ᒨᓯᓯ ᐂᑉᐸᖏᑦ 1:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᓱᐃᓛᒃ ᐄᑦᔨᑉᑎᒥᐅᑦ ᐃᓖᔭᕐᓱᐃᔨᓂᒃ ᑎᓕᓯᓚᐅᕐᐳᑦ ᑖᒃᑯᓂᖓ ᐊᒃᓱᐊᓗᒃ ᓴᓇᑎᓪᓗᓂᑦᔪᒃ ᖁᕕᐊᓱᒍᓐᓃᖁᓪᓗᒋᑦ; ᐃᓴᕆᐊᓕᒥᐅᑦ ᐃᒡᓗᒐᓴᒡᔪᐊᓂᒃ ᓴᓇᓚᐅᕐᐳᑦ ᐰᑕᒥᒥᒃ ᕌᒥᓯᓯᒥᒡᓗ ᐊᑎᖃᕐᑐᓂᒃ, ᑖᒃᑯᐊᒃ ᐊᖓᔪᖅᑳᕐᔪᐊᑉ ᐱᖁᑎᒃᑯᕕᒃᓴᕆᔭᖏᒃ.

ᒨᓯᓯ ᐂᑉᐸᖏᑦ 1:11 Iomraidhean Croise

ᒨᓯᓯ ᓯᕗᓪᓖᑦ 15:13

ᑕᕝᕙ ᐊᑕᓂᐅᑉ ᐂᑉᕋᒻ ᐅᖃᐅᑎᕚ, “ᓱᓕᔪᒥᒃ ᖃᐅᔨᑦᓯᐊᕆᑦ ᑭᖑᕚᑎᑦ ᓂᐅᕐᕈᐊᖑᔪᒫᕐᐳᑦ ᓄᓇᒥ ᓄᓇᒋᓐᖏᑕᒥᖕᓂ; ᑕᕝᕙᓂᓗ ᓄᓇᒥ ᓯᐊᓛᕆᔭᐅᔪᒫᕐᐳᑦ, ᐅᖁᒤᒃᓴᕐᑎᑕᐅᔪᒫᕐᓗᑎᒡᓗ ᐊᕐᕌᒍᓂᒃ 400ᓂᒃ;

ᒨᓯᓯ ᓯᕗᓪᓖᑦ 47:11

ᑕᕝᕙ ᔫᓯᐱᐅᑉ ᐊᑖᑕᓂ ᐊᖓᔪᓂᓗ, ᓄᓇᑖᕈᓐᓇᕐᑎᑉᐰᑦ ᐄᑦᔨᑉᑎᐅᑉ ᓄᓇᖓᓂ; ᓄᓇᐅᑉ ᐱᐅᓂᕐᐹᖓᓂ, ᓄᓇᒥ ᕌᒥᓯᓯᒥ, ᑍᒫᒃ ᐰᕉᑉ ᐱᖁᓚᐅᕐᒪᒍ.

ᐊᑕᓃᑦ ᓯᕗᓪᓖᑦ 9:19

ᑖᒃᑯᐊ ᐃᒡᓗᒐᓮᑦ ᓲᓗᒨᓂᐅᑉ ᓱᓇᑐᐃᓐᓇᕐᑖᕐᕕᒋᕙᒡᓗᓂᒋᑦ ᐱᓯᒤᓐᓇᕐᓗᓂᒋᑦ, ᐃᒡᓗᒐᓮᓪᓗ ᐊᒃᓴᓗᐊᓕᖕᓂᒃ ᕿᒧᓯᐅᑎᖃᕐᕕᒋᓪᓗᓂᒋᑦ, ᕿᒻᒥᕐᔪᐊᒃᑯᓪᓗ ᐅᓇᑕᕐᑎᒃᑯᕕᒋᓚᐅᕐᐰᑦ, ᐊᓯᖏᓐᓂᒡᓗ ᓴᓇᔪᒪᒍᓂ ᔨᕉᓴᓕᒥ, ᓕᐸᓇᓂᒥᓘᓐᓃᑦ ᐅᕝᕙᓘᓐᓃᑦ ᓇᓂᓕᒫᖅ ᐊᖓᔪᖅᑳᕐᔪᐊᒃᑯᕕᒋᔭᒥᓂ.

ᑯᕉᓂᑲ ᐂᑉᐸᖏᑦ 16:4

ᐱᓐ-ᕼᐊᑖᓪᓗ ᐊᖓᔪᖅᑳᕐᔪᐊᕐᒧᑦ ᐂᓴᒧᑦ ᐊᖏᕐᐳᖅ, ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ ᑎᓕᕔᑦ ᐅᓇᑕᕆᐊᖁᓪᓗᒋᑦ ᐃᓴᕆᐊᓕᒥᐅᑦ ᐃᒡᓗᒐᓴᖏᓐᓄᑦ, ᐅᑯᐊᓗ ᓵᓚᒋᕔᑦ ᐃᔮᓐ, ᑖᓐ, ᐊᐱᐅᓪ-ᒤᒻ, ᐃᒡᓗᒐᓴᓕᒫᓪᓗ ᓈᑉᑕᓕᐅᑉ ᓱᓇᑐᐃᓐᓇᖃᕐᕕᖏᑦ.

ᑯᕉᓂᑲ ᐂᑉᐸᖏᑦ 8:4

ᓴᓇᓚᐅᕆᕗᖅ ᑖᑦᒧᕆᒥᒃ ᐃᓄᖃᔪᐃᑦᑐᒥ ᐃᒡᓗᒐᓮᓪᓗ ᓯᕐᓗᐊᖃᕐᕖᑦ ᓴᓇᕔᑦ ᕼᐊᒫᑎᒥ.

ᐃᓐᖏᕈᑎᑦ 105:13

ᓅᖃᑦᑕᓚᐅᕐᒪᑕ ᐃᓅᖃᑎᒌᒡᔪᐊᓂᑦ ᐃᓅᖃᑎᒌᒡᔪᐊᓄᑦ, ᐊᖓᔪᖅᑳᕐᔪᐊᖃᕐᕕᖕᒥᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᑦ ᐊᓯᖏᓐᓄᑦ,

ᐃᓐᖏᕈᑎᑦ 129:1

ᐅᓄᕐᑐᐃᓱᕐᓗᖓ ᐋᓐᓂᐊᑎᑕᐅᖃᑦᑕᕐᓯᒪᕗᖓ ᐃᓅᓱᒃᑑᓂᓐᓂᑦ, ᒫᓐᓇ ᐃᓴᕆᐊᓕᑎᒃᑯᑦ ᐅᖃᓕᕐᓕᑦ:

ᐃᓐᖏᕈᑎᑦ 129:2

“ᐅᓄᕐᑐᐃᓱᕐᓗᖓ ᐋᓐᓂᐊᑎᑕᐅᖃᑦᑕᕐᓯᒪᕗᖓ ᐃᓅᓱᒃᑑᓂᓐᓂᑦ; ᑭᓯᐊᓂᓕ ᑖᒃᑯᓄᖓ ᓵᓚᒋᔭᐅᓚᐅᓐᖏᓚᖓ.

ᐃᓐᖏᕈᑎᑦ 68:13

ᓰᐱᒃᑯᕕᐅᒃ ᐃᓱᐊᓂ ᓯᓂᒃᑲᓗᐊᕐᑎᓪᓗᑎᑦ, ᑑᕕᐅᑉ ᐃᓴᕈᖏᑎᑐᑦ ᑍᒤᓐᓂᐊᕐᐳᑎᑦ ᓯᐅᓪᕕᕆᒥᒃ ᓯᓚᑉᐱᐊᖃᕐᑐᑎᑐᑦ, ᓱᓗᖏᓪᓗ ᕿᓪᓕᕐᑑᓪᓗᑎᒃ ᒎᓗᑎᑐᑦ ᐃᓚᓯᒪᖏᑦᑐᑎᑐᑦ.

ᐃᓐᖏᕈᑎᑦ 81:6

“ᓇᖕᒪᒃᑕᑎᑦ ᐅᖁᒤᑦᑐᑦ ᐲᕐᐸᒃᑲ; ᐊᒡᒐᑎᓪᓗ ᖃᑦᑕᕐᒥᒃ ᐅᖁᒤᑦᑐᒥᒃ ᑎᒍᒥᐊᕈᓐᓃᕐᑎᑉᐸᒃᑲ.

ᒨᓯᓯ ᐂᑉᐸᖏᑦ 1:14

ᐃᒡᓗᓂᒃ ᓴᓇᑎᓪᓗᓂᑦᔪᒃ ᐱᕈᕐᓰᕕᖕᓂᒡᓗ, ᐊᑦᑕᕆᓚᐅᓐᖏᓔᓪᓗ.

ᒨᓯᓯ ᐂᑉᐸᖏᑦ 2:11

ᒨᓯᓯᓗ ᐃᓐᓇᕈᕋᒥ, ᐃᓅᖃᑎᓂ ᐄᑉᕉᒥᐅᑦ ᑕᑯᔭᕐᑐᕐᐰᑦ, ᖃᐅᔨᓕᕐᐰᓪᓗ ᐊᒃᓱᕈᕐᓇᕐᑐᒥᒃ ᓴᓇᑎᑕᐅᓂᖏᓐᓂᒃ. ᑕᑯᓪᓗᓂᓗ ᐄᑦᔨᑉᑎᒥᐅᑕᖅ ᑐᖁᑦᓯᑎᓪᓗᒍ ᐄᑉᕉᒥᐅᑕᕐᒥᒃ ᒨᓯᓯᐅᑉ ᐃᓅᖃᑎᖏᑕ ᐃᓚᖓᓐᓂᒃ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᒨᓯᓯ ᐂᑉᐸᖏᑦ 5:10

ᑕᕝᕙ ᓴᓇᑎᑦᓯᔨᐅᔪᑦ ᓴᓇᔪᓄᓪᓗ ᐊᖓᔪᖅᑳᕆᔭᐅᔪᑦ ᐃᓄᖕᓄᐊᕐᐳᑦ ᐅᖃᕐᓗᑎᒡᓗ, “ᐰᕉ ᐃᒫᒃ ᐅᖃᕐᐳᖅ, ‘ᐃᕕᖕᓂᒃ ᐅᔭᕋᓕᐊᕆᔭᒃᓴᓂᒃ ᑐᓂᓯᕕᐅᖁᔪᓐᓃᕐᐸᑦᓯ.

ᒨᓯᓯ ᐂᑉᐸᖏᑦ 5:15

ᑕᕝᕙ ᓴᓇᔪᓄᑦ ᐃᓴᕆᐊᓕᒥᐅᓄᑦ ᐊᖓᔪᖅᑳᕆᔭᐅᔪᑦ ᐰᕉᒧᐊᕐᐳᑦ ᐊᒃᓱᕈᕐᓗᑎᒡᓗ ᓂᓪᓕᐊᓕᕐᐳᑦ, “ᓱᖕᒪᑦ ᐱᔨᒋᔭᕐᓄᑦ ᑍᒤᓕᐅᕐᐲᑦ?

ᒨᓯᓯ ᐂᑉᐸᖏᑦ 5:8

ᐅᔭᕋᓕᐊᕆᕙᒃᑕᖏᑕᓕ ᐅᓄᕐᓂᖏᑦ ᑍᒫᑦᓮᓐᓇᖅ ᐅᓄᕐᓂᖃᕐᑎᓯᐅᒃ, ᖃᑦᓰᓐᓇᕈᕆᐊᕐᓂᐊᕐᓇᒋᑦ; ᓄᖅᑲᖓᕕᒃᓴᖃᖃᑦᑕᓗᐊᒧᑦ ᐊᒡᓛᑦ ᐅᖃᖃᑦᑕᓕᕐᒪᑕ, ‘ᑐᖁᑕᒃᓴᒥᒃ ᑐᓂᕐᕈᓯᕆᐊᕐᑐᕐᓗᑕ ᒎᑎᑦᑎᓐᓄᑦ ᐊᐅᓪᓚᕐᑎᑕᐅᓚᐅᕐᑕ.’

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:4

ᓂᓐᖓᐅᒪᓂᖅ ᐱᐅᓐᖏᓚᖅ, ᓂᓐᖓᖕᓂᒡᓗ ᓵᓚᖃᕈᓐᓇᕐᐳᖅ; ᑭᓇᓕ ᓯᖕᓇᓂᐅᑉ ᓵᖓᓂ ᓇᖏᕈᓐᓇᕐᐹ?

ᒨᓯᓯ ᓯᑕᒪᖏᑦ 20:15

ᓯᕗᓕᕕᓂᕐᐳᑦ ᐄᑦᔨᑉᑎᒨᓚᐅᕐᒪᑕ, ᐄᑦᔨᑉᑎᒥᓗ ᐊᑯᓂ ᓄᓇᖃᓚᐅᕐᐳᒍᑦ, ᐄᑦᔨᑉᑎᒥᐅᓂᓪᓕ ᐅᖁᒤᒃᓴᕐᑎᑕᐅᓚᐅᕐᐳᒍᑦ ᓯᕗᓕᕕᓂᕐᐳᓪᓗ.

ᒨᓯᓯ ᑕᓪᓕᒪᖏᑦ 26:6

ᑕᕝᕙᓂ ᐄᑦᔨᑉᑎᒥᐅᓂᑦ ᐱᑦᓯᐊᕐᑕᐅᓚᐅᓐᖏᓚᒍᑦ, ᓱᒃᑯᔨᐊᕆᔭᐅᓪᓗᑕ ᓴᓇᑎᑕᐅᓚᐅᕐᐳᒍᑦ ᐅᖁᒤᑦᑐᓂᒃ ᐱᓇᓱᐊᕐᑎᑕᐅᓪᓗᑕ.