ᐃᔅᑕᐅᑉ ᐊᒡᓚᖏᑦ 8:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᔅᑕᕐᓕ ᐊᖓᔪᖅᑳᕐᔪᐊᑉ ᐃᑎᒐᖏᓐᓄᑦ ᐹᒻᒪᒃᓗᓂ, ᕿᓄᕕᒋᕚ, ᐃᓗᖏᕐᑐᕐᓗᓂ ᖁᕝᕕᐅᕐᓗᓂᓗ ᕼᐂᒪᓂᐅᑉ ᐊᒐᒊᑎᐅᔫᑉ ᐱᓇᓱᐊᕐᑕᐅᑎᓐᓇᓱᓚᐅᕐᑕᖓ ᓄᖅᑲᕐᑎᑕᐅᖁᓪᓗᓂᐅᒃ, ᐱᐅᖏᑦᑐᐊᓗᖕᒥᒃ ᐱᓇᓱᐊᕐᑕᐅᑎᑦᓯᓇᓱᐊᓚᐅᕐᒪᑦ ᔫᑎᓄᑦ.

ᐃᔅᑕᐅᑉ ᐊᒡᓚᖏᑦ 8:3 Iomraidhean Croise

ᐊᑕᓃᑦ ᐂᑉᐸᖏᑦ 4:27

ᒎᑎᐅᑉ ᐃᓄᖁᑎᖓ ᑎᑭᓐᓇᒥᐅᒃ ᖃᖅᑲᐅᑉ ᖄᖓᓂ ᐅᑯᓪᓗᓂ ᐃᑎᒐᖏᑦ ᑎᒍᕔᑦ, ᒋᕼᐋᓯᐅᑉ ᐅᐸᒡᓗᒍ ᐲᕐᑎᒋᐊᕋᓗᐊᕐᒪᒍ. ᒎᑎᐅᑉ ᐃᓄᖁᑎᖓᑕ ᐅᖃᐅᑎᕚ, “ᑲᒪᒋᖏᓪᓗᒍ, ᖁᕕᐊᓱᖏᑦᑐᖅ ᐅᒡᒍᐊᕐᕙᓗᖕᒪᑦ, ᐊᑕᓂᐅᑉ ᖃᐅᔨᑎᖏᒻᒪᖓ ᓱᖕᒪᖔᑦ.”

ᐃᔅᑕᐅᑉ ᐊᒡᓚᖏᑦ 3:1

ᑕᒪᒃᑯᐊ ᑭᖑᓂᖓᑦᑎᒍᑦ, ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕈᕐᑎᑦᓯᕗᖅ ᕼᐂᒪᓂᒥᒃ, ᕼᐊᒥᑕᑕᐅᑉ ᐃᕐᓂᖓᓂᒃ ᐊᒐᒊᑎᒥᐅᑕᒥᒃ, ᐊᐅᓚᑦᓯᔨᖁᑎᒥᓄᑦ ᓇᔪᕐᑎᒋᔭᓕᒫᒥᓄᑦ ᐊᖓᔪᖅᑳᕈᕐᑎᓪᓗᓂᐅᒃ.

ᐃᔅᑕᐅᑉ ᐊᒡᓚᖏᑦ 7:4

ᐃᓅᖃᑎᒃᑲᓗ ᐅᕙᖓᓗ ᓂᐅᕐᕈᑎᒋᔭᐅᓯᒪᒐᑦᑕ, ᐊᓯᕈᕐᑕᐅᖁᓪᓗᑕ, ᑐᖁᑕᐅᖁᓪᓗᑕ, ᓄᖑᑕᐅᑦᓯᐊᖁᓪᓗᑕᓗ. ᓂᐅᕐᕈᑎᒋᔭᐅᓂᐊᕈᑦᑕᓕ ᐊᖑᑎᓪᓗ ᐊᕐᓁᓪᓗ ᓯᐊᓛᒃᓴᐅᖁᓪᓗᑕ, ᓂᓪᓕᕋᔭᓐᖏᓚᖓ, ᑕᒪᓐᓇ ᐅᖁᒤᑦᑐᒦᑎᑕᐅᓂᕗᑦ ᐊᑦᔨᐅᑎᑕᒃᓴᐅᖏᒻᒪᑦ ᐊᖓᔪᖅᑳᕐᔪᐊᑉ ᐊᓯᐅᔨᒐᔭᕐᓂᖓᓄᑦ.”

ᐃᔅᑕᐅᑉ ᐊᒡᓚᖏᑦ 8:2

ᑕᕝᕙ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᒃ ᓇᓗᓁᒃᑯᓯᕐᓯᑦᔪᑎᓕᒃ ᐊᑐᕐᑕᓂ ᐲᕐᐹ, ᕼᐂᒪᓂᒥᑦ ᐅᑎᕐᑎᓚᐅᕐᑕᓂ, ᑐᓂᓪᓗᒍᓗ ᒧᐊᑎᑬᒧᑦ; ᐃᔅᑕᕐᐅᓪᓗ ᒧᐊᑎᑬ ᑲᒪᔨᒻᒪᕆᓐᖑᕐᑎᑉᐹ ᕼᐂᒪᓂᐅᑉ ᐱᖁᑎᒋᓚᐅᕐᑕᖏᓐᓄᑦ.

ᐃᔅᑕᐅᑉ ᐊᒡᓚᖏᑦ 8:4

ᐊᖓᔪᖅᑳᕐᔪᐊᓪᓗ ᐊᔭᐅᑉᐱᐊᖅ ᒎᓗ ᐃᓴᐅᑎᓪᓗᒍ ᑎᒃᑯᐊᕐᑎᑉᐹ ᐃᔅᑕᕐᒧᑦ. ᑕᕝᕙ ᐃᔅᑕᕐ ᒪᑭᑉᐳᖅ ᐊᖓᔪᖅᑳᕐᔪᐊᓪᓗ ᓯᕗᕌᓄᑦ ᓂᑯᕕᓪᓗᓂ,

ᐂᓮᐊᓯᐅᑉ ᐊᒡᓚᖏᑦ 38:2

ᕼᐃᓯᑬᐊᓗ ᐃᒡᓘᑉ ᐊᑭᓐᓇᖓᓄᑦ ᓵᓐᓇᒥ, ᐊᑕᓂᕐᒧᑦ ᑐᒃᓯᐊᕐᐳᖅ:

ᕼᐆᓯᐊᑉ ᐊᒡᓚᖏᑦ 12:4

ᐃᓛᒃ, ᐹᖃᑎᖃᓚᐅᕐᐳᖅ ᐂᖏᓕᒥᒃ ᓵᓚᖃᕐᓗᓂᓗ, ᖁᕝᕕᐅᕐᓗᓂ ᖁᕕᐊᒋᔭᐅᔪᒪᓕᓚᐅᕐᐳᖅ ᑖᑦᓱᒧᖓ. ᐱᑎᓕᒥ ᒎᑎᒥᒃ ᖃᐅᔨᓚᐅᕐᐳᖅ, ᑍᑲᓂᓗ ᒎᑎᐅᑉ ᐅᖃᕐᕕᒋᓚᐅᕐᐹ;

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᓴᒧᐃᓕ ᓯᕗᓪᓖᑦ 25:24

ᐃᑎᒐᖏᓐᓄᑦ ᐹᒻᒪᒃᓗᓂ ᐅᖃᕐᐳᖅ, “ᐅᕙᓐᓄᑐᐊᖅ ᐊᖓᔪᖅᑳᖅ, ᐅᕙᓐᓄᑦ ᑕᒪᓐᓇ ᐸᓯᔭᒃᓴᐅᓂᖅ ᐃᓕᖓᓕ; ᑐᒃᓯᐊᕐᐳᖓ ᐱᔩᑦ ᐃᓕᖕᓄᑦ ᐅᖃᕈᓐᓇᕐᑎᓚᐅᕈᒃ, ᐅᖃᐅᓯᖏᓪᓗ ᑐᓴᕐᓗᒋᑦ.