ᐃᔅᑕᐅᑉ ᐊᒡᓚᖏᑦ 8:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᒡᓗᒐᓴᖕᓂᓗ, ᓇᓂᑐᐃᓐᓇᖅ ᐊᖓᔪᖅᑳᕐᔪᐊᑉ ᐱᖁᔨᓂᖓᑦ ᐅᖃᓕᒫᕐᑕᐅᑐᐊᕐᒪᑦ, ᔫᑎᑦ ᖁᕕᐊᓱᓚᐅᕐᐳᑦ ᓯᕆᓪᓗᑎᒡᓗ, ᓂᕆᕕᒡᔪᐊᕐᓗᑎᒃ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ. ᑍᒤᒻᒪᒃ ᐃᓄᐃᑦ ᐅᓄᕐᑐᑦ ᓄᓇᓕᖕᓃᑦᑐᑦ ᔫᑎᓐᖑᖃᑦᑕᐅᕗᑦ, ᔫᑎᓂᒃ ᑲᑉᐱᐊᓱᓕᕋᒥᒃ.

ᐃᔅᑕᐅᑉ ᐊᒡᓚᖏᑦ 8:17 Iomraidhean Croise

ᒨᓯᓯ ᓯᕗᓪᓖᑦ 35:5

ᑕᕝᕙᓐᖓᑦ ᐊᐅᓪᓚᓕᕐᓗᑎᒃ, ᓄᓇᓖᑦ ᖃᓂᒋᔮᓃᑦᑐᑦ ᑲᑉᐱᐊᓱᖕᓂᕐᔪᐊᕐᒧᑦ ᒎᑎᒥᑦ ᐱᔪᒧᑦ ᑎᑭᑕᐅᕗᑦ, ᒪᓕᒃᓴᖁᓇᒋᑦ ᔧᑰᑉ ᐃᕐᓂᖏᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 8:10

ᐊᖏᕐᕋᓕᕆᑦᓯ ᓂᕆᖃᑎᒌᒃᓗᓯᓗ, ᓂᕆᖃᑎᖃᕐᓗᓯ ᐃᒥᖃᑎᖃᕐᓗᓯᓗ ᐱᖃᓐᖏᓗᐊᕐᑐᓂᒃ, ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᑦᑎᓐᓄᑦ, ᕿᒃᓵᖏᓪᓗᓯ, ᖁᕕᐊᓱᖕᓂᖅ ᐊᑕᓂᕐᒥᑦ ᐱᔪᖅ ᓲᖑᑦᔪᑎᒋᕙᓯ.”

ᐃᔅᑕᐅᑉ ᐊᒡᓚᖏᑦ 9:17

ᑕᒪᓐᓇ ᐊᑐᓚᐅᕐᐳᖅ ᐅᓪᓗᖅ 13ᖑᑎᓪᓗᒍ ᑕᖅᑭᒥ ᐊᑖᕆᒥ, ᖃᐅᑎᓪᓗᒍᓕ ᐅᓪᓗᖅ 14ᖑᓕᕐᑎᓪᓗᒍ ᑕᕾᕐᓯᓕᕐᐳᑦ ᐅᓪᓗᒥᓗ ᑕᕝᕙᓂ ᓂᕆᕕᒃᔪᐊᖃᑎᒌᓕᕐᐳᑦ ᖁᕕᐊᓱᖃᑎᒌᒡᓗᑎᒡᓗ.

ᐃᔅᑕᐅᑉ ᐊᒡᓚᖏᑦ 9:19

ᑍᒤᒻᒪᑦ ᔫᑎᑦ ᓄᓇᓕᖕᓃᑦᑐᑦ ᒥᑭᓐᓂᕐᓴᓂ, ᓄᓇᖃᕐᑐᑦ ᐊᕙᓗᕐᔪᐊᖃᖏᑦᑐᓂ, ᐅᓪᓗᖅ 14ᖑᓕᕐᒪᑦ ᑕᖅᑭᒥ ᐊᑖᕆᒥ ᖁᕕᐊᓱᖃᑎᒌᓚᐅᕐᐳᑦ ᓂᕆᕕᒡᔪᐊᕐᓗᑎᒡᓗ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ, ᐃᒻᒥᖕᓄᓪᓗ ᐊᑐᓂᑦ ᓂᕿᑦᓯᐊᕙᖁᑎᒥᖕᓂᒃ ᐂᑦᑑᑎᖃᑦᑕᐅᑎᓪᓗᑎᒃ.

ᐃᔅᑕᐅᑉ ᐊᒡᓚᖏᑦ 9:2

ᔫᑎᑦ ᑲᑎᓚᐅᕐᐳᑦ ᐃᒡᓗᒐᓴᖕᓃᑦᑐᓕᒫᑦ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᓄᓇᓕᖁᑎᖏᑕ ᐊᕕᒃᑐᕐᓯᒪᓂᖏᓐᓃᑦᑐᑦ ᐱᒋᐊᕋᓱᒃᑐᓕᒫᓂᒃ ᑐᖁᑦᓯᖃᑦᑕᕐᓗᑎᒃ. ᓇᓪᓕᐊᓐᓄᓪᓘᓐᓃᑦ ᓵᓚᐅᔪᓐᓇᓚᐅᓐᖏᓚᑦ, ᐃᓄᓕᒫᑦ ᑲᑉᐱᐊᓱᓕᓚᐅᕐᒪᑕ ᑖᒃᑯᓂᖓ.

ᐃᔅᑕᐅᑉ ᐊᒡᓚᖏᑦ 9:22

ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ.

ᐃᔅᑕᐅᑉ ᐊᒡᓚᖏᑦ 9:27

ᔫᑎᑦ ᐋᖅᑭᒃᓯᓚᐅᕐᐳᑦ ᐱᖁᔭᓕᐅᕐᓗᑎᒡᓗ ᐃᒻᒥᖕᓄᑦ ᑭᖑᕚᕆᓂᐊᕐᑕᖏᓪᓗ ᔫᑎᓄᑦ ᐃᓚᓕᐅᑎᔪᒪᒐᔭᕐᑐᑦ, ᐱᓐᖏᓮᓐᓇᖃᑦᑕᖏᓪᓗᑎᒃ ᑖᒃᑯᓂᖓ ᐅᓪᓘᖕᓂᒃ ᒪᕐᕉᖕᓂᒃ ᓇᓪᓕᐅᓐᓂᕐᓯᐅᖃᕐᑕᖁᓪᓗᒋᑦ ᐊᕐᕌᒍᑕᒫᑦ, ᑎᑎᕋᕐᑕᐅᓯᒪᔪᑦ ᒪᓕᒡᓗᒋᑦ ᖃᓄᐃᓕᐅᕆᐊᖃᕐᓂᖏᓐᓂᒃ ᐅᖃᕐᓯᒪᔪᑦ ᓇᓪᓕᐅᓐᓂᕐᒥᓗ ᓇᓗᓁᕐᑕᐅᓯᒪᔪᒥᒃ ᒪᓕᒡᓗᑎᒃ,

ᐃᔅᑕᐅᑉ ᐊᒡᓚᖏᑦ 9:3

ᓄᓇᓕᖕᓂ ᐊᕕᒃᑐᕐᓯᒪᔪᓂ ᐊᖓᔪᖅᑳᑦ, ᓄᓇᓕᖕᓂ ᐊᐅᓚᑦᓯᔩᑦ, ᓄᓇᓕᖕᓂᓗ ᐋᖅᑭᒃᓯᒪᑎᑦᓯᔩᑦ, ᐊᖓᔪᖅᑳᕐᔪᐊᕐᒥᒡᓗ ᓄᓇᓕᖕᓂ ᐱᔨᑦᓯᕐᑏᑦ, ᔫᑎᓂᒃ ᐃᑲᔪᖔᓚᐅᕐᐳᑦ, ᒧᐊᑎᑬᒥᒃ ᓯᕘᕋᓚᐅᕋᒥᒃ.

ᐃᓐᖏᕈᑎᑦ 105:38

ᐄᑦᔨᑉᑎᒥᐅᑦ ᖁᕕᐊᓱᓚᐅᕐᐳᑦ ᐃᓴᕆᐊᓕᒥᐅᑦ ᐊᐅᓪᓚᕐᒪᑕ, ᑲᑉᐱᐊᓱᒻᒪᕆᓕᓚᐅᕐᒪᑕ ᑖᒃᑯᓂᖓ.

ᐃᓐᖏᕈᑎᑦ 18:43

ᓴᐳᑎᓚᐅᕐᐸᕐᒪ ᐃᓄᖕᓂᑦ ᐅᓇᑕᕆᐊᕐᑐᕐᓂᖏᓐᓂᑦ; ᐃᓅᖃᑎᒌᒡᔪᐊᓄᓪᓗ ᐊᖓᔪᖅᑳᓐᖑᕐᑎᓚᐅᕐᐸᕐᒪ; ᐃᓄᐃᑦ ᑕᑯᓚᐅᕐᓯᒪᖏᑕᒃᑲ ᐱᔨᑦᓯᕐᓂᐊᕐᐳᑦ ᐅᕙᓐᓂᒃ.

ᒨᓯᓯ ᐂᑉᐸᖏᑦ 15:16

ᓯᕘᕋᓂᕐᒧᑦ ᑲᑉᐱᐊᓇᕐᑐᒧᓪᓗ ᑎᑭᑕᐅᕗᑦ; ᑕᓕᕐᐱᑦ ᐱᔪᓐᓇᕐᓂᕐᔪᐊᖓ ᐱᑦᔪᑎᒋᓪᓗᒍ, ᐅᔭᖅᑲᑎᑐᑦ ᕿᑲᑐᐃᓐᓇᓕᕐᐳᑦ ᐊᐅᓚᑦᔭᒍᓐᓁᓪᓕᓪᓗᑎᒃ, ᐃᓄᖁᑎᖕᓄᑦ ᐊᑕᓃᖅ ᓴᓂᖅᑯᑕᐅᓚᐅᖏᓐᓂᕐᒥᖕᓂ ᑖᒃᑯᓇᓐᖓᑦ ᐃᓄᖁᑎᖕᓂᑦ ᓯᐊᓛᖑᕕᖕᒥᑦ ᐊᓂᑎᓚᐅᕐᑕᕐᓂᑦ.

ᒨᓯᓯ ᑕᓪᓕᒪᖏᑦ 11:25

ᐃᓄᖕᓄᑦ ᓇᓪᓕᐊᓐᓄᑐᐃᓐᓇᖅ ᐊᑭᕋᕐᑐᕐᑕᐅᔪᓐᓇᕐᓂᐊᓐᖏᓚᓯ; ᐊᑕᓂᐅᑉ ᒎᑎᑦᓯ ᐃᓄᖕᓄᑦ ᓯᕘᕋᒋᔭᐅᑎᓐᓂᐊᕐᒪᓯ, ᑲᑉᐱᐊᒋᔭᐅᑎᓐᓂᐊᕐᐹᓯᓗ ᓇᓂᓕᒫᖅ ᓄᓇᒥ ᐱᓱᒡᕕᒋᔪᒫᕐᑕᑦᓯᓐᓂ, ᑍᒫᒃ ᐅᖃᕐᓯᒪᒐᒥ.

ᒨᓯᓯ ᑕᓪᓕᒪᖏᑦ 2:25

ᐅᓪᓗᒥᒥᑦ ᐱᒋᐊᕐᓗᒍ ᓇᓂᑐᐃᓐᓇᒥᐅᓄᑦ ᐃᓄᖕᓄᑦ ᓯᕘᕋᒋᔭᐅᓕᕐᑎᓐᓂᐊᕐᐸᑦᓯ. ᐃᓕᑦᓯᓐᓂᒃ ᑍᓯᔪᖃᑐᐊᕐᐸᑦ ᑍᒃᑯᐊᓕᒫᖅ ᓴᔪᓕᖃᑦᑕᕐᓂᐊᕐᐳᑦ ᑲᑉᐱᐊᓱᒧᑦ.’”

ᔮᓱᐊᑉ ᐊᒡᓚᖏᑦ 2:11

ᑐᓴᑐᐊᕋᑦᑕᓗ ᑲᑉᐱᐊᓱᓕᓚᐅᕐᐳᒍᑦ, ᓴᐱᓕᕐᓗᑎᒡᓗ ᐊᖑᑎᓕᒫᑦ ᐃᓕᑦᓯᓐᓂᒃ; ᐊᑕᓂᖅ ᒎᑎᓯ ᒎᑎᐅᖕᒪᑦ ᕿᓚᖕᒥᐅᓄᑦ ᓄᓇᕐᔪᐊᕐᒥᐅᓄᓪᓗ.

ᔮᓱᐊᑉ ᐊᒡᓚᖏᑦ 2:9

ᐅᖃᐅᑎᓪᓗᒋᓪᓗ, “ᖃᐅᔨᒪᕗᖓ ᐊᑕᓂᐅᑉ ᓄᓇ ᐃᓕᑦᓯᓐᓄᑦ ᑐᓂᓚᐅᕐᒪᒍ, ᐃᓕᑦᓯᓐᓂᒃ ᑲᑉᐱᐊᓱᖕᓂᕐᔪᐊᖃᓕᕋᑦᑕ, ᓄᓇᓕᓕᒫᓪᓗ ᐃᓕᑦᓯᓐᓂᒃ ᓯᕘᕋᓕᕐᓗᑎᒃ.

ᓴᒧᐃᓕ ᓯᕗᓪᓖᑦ 25:8

ᐊᐱᕆᒍᕕᒋᑦ ᐃᓄᖁᑎᑎᑦ ᑖᒃᑯᐊ ᐅᖃᕈᓐᓇᕐᐳᑦ. ᑍᒤᒻᒪᑦ ᐃᓅᓱᒃᑐᖁᑎᒃᑲ ᖁᕕᐊᒋᔭᐅᓚᐅᕐᓕᑦ ᐃᓕᖕᓄᑦ; ᑎᑭᓛᕋᑦᑕ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖓᓂ. ᑐᓂᓯᓚᐅᕆᑦ ᐱᔪᓐᓇᕐᑕᕐᓂᒃ ᐱᔨᖕᓄᑦ ᐃᕐᓂᕐᓄᓪᓗ ᑍᕕᑎᒧᑦ.’”