ᐃᔅᑕᐅᑉ ᐊᒡᓚᖏᑦ 9:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᒧᐊᑎᑬ ᐱᓪᓚᕆᐊᓘᓕᓚᐅᕐᒪᑦ ᐊᖓᔪᖅᑳᕐᔪᐊᒃᑯᕕᖕᒥ, ᑖᑦᓱᒪᓗ ᐊᔪᖏᓐᓂᕋᕐᑕᐅᓂᖓ ᓄᓇᓕᖕᓂ ᐊᕕᒃᑐᕐᓯᒪᔪᓂ ᓯᐊᒻᒪᕐᓯᒪᓕᓚᐅᕐᒪᑦ; ᑖᓐᓇ ᒧᐊᑎᑬ ᐱᔪᓐᓇᕐᓂᕐᑖᕐᐸᓪᓕᐊᑐᐃᓐᓇᓚᐅᕐᐳᖅ.

ᐃᔅᑕᐅᑉ ᐊᒡᓚᖏᑦ 9:4 Iomraidhean Croise

ᓴᒧᐃᓕ ᐂᑉᐸᖏᑦ 3:1

ᐅᓇᑕᕐᓃᑦ ᓴᐅᓕᐅᑉ ᐃᓚᖏᓐᓄᑦ ᑍᕕᑎᑯᓪᓗ ᐊᑯᓂ ᑲᔪᓯᓚᐅᕐᐳᖅ; ᑍᕕᑎᓕ ᓴᓐᖏᒃᑎᑉᐸᓪᓕᐊᓚᐅᕐᐳᖅ, ᓴᐅᓕᐅᑉ ᐃᓚᖏᑦ ᓴᓐᖐᓕᕚᓪᓕᐊᖔᓕᕐᑎᓪᓗᒋᑦ.

ᑯᕉᓂᑲ ᓯᕗᓪᓖᑦ 11:9

ᑍᕕᑎᓗ ᑲᔪᓯᔪᒥᒃ ᐊᔪᕈᓐᓃᕐᐸᓪᓕᐊᑐᐃᓐᓇᓕᓚᐅᕐᐳᖅ, ᕿᓚᖕᒥᐅᒐᓴᒡᔪᐃ ᐊᑕᓂᖓᑕ ᐃᓚᒋᓚᐅᕐᒪᒍ.

ᑯᕉᓂᑲ ᓯᕗᓪᓖᑦ 14:17

ᑍᕕᑎᓗ ᖃᐅᔨᔭᐅᕙᓪᓕᐊᓕᕐᐳᖅ ᓄᓇᓕᓕᒫᓄᑦ, ᐊᑕᓂᐅᓪᓗ ᐃᓅᖃᑎᒌᒡᔪᐊᑦ ᓯᕘᕋᓕᕐᑎᑉᐰ ᑖᑦᓱᒥᖓ.

ᐃᔅᑕᐅᑉ ᐊᒡᓚᖏᑦ 10:2

ᐱᔪᓐᓇᕐᓂᖓᑕᓕ ᐊᔪᖏᓐᓂᖓᑕᓗ ᓴᖅᑭᑕᐅᓯᒪᓂᖏᑦ, ᒧᐊᑎᑬᓪᓗ ᐅᐱᒋᔭᐅᓂᖓᑕ, ᐊᖓᔪᖅᑳᕐᔪᐊᑉ ᐱᕕᒃᓴᕐᑖᕐᑎᓚᐅᕐᒪᒍ ᐊᖓᔪᖅᑳᕈᕐᑎᓪᓗᓂᐅᒃ, ᑕᒪᒃᑯᐊᓕᒫᑦ ᑎᑎᕋᕐᑕᐅᓯᒪᕗᑦ ᐊᖓᔪᖅᑳᕐᔪᐊᑦ ᒥᑎᐊᒥ ᐴᕐᓯᐊᒥᓗ ᐱᕙᓪᓕᐊᔪᖁᑎᖏᓐᓂ ᑎᑎᕋᕐᑕᐅᕙᒃᑐᓂ.

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐃᓐᖏᕈᑎᑦ 18:43

ᓴᐳᑎᓚᐅᕐᐸᕐᒪ ᐃᓄᖕᓂᑦ ᐅᓇᑕᕆᐊᕐᑐᕐᓂᖏᓐᓂᑦ; ᐃᓅᖃᑎᒌᒡᔪᐊᓄᓪᓗ ᐊᖓᔪᖅᑳᓐᖑᕐᑎᓚᐅᕐᐸᕐᒪ; ᐃᓄᐃᑦ ᑕᑯᓚᐅᕐᓯᒪᖏᑕᒃᑲ ᐱᔨᑦᓯᕐᓂᐊᕐᐳᑦ ᐅᕙᓐᓂᒃ.

ᐃᓐᖏᕈᑎᑦ 92:13

ᑲᓐᖓᕐᓲᑎᒋᔭᐅᓯᒪᖕᒪᑕ ᐊᑕᓂᐅᑉ ᐃᒡᓗᖓᓂ, ᐱᕈᓕᕐᓂᐊᕐᐳᑦ ᒎᑎᑦᑕ ᐃᒡᓗᖓᑕ ᐊᕙᑖᓃᑦᑐᒥ.

ᒨᓯᓯ ᐂᑉᐸᖏᑦ 11:3

ᐊᑕᓂᐅᓪᓗ ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᑉᐰᑦ ᐃᓴᕆᐊᓕᒥᐅᓂᒃ, ᐊᒡᓛᑦ ᒨᓯᓯ ᐊᖓᔪᖅᑳᕐᔪᐊᖑᔪᓄᑦ ᐃᓄᖕᓄᓪᓗ ᐊᔪᖏᑦᑐᐊᓘᓇᓱᒋᔭᐅᓕᕐᑎᑉᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᐸᓁᐊᐅᑉ ᐊᒡᓚᖏᑦ 3:19

ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᕐᐸᒃᑲ, ᑐᓯᐊᑦᑐᑦ ᐱᐅᓕᓂᐊᕐᐸᒃᑲ. ᑲᑎᑎᑦᓱᒫᕐᐸᒃᑲᓗ ᓯᐊᒻᒪᕐᑎᑕᐅᓯᒪᔪᑦ, ᑎᓕᔪᒫᕐᐸᒃᑲᓗ ᓂᕐᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᕐᑎᓪᓗᒋᓪᓗ, ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᕐᑐᑦ.

ᒫᑎᐅᓯᐅᑉ ᐊᒡᓚᖏᑦ 4:24

ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ.

ᔮᓱᐊᑉ ᐊᒡᓚᖏᑦ 6:27

ᑍᒤᒻᒪᑦ ᐊᑕᓂᖅ ᔮᓱᐊᒦᓚᐅᕐᐳᖅ; ᖁᕕᐊᒋᔭᐅᒻᒪᕆᓕᕐᓗᓂᓗ ᓄᓇᓕᓕᒫᓄᑦ.

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.