ᐃᔅᑕᐅᑉ ᐊᒡᓚᖏᑦ 9:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ.

ᐃᔅᑕᐅᑉ ᐊᒡᓚᖏᑦ 9:22 Iomraidhean Croise

ᐃᔅᑕᐅᑉ ᐊᒡᓚᖏᑦ 9:19

ᑍᒤᒻᒪᑦ ᔫᑎᑦ ᓄᓇᓕᖕᓃᑦᑐᑦ ᒥᑭᓐᓂᕐᓴᓂ, ᓄᓇᖃᕐᑐᑦ ᐊᕙᓗᕐᔪᐊᖃᖏᑦᑐᓂ, ᐅᓪᓗᖅ 14ᖑᓕᕐᒪᑦ ᑕᖅᑭᒥ ᐊᑖᕆᒥ ᖁᕕᐊᓱᖃᑎᒌᓚᐅᕐᐳᑦ ᓂᕆᕕᒡᔪᐊᕐᓗᑎᒡᓗ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ, ᐃᒻᒥᖕᓄᓪᓗ ᐊᑐᓂᑦ ᓂᕿᑦᓯᐊᕙᖁᑎᒥᖕᓂᒃ ᐂᑦᑑᑎᖃᑦᑕᐅᑎᓪᓗᑎᒃ.

ᐃᔅᑕᐅᑉ ᐊᒡᓚᖏᑦ 9:21

ᐅᖃᐅᑎᓚᐅᕐᐰᑦ ᓇᓗᓁᕐᓯᖁᓪᓗᒋᑦ ᓇᓪᓕᐅᓐᓂᕐᓯᐅᕐᕕᐅᖃᑦᑕᕐᓂᐊᕐᑑᖕᓂᒃ ᐊᕐᕌᒍᑕᒫᑦ ᐅᓪᓘᒃ ᒪᕐᕉᒃ 14ᓗ 15ᓗ ᑕᖅᑭᒥ ᐊᑖᕆᒥ,

ᐃᔅᑕᐅᑉ ᐊᒡᓚᖏᑦ 9:23

ᑕᕝᕙ ᔫᑎᑦ ᑕᒪᑐᒥᖓ ᐱᐅᓯᕐᑖᕐᐳᑦ ᐊᑐᕆᐊᓕᓚᐅᕐᑕᒥᖕᓂᒃ ᑍᒫᒃ ᒧᐊᑎᑬᑉ ᑍᒤᓕᐅᖁᓪᓗᒋᑦ ᑎᑎᕋᕐᕕᒋᓚᐅᕐᒪᒋᑦ.

ᐃᓐᖏᕈᑎᑦ 103:2

ᑕᕐᓃᖅ, ᐊᑕᓂᖅ ᓂᕐᑐᕈᒃ, ᐳᐃᒍᕐᓂᐊᕐᓇᒡᓗ ᑖᑦᓱᒧᖓ ᐱᑦᓯᐊᕐᕕᐅᓯᒪᓂᕐᓂᒃ:

ᐃᓐᖏᕈᑎᑦ 149:7

ᐊᑭᓂᐊᕐᑎᐅᖁᓪᓗᒋᑦ ᐃᓅᖃᑎᒋᒡᔪᐊᓂᒃ ᐋᖅᑭᒃᓱᐃᔨᐅᖁᓪᓗᒋᓪᓗ ᐃᓄᖕᓂᒃ.

ᐃᓐᖏᕈᑎᑦ 30:11

ᕿᒃᓵᖕᓂᕋ ᒧᒥᒃᐸᑦ ᑖᓂᓯᕐᓂᕐᒧᑦ; ᐊᓐᓄᕌᒃᑲ ᖃᕿᐊᓕᕐᑐᕐᓯᐅᑎᑦ ᐲᕐᐸᑎᑦ, ᐊᓐᓄᕌᕐᑎᓪᓗᖓᓗ ᖁᕕᐊᓱᖕᓂᕐᒥᒃ,

ᐃᓐᖏᕈᑎᑦ 30:12

ᓂᕐᑐᕈᒪᓪᓗᖓ ᐃᓕᖕᓂᒃ ᓂᐰᑦᑑᖏᓪᓗᖓ. ᐊᑕᓃᖅ ᒎᑎᒐ, ᐃᓱᖃᖏᑦᑐᒧᑦ ᖁᔭᒋᓂᐊᕐᐸᒋᑦ.

ᐃᓐᖏᕈᑎᑦ 37:15

ᓴᕕᒡᔪᐊᖏᓪᓕ ᐆᒻᒪᑎᒥᖕᓄᑦ ᓇᖕᒥᓂᖅ ᑲᑉᐳᑎᔪᒫᕐᐳᑦ, ᐱᑎᒃᓯᖏᓪᓗ ᓇᑲᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 14:3

ᐊᑕᓂᐅᑉ ᐋᓐᓂᐊᓂᕆᓚᐅᕐᑕᑦᓯᓐᓂᑦ ᐅᖁᒤᑦᑐᒥᒡᓗ ᐃᓅᓯᖃᕐᓂᕆᓚᐅᕐᑕᑦᓯᓐᓂᑦ ᑕᕾᕐᓯᕐᑎᓕᕐᐹᓯ, ᐊᒃᓱᕈᕐᓗᓯᓗ ᐱᔨᑦᓯᕐᑎᑕᐅᑦᔪᑎᒋᓚᐅᕐᑕᑦᓯᓐᓂᑦ.

ᓴᑲᕅᐊᐅᑉ ᐊᒡᓚᖏᑦ 8:19

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.

ᒫᑎᐅᓯᐅᑉ ᐊᒡᓚᖏᑦ 5:4

ᓮᒪᓇᕐᑐᒦᑉᐳᑦ ᕿᒃᓵᓂᕐᒧᑦ ᖁᕝᕕᐅᕐᑐᑦ; ᒎᑎᐅᑉ ᓮᒻᒪᕐᑎᑦᓱᒫᕐᒪᒋᑦ.

ᓘᑲᓯᐅᑉ ᐊᒡᓚᖏᑦ 11:41

ᑏᑑᑎᐅᑉ ᓂᕐᕆᓰᓪᓗ ᐃᓗᐊᓃᑦᑐᑦ ᑐᓂᓯᒋᒃ ᐊᒃᖢᔪᓄᑦ; ᑕᑯᒋᑦ, ᑕᕝᕙ ᓴᓗᒻᒪᑦᓯᐊᓕᕐᓂᐊᕐᐳᓯ ᐃᓘᓐᓇᖓᒍᑦ.

ᒐᓔᑎᐊᒥᐅᓄᑦ 2:10

ᐅᖃᑐᐃᓐᓇᓚᐅᕐᐳᓪᓗ ᐊᔪᕐᓴᕐᑐᓂᒃ ᐃᖅᑲᐅᒪᖃᑦᑕᖁᓪᓗᑕ ᐃᓚᒋᔭᑦᑎᓐᓂ, ᑕᒪᓐᓇᑦᑕᐅᖅ ᐱᓇᓱᐊᕈᒪᓂᕐᐹᕆᓯᒪᖕᒥᒐᒃᑯ.

ᒨᓯᓯ ᑕᓪᓕᒪᖏᑦ 15:7

“ᓄᓇᓖᓪᓕ ᓇᓪᓕᐊᓐᓂᑐᐃᓐᓇᖅ ᓄᓇᒥ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᐃᓴᕆᐊᓕᒥᐅᖑᖃᑎᑦᓯᓐᓂᒃ ᐊᔪᕐᓴᕐᑐᖃᕐᐸᑦ, ᐃᒻᒥᓂᒃ ᑭᓯᐊᓂ ᐃᓱᒪᒋᓂᕐᒧᑦ ᐃᑲᔪᕐᑍᓕᒪᔪᒃᓴᐅᓐᖏᓚᑎᑦ.

ᒨᓯᓯ ᑕᓪᓕᒪᖏᑦ 16:14

ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.

ᒨᓯᓯ ᑕᓪᓕᒪᖏᑦ 16:15

ᐊᑕᓂᖅ ᒎᑎᓯ ᐅᐱᓐᓇᕐᓯᑎᑕᒃᓴᕆᕙᓯ ᓇᓪᓕᐅᕐᓂᕐᓯᐅᕐᓗᓯ ᐅᓪᓗᓂᒃ 7ᓂᒃ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ. ᖁᕕᐊᓱᒃᑐᒃᓴᐅᕗᓯ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᕈᕐᑎᑕᑦᓯᒍᑦ ᐃᖅᑲᓁᔭᕐᓂᑦᓯᒍᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:10

ᓄᓇᕐᔪᐊᕐᒥᐅᓪᓗ ᖁᕕᐊᓱᒍᒫᕐᐳᑦ ᑖᒃᑯᐊᒃ ᒪᕐᕉᒃ ᑐᖁᑕᐅᓂᖏᒃ ᐱᓪᓗᒋᒃ, ᖁᕕᐊᓱᖃᑎᒌᒍᒫᕐᐳᑦ ᑐᓂᓯᖃᑦᑕᐅᑎᓗᑎᒡᓗ, ᑖᒃᑯᐊᒃ ᓇᓚᐅᑦᑍᔪᓚᐅᕐᑐᒃ ᐊᖏᔪᒥᒃ ᐋᓐᓂᐊᓇᕐᑐᖃᕐᑎᑦᓯᓚᐅᕐᓂᖏᖕᓄᑦ ᐃᓄᖕᓄᑦ ᓄᓇᕐᔪᐊᕐᒦᑦᑐᓄᑦ.

ᓴᒧᐃᓕ ᓯᕗᓪᓖᑦ 25:8

ᐊᐱᕆᒍᕕᒋᑦ ᐃᓄᖁᑎᑎᑦ ᑖᒃᑯᐊ ᐅᖃᕈᓐᓇᕐᐳᑦ. ᑍᒤᒻᒪᑦ ᐃᓅᓱᒃᑐᖁᑎᒃᑲ ᖁᕕᐊᒋᔭᐅᓚᐅᕐᓕᑦ ᐃᓕᖕᓄᑦ; ᑎᑭᓛᕋᑦᑕ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖓᓂ. ᑐᓂᓯᓚᐅᕆᑦ ᐱᔪᓐᓇᕐᑕᕐᓂᒃ ᐱᔨᖕᓄᑦ ᐃᕐᓂᕐᓄᓪᓗ ᑍᕕᑎᒧᑦ.’”