ᐃᔅᑕᐅᑉ ᐊᒡᓚᖏᑦ 9:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑍᒤᒻᒪᑦ ᔫᑎᑦ ᓄᓇᓕᖕᓃᑦᑐᑦ ᒥᑭᓐᓂᕐᓴᓂ, ᓄᓇᖃᕐᑐᑦ ᐊᕙᓗᕐᔪᐊᖃᖏᑦᑐᓂ, ᐅᓪᓗᖅ 14ᖑᓕᕐᒪᑦ ᑕᖅᑭᒥ ᐊᑖᕆᒥ ᖁᕕᐊᓱᖃᑎᒌᓚᐅᕐᐳᑦ ᓂᕆᕕᒡᔪᐊᕐᓗᑎᒡᓗ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ, ᐃᒻᒥᖕᓄᓪᓗ ᐊᑐᓂᑦ ᓂᕿᑦᓯᐊᕙᖁᑎᒥᖕᓂᒃ ᐂᑦᑑᑎᖃᑦᑕᐅᑎᓪᓗᑎᒃ.

ᐃᔅᑕᐅᑉ ᐊᒡᓚᖏᑦ 9:19 Iomraidhean Croise

ᐃᔅᑕᐅᑉ ᐊᒡᓚᖏᑦ 8:17

ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᒡᓗᒐᓴᖕᓂᓗ, ᓇᓂᑐᐃᓐᓇᖅ ᐊᖓᔪᖅᑳᕐᔪᐊᑉ ᐱᖁᔨᓂᖓᑦ ᐅᖃᓕᒫᕐᑕᐅᑐᐊᕐᒪᑦ, ᔫᑎᑦ ᖁᕕᐊᓱᓚᐅᕐᐳᑦ ᓯᕆᓪᓗᑎᒡᓗ, ᓂᕆᕕᒡᔪᐊᕐᓗᑎᒃ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ. ᑍᒤᒻᒪᒃ ᐃᓄᐃᑦ ᐅᓄᕐᑐᑦ ᓄᓇᓕᖕᓃᑦᑐᑦ ᔫᑎᓐᖑᖃᑦᑕᐅᕗᑦ, ᔫᑎᓂᒃ ᑲᑉᐱᐊᓱᓕᕋᒥᒃ.

ᐃᔅᑕᐅᑉ ᐊᒡᓚᖏᑦ 9:20

ᒧᐊᑎᑬᓗ ᑕᒪᒃᑯᓂᖓ ᐊᑐᕐᑕᐅᔪᓂᒃ ᑎᑎᕋᓚᐅᕐᐳᖅ ᐊᐅᓪᓚᕐᑎᓪᓗᒋᓪᓗ ᔫᑎᓄᑦ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᓄᓇᖁᑎᖓᓃᑦᑐᓄᑦ ᓄᓇᓂ ᐊᕕᒃᑐᕐᓯᒪᔪᓃᑦᑐᓕᒫᓄᑦ, ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ,

ᐃᔅᑕᐅᑉ ᐊᒡᓚᖏᑦ 9:22

ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 2:4

ᐹᕐᑕᒥᓄᓪᓗ ᐅᖃᕐᐳᖅ, “ᐅᓪᓚᒡᓗᑎᑦ ᐃᓅᓱᒃᑐᖅ ᑍᓐᓇ ᐅᖃᐅᑎᔭᕐᑐᕈᒃ ᐃᒫᒃ, ‘ᔨᕉᓴᓕᒻ ᓄᓇᓕᒡᔪᐊᖓ ᐊᕙᓗᕐᔪᐊᖃᕈᓐᓁᕈᒫᕐᐳᖅ ᐃᓄᖃᓗᐊᓕᕐᓂᖓᓄᑦ ᐆᒪᔪᖁᑎᖃᓗᐊᓕᕐᓂᖏᓐᓄᓪᓗ.

ᓘᑲᓯᐅᑉ ᐊᒡᓚᖏᑦ 11:41

ᑏᑑᑎᐅᑉ ᓂᕐᕆᓰᓪᓗ ᐃᓗᐊᓃᑦᑐᑦ ᑐᓂᓯᒋᒃ ᐊᒃᖢᔪᓄᑦ; ᑕᑯᒋᑦ, ᑕᕝᕙ ᓴᓗᒻᒪᑦᓯᐊᓕᕐᓂᐊᕐᐳᓯ ᐃᓘᓐᓇᖓᒍᑦ.

ᒨᓯᓯ ᑕᓪᓕᒪᖏᑦ 15:7

“ᓄᓇᓖᓪᓕ ᓇᓪᓕᐊᓐᓂᑐᐃᓐᓇᖅ ᓄᓇᒥ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᐃᓴᕆᐊᓕᒥᐅᖑᖃᑎᑦᓯᓐᓂᒃ ᐊᔪᕐᓴᕐᑐᖃᕐᐸᑦ, ᐃᒻᒥᓂᒃ ᑭᓯᐊᓂ ᐃᓱᒪᒋᓂᕐᒧᑦ ᐃᑲᔪᕐᑍᓕᒪᔪᒃᓴᐅᓐᖏᓚᑎᑦ.

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 16:14

ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.

ᒨᓯᓯ ᑕᓪᓕᒪᖏᑦ 3:5

ᑖᒃᑯᐊ ᐃᒡᓗᒐᓮᑦ ᐱᔭᐅᑦᔧᕐᓯᒪᓚᐅᕐᐳᑦ ᐳᕐᑐᔪᓂᒃ ᐊᕙᓗᕐᔪᐊᖃᕐᓗᑎᒃ, ᐃᑎᕐᑕᕐᕕᒃᔪᐊᖃᕐᓗᑎᒃ, ᐃᑎᕐᑕᕐᕕᖏᓪᓗ ᓴᕕᕋᔭᖕᓂᒃ ᐃᑳᖓᔪᓂᒃ ᓴᓐᓂᕈᐊᖃᕐᓗᑎᒃ, ᐃᓚᖏᓪᓕᑦᑕᐅᖅ ᐃᒡᓗᒐᓮᑦ ᐅᓄᕐᑐᑦ ᐊᕙᓗᕐᔪᐊᖃᓚᐅᓐᖏᓚᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:10

ᓄᓇᕐᔪᐊᕐᒥᐅᓪᓗ ᖁᕕᐊᓱᒍᒫᕐᐳᑦ ᑖᒃᑯᐊᒃ ᒪᕐᕉᒃ ᑐᖁᑕᐅᓂᖏᒃ ᐱᓪᓗᒋᒃ, ᖁᕕᐊᓱᖃᑎᒌᒍᒫᕐᐳᑦ ᑐᓂᓯᖃᑦᑕᐅᑎᓗᑎᒡᓗ, ᑖᒃᑯᐊᒃ ᓇᓚᐅᑦᑍᔪᓚᐅᕐᑐᒃ ᐊᖏᔪᒥᒃ ᐋᓐᓂᐊᓇᕐᑐᖃᕐᑎᑦᓯᓚᐅᕐᓂᖏᖕᓄᑦ ᐃᓄᖕᓄᑦ ᓄᓇᕐᔪᐊᕐᒦᑦᑐᓄᑦ.

ᓴᒧᐃᓕ ᓯᕗᓪᓖᑦ 25:8

ᐊᐱᕆᒍᕕᒋᑦ ᐃᓄᖁᑎᑎᑦ ᑖᒃᑯᐊ ᐅᖃᕈᓐᓇᕐᐳᑦ. ᑍᒤᒻᒪᑦ ᐃᓅᓱᒃᑐᖁᑎᒃᑲ ᖁᕕᐊᒋᔭᐅᓚᐅᕐᓕᑦ ᐃᓕᖕᓄᑦ; ᑎᑭᓛᕋᑦᑕ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖓᓂ. ᑐᓂᓯᓚᐅᕆᑦ ᐱᔪᓐᓇᕐᑕᕐᓂᒃ ᐱᔨᖕᓄᑦ ᐃᕐᓂᕐᓄᓪᓗ ᑍᕕᑎᒧᑦ.’”