ᒨᓯᓯ ᐂᑉᐸᖏᑦ 10:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑕᕝᕙ ᐰᕉᑉ ᐱᔨᖏᑦ ᐰᕉᒧᑦ ᐅᖃᕐᐳᑦ, “ᖃᓄᖅ ᐊᑯᓂᐅᑎᒋᔪᖅ ᑖᒃᑯᐊ ᐊᖑᑎᑦ ᐅᕙᑦᑎᓐᓂᒃ ᐸᒡᕕᓴᒃᑐᒃᓴᐅᕚᑦ? ᐅᑯᐊ ᐃᓄᐃᑦ ᐊᐅᓪᓚᕐᑎᓚᐅᒃᑭᑦ, ᐊᑕᓂᕐᒧᑦ ᒎᑎᒥᖕᓄᑦ ᑐᒃᓯᐊᕆᐊᕐᑐᕈᓐᓇᖁᓪᓗᒋᑦ; ᓱᓕ ᖃᐅᔨᓐᖏᓚᑏᑦ? ᐄᑦᔨᑉᑎᐅᑉ ᑭᓱᒃᓴᐅᔪᓐᓃᕐᑎᑕᐅᓂᖓᓂᒃ?”

ᒨᓯᓯ ᐂᑉᐸᖏᑦ 10:7 Iomraidhean Croise

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᒨᓯᓯ ᐂᑉᐸᖏᑦ 12:33

ᐄᑦᔨᑉᑎᒥᐅᓪᓗ ᑎᓕᐅᕆᓕᕐᐳᑦ ᑐᐊᕕᕐᓗᑎᒃ ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᖁᓪᓗᒋᑦ ᐅᖃᕐᓗᑎᒃ, “ᐊᐅᓪᓚᖏᒃᑲᓗᐊᕈᑦᓯ ᑐᖁᔪᐃᓐᓇᐅᓂᐊᓕᕐᐳᒍᑦ.”

ᒨᓯᓯ ᐂᑉᐸᖏᑦ 23:33

ᓄᓇᒋᔭᑦᓯᓐᓂ ᓄᓇᖅᑲᑎᒋᔭᒃᓴᕆᓐᖏᓚᓯ, ᑖᒃᑯᓇᓐᖓᑦ ᐊᔪᕐᑐᓕᑎᑕᐅᖁᓇᓯ ᐅᕙᓐᓄᑦ; ᒎᑎᓐᖑᐊᖏᓐᓂᒃ ᑐᒃᓯᐊᕐᕕᖃᓕᕈᑦᓯ, ᑕᒪᓐᓇ ᖁᓚᕐᓇᒋᑦᓯᐊᕐᑐᒥᒃ ᐃᓕᑦᓯᓐᓄᑦ ᓂᒐᕐᑎᑦᓯᔪᑎᑎᑐᑦ ᑍᒤᓐᓂᐊᕐᐳᖅ.”

ᒨᓯᓯ ᐂᑉᐸᖏᑦ 7:5

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᒨᓯᓯ ᐂᑉᐸᖏᑦ 8:19

ᐊᖓᒃᑯᐃᓪᓗ ᐰᕉᒧᑦ ᐅᖃᕐᐳᑦ, “ᑕᒪᓐᓇ ᒎᑎᐅᑉ ᐱᔪᓐᓇᕐᓂᖓᑕ ᐱᓇᓱᐊᕐᓂᕆᕚ!” ᑭᓯᐊᓂᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒍᓐᓇᕋᓂ, ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:6

ᐱᐅᖏᑦᑐᓕᔪᖅ ᐊᔪᕐᓂᕐᒥᓄᑦ ᒥᑭᒋᐊᕐᑎᑉᐳᖅ, ᐃᓱᐊᕐᑐᓕᔪᕐᓕ ᐃᓐᖏᕐᐳᖅ ᖁᕕᐊᓱᒡᓗᓂᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:26

ᖃᐅᔨᓚᐅᕐᐳᖓ ᑐᖁᒥᑦ ᖃᓯᓕᓇᕐᓂᕐᓴᐅᖕᒪᑦ ᐊᕐᓇᖅ, ᐆᒻᒪᑎᖓ ᓂᒐᐅᔪᖅ ᓄᓗᐊᖑᓪᓗᓂᓗ, ᑕᓕᖏᑕᓗ ᐃᕿᑦᑎᓂᖏᒃ ᐊᕐᓵᕐᑑᔭᐅᔪᑦ. ᒎᑎᒥᒃ ᖁᕕᐊᓱᒃᑎᑦᓯᔫᑉ ᑖᓐᓇ ᕿᒫᔪᓐᓇᕐᐹ, ᐊᔪᕐᑐᓕᔪᕐᓕ ᑖᑦᓱᒪ ᓂᒐᕐᑎᓐᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 14:20

ᐃᓚᒋᓂᐊᓐᖏᓚᑎᑦ ᐃᓗᕕᕐᑕᐅᖃᑎᒋᓗᒋᑦ, ᓄᓇᖁᑏᑦ ᐊᓯᕈᓚᐅᕋᕕᐅᒃ, ᐃᓄᖁᑎᑎᓪᓗ ᑐᖁᕋᓚᐅᕋᕕᒋᑦ. ᐱᐅᖏᑦᑐᓕᔪᑦ ᑭᖑᕚᖏᑦ ᐊᑎᖃᕐᑎᑕᐅᒃᑲᓐᓂᕆᐊᖃᓐᖏᓚᑦ!

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?

ᔨᕆᒤᐊᐅᑉ ᐊᒡᓚᖏᑦ 48:4

ᒧᐊᐱᒥᐅᑦ ᐊᓯᕈᕐᑕᐅᕗᑦ; ᒥᑭᑦᑐᖁᑎᖏᑦ ᕿᐊᖓᔭᒍᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:8

ᐹᐱᓘᓂᒥᐅᑦ ᐊᔪᓕᑳᓪᓚᒍᒫᕐᐳᑦ ᐊᓯᕈᕐᑕᐅᓗᑎᒡᓗ, ᕿᐊᑦᔪᑎᒋᓕᕐᓯᐅᒃ! ᐃᑭᖏᓐᓄᑦ ᒥᖑᐊᕈᑎᒃᓴᕐᓯᒋᑦᓯ, ᐋᖅᑭᒐᔭᕐᒪᖔᑦ ᐆᒃᑐᕐᑕᐅᖁᓪᓗᒋᑦ.

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:35

ᑍᒫᒃ ᐅᖃᕐᐳᖓ ᐃᑲᔪᕐᑕᐅᑦᔪᑎᒃᓴᑦᓯᓐᓄᑦ, ᐱᑦᑍᓕᑎᓐᓇᓱᐊᓐᖏᓚᑦᓯ, ᐱᓂᐊᕐᓂᓯᓕ ᐋᖅᑭᑦᓯᐊᕐᓯᒪᖁᓪᓗᒍ ᐊᑕᓂᕐᒧᓪᓗ ᑕᒤᓐᓂᒃ ᑐᓂᓯᒪᖁᓪᓗᓯ ᓱᓇᒧᑦ ᐊᒡᕕᐊᕐᑕᐅᖏᓪᓗᓯ.

ᔮᓱᐊᑉ ᐊᒡᓚᖏᑦ 23:13

ᑕᕝᕙ ᖃᐅᔨᔪᒫᕐᐳᓯ ᖁᓚᕐᓇᖏᑦᑐᒥᒃ ᐊᑕᓂᐅᑉ ᒎᑎᑦᓯ ᓯᖏᑉᐸᓪᓕᐊᔪᓐᓃᕈᒫᕐᒪᒋᑦ ᐃᓅᖃᑎᒌᒡᔪᐊᑦ ᐃᓕᑦᓯᓐᓂᑦ; ᑖᒃᑯᐊᓕ ᐃᓕᑦᓯᓐᓄ ᑲᑉᐱᐊᓇᕐᓯᔪᒫᕐᐳᑦ ᓂᒐᕐᑎᑐᑦ ᒥᑭᒋᐊᑎᑐᓪᓗ, ᐋᓐᓂᐊᑎᑕᐅᓗᓯ ᐊᕙᑎᓕᒫᑦᓯᓐᓂᑦ, ᐃᑦᔨᓯᒪᐅᑎᑐᑦ ᑲᐳᕋᕐᓇᕐᑐᑎᑐᑦ, ᑕᒪᓐᓇᓗ ᑍᒤᒐᔭᕐᐳᖅ ᐊᓂᑎᑕᐅᖅᑳᕐᑎᓐᓇᓯ ᑕᒫᓐᖓᑦ ᓄᓇᑦᓯᐊᕙᖕᒥᑦ ᐊᑕᓂᐅᑉ ᒎᑎᑦᓯ ᑐᓂᓚᐅᕐᑕᖓᓂᒃ ᐃᓕᑦᓯᓐᓄᑦ.

ᓴᒧᐃᓕ ᓯᕗᓪᓖᑦ 18:21

ᐃᓱᒪᖃᕐᓗᓂ, “ᒤᑲᓪ ᑍᕕᑎᒧᑦ ᑐᓂᓂᐊᕐᐸᕋ; ᑖᓐᓇ ᐊᑐᕐᓗᒍ ᐱᕖᕈᑎᑎᓐᓂᐊᕋᒃᑯ, ᐱᓕᔅᑍᓂᒥᐅᓪᓗ ᐊᖅᑯᑎᒋᓗᒋᑦ ᑐᖁᑕᐅᑎᓐᓂᐊᕋᒃᑯ.” ᑍᒤᒻᒪᑦ ᓴᐅᓕᐅᑉ ᑍᕕᑎ ᐅᖃᐅᑎᓕᕆᕚ, “ᒫᓐᓇ ᓂᖓᐅᑖᕆᔭᒃᓴᕆᓕᕐᐸᒋᑦ.”

ᓴᒧᐃᓕ ᓯᕗᓪᓖᑦ 5:11

ᑍᒤᒻᒪᑦ ᐱᓕᔅᑍᓂᒥᐅᑦ ᐊᖓᔪᖅᑳᓕᒫᖏᓐᓂᒃ ᕾᖁᔨᓚᐅᕐᐳᑦ ᑲᑎᖕᒪᑕᓗ ᐅᖃᐅᑎᕔᑦ, “ᐃᓴᕆᐊᓕᒥᐅᑉ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᑕᒫᓐᖓᑦ ᐊᐅᓪᓚᕐᑎᑕᐅᓚᐅᕐᓕ ᐃᓂᖓᓄᓪᓗ ᐅᑎᕐᑎᑕᐅᓗᓂ, ᑐᖁᑕᐅᓂᐊᖏᓐᓇᑦᑕ ᐃᓚᕗᓪᓗ.” ᐃᒡᓗᒐᓴᓕᒫᓂᓗ ᑕᕝᕙᓂ ᐅᐃᒪᔮᕐᓂᖃᕐᐳᖅ ᑐᖁᑕᐅᓂᐊᕋᓱᒋᓪᓗᑎᒃ.