ᐃᔅᑕᐅᑉ ᐊᒡᓚᖏᑦ 9:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᑖᒃᑯᐊ ᐅᓪᓗᐃᑦ ᐃᖅᑲᐅᒪᔭᐅᖃᑦᑕᖁᓪᓗᒋᑦ ᐳᐃᒍᕐᑕᐅᑦᑍᓕᖁᓪᓗᒋᓪᓗ ᑭᖑᕚᕆᔪᒫᕐᑕᖏᓐᓄᑦ, ᐃᒡᓗᒥᐅᖃᑎᒌᓕᒫᓂᑦ, ᓄᓇᓕᓕᒫᓂᓗ ᐊᕕᒃᑐᕐᓯᒪᔪᓂ, ᐃᒡᓗᒐᓴᒡᔪᐊᓕᒫᓂᓗ, ᑖᒃᑯᓇᓂ ᐅᓪᓗᓂ ᐱᐅᕆᒻᒥᒃ ᑍᔭᐅᔪᓂ ᔫᑎᓕᒫᑦ ᓄᖅᑲᐅᑦᔨᑐᐃᓐᓇᖁᓇᒋᑦ, ᑖᒃᑯᐊᓗ ᐃᖅᑲᐅᒪᔭᐅᓂᖏᑦ ᐳᐃᒍᕐᑕᐅᓕᖁᓇᒋᑦ ᑭᖑᕚᖏᓐᓄᑦ.

ᐃᔅᑕᐅᑉ ᐊᒡᓚᖏᑦ 9:28 Iomraidhean Croise

ᐃᔅᑕᐅᑉ ᐊᒡᓚᖏᑦ 9:27

ᔫᑎᑦ ᐋᖅᑭᒃᓯᓚᐅᕐᐳᑦ ᐱᖁᔭᓕᐅᕐᓗᑎᒡᓗ ᐃᒻᒥᖕᓄᑦ ᑭᖑᕚᕆᓂᐊᕐᑕᖏᓪᓗ ᔫᑎᓄᑦ ᐃᓚᓕᐅᑎᔪᒪᒐᔭᕐᑐᑦ, ᐱᓐᖏᓮᓐᓇᖃᑦᑕᖏᓪᓗᑎᒃ ᑖᒃᑯᓂᖓ ᐅᓪᓘᖕᓂᒃ ᒪᕐᕉᖕᓂᒃ ᓇᓪᓕᐅᓐᓂᕐᓯᐅᖃᕐᑕᖁᓪᓗᒋᑦ ᐊᕐᕌᒍᑕᒫᑦ, ᑎᑎᕋᕐᑕᐅᓯᒪᔪᑦ ᒪᓕᒡᓗᒋᑦ ᖃᓄᐃᓕᐅᕆᐊᖃᕐᓂᖏᓐᓂᒃ ᐅᖃᕐᓯᒪᔪᑦ ᓇᓪᓕᐅᓐᓂᕐᒥᓗ ᓇᓗᓁᕐᑕᐅᓯᒪᔪᒥᒃ ᒪᓕᒡᓗᑎᒃ,

ᐃᔅᑕᐅᑉ ᐊᒡᓚᖏᑦ 9:29

ᑕᕝᕙ ᑯᐃᓐ ᐃᔅᑕᕐ, ᐊᐱᕼᐂᓕᐅᑉ ᐸᓂᖓ, ᒧᐊᑎᑬᒥᑦ ᔫᑎᒥᑦ ᐃᑲᔪᕐᑕᐅᓪᓗᓂ, ᑎᑎᕋᓚᐅᕐᐴᒃ ᐱᔪᓐᓇᕐᑎᑕᐅᓂᕐᒥᒃ ᐊᑐᕐᓗᑎᒃ ᑕᒪᓐᓇ ᓇᓗᓁᕐᑕᐅᑦᓯᐊᓚᐅᕐᐳᖅ ᑎᑎᕋᕐᑕᖏᑕ ᐂᑉᐸᖏᓐᓂ ᑎᑎᕋᕐᑎᓪᓗᒋᒃ ᐱᐅᕆᒻ ᐱᑦᔪᑎᒋᓪᓗᒍ.

ᐃᓐᖏᕈᑎᑦ 103:2

ᑕᕐᓃᖅ, ᐊᑕᓂᖅ ᓂᕐᑐᕈᒃ, ᐳᐃᒍᕐᓂᐊᕐᓇᒡᓗ ᑖᑦᓱᒧᖓ ᐱᑦᓯᐊᕐᕕᐅᓯᒪᓂᕐᓂᒃ:

ᐃᓐᖏᕈᑎᑦ 145:4

ᑭᖑᕚᕇᑦ ᐱᓂᐊᕐᓂᑎᑦ ᓂᕐᑐᕈᒫᕐᐰᑦ ᑭᖑᕚᕇᖑᔪᑦ ᑭᖑᓪᓕᖏᓐᓄᑦ ᑎᑭᓪᓗᒋᑦ, ᓇᓗᓁᕐᓯᔪᒫᕐᐳᓪᓗ ᐱᓂᐊᕐᓂᕐᐱᑦ ᑲᒪᓇᕐᑐᕐᔪᐊᖑᓂᖏᓐᓂᒃ.

ᒨᓯᓯ ᐂᑉᐸᖏᑦ 12:17

ᑕᒪᓐᓇ ᓇᓪᓕᐅᓐᓂᖅ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᕐᑐᕐᕕᒃ ᓇᓪᓕᐅᓐᓂᕐᓯᐅᕐᐸᖑᒫᕐᐸᓯ, ᑖᑦᓱᒪᓂ ᐅᓪᓗᒥ ᐃᓅᖃᑎᓯ ᐊᓂᑎᓚᐅᕋᒃᑭᑦ ᐄᑦᔨᑉᑎᐅᑉ ᓄᓇᖓᓂᑦ; ᑍᒤᒻᒪᑦ ᑖᓐᓇ ᐅᓪᓗᖅ ᐃᒃᐱᒋᑦᓯᐊᕋᒃᓴᕆᕙᓯ, ᑭᖑᕚᕆᔪᒫᕐᑕᓯᓗ, ᓇᓪᓕᐅᓂᕐᓯᐅᖃᑦᑕᕈᒫᕐᐸᓯ ᐅᓪᓗᓂ ᕾᔪᒫᕐᑐᓂ.

ᓴᑲᕅᐊᐅᑉ ᐊᒡᓚᖏᑦ 6:14

ᐊᖓᔪᖅᑳᕐᔪᐊᕐᓯᐅᑦ ᓇᓴᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓃᓪᓗᓂ ᐃᖅᑲᐅᒪᑦᔪᑎᒃᓴᐅᓂᐊᕐᐳᖅ ᕼᐄᓪᑍᒧᑦ, ᑐᐱᐊᒧᑦ, ᔨᑍᐊᒧᓪᓗ, ᔪᓮᐊᒧᓪᓗ ᔨᐸᓁᐊᐅᑉ ᐃᕐᓂᖓᓄᑦ.”

ᔮᓱᐊᑉ ᐊᒡᓚᖏᑦ 4:7

ᑭᐅᔪᒫᕋᑦᓯᐅᒃ ᔪᐊᕐᑕᓂᐅᑉ ᑰᖓ ᑰᒍᓐᓃᓚᐅᕐᓯᒪᓂᖓᓂᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑳᕈᑦᔭᐅᓕᕐᑎᓪᓗᒍ ᑰᖕᒥᒃ ᔪᐊᕐᑕᓂᒥᒃ, ᔪᐊᕐᑕᓂᐅᑉ ᑰᖓ ᓄᖅᑲᖓᑎᑕᐅᓚᐅᕐᒪᑦ. ᑖᒃᑯᐊ ᐅᔭᕅᑦ ᐃᓴᕆᐊᓕᒥᐅᓄᑦ ᖃᓄᖅ ᐱᔪᖃᓚᐅᕐᓯᒪᖕᒪᖔᑦ ᐃᖅᑲᐅᒪᑦᔪᑎᒃᓴᐅᓂᐊᕐᐳᑦ ᐃᓱᖃᖏᑦᑐᒧᑦ.”