ᒨᓯᓯ ᐂᑉᐸᖏᑦ 11:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᑕᓂᐅᓪᓗ ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᑉᐰᑦ ᐃᓴᕆᐊᓕᒥᐅᓂᒃ, ᐊᒡᓛᑦ ᒨᓯᓯ ᐊᖓᔪᖅᑳᕐᔪᐊᖑᔪᓄᑦ ᐃᓄᖕᓄᓪᓗ ᐊᔪᖏᑦᑐᐊᓘᓇᓱᒋᔭᐅᓕᕐᑎᑉᐹ.

ᒨᓯᓯ ᐂᑉᐸᖏᑦ 11:3 Iomraidhean Croise

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᒨᓯᓯ ᓯᕗᓪᓖᑦ 39:21

ᐊᑕᓂᐅᓪᓕ ᔫᓯᐱ ᐃᓚᒋᓚᐅᕐᐹ, ᓇᒡᓕᖕᓂᕐᒥᓂᒡᓗ ᓱᖁᓯᔪᐃᑦᑐᒥᒃ ᖃᐅᔨᒪᑎᓪᓗᒍ, ᖁᕕᐊᒋᔭᐅᓕᕐᑎᓪᓗᒍᓗ ᑎᒍᔭᐅᓯᒪᕕᐅᑉ ᐊᖓᔪᖅᑳᖓᓄᑦ.

ᓴᒧᐃᓕ ᐂᑉᐸᖏᑦ 7:9

ᐃᓚᒌᓐᓇᓚᐅᕐᐸᒋᑦ ᓇᒧᑐᐃᓐᓇᖅ ᐂᑎᓪᓗᑎᑦ, ᐊᑭᕋᓕᒫᑎᓪᓗ ᓵᓚᒋᖃᑦᑕᓚᐅᕐᐸᒃᑲ ᐱᓪᓗᑎᑦ; ᐅᐱᓐᓇᕐᑐᓐᖑᕐᑎᓐᓂᐊᕐᐸᒋᑦ, ᑍᒃᑯᑎᑐᓇᖅ ᐅᐱᓐᓇᕐᑑᓯᒪᔪᑎᑐᑦ ᓄᓇᕐᔪᐊᕐᒥ.

ᐃᔅᑕᐅᑉ ᐊᒡᓚᖏᑦ 9:4

ᒧᐊᑎᑬ ᐱᓪᓚᕆᐊᓘᓕᓚᐅᕐᒪᑦ ᐊᖓᔪᖅᑳᕐᔪᐊᒃᑯᕕᖕᒥ, ᑖᑦᓱᒪᓗ ᐊᔪᖏᓐᓂᕋᕐᑕᐅᓂᖓ ᓄᓇᓕᖕᓂ ᐊᕕᒃᑐᕐᓯᒪᔪᓂ ᓯᐊᒻᒪᕐᓯᒪᓕᓚᐅᕐᒪᑦ; ᑖᓐᓇ ᒧᐊᑎᑬ ᐱᔪᓐᓇᕐᓂᕐᑖᕐᐸᓪᓕᐊᑐᐃᓐᓇᓚᐅᕐᐳᖅ.

ᐃᓐᖏᕈᑎᑦ 106:46

ᓂᑲᒋᔭᐅᓕᕐᑎᓚᐅᕐᐰᓪᓗ ᑕᒤᓐᓄᑦ ᓵᓚᐅᓪᓗᑎᒃ ᐊᐅᓪᓚᕈᑦᔨᔨᒋᓚᐅᕐᑕᖏᓐᓄᑦ.

ᒨᓯᓯ ᐂᑉᐸᖏᑦ 12:35

ᐃᓴᕆᐊᓕᒥᐅᓪᓗ ᒨᓯᓯᒧᑦ ᐱᖁᔭᐅᓚᐅᕐᓂᑎᒃ ᒪᓕᒡᓗᒍ ᐱᓂᐊᕐᐳᑦ, ᐅᖃᐅᑎᔭᐅᓯᒪᒐᒥᒃ ᐄᑦᔨᑉᑎᒥᐅᓂᑦ ᑐᒃᓯᕋᖁᔭᐅᓪᓗᑎᒃ, ᒎᓗᓂᒃ ᓯᐅᓪᕕᕆᓂᒡᓗ ᐱᖁᑎᖏᓐᓂᒡᓗ ᐊᓐᓄᕌᖏᓐᓂᒡᓗ.

ᒨᓯᓯ ᐂᑉᐸᖏᑦ 12:36

ᐊᑕᓂᐅᓪᓗ ᐄᑦᔨᑉᑎᒥᐅᑦ ᖁᕕᐊᓲᑎᖃᓕᕐᑎᑉᐰᑦ ᐃᓴᕆᐊᓕᒥᐅᓂᒃ, ᐃᓴᕆᐊᓕᒥᐅᓪᓗ ᐱᔪᒪᔭᖏᓐᓂᒃ ᑐᓂᓯᕕᒋᓪᓗᓂᑦᔪᒃ, ᑍᒫᒃ ᐱᖕᒪᑕ ᐃᓴᕆᐊᓕᒥᐅᑦ ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᓐᓂᒃ ᐊᐅᓪᓚᕈᑦᔨᓚᐅᕐᐳᑦ.

ᒨᓯᓯ ᐂᑉᐸᖏᑦ 3:21

“ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᓐᓂᐊᕐᐸᒃᑲ ᐃᓕᑦᓯᓐᓂᒃ ᐃᓄᖁᑎᒃᑲ ᐊᐅᓪᓚᕐᐸᑕ ᐱᒃᓴᖃᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:22

ᒨᓯᓯ ᐃᓕᓐᓂᐊᕐᑎᑕᐅᓚᐅᕐᐳᖅ ᐄᑦᔨᑉᑎᒥᐅᑦ ᐃᓕᓯᒪᓂᓕᒫᖏᓐᓂᒃ ᐱᔪᓐᓇᑦᓯᐊᓕᕐᓗᓂ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ.

ᒨᓯᓯ ᑕᓪᓕᒪᖏᑦ 34:10

ᐃᓴᕆᐊᓕᒥᐅᓂᓕ ᑍᒪᓐᖓᓂᑦ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᑕᖃᓚᐅᕐᓯᒪᓐᖏᓚᖅ ᒨᓯᓯᑐᑦ ᑍᒤᑦᑐᒥᒃ; ᐊᑕᓂᐅᑉ ᑮᓇᕐᒥᑦ ᑮᓇᕐᒧᑦ ᐅᖃᖃᑎᒋᖃᑦᑕᓚᐅᕐᒪᒍ.

ᒨᓯᓯ ᑕᓪᓕᒪᖏᑦ 34:11

ᒎᑎᒧᓪᓗ ᐱᔪᖃᓛᕐᑐᒥᒃ ᐅᖃᕐᑎᒋᔭᐅᔪᒥᒃ ᑖᑦᓱᒪ ᐊᓯᐊᓂᒃ ᑲᒪᓇᕐᑐᓕᓂᕐᓂᒃ ᓇᓗᓁᒃᑯᑕᕐᓂᒡᓗ ᐱᔪᖃᓚᐅᕐᓯᒪᓐᖏᓚᖅ ᑍᑦᓱᒪᓂ ᐊᑕᓂᐅᑉ ᐱᓇᓱᐊᕐᓂᕆᓚᐅᕐᑕᖓᑎᑐᑦ ᒨᓯᓯᒃᑯᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᖓᔪᖅᑳᖁᑎᓕᒫᖏᓐᓄᓪᓗ, ᓄᓇᖁᑎᓕᒫᖓᓄᓪᓗ.

ᔮᓱᐊᑉ ᐊᒡᓚᖏᑦ 4:14

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᐅᐱᓐᓇᕐᓯᑎᓚᐅᕐᐹ ᔮᓱᐊ ᐃᓴᕆᐊᓕᒥᐅᑦ ᑕᑯᓐᓇᕐᑎᓪᓗᒋᑦ; ᐃᒃᐱᒋᔭᐅᑦᓯᐊᓚᐅᕐᐳᕐᓗ ᐃᓅᓯᖓᑕ ᐃᓱᐊ ᑎᑭᓪᓗᒍ, ᑍᒫᑦᓮᓐᓇᖅ ᒨᓯᓯᒥᒃ ᐃᒃᐱᒍᓱᑦᓯᐊᓚᐅᕐᓂᕐᒥᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.