ᐃᔅᑕᐅᑉ ᐊᒡᓚᖏᑦ 9:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓄᓇᓕᖕᓂ ᐊᕕᒃᑐᕐᓯᒪᔪᓂ ᐊᖓᔪᖅᑳᑦ, ᓄᓇᓕᖕᓂ ᐊᐅᓚᑦᓯᔩᑦ, ᓄᓇᓕᖕᓂᓗ ᐋᖅᑭᒃᓯᒪᑎᑦᓯᔩᑦ, ᐊᖓᔪᖅᑳᕐᔪᐊᕐᒥᒡᓗ ᓄᓇᓕᖕᓂ ᐱᔨᑦᓯᕐᑏᑦ, ᔫᑎᓂᒃ ᐃᑲᔪᖔᓚᐅᕐᐳᑦ, ᒧᐊᑎᑬᒥᒃ ᓯᕘᕋᓚᐅᕋᒥᒃ.

ᐃᔅᑕᐅᑉ ᐊᒡᓚᖏᑦ 9:3 Iomraidhean Croise

ᐄᓱᕋᐅᑉ ᐊᒡᓚᖏᑦ 2:2

ᐊᖓᔪᖅᑳᕆᓚᐅᕐᑕᖏᑦ ᐅᑯᐊᖑᕗᑦ; ᔨᕈᐸᐱᐅᓪ, ᔩᓱᐊ, ᓂᕼᐃᒤᐊ, ᓯᕅᐊ, ᕇᓔᐊ, ᒧᐊᑎᑬ, ᐱᐅᓪᓵᓐ, ᒥᔅᐸ, ᐱᒡᕔ, ᕆᕼᐆᒻ, ᐹᓇᓗ. ᑖᒃᑯᐊ ᑕᕝᕙ ᐃᓚᒌᑦ ᐃᓴᕆᐊᓕᒥᐅᑦ, ᑖᒃᑯᐊᓗ ᐃᓚᒌᑦ ᐊᕕᒃᓯᒪᔪᑦ ᐅᑎᕐᑐᕕᓃᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ:

ᐄᓱᕋᐅᑉ ᐊᒡᓚᖏᑦ 8:36

ᑎᑎᕋᕐᓯᒪᔪᓪᓗ ᐊᖓᔪᖅᑳᕐᔪᐊᑉ ᑎᑎᕋᖏᑦ ᐂᑦᑑᑎᒋᔭᐅᓚᐅᕐᐳᑦ ᐊᐅᓚᑦᓯᔨᓄᑦ ᐱᓇᓱᐊᕐᑎᓄᓪᓗ ᐃᕗᕅᑎᐅᑉ ᓴᐅᒥᖔᖓᓂᒥᐅᓄᑦ. ᑖᒃᑯᐊᓗ ᐃᑲᔪᕐᑐᓕᓚᐅᕐᐳᑦ ᐃᓄᖕᓂᒃ ᒎᑎᐅᓪᓗ ᑐᒃᓯᐊᕐᕕᒡᔪᐊᖁᑎᖓᓂᒃ.

ᐃᔅᑕᐅᑉ ᐊᒡᓚᖏᑦ 3:12

ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᓕᕐᐳᑦ ᐅᓪᓗᐃᑦ 13ᖓᓐᓂ ᑕᖅᑮᑦ ᓯᕗᓪᓕᕐᐹᖓᓐᓂ, ᐱᖁᔭᓕᐊᖑᔪᒥᒡᓗ ᑎᑎᕋᕐᐳᑦ ᕼᐂᒪᓂᐅᑉ ᐱᖁᔨᑦᔪᑎᒋᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᓐᓄᑦ, ᓄᓇᓖᑦ ᐊᕕᒃᑐᕐᓯᒪᓂᖏᓐᓂ ᐊᐅᓚᑦᓯᔨᓄᑦ ᑐᕌᕐᑎᑕᐅᖁᓪᓗᒋᑦ, ᐃᓄᓕᒫᓄᑦ ᐅᖃᐅᓯᖃᑎᒌᖏᑦᑐᓄᑦ ᐅᖃᐅᓯᖏᑦ ᒪᓕᒡᓗᒋᑦ. ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᐱᔪᓐᓇᕐᓂᖓ ᐊᑐᕐᓗᒍ ᑎᑎᕋᕐᑕᐅᕗᑦ, ᓇᓗᓁᒃᑯᓯᕐᑕᐅᓪᓗᑎᒡᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᑕ ᓇᓗᓁᒃᑯᑕᖓᓄᑦ.

ᐃᔅᑕᐅᑉ ᐊᒡᓚᖏᑦ 8:17

ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᒡᓗᒐᓴᖕᓂᓗ, ᓇᓂᑐᐃᓐᓇᖅ ᐊᖓᔪᖅᑳᕐᔪᐊᑉ ᐱᖁᔨᓂᖓᑦ ᐅᖃᓕᒫᕐᑕᐅᑐᐊᕐᒪᑦ, ᔫᑎᑦ ᖁᕕᐊᓱᓚᐅᕐᐳᑦ ᓯᕆᓪᓗᑎᒡᓗ, ᓂᕆᕕᒡᔪᐊᕐᓗᑎᒃ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ. ᑍᒤᒻᒪᒃ ᐃᓄᐃᑦ ᐅᓄᕐᑐᑦ ᓄᓇᓕᖕᓃᑦᑐᑦ ᔫᑎᓐᖑᖃᑦᑕᐅᕗᑦ, ᔫᑎᓂᒃ ᑲᑉᐱᐊᓱᓕᕋᒥᒃ.

ᐃᔅᑕᐅᑉ ᐊᒡᓚᖏᑦ 8:5

ᐅᖃᕐᓗᓂᓗ, “ᐊᖓᔪᖅᑳᕐᔪᐊᕐᒧᑦ ᖃᓄᐃᒋᔭᐅᖏᑉᐸᑦ, ᑖᑦᓱᒧᖓᓗ ᖁᕕᐊᒋᔭᐅᒍᒪ ᐊᖓᔪᖅᑳᕐᔪᐊᕐᒧᓪᓗ ᓈᒻᒪᓈᕐᑑᔮᕐᐸᑦ ᖃᓄᐃᒋᔭᐅᖏᒃᑯᒪᓗ ᑖᑦᓱᒧᖓ, ᑎᑎᖅᑲᑎᒍᑦ ᐱᖁᔨᔪᖃᓚᐅᕐᓕ ᕼᐂᒪᓂᐅᑉ ᑎᑎᕋᓚᐅᕐᑕᖏᑦ ᓄᖅᑲᕐᑎᑕᐅᖁᓗᒋᑦ, ᕼᐊᒥᑕᑕᐅᑉ ᐃᕐᓂᖓᑕ ᐊᒐᒊᑎᐅᑉ, ᑖᓐᓇ ᑎᑎᕋᓚᐅᕐᒪᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᓄᓇᐅᑉ ᐊᕕᒃᑐᕐᓯᒪᓂᓕᒫᖏᓐᓂ.

ᐃᔅᑕᐅᑉ ᐊᒡᓚᖏᑦ 8:9

ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᕗᑦ, ᐅᓪᓗᖅ 23ᖑᑎᓪᓗᒍ, ᑕᖅᑮᑦ ᐱᖓᔪᒋᓕᕐᑕᖓᓂ, ᓯᕚᓐᒥᒃ ᐊᑎᓕᖕᒥ; ᑎᑎᕋᕐᑕᐅᓚᐅᕐᐳᓪᓗ, ᒧᐊᑎᑬᑉ ᐱᖁᔨᓂᖓ ᒪᓕᒡᓗᒍ ᔫᑎᓄᑦ, ᑐᕌᕐᑎᑕᐅᓪᓗᑎᒃ ᓄᓇᓕᖕᓂ ᐊᐅᓚᑦᓯᔨᓄᑦ, ᐊᖓᔪᖅᑳᒻᒪᕆᖕᓄᑦ, ᓄᓁᓪᓗ ᐊᕕᒃᑐᕐᓯᒪᓂᖏᓐᓂ ᐊᖓᔪᖅᑳᖏᓐᓄᑦ ᓄᓇᒥᒃ ᐃᓐᑎᐊᒥᑦ ᐃᑎᐅᐱᐊ ᑎᑭᓪᓗᒍ, ᓄᓇᓖᑦ ᐊᕕᒃᑐᕐᓯᒪᔪᑦ ᑲᑎᓪᓗᒋᑦ 127ᓄᑦ, ᓄᓇᓕᖕᓂ ᐊᕕᒃᑐᕐᓯᒪᔪᓂ ᑎᑎᕋᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᐃᓄᖏᑕᓗ ᐅᖃᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᔫᑏᓪᓗ ᑎᑎᕋᐅᓯᖏᑦ ᐅᖃᐅᓯᖏᓪᓗ ᒪᓕᒡᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 3:2

ᐊᖓᔪᖅᑳᕐᔪᐊᕐᓗ ᓂᐱᑯᓁᓴ ᕾᖁᔨᕗᖅ ᕿᑐᕐᖓᒥᓂᒃ ᑐᖓᓕᓕᒫᒥᓂᒃ, ᓄᓇᒥ ᐊᐅᓚᑦᓯᔨᓂᒃ, ᐅᓇᑕᕐᑐᒃᓮᑦ ᐊᖓᔪᖅᑳᖏᓐᓂᒃ, ᐃᖅᑲᕐᑐᐃᔨᓂᒃ, ᑮᓇᐅᔭᓕᕆᔨᓂᒃ, ᐃᓄᓕᕆᔨᓂᒃ, ᐳᓖᓯᓂᒃ, ᐹᐱᓘᓂᐅᓪᓗ ᐊᕕᒃᑐᕐᓯᒪᓂᖏᓐᓄᑦ ᐊᖓᔪᖅᑳᓂᒃ, ᑖᒃᑯᐊ ᐃᓚᐅᖁᓪᓗᒋᑦ ᐃᓄᓐᖑᐊᑉ ᓴᓇᔭᐅᑎᓯᒪᔭᒥ ᓴᖅᑭᑕᐅᓂᖓᓂ.