ᐃᔅᑕᐅᑉ ᐊᒡᓚᖏᑦ 9:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᖓᔪᖅᑳᕐᔪᐊᕐᓗ ᑯᐃᓐ ᐃᔅᑕᕐᒧᑦ ᐅᖃᕐᐳᖅ, “ᔫᑎᑦ ᑐᖁᑦᓯᓚᐅᕐᐳᑦ ᓄᖒᑦᓯᓪᓗᑎᒡᓗ ᐊᖑᑎᓂᒃ 500ᓂᒃ ᑕᕝᕙᓂ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ, ᕼᐂᒪᓂᐅᓪᓗ ᐃᕐᓂᖏ ᖁᓕᑦ ᑐᖁᑕᐅᓚᐅᕆᕗᑦ. ᖃᑦᓯᓂᒡᓕᑭᐊᖅ ᑐᖁᑦᓯᕙᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓂ ᑲᑎᑦᓱᒋᑦ? ᒫᓐᓇᓕ ᖃᓄᖅ ᑐᒃᓯᕋᕈᑎᒃᓴᖃᓕᕐᐲᑦ? ᐱᔪᒪᔭᕐᓂᒃ ᑐᓂᓯᕕᒋᓂᐊᕐᐸᒋᑦ. ᐅᕝᕙᓗ ᖃᓄᐃᓕᐅᒃᑲᓐᓂᖁᔨᕖᑦ? ᑕᕝᕙ ᑲᔪᓯᓂᐊᕐᐳᖅ.”

ᐃᔅᑕᐅᑉ ᐊᒡᓚᖏᑦ 9:12 Iomraidhean Croise

ᐃᔅᑕᐅᑉ ᐊᒡᓚᖏᑦ 5:3

ᑕᕝᕙ ᐊᖓᔪᖅᑳᕐᔪᐊᖅ ᐊᐱᕆᓕᕐᐳᖅ ᐃᔅᑕᕐᒧᑦ, “ᑯᐃᓐ ᐊᓯᑖ ᓱᔪᒪᒐᕕᑦ? ᐱᔪᒪᔭᕐᓂᒃ ᐅᖃᐅᑎᓚᐅᓐᖓ, ᐱᔪᒪᔭᕐᓂᒃ ᑐᓂᓯᕕᒋᓂᐊᕐᐸᒋᑦ ᐊᒡᓛᑦ ᐊᖓᔪᖅᑲᐅᕕᖕᒪ ᐊᕝᕙᓪᓗᐊᖓᓂᒃ ᑐᓂᓯᕕᒋᔪᓐᓇᕐᐸᒋᑦ.”

ᐃᔅᑕᐅᑉ ᐊᒡᓚᖏᑦ 5:6

ᓂᕆᕕᒃᔪᐊᕐᕕᖕᒦᓕᕐᓗᑎᒃ ᐃᒥᓕᕋᒥᒃ ᕔᓂᒥᒃ, ᐊᖓᔪᖅᑳᕐᔪᐊᖅ ᐃᔅᑕᕐᒧᑦ ᐅᖃᕐᐳᖅ, “ᓱᓇᒥᒃ ᑐᒃᓯᕋᕈᒪᕖᑦ? ᑐᓂᓯᕕᒋᓂᐊᕐᐸᒋᑦ ᐱᔪᒪᔭᕐᓂᒃ. ᐱᔪᒪᓪᓚᕆᒃᑕᖃᕈᕕᑦ, ᐊᒡᓛᑦ ᐊᖓᔪᖅᑲᐅᕕᖕᒪ ᐊᕝᕙᓪᓗᐊᖓᓂᒃ ᐱᔪᒪᑐᐊᕈᕕᑦ ᑐᓂᓯᕕᒋᔪᓐᓇᕐᐸᒋᑦ.”

ᐃᔅᑕᐅᑉ ᐊᒡᓚᖏᑦ 7:2

ᑕᕝᕙ ᐂᐸᖓᓂᒃ ᓂᕆᖃᑎᒌᓕᕋᒥᒃ ᐃᒥᕐᓗᑎᒡᓗ ᕔᓂᒥᒃ, ᐊᖓᔪᖅᑳᕐᔪᐊᖅ ᐃᔅᑕᕐᒧᑦ ᐅᖃᒃᑲᓐᓂᕐᐳᖅ, “ᓱᓇᒥᒃ ᐱᔪᒪᕖᑦ ᑯᐃᓐ ᐊᓯᑖ? ᑐᓂᓯᕕᒋᓂᐊᕐᐸᒋᑦ ᐱᔪᒪᔭᕐᓂᒃ. ᐱᔪᒪᓪᓚᕆᒃᑕᖃᕈᕕᑦ, ᐊᒡᓛᑦ ᐊᖓᔪᖅᑳᐅᕕᖕᒪ ᐊᕝᕙᓪᓗᐊᖓᓂᒃ ᐱᔪᒪᑐᐊᕈᕕᑦ ᐱᑎᑦᓱᓐᓇᕐᐸᒋᑦ!”

ᐃᔅᑕᐅᑉ ᐊᒡᓚᖏᑦ 9:11

ᑕᕝᕙᓂ ᐅᓪᓗᒥ ᑐᖁᑕᐅᔪᑦ ᐅᓄᕐᓂᖏᑦ ᓄᓇᒥ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᐊᖓᔪᖅᑳᕐᔪᐊᕐᒧᑦ ᐅᖃᐅᓯᐅᓚᐅᕐᐳᑦ.

ᐃᔅᑕᐅᑉ ᐊᒡᓚᖏᑦ 9:15

ᑕᕝᕙ ᔫᑎᑦ ᓲᓴᒦᑦᑐᑦ ᑲᑎᓚᐅᕆᕗᑦ ᐅᓪᓗᐃᑦ 14ᖓᓐᓂ ᑕᖅᑭᒥ ᐊᑖᕆᒥ ᑕᕝᕙᓂᓗ ᑐᖁᑦᓯᒃᑲᓐᓂᓚᐅᕐᐳᑦ ᐊᖑᑎᓂᒃ 300ᓂᒃ ᓄᓇᒥ ᓲᓴᒥ; ᑐᖁᑕᖏᑕᓕ ᐱᖁᑎᖏᓐᓂᒃ ᑎᒍᓯᔪᖃᓚᐅᓐᖏᓚᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 23:19

ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐃᓅᓱᒃᑐᖅ ᐊᒡᒐᖏᑎᒍᑦ ᑎᒍᓪᓗᒍ ᐃᓄᑑᖃᑎᒋᓕᕐᓗᒍ ᐊᐱᕆᕚ, “ᖃᓄᖅ ᐅᕙᓐᓄᑦ ᐅᖃᐅᓯᒃᓴᖃᕋᕖᑦ?”