ᐃᔅᑕᐅᑉ ᐊᒡᓚᖏᑦ 8:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᕗᑦ, ᐅᓪᓗᖅ 23ᖑᑎᓪᓗᒍ, ᑕᖅᑮᑦ ᐱᖓᔪᒋᓕᕐᑕᖓᓂ, ᓯᕚᓐᒥᒃ ᐊᑎᓕᖕᒥ; ᑎᑎᕋᕐᑕᐅᓚᐅᕐᐳᓪᓗ, ᒧᐊᑎᑬᑉ ᐱᖁᔨᓂᖓ ᒪᓕᒡᓗᒍ ᔫᑎᓄᑦ, ᑐᕌᕐᑎᑕᐅᓪᓗᑎᒃ ᓄᓇᓕᖕᓂ ᐊᐅᓚᑦᓯᔨᓄᑦ, ᐊᖓᔪᖅᑳᒻᒪᕆᖕᓄᑦ, ᓄᓁᓪᓗ ᐊᕕᒃᑐᕐᓯᒪᓂᖏᓐᓂ ᐊᖓᔪᖅᑳᖏᓐᓄᑦ ᓄᓇᒥᒃ ᐃᓐᑎᐊᒥᑦ ᐃᑎᐅᐱᐊ ᑎᑭᓪᓗᒍ, ᓄᓇᓖᑦ ᐊᕕᒃᑐᕐᓯᒪᔪᑦ ᑲᑎᓪᓗᒋᑦ 127ᓄᑦ, ᓄᓇᓕᖕᓂ ᐊᕕᒃᑐᕐᓯᒪᔪᓂ ᑎᑎᕋᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᐃᓄᖏᑕᓗ ᐅᖃᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᔫᑏᓪᓗ ᑎᑎᕋᐅᓯᖏᑦ ᐅᖃᐅᓯᖏᓪᓗ ᒪᓕᒡᓗᒋᑦ.

ᐃᔅᑕᐅᑉ ᐊᒡᓚᖏᑦ 8:9 Iomraidhean Croise

ᐊᑕᓃᑦ ᐂᑉᐸᖏᑦ 18:26

ᑕᕝᕙ ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓᑕ, ᓯᑉᓇᓗ, ᔪᐊᓗ, ᕌᑉᓴᑭ ᐅᖃᐅᑎᕚᑦ, “ᐊᕋᒤᑎᑐᑦ ᐅᕙᑦᑎᓐᓄᑦ ᐅᖃᓪᓚᒋᐊᖃᕐᐳᓯ ᑐᑭᓯᐊᒐᑦᑎᒍ; ᕼᐄᐳᕉᑎᑐᑦ ᐅᖃᓪᓚᖏᓪᓗᓯ ᒪᑯᐊ ᐃᓄᐃᑦ ᑐᑭᓯᐊᖕᒪᑕ ᐅᖃᓪᓚᒃᑕᑦᓯᓐᓂᒃ.”

ᑯᕉᓂᑲ ᐂᑉᐸᖏᑦ 15:10

ᔨᕉᓴᓕᒥ ᑲᑎᕗᑦ ᑕᖅᑮᑦ ᐱᖓᔪᐊᓐᓂ ᐂᓴ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᕐᕌᒍᓂᒃ 15ᓂᒃ.

ᐃᔅᑕᐅᑉ ᐊᒡᓚᖏᑦ 1:1

ᐊᕼᐊᓱ-ᐃᕋᔅ ᐊᖓᔪᖅᑳᕐᔪᐊᖑᑎᓪᓗᒍ ᐃᒤᑦᑐᖃᓚᐅᕐᐳᖅ; ᐊᕼᐊᓱᐃᕋᔅ ᓄᓇᓕᖕᓄᑦ 127ᓄᑦ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᕐᔪᐊᖑᓚᐅᕐᐳᖅ ᐃᓐᑎᐊᒥᑦ ᐃᑎᐅᐱᐊ ᑎᑭᓪᓗᒍ,

ᐃᔅᑕᐅᑉ ᐊᒡᓚᖏᑦ 1:22

ᑕᕝᕙ ᑎᑎᖅᑲᓂᒃ ᐊᖓᔪᖅᑲᐅᕕᖕᒥᓃᑦᑐᓕᒫᓄᑦ ᐊᐅᓪᓚᕐᑎᑦᓯᕗᖅ, ᓄᓇᖁᑎᖏᑕ ᐅᖃᐅᓯᖏᑦ ᒪᓕᒡᓗᒋᑦ ᑎᑎᕋᕐᓯᒪᔪᓂᒃ, ᐃᓄᖏᑕᓗ ᐅᖃᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᐊᖑᑎᓕᒫᑦ ᐊᑐᓂᑦ ᐃᒡᓗᒥᖕᓂ ᐊᖓᔪᖅᑲᐅᑦᓯᐊᖁᓪᓗᒋᑦ ᐃᒡᓗᒥᐅᖃᑎᒥᓄᑦ, ᓇᖕᒥᓂᖅ ᐅᖃᐅᓯᑎᒃ ᐊᑐᕐᓗᒋᑦ ᐅᖃᖃᑎᖃᕈᓐᓇᑦᓯᐊᖁᓪᓗᒋᑦ ᐃᓅᖃᑎᒥᖕᓄᑦ.

ᐃᔅᑕᐅᑉ ᐊᒡᓚᖏᑦ 10:1

ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐃᖅᑲᐅᒪᔭᐅᑦᔪᑎᒃᓴᒥᒃ ᐋᖅᑭᒃᓯᓚᐅᕐᐳᖅ ᓄᓇᒥ ᐃᒪᐅᓪᓗ ᕿᑭᕐᑕᖏᓐᓂ.

ᑖᓂᐊᓕᐅᑉ ᐊᒡᓚᖏᑦ 4:1

“ᐊᖓᔪᖅᑳᕐᔪᐊᒥᑦ ᓂᐱᑯᓁᓴᒥᑦ, ᐃᓄᓕᒫᓄᑦ, ᐃᓅᖃᑎᒌᓄᓪᓗ ᓇᑭᑐᐃᓐᓇᖅ ᐱᓯᒪᔪᓄᑦ, ᐅᖃᐅᓯᖃᑎᒌᖏᑦᑐᓄᓪᓗ, ᓄᓇᕐᔪᐊᒥ ᐃᓅᔪᓕᒫᓄᑦ; ᓮᒪᓂᖃᕆᑦᓯ ᐊᖏᔪᒥᒃ!

ᑖᓂᐊᓕᐅᑉ ᐊᒡᓚᖏᑦ 6:1

ᑍᕉᓯ ᖁᕕᐊᓱᒡᓗᓂ ᓴᖅᑭᑎᑦᓯᓚᐅᕐᐳᖅ ᐊᖓᔪᖅᑳᖑᖃᑎᒋᓂᐊᕐᑕᒥᓂᒃ 120ᓂᒃ, ᐊᖓᔪᖅᑲᐅᕕᓕᒫᒥᓄᑦ.

ᑖᓂᐊᓕᐅᑉ ᐊᒡᓚᖏᑦ 6:25

ᐊᖓᔪᖅᑳᕐᔪᐊᕐᓗ ᑍᕉᓯ ᐃᓄᖁᑎᓕᒫᒥᓄᑦ, ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᐃᓄᖕᓄᓪᓗ ᖃᓄᑐᐃᓐᓇᖅ ᐅᖃᐅᓯᖃᕐᑐᓄᑦ ᐊᖓᔪᖅᑲᐅᕕᖕᒥᓃᑦᑐᓄᑦ ᐅᖃᕐᐳᖅ: “ᐊᖏᔪᒥᒃ ᓮᒪᓂᖃᕆᑦᓯ!