ᒨᓯᓯ ᐂᑉᐸᖏᑦ 10:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᒨᓯᓯᐅᑉ ᑭᐅᕚ, “ᑕᒪᑦᑕ ᐊᐅᓪᓚᕐᓂᐊᕐᐳᒍᑦ, ᕿᑐᕐᖓᕗᓪᓗ ᐃᓄᑐᖃᕗᓪᓗ ᐃᓚᒋᓗᒋᑦ; ᐊᐅᓪᓚᕐᓂᐊᕐᐳᒍ ᐃᕐᓂᕗᑦ ᐸᓂᕗᓪᓗ ᓰᐱᖁᑎᕗᓪᓗ ᐆᒪᔪᖁᑎᕗᓪᓗ ᐃᓚᒋᓗᒋᑦ, ᓇᓪᓕᐅᓐᓂᕐᓯᐅᕆᐊᖃᕐᓂᐊᕋᑦᑕ ᑕᒪᑦᑕ ᐊᑕᓂᖅ ᐅᐱᒋᓗᒍ.”

ᒨᓯᓯ ᐂᑉᐸᖏᑦ 10:9 Iomraidhean Croise

ᒨᓯᓯ ᓯᕗᓪᓖᑦ 50:8

ᔫᓯᐱᐅᓪᓗ ᐃᒡᓗᒥᐅᖃᑎᓕᒫᖏᑦ ᑕᒪᕐᒥᒃ, ᖃᑕᓐᖑᑎᖏᓪᓗ, ᐊᑖᑕᖓᑕᓗ ᐃᒡᓗᒥᐅᖃᑎᓕᒫᖏᑦ ᐱᖃᑕᐅᓚᐅᕐᐳᑦ; ᕿᑐᕐᖓᖏᑕᓕ ᒥᑭᔫᑕᐅᓂᖏᑦ, ᓰᐱᖁᑎᖏᓪᓗ, ᐆᒪᔪᖁᑎᖏᓪᓗ ᕿᒪᒃᑕᐅᓚᐅᕐᐳᑦ ᓄᓇᒧᑦ ᒎᓯᓂᒧᑦ.

ᒨᓯᓯ ᐂᑉᐸᖏᑦ 10:10

ᐰᕉᑉ ᐅᖃᐅᑎᕔᑦ, “ᐊᑕᓂᐅᑉ ᓵᖓᓂ ᐅᖃᒻᒪᕆᒃᐳᖓ, ᐊᕐᓇᓂᒃ ᓱᕈᓯᕐᓂᒡᓗ ᐃᓚᖃᕐᓂᐊᕈᑦᓯ ᐊᐅᓪᓚᕐᑎᑦᓯᓂᐊᖏᒻᒪᕆᒃᐳᖓ! ᑍᒤᓐᓂᐊᕈᑦᓯ ᓇᓗᓇᖏᑦᓯᐊᕐᒪᑦ ᐱᐅᖏᑦᑐᒥᒃ ᐃᓱᒪᖃᕐᓗᓯ ᑭᓯᐊᓂ ᑍᒤᓐᓇᓱᐊᕋᔭᕐᑐᓯ.

ᒨᓯᓯ ᐂᑉᐸᖏᑦ 10:26

ᐆᒪᔪᖁᑎᓕᒫᕗᓪᓕ ᐊᐅᓪᓚᖃᑎᒋᔭᒃᓴᕆᕙᕗᑦ; ᑭᓱᒥᒡᓘᓐᓃᑦ ᐊᒥᐊᒃᑯᖃᕐᑐᒃᓴᐅᓐᖏᓚᒍᑦ ᐆᒪᔪᑦ ᑯᑭᖏᓪᓘᓐᓃᑦ ᕿᒪᒃᑕᐅᔪᒃᓴᐅᓐᖏᓚᑦ, ᓇᒃᓴᕆᐊᖃᕋᑦᑎᒍ ᐊᑕᓂᕐᒥᒃ ᒎᑎᑦᑎᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᑕ, ᖃᐅᔨᒪᓇᑕᓗ ᓇᓪᓕᐊᓐᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᖃᕐᓂᐊᕐᒪᖔᑦᑕ ᑍᑯᖓ ᑎᑭᓚᐅᖅᑳᕐᑎᓐᓇᑕ.”

ᒨᓯᓯ ᐂᑉᐸᖏᑦ 12:32

ᓰᐱᖁᑎᓯ ᐃᒻᒧᒃᓯᐅᒐᖁᑎᓯᓗ ᓇᒃᓴᓗᒋᑦ ᐊᐅᓪᓚᓕᕆᑦᓯ ᑐᒃᓯᐅᑎᓂᐊᕐᐸᑦᓯᓐᖓ ᐱᑦᓯᐊᕐᕕᒋᔭᐅᖁᓗᖓ.”

ᒨᓯᓯ ᐂᑉᐸᖏᑦ 12:37

ᐃᓴᕆᐊᓕᒥᐅᑦ ᐊᐅᓪᓚᕐᐳᑦ ᐱᓱᒃᓗᑎᒃ ᓄᓇᒥᑦ ᕌᒥᓯᓯᒥᑦ ᓱᑰᑎᒧᑦ ᑎᑭᓪᓗᑎᒃ, ᐊᖑᑎᓪᓗ ᐅᓄᕐᓂᖃᓚᐅᕐᐳᑦ 600,000ᓂᒃ ᐊᕐᓁᑦ ᓄᑕᖅᑲᓪᓗ ᐱᖃᓯᐅᑎᓇᒋᑦ.

ᒨᓯᓯ ᐂᑉᐸᖏᑦ 12:38

ᐅᓄᕐᑐᓂᒡᓗ ᐃᓅᖃᑎᖃᒃᑲᓐᓂᕆᓪᓗᑎᒃ. ᓰᐱᓂᒡᓗ, ᒎᑦᓯᓂᒡᓗ, ᐃᒻᒧᒃᓯᐅᒐᕐᓂᒡᓗ ᐅᓄᕐᑐᓂᒃ ᓇᒃᓴᓚᐅᕆᕗᑦ.

ᒨᓯᓯ ᐂᑉᐸᖏᑦ 13:6

ᐅᓪᓗᓂᒃ 7ᓂᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕿᖃᕐᑐᒃᓴᐅᕗᓯ; ᐅᓪᓗᓪᓕ 7ᒋᓕᕐᐸᒍ ᑕᕝᕙ ᐊᑕᓂᕐᒧᑦ ᐅᐱᒍᓲᑎᒋᔭᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 3:18

“ᐃᓄᖁᑎᒃᑲᓗ ᓈᓚᖕᓂᐊᕐᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᕐᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᕐᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ.

ᒨᓯᓯ ᐂᑉᐸᖏᑦ 5:1

ᑕᒪᑐᒪᓕ ᑭᖑᓂᖓᒍᑦ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ ᐅᖃᕐᓗᑎᒡᓗ, “ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ, ‘ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᖁᕕᐊᓱᖃᑎᒌᒡᓗᑎᒃ ᐃᓄᖃᖏᑦᑐᒥ ᓂᕆᖃᑎᒌᒍᓐᓇᖁᓪᓗᒋᑦ ᐱᑦᔪᑎᒋᓗᖓ.’”

ᒨᓯᓯ ᐂᑉᐸᖏᑦ 5:3

ᑖᒃᑯᐊᒡᓕ ᑭᐅᕘᒃ, “ᐄᑉᕈᐃᑦ ᒎᑎᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᖅ; ᑍᒤᒻᒪᑦ ᐊᐅᓪᓚᕈᓐᓇᕐᑎᓚᐅᕐᑎᒍᑦ ᐅᓪᓗᓂᒃ ᐱᖓᓱᓂᒃ ᐃᖏᕐᕋᖁᓪᓗᑕ ᐃᓄᖃᖏᑦᑐᒧᑦ, ᑕᕝᕙᓂᓗ ᐊᑕᓂᕐᒧᑦ ᒎᑎᑦᑎᓐᓄᑦ ᑐᖁᑕᒃᓴᒥᒃ ᑐᓂᕐᕈᓯᕈᓐᓇᖁᓪᓗᑕ, ᑍᒤᓕᐅᕐᓂᐊᖏᒃᑯᑦᑕ ᖃᓂᒪᓇᕐᑐᒧᑦ ᑎᑭᑕᐅᑎᑐᐃᓐᓇᕆᐊᖃᕐᒪᑎᒍᑦ ᐅᕝᕙᓗ ᑐᖁᑕᐅᑎᓪᓗᑕ ᐅᓇᑕᕐᓂᒃᑯᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:9

ᐊᑕᓂᖅ ᐅᐱᒋᒍᒃ ᑐᓂᕐᕈᓯᕐᓂᒃᑯᑦ ᐃᓕᖕᓂᑦ ᐱᔪᓄᑦ ᓱᓇᓕᒫᑎᒍᑦ ᐱᕈᕐᑎᑕᕕᑦ ᓯᕗᓪᓕᕐᐹᖏᓐᓂᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:1

ᐱᓐᖑᕐᑎᑎᔩᑦ ᐃᖅᑲᐅᒪᓕᕈᒃ ᐃᓅᓱᒃᑑᓂᕕᑦ ᐅᓪᓗᖏᓐᓂ, ᐅᓪᓗᐃᓪᓗ ᐅᖁᒤᑦᑐᑦ ᑎᑭᓚᐅᖏᓐᓂᖏᓐᓂ, ᐅᑭᐅᓪᓗ ᐃᓱᓕᓕᕐᐸᑕ ᐅᖃᕈᒫᕋᕕᑦ, “ᑍᒃᑯᓇᓂ ᖁᕕᐊᓇᕐᑐᒥᒃ ᖃᐅᔨᓚᐅᖏᓚᖓ.”

ᒨᓯᓯ ᓯᑕᒪᖏᑦ 29:12

“ᐅᓪᓗᐃᑦ 15ᖓᓂ ᑕᖅᑮᑦ 7ᖓᓐᓂ, ᑐᒃᓯᐊᕆᐊᕐᓯᒪᔭᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕐᓂᓯ ᑐᓂᔭᕆᐊᖃᕐᐸᓯ; ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ, ᐊᑕᓂᕐᒧᑦ ᓇᓪᓕᐅᓐᓂᕐᓯᐅᕆᐊᖃᕐᐳᓯ ᐅᓪᓗᓂᒃ 7ᓂᒃ.

ᐃᐱᓯᒥᐅᓄᑦ 6:4

ᐃᓕᑦᓯ ᐊᑖᑕᐅᔪᓯ, ᕿᑐᕐᖓᓯ ᓂᓐᖓᒃᓴᕐᓂᐊᕐᓇᒋᑦ, ᐋᖅᑭᒃᓱᕋᓱᐊᕐᓯᒋᒡᓕ ᐱᕈᕐᐸᓪᓕᐊᑎᓪᓗᒋᑦ ᖃᐅᑦᔨᑎᖃᑦᓯᐊᖁᓪᓗᒋᑦ ᐃᓕᓯᒪᑦᓯᐊᕐᓇᕐᑐᓂᒃ ᐊᑕᓂᐅᑉ ᐊᔪᕆᕐᑑᓯᖏᓐᓂᒃ.

ᔮᓱᐊᑉ ᐊᒡᓚᖏᑦ 24:15

ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”