᕿᓚᒃᓱᕐᓗᒍᓗ ᑲᓐᓄᔭᓄᑦ ᐊᕐᓵᕐᑑᔭᓄᑦ; ᓯᖃᓪᓕᑎᑦᓯᕕᖕᒥᓗ ᑎᒍᔭᐅᓯᒪᕕᖕᒥ ᓯᖃᓪᓕᑎᑦᓯᔨᐅᑎᑕᐅᓕᕐᐳᖅ.