ᒨᓯᓯ ᐂᑉᐸᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑭᓯᐊᓂᓕ ᑭᖑᕚᖏᑦ ᐃᓴᕆᐊᓕᒥᐅᑦ ᕿᑐᕐᖓᕐᑖᖃᑦᑕᕐᓂᕐᒧᑦ ᐅᓄᕐᓯᓚᐅᕐᐳᑦ ᓲᖑᓂᖃᕐᓗᑎᒡᓗ ᐄᑦᔨᑉᑎᓗ ᐃᓄᒋᐊᒃᓯᓚᐅᕐᐳᖅ ᑖᒃᑯᓄᖓ.

ᒨᓯᓯ ᐂᑉᐸᖏᑦ 1:7 Iomraidhean Croise

ᒨᓯᓯ ᓯᕗᓪᓖᑦ 1:20

ᒎᑎᓗ ᐅᖃᕆᕗᖅ, “ᐃᒪᖅ ᐃᒪᕐᒥᐅᑕᓂᒃ ᐆᒪᔪᖃᕐᓕ ᐅᓄᕐᑐᕐᔪᐊᓂᒃ, ᓯᓚᓗ ᑎᖕᒥᐊᖃᕐᓕ ᓄᓇᐅᑉ ᖁᓛᒎᑦ ᑎᖏᕙᒃᑐᓂᒃ ᕿᓚᖕᒥ ᐊᐅᓚᖏᑦᑐᒥ.”

ᒨᓯᓯ ᓯᕗᓪᓖᑦ 1:28

ᒎᑎᐅᓪᓗ ᑖᒃᑯᐊᒃ ᓮᒻᒪᕐᑎᑉᐹᒃ, ᐅᖃᐅᑎᓪᓗᒋᒡᓗ, “ᕿᑐᕐᖏᐅᕆᑦᓯᒃ ᐅᓄᕐᑐᕐᔪᐊᓂᒃ ᓄᓇᕐᔪᐊᖅ ᑕᑕᓪᓗᒍ ᐊᐅᓚᓕᕐᓗᒍᓗ; ᐊᖓᔪᖅᑲᐅᕕᒋᓕᕐᓗᒋᑦ ᐃᖃᓗᐃᑦ ᐃᒫᓃᑦᑐᑦ ᑎᖕᒥᐊᓪᓗ ᖃᖓᑕᕙᒃᑐᑦ ᐆᒪᔪᓕᒫᓪᓗ ᓄᓇᒥ ᐊᐅᓚᕙᒃᑐᑦ.”

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᒨᓯᓯ ᓯᕗᓪᓖᑦ 13:16

ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!

ᒨᓯᓯ ᓯᕗᓪᓖᑦ 15:5

ᐊᓂᑎᓪᓗᓂᐅᒃ ᓯᓚᒧᑦ ᐅᖃᐅᑎᕚ, “ᐸᐅᖓ ᕿᓚᖕᒧᑦ ᑕᑯᓴᕆᑦ, ᐅᓪᓗᕆᐊᑦ ᓈᓴᒃᑭᑦ, ᓈᓴᕈᓐᓇᕈᕕᒋᑦ.” ᐅᖃᐅᑎᒃᑲᓐᓂᕐᓗᒍᓗ, “ᑍᒫᒃ ᐅᓄᕐᑐᑎᒋᔪᓂᒃ ᑭᖑᕚᖃᕈᒫᕐᐳᑎᑦ.”

ᒨᓯᓯ ᓯᕗᓪᓖᑦ 17:16

ᓮᒻᒪᕐᑎᓐᓂᐊᕐᐸᕋ, ᓱᓕᓗ ᑖᑦᓱᒨᓇ ᐃᕐᓂᕐᑖᕐᑎᑦᓱᒫᕐᐸᒋᑦ; ᓮᒻᒪᕐᑎᓐᓂᐊᕋᒃᑯ, ᐃᓅᖃᑎᒌᒡᔪᐊᓄᓪᓗ ᐊᓈᓇᒋᔭᐅᔪᒫᕐᐳᖅ; ᐃᓄᐃᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒪᓐᖓᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 22:17

ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ.

ᒨᓯᓯ ᓯᕗᓪᓖᑦ 26:22

ᑕᕝᕙᓐᖓᓪᓗ ᓄᓇᒥᑦ ᓅᓐᓇᒥ ᐊᓯᐊᓄᑦ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕆᒃᑲᓐᓂᕆᕗᖅ, ᑖᓐᓇᓕ ᐂᕙᑦᔪᑕᐅᓐᖏᓚᖅ, ᑍᒤᒻᒪᑦ ᐊᑦᓯᕐᐹ “ᕆᕼᐅᐳᑎᒥᒃ.” ᐅᖃᕐᓗᓂ, “ᒫᓐᓇ ᐊᑕᓂᐅᑉ ᐃᓂᑖᕐᑎᑉᐹᑎᒍᑦ, ᑕᒫᓂᓗ ᐱᕙᓪᓕᐊᑦᓯᐊᕈᓐᓇᕐᓂᐊᓕᕐᐳᒍᑦ.”

ᒨᓯᓯ ᓯᕗᓪᓖᑦ 26:4

ᑭᖑᕚᑎᑦ ᐅᓄᕐᑐᕐᔪᐊᓐᖑᕐᑎᑦᓱᒫᕐᐸᒃᑲ ᕿᓚᐅᑉ ᐅᓪᓗᕆᐊᖏᑎᑐᑦ, ᑕᒪᒃᑯᐊᓗ ᓄᓇᒋᔭᐅᔪᓕᒫᑦ ᑐᓂᔪᒫᕐᐸᒃᑲ ᑭᖑᕚᕐᓄᑦ; ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒌᒡᔪᐊᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ;

ᒨᓯᓯ ᓯᕗᓪᓖᑦ 28:14

ᑭᖑᕚᑎᑦ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᓄᓇᖁᑎᖏᓪᓗ ᐅᖓᓯᒃᑐᓄᑦ ᑎᑭᐅᒪᔪᒫᕐᐳᑦ; ᐸᐅᖓ ᐅᓄᖓᓗ ᓯᑭᓂᐅᑉ ᓄᐃᕕᐊᑕ ᓇᓛᓄᑦ ᓂᐱᕕᐊᑕᓗ ᓇᓛᓄᑦ; ᐃᕝᕕᓪᓗ ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒋᒡᔪᐊᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.

ᒨᓯᓯ ᓯᕗᓪᓖᑦ 35:11

ᒎᑎᐅᓪᓗ ᐅᖃᐅᑎᕚ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᐅᓄᕐᑐᓂᒃ ᕿᑐᕐᖏᐅᕆᑦᓯ ᐅᓄᕐᓯᕙᓪᓕᐊᓗᓯᓗ; ᐃᓅᖃᑎᒌᒡᔪᐊᑦ ᐃᓅᖃᑎᒌᒐᓴᒡᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ, ᐊᖓᔪᖅᑳᕐᔪᐊᓂᒡᓗ ᑭᖑᕚᖃᕈᒫᕐᐳᑎᑦ.

ᒨᓯᓯ ᓯᕗᓪᓖᑦ 46:3

ᑕᕝᕙ ᐅᖃᕐᐳᖅ, “ᒎᑎᐅᕗᖓ, ᐊᑖᑕᕕᑦ ᒎᑎᒋᕚᖓ; ᓯᕘᕋᓂᐊᕐᓇᒃ ᑕᐅᓄᖓ ᐄᑦᔨᑉᑎᒧᐊᕆᐊᒃᓴᖅ, ᑕᕝᕙᓂ ᐃᓅᖃᑎᒌᒡᔪᐊᓐᖑᕐᑎᓐᓂᐊᕋᒃᑭᑦ.

ᒨᓯᓯ ᓯᕗᓪᓖᑦ 47:27

ᑕᕝᕙ ᐃᓴᕆᐊᓕ ᓄᓇᖃᓚᐅᕐᐳᖅ ᐄᑦᔨᑉᑎᐅᑉ ᓄᓇᖓᓂ, ᓄᓇᒥ ᒎᓯᓂᒥ; ᑖᓐᓇᓗ ᓄᓇᒋᔭᖓᑦ ᐊᖏᒡᓕᕙᓪᓕᐊᓚᐅᕐᐳᖅ, ᐊᔪᕐᓴᖏᑦᑐᕐᔪᐊᖑᓕᕐᓗᑎᒃ ᐃᓄᒋᐊᒃᓯᕙᓪᓕᐊᓪᓗᑎᒡᓗ ᓱᒃᑲᔪᒥᒃ.

ᒨᓯᓯ ᓯᕗᓪᓖᑦ 48:16

ᐂᖏᓕᐅᓪᓗ ᓴᐳᑦᔨᔨᒋᓯᒪᔭᒪ ᐱᐅᖏᑦᑐᓂᑦ ᑕᒤᓐᓂᑦ, ᐅᑯᐊᒃ ᐃᓅᓱᒃᑑᒃ ᓮᒻᒪᕐᑎᓪᓕᒋᒃ! ᑖᒃᑯᓇᓂᓗ ᐊᑎᕋ ᑲᔪᓯᑎᑕᐅᓕ, ᓯᕗᓕᕐᒪᓗ ᐂᑉᕋᕼᐋᒻ ᐂᓴᑭᐅᓪᓗ ᐊᑎᖏᒃ; ᐅᓄᕐᓯᕙᓪᓕᐊᑎᒃᑭᑦ ᐃᓄᒐᓴᒡᔪᐊᓐᖑᓕᖁᓪᓗᒋᑦ ᑕᒫᓂ ᓄᓇᒥ.”

ᒨᓯᓯ ᓯᕗᓪᓖᑦ 48:4

ᐅᖃᐅᑎᓪᓗᖓᓗ, ‘ᑕᑯᒋᑦ, ᑭᖑᕚᒃᓴᖃᕐᑎᓐᓂᐊᕐᐸᒋᑦ ᐃᓄᒋᐊᒃᓯᕙᓪᓕᐊᑎᓪᓗᑎᓪᓗ, ᐃᓄᒐᓴᒃᔪᐊᓐᖑᕐᑎᑦᓱᒫᕐᐸᒃᑲ, ᓄᓇᓗ ᑕᒪᓐᓇ ᐃᓕᖕᓄᑦ ᓄᓇᑖᕆᔭᐅᑎᓐᓂᐊᕐᐸᕋ ᑭᖑᓂᕐᓂᓗ ᑭᖑᕚᕐᓄᑦ ᓄᓇᒋᔭᐅᔪᒫᕐᐳᖅ ᐃᓱᖃᖏᑦᑐᒧᑦ.’

ᒨᓯᓯ ᓯᕗᓪᓖᑦ 9:1

ᒎᑎᐅᓪᓗ ᓄᐊ ᐃᕐᓂᖏᓪᓗ ᓮᒻᒪᕐᑎᑉᐰᑦ, ᐅᖃᕐᓗᓂ, “ᕿᑐᕐᖏᐅᕆᑦᑎ ᐅᓄᕐᑐᓂᒃ, ᓄᓇᓗ ᐃᓄᒋᐊᒃᓯᑎᓕᕐᓯᐅᒃ.

ᓂᕼᐃᒤᐊᐅᑉ ᐊᒡᓚᖏᑦ 9:23

ᕿᑐᕐᖓᕐᑖᕐᑎᓚᐅᕐᐸᑎᓪᓗ ᐅᓄᕐᑐᐊᓗᖕᓂᒃ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ, ᓄᓇᑖᕐᑎᓚᐅᕐᐸᑎᓪᓗ ᐊᖏᕐᕋᒃᓴᖏᓐᓂᒃ ᓯᕗᓪᓕᖏᓐᓄᑦ ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.

ᐃᓐᖏᕈᑎᑦ 105:24

ᐊᑕᓂᐅᓪᓗ ᐃᓄᖁᑎᓂ ᐃᓄᒋᐊᒃᓯᕙᓪᓕᐊᑎᓚᐅᕐᐰᑦ ᓱᑲᑦᑐᒥᒃ, ᓲᖑᓂᕐᓴᕈᕐᑎᓪᓗᒋᓪᓗ ᐊᑭᕋᕐᑐᕐᑎᖏᓐᓂᑦ.

ᐃᓐᖏᕈᑎᑦ 107:38

ᓮᒻᒪᕐᑎᓚᐅᕆᕔᑦ ᐃᓄᒋᐊᒃᑐᕐᔪᐊᓐᖑᕐᑎᓪᓗᒋᑦ; ᐆᒪᔪᖁᑎᖏᓪᓗ ᐃᒻᒧᒃᓯᐅᒊᑦ ᖃᑦᓰᓐᓇᕈᕐᐸᓪᓕᐊᓚᐅᓐᖏᓚᑦ.

ᒨᓯᓯ ᐂᑉᐸᖏᑦ 1:12

ᑭᓯᐊᓂᓕ ᐄᑦᔨᑉᑎᒥᐅᑦ ᐊᒃᓱᕈᕐᑎᑦᓯᕙᓪᓕᐊᓂᖓᑦ ᐃᓴᕆᐊᓕᒥᐅᓂᒃ ᒪᓕᒡᓗᒍ, ᐃᓴᕆᐊᓕᒥᐅᑦ ᐅᓄᕐᓯᕙᓪᓕᐊᑐᐃᓐᓇᓚᐅᕐᐳᑦ; ᐄᑦᔨᑉᑎᒥᐅᓪᓗ ᓄᓇᖓᓐᓂ ᓈᔨᕙᓪᓕᐊᑐᐃᓐᓇᕐᒪᑕ ᐄᑦᔨᑉᑎᒥᐅᑦ ᓯᕘᕋᓕᕐᐸᓪᓕᐊᓚᐅᕐᐳᑦ ᐃᓴᕆᐊᓕᒥᐅᓂᒃ.

ᒨᓯᓯ ᐂᑉᐸᖏᑦ 12:37

ᐃᓴᕆᐊᓕᒥᐅᑦ ᐊᐅᓪᓚᕐᐳᑦ ᐱᓱᒃᓗᑎᒃ ᓄᓇᒥᑦ ᕌᒥᓯᓯᒥᑦ ᓱᑰᑎᒧᑦ ᑎᑭᓪᓗᑎᒃ, ᐊᖑᑎᓪᓗ ᐅᓄᕐᓂᖃᓚᐅᕐᐳᑦ 600,000ᓂᒃ ᐊᕐᓁᑦ ᓄᑕᖅᑲᓪᓗ ᐱᖃᓯᐅᑎᓇᒋᑦ.

ᒨᓯᓯ ᐂᑉᐸᖏᑦ 5:5

ᐰᕉᓗ ᐅᖃᒃᑲᓐᓂᕐᐳᖅ, “ᐃᓕᑦᓯ ᐃᓅᖃᑎᒌᖑᔪᓯ ᐄᑦᔨᑉᑎᒥᐅᓂᑦ ᐅᓄᕐᓂᕐᓴᐅᓕᕐᐳᓯ. ᒫᓐᓇᓕ ᐊᒡᓛᑦ ᓴᓇᓂᖏᓐᓂᑦ ᓄᖅᑲᖁᓕᕐᐸᓯ!”

ᐃᓯᑭᐊᓕᐅᑉ ᐊᒡᓚᖏᑦ 16:7

ᐱᕈᕐᓗᑎᓪᓗ ᐱᕈᕐᓰᕕᖕᒥ ᐱᕈᕐᑐᑎᑐᑦ.’ ᐱᕈᕋᕕᓪᓗ ᐊᖏᔫᓕᓚᐅᕐᐳᑎᑦ ᐊᕐᓇᑦᓯᐊᕙᐅᓪᓗᑎᑦ, ᐃᕕᐊᖏᕐᑖᓚᐅᕐᐳᑎᑦ, ᓄᔭᖅᑯᕐᑐᓯᓪᓗᑎᓪᓗ; ᐊᓐᓄᕌᖃᓚᐅᓐᖏᓚᑎᓪᓕ ᐅᕕᓃᓐᓇᐅᓪᓗᑎᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 13:17

ᐃᓄᐃᑦ ᐃᓴᕆᐊᓕᒥᐅᑦ ᒎᑎᖓᑦᑕ ᓯᕗᓕᕕᓂᕗᑦ ᓂᕈᐊᓚᐅᕐᐰᑦ, ᐃᓄᒋᐊᒃᑐᐊᓘᓕᕐᑎᓚᐅᕐᐰᑦ ᐄᑦᔨᑉᑎᒥ ᓄᓇᖃᕐᑎᓪᓗᒋᑦ, ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᐰᑦ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 10:22

ᓯᕗᓕᕕᓂᓯᓕ ᐄᑦᔨᑉᑎᒧᐊᓕᕐᑎᓪᓗᒋᑦ ᑍᑯᓐᖓᕐᑐᑦ 70ᑐᐃᓐᓇᐅᓚᐅᕐᐳᑦ; ᒫᓐᓇᓕ ᐊᑕᓂᐅᑉ ᒎᑎᑦᓯ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ ᐅᓄᕐᓯᑎᓯᒪᓕᕐᐹᓯ.”

ᒨᓯᓯ ᑕᓪᓕᒪᖏᑦ 26:5

ᑕᕝᕙ ᐊᑕᓂᐅᑉ ᓵᖓᓂ ᐅᖃᐅᓯᖃᕐᑐᒃᓴᐅᕗᑎᑦ ᐃᒤᑦᑐᓂᒃ; ‘ᐊᕋᒥᐊᒥᐅᑕᕐᒥᒃ ᓯᕗᓕᖃᓚᐅᕐᐳᖓ ᑍᒪᓐᖓᑦ ᐃᖏᕐᕋᖃᑦᑕᓚᐅᕐᑐᒥᒃ, ᑖᑦᓱᒪ ᐃᓚᓂ ᐄᑦᔨᑉᑎᒧᐊᕈᑎᓚᐅᕐᐰᑦ ᑕᕝᕙᓂ ᓄᓇᖃᖁᓪᓗᒋᑦ; ᖃᑦᓰᓐᓇᐅᓪᓗᑎᒃ ᑕᕝᕗᓐᖓᓚᐅᕐᐳᑦ; ᑕᕝᕙᓂᓕ ᐅᓄᕐᓯᓚᐅᕐᐳᑦ ᐊᔪᖏᑦᑐᕐᔪᐊᖑᓕᕐᓗᑎᒃ, ᐃᓅᖃᑎᒌᒡᔪᐊᖑᓕᕐᓗᑎᒡᓗ.