ᒨᓯᓯ ᐂᑉᐸᖏᑦ 10:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓄᓇᓕᒫᑦᓯᐊᕐᓗ ᑕᑕᑕᐅᓯᒪᓕᓚᐅᕐᐳᖅ ᑕᒪᒃᑯᓄᖓ, ᓄᓇᓗ ᐊᒡᓛᑦ ᑕᒪᒃᑯᓄᖓ ᑖᕐᓯᑎᑕᐅᓚᐅᕐᐳᖅ, ᐱᕈᕐᑐᓕᒫᓂᒡᓗ ᓄᓇᒦᑦᑐᓂᒃ ᓂᕆᓕᕐᐳᑦ ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᓇᑕᖅᑯᕐᓇᕐᓄᑦ ᐊᒥᐊᒃᑯᒋᔭᐅᓚᐅᕐᑐᓂᒃ; ᑐᖑᔪᕐᑕᓂᒡᓗ ᓄᓇᒥ ᐊᒥᐊᒃᑯᑕᖃᕈᓐᓃᓚᐅᕐᐳᖅ, ᐊᒡᓛᓪᓗ ᓇᐹᕐᑐᑦ, ᐱᕈᕐᑐᓪᓗ ᐱᕈᕐᓰᕕᖕᒦᑦᑐᑦ, ᐄᑦᔨᑉᑎᐅᑉ ᓄᓇᓕᒫᖓᓃᓕᕐᓗᑎᒃ.

ᒨᓯᓯ ᐂᑉᐸᖏᑦ 10:15 Iomraidhean Croise

ᐃᓐᖏᕈᑎᑦ 78:46

ᐱᕈᕐᓯᐊᖏᓪᓗ ᖁᐱᕐᕈᓄᑦ ᓂᕆᔭᐅᑎᓚᐅᕐᐰᑦ, ᐊᒃᓱᕈᕐᓗᑎᒡᓗ ᐱᓇᓱᐊᓚᐅᕐᑕᖏᑦ ᐱᒡᓕᕐᑕᐅᔮᕐᑐᓄᑦ ᓂᕆᔭᐅᓪᓗᑎᒃ.

ᒨᓯᓯ ᐂᑉᐸᖏᑦ 10:12

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᓖᑦ ᐃᓵᓚᐅᕈᒃ ᐄᑦᔨᑉᑎᐅᑉ ᓄᓇᖓᑕ ᖁᓛᓄᑦ, ᐱᒡᓕᕐᑕᐅᔮᕐᑐᑦ ᐄᑦᔨᑉᑎᐅᑉ ᓄᓇᖓᓄᑦ ᑎᑭᖁᓪᓗᒋᑦ, ᓄᓇᒥ ᐱᕈᕐᑐᓕᒫᓂᒃ ᓂᕆᖁᓪᓗᒋᑦ ᓇᑕᖅᑯᕐᓇᕐᓄᑦ ᓱᕋᒃᑕᐅᓯᒪᖏᑦᑐᓂᒃ.”

ᒨᓯᓯ ᐂᑉᐸᖏᑦ 10:5

ᑕᒪᓐᓇᓗ ᓄᓇᓕᒫᑦᓯᐊᖅ ᑕᑕᑕᐅᓯᒪᓂᐊᕐᐳᖅ ᑕᒪᒃᑯᓄᖓ, ᐊᒡᓛᑦ ᐅᓄᓗᐊᒧᑦ ᓄᓇ ᓴᖅᑭᔮᕈᓐᓃᕐᑎᑕᐅᓂᐊᕐᐳᖅ ᑕᒪᒃᑯᓄᖓ; ᓱᓇᑐᐃᓐᓇᑦᓯᐊᓂᒡᓗ ᓇᑕᖅᑯᕐᓇᕐᓄᑦ ᓱᕋᒃᑕᐅᓯᒪᖏᑦᑐᓕᒫᓂᒃ ᓂᕆᓂᐊᕐᐳᑦ, ᓇᐹᕐᑐᖁᑎᓕᒫᓯᓗ ᓄᓇᒥ ᐱᕈᕐᑐᑦ ᑕᒪᒃᑯᓄᖓ ᓂᕆᔭᐅᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:27

ᐱᒡᓕᕐᑕᐅᔮᕐᑐᑦ ᐊᖓᔪᖅᑳᕐᔪᐊᖃᓐᖏᓚᑦ, ᑲᑎᓐᖓᑦᓯᐊᕐᓗᑎᒡᓕ ᑕᒪᕐᒥᒃ ᐊᑕᐅᑦᓯᒃᑯᑦ ᐃᖏᕐᕋᓲᖑᕗᑦ;

ᔪᐃᓕᐅᑉ ᐊᒡᓚᖏᑦ 1:4

ᐅᓄᕐᑐᕐᔪᐊᑦ ᓂᕆᔩᑦ ᐱᒡᓕᕐᑕᐅᔮᕐᑐᑦ ᓂᕆᓂᐊᕐᐳᑦ ᐱᕈᕐᑐᓂᒃ, ᐊᒥᐊᒃᑯᖏᑦ ᓂᕆᔭᐅᓂᐊᕐᐳᑦ ᐱᒡᓕᕐᑕᐅᔮᕐᑐᓄᑦ ᐹᕐᖑᕐᑐᓄᑦ ᐅᓄᕐᑐᕐᔪᐊᓄᑦ, ᐱᒡᓕᕐᑕᐅᔮᕐᑐᓪᓗ ᐹᕐᖑᕐᑐᑦ ᐊᒥᐊᒃᑯᖏᑦ, ᓂᕆᔭᐅᓂᐊᕐᐳᑦ ᓄᖑᕅᔨᓄᑦ ᐱᒡᓕᕐᑕᐅᔮᕐᑐᓄᑦ.

ᔪᐃᓕᐅᑉ ᐊᒡᓚᖏᑦ 2:25

ᐅᑎᕐᑎᑦᓯᕕᒋᓂᐊᕐᐸᑦᓯ ᐊᕐᕌᒍᓂᒃ ᐊᓯᐅᔨᓚᐅᕐᑕᑦᓯᓐᓂᒃ ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᓂᕆᓚᐅᕐᑕᖏᓐᓂᒃ, ᐱᒡᓕᕐᑕᐅᔮᕐᑐᑦ ᐹᕐᖑᕐᑐᑦ, ᓄᖒᑦᓯᔪᓪᓗ, ᑕᒧᐊᔪᓪᓗ ᑎᓕᓚᐅᕋᒃᑭᑦ ᐅᓇᑕᕐᑐᒃᓴᕐᔪᐊᑎᑐᑦ ᐊᑯᓐᓇᑦᓯᓐᓄᑦ.

ᐂᒨᓯᐅᑉ ᐊᒡᓚᖏᑦ 7:2

ᐱᒡᓕᕐᑕᐅᔮᕐᑐᑦ ᓄᖒᑦᓯᖕᒪᑕ ᐃᕕᖕᓂᒃ ᓄᓇᒦᑦᑐᓂᒃ, ᐅᖃᓚᐅᕐᐳᖓ; ᐊᑕᓃᖅ ᒎᑏᒃ ᕿᓄᕗᖓ ᐃᓱᒪᒋᔪᓐᓁᕐᕕᒋᒃᑭᑦ! ᔧᑰᑉ ᑭᖑᕚᖏᑦ ᐊᓐᓇᒍᓐᓇᖁᓪᓗᒋᑦ, ᒥᑭᔫᓗᐊᕐᒪᑕ.

ᒨᓯᓯ ᓯᑕᒪᖏᑦ 22:5

ᑕᕝᕙ ᑎᓕᓯᓚᐅᕐᐳᖅ ᐅᖃᕆᐊᕐᑐᑐᓂᒃ ᐸᓛᒻᒧᑦ ᐱᐅᕆᐅᑉ ᐃᕐᓂᖓᓄᑦ ᐱᑑᕆᒦᑦᑐᒧᑦ ᕾᖁᓪᓗᓂᐅᒃ, ᑰᑉ ᖃᓂᒋᔭᖓᓃᑦᑐᒧᑦ ᓄᓇᒥᓂ, ᐅᖃᕐᓗᓂ, “ᑕᑯᒋᑦ ᐃᓄᐃᑦ ᑎᑭᒻᒪᑕ ᐄᑦᔨᑉᑎᒥᑦ. ᓄᓇᕐᔪᐊᒥᒃ ᐊᒥᕌᒃᓯᓯᒪᔪᑦ, ᓯᓚᑎᑦᓯᐊᑎᓐᓃᓕᕐᓗᑎᒡᓗ!