ᒨᓯᓯ ᐂᑉᐸᖏᑦ 10:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᓖᑦ ᐃᓵᓚᐅᕈᒃ ᐄᑦᔨᑉᑎᐅᑉ ᓄᓇᖓᑕ ᖁᓛᓄᑦ, ᐱᒡᓕᕐᑕᐅᔮᕐᑐᑦ ᐄᑦᔨᑉᑎᐅᑉ ᓄᓇᖓᓄᑦ ᑎᑭᖁᓪᓗᒋᑦ, ᓄᓇᒥ ᐱᕈᕐᑐᓕᒫᓂᒃ ᓂᕆᖁᓪᓗᒋᑦ ᓇᑕᖅᑯᕐᓇᕐᓄᑦ ᓱᕋᒃᑕᐅᓯᒪᖏᑦᑐᓂᒃ.”

ᒨᓯᓯ ᐂᑉᐸᖏᑦ 10:12 Iomraidhean Croise

ᐃᓐᖏᕈᑎᑦ 105:34

ᐅᖃᕐᒪᑦ, ᑕᕝᕙ ᐱᒡᓕᕐᑍᑦ ᑎᑭᑉᐳᑦ, ᐱᒡᓕᕐᑕᐅᔮᕐᑐᒃᓮᓪᓗ ᐱᕈᕐᐸᓪᓕᐊᔪᑦ ᓈᓴᒐᒃᓴᐅᖏᑦᑐᑦ,

ᒨᓯᓯ ᐂᑉᐸᖏᑦ 10:15

ᓄᓇᓕᒫᑦᓯᐊᕐᓗ ᑕᑕᑕᐅᓯᒪᓕᓚᐅᕐᐳᖅ ᑕᒪᒃᑯᓄᖓ, ᓄᓇᓗ ᐊᒡᓛᑦ ᑕᒪᒃᑯᓄᖓ ᑖᕐᓯᑎᑕᐅᓚᐅᕐᐳᖅ, ᐱᕈᕐᑐᓕᒫᓂᒡᓗ ᓄᓇᒦᑦᑐᓂᒃ ᓂᕆᓕᕐᐳᑦ ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᓇᑕᖅᑯᕐᓇᕐᓄᑦ ᐊᒥᐊᒃᑯᒋᔭᐅᓚᐅᕐᑐᓂᒃ; ᑐᖑᔪᕐᑕᓂᒡᓗ ᓄᓇᒥ ᐊᒥᐊᒃᑯᑕᖃᕈᓐᓃᓚᐅᕐᐳᖅ, ᐊᒡᓛᓪᓗ ᓇᐹᕐᑐᑦ, ᐱᕈᕐᑐᓪᓗ ᐱᕈᕐᓰᕕᖕᒦᑦᑐᑦ, ᐄᑦᔨᑉᑎᐅᑉ ᓄᓇᓕᒫᖓᓃᓕᕐᓗᑎᒃ.

ᒨᓯᓯ ᐂᑉᐸᖏᑦ 7:19

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ, ‘ᐊᔭᐅᑉᐱᐊᑦ ᑎᒍᓗᒍ ᐃᓵᓚᐅᕆᑦ ᐄᑦᔨᑉᑎᐅᑉ ᐃᒪᖏᓐᓄᑦ, ᑰᖏᓐᓄᑦ, ᑰᓕᐊᕆᓯᒪᔪᓄᓪᓗ, ᑕᓯᖏᓐᓄᓪᓗ, ᐃᒥᕐᑕᕐᕕᖁᑎᖏᓐᓄᓪᓗ ᑕᒤᓐᓄᑦ, ᑕᒪᕐᒥᒃ ᐊᐅᖑᓕᖁᓪᓗᒋᑦ; ᐄᑦᔨᑉᑎᐅᑉ ᓄᓇᖓ ᑕᒪᕐᒥᑦᓯᐊᖅ ᑕᕝᕙ ᐊᐅᓐᖑᕐᓂᐊᕐᐳᖅ, ᐊᒡᓛᑦ ᕿᔪᐃᑦ ᐃᒪᖃᐅᑏᑦ ᐅᔭᕅᓪᓗ ᐃᒪᖃᐅᑏᑦ ᑕᒪᕐᒥᒃ ᐊᐅᓐᖑᕐᓂᐊᕐᐳᑦ.’”

ᒨᓯᓯ ᐂᑉᐸᖏᑦ 9:32

ᓂᐊᖂᔭᒃᓴᓐᖑᕐᐸᓪᓕᐊᔪᓪᓕ ᓱᕋᒃᑕᐅᓚᐅᓐᖏᓚᑦ, ᐱᕈᕐᐸᓪᓕᐊᓕᓵᕋᒥᒃ ᐱᔭᕇᕐᕕᒃᓴᖓᑦ ᓱᓕ ᓇᓪᓕᐅᑎᓯᒪᓚᐅᖏᒻᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:3

ᐃᓯᕐᓗᖕᒥᓪᓗ ᐱᒃᓕᕐᑕᐅᔮᕐᑐᑦ ᓴᖅᑭᑉᐳᑦ ᓄᓇᕐᔪᐊᕐᒧᑦ, ᑖᒃᑯᐊᓗ ᓯᑯᐊᕐᐱᐅᓂᑎᑐᑦ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒧᑦ;