ᐃᔅᑕᐅᑉ ᐊᒡᓚᖏᑦ 8:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᕝᕙ ᒧᐊᑎᑬ ᐊᖓᔪᖅᑳᕐᔪᐊᑉ ᓇᔪᕐᑕᖓᓂᑦ ᐊᓂᕗᖅ ᐊᖓᔪᖅᑳᕐᔪᐊᕐᓯᐅᑎᓂᒃ ᐊᓐᓄᕌᓂᒃ ᐊᑐᕐᓗᓂ ᑐᖑᔪᕐᑕᓂᒃ ᖃᖁᕐᑕᓂᒡᓗ ᑕᕐᓴᓕᖕᒥᒃ, ᓂᐊᖂᓯᕐᓯᒪᓪᓗᓂᓗ ᒎᓗᒥᒃ ᐊᖏᔪᒥᒃ ᐅᓕᒡᔪᐊᕐᓯᒪᕗᕐᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐊᐅᐸᓪᓗᕆᒃᑐᒥᒃ, ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᕾᒐᓛᓚᐅᕐᐳᑦ ᖁᕕᐊᓱᖕᓂᕐᒧᑦ.

ᐃᔅᑕᐅᑉ ᐊᒡᓚᖏᑦ 8:15 Iomraidhean Croise

ᒨᓯᓯ ᓯᕗᓪᓖᑦ 41:42

ᑕᕝᕙ ᐰᕉᑉ ᕿᑎᕐᓯᕐᒥᐅᑕᓂ ᐊᑐᕐᑕᓂ ᐲᕐᓗᒍ ᔫᓯᐱ ᐊᑎᑎᑉᐹ, ᐅᓕᒡᔪᐊᒥᒡᓗ ᖃᓪᓗᓈᕐᑕᑦᓯᐊᕙᖕᒥᒃ ᐊᑎᑎᓪᓗᒍ, ᒎᓗᓂᒡᓗ ᖁᖓᓯᕐᒥᐅᑕᕐᓂᒃ ᐊᑎᑎᒃᑭᓪᓗᒍ;

ᐃᔅᑕᐅᑉ ᐊᒡᓚᖏᑦ 1:6

ᑕᕝᕙᓂ ᖃᓪᓗᓈᕐᑕᑦᓯᐊᓂᒃ ᖃᑯᕐᑕᓂᒃ ᑐᖑᔪᕐᑕᓂᒡᓗ ᑖᓗᑕᖃᕐᐳᖅ ᑖᒃᑯᐊᓗ ᓂᕕᖓᕕᖃᕐᐳᑦ ᐊᑦᓱᓈᓂᒃ ᑕᑯᒥᓇᕐᑐᓂᒃ ᐊᐅᐸᓪᓚᕆᒃᑐᓂᒃ ᓯᐅᓪᕕᕆᓂᒃ ᐳᑐᓕᖕᓂᒃ ᕿᓚᒃᓯᒪᕕᖃᕐᓗᑎᒃ ᖃᓪᓗᓈᕐᑕᓂᒃ ᓵᑦᑐᓂᒃ ᓇᐸᔪᖏᑦ ᐅᔭᕋᐅᓪᓗᑎᒃ ᑕᑯᒥᓇᕐᑑᕗᑦ, ᐃᒃᓯᕙᐅᑕᖏᑦ ᓯᐅᓪᕕᕆᐅᕗᑦ ᒎᓘᓪᓗᑎᒡᓗ, ᓇᔪᕐᑕᖓ ᓇᑎᖃᕐᐳᖅ ᐅᔭᕋᖕᒥᒃ ᐊᓚᐹᓯᑕᒥᒃ ᐊᑎᓕᖕᒥᒃ ᑕᑯᒥᓇᕐᑐᐊᓗᖕᓂᒃ, ᖃᑯᕐᑕᓂᒃ ᕿᕐᓂᕐᑕᓂᒡᓗ ᓯᑎᔪᓂᒃ ᕿᓪᓕᕐᑐᒥᒃ ᐅᔭᕋᖕᓂᒃ ᓇᑎᖃᕐᐳᖅ.

ᐃᔅᑕᐅᑉ ᐊᒡᓚᖏᑦ 10:2

ᐱᔪᓐᓇᕐᓂᖓᑕᓕ ᐊᔪᖏᓐᓂᖓᑕᓗ ᓴᖅᑭᑕᐅᓯᒪᓂᖏᑦ, ᒧᐊᑎᑬᓪᓗ ᐅᐱᒋᔭᐅᓂᖓᑕ, ᐊᖓᔪᖅᑳᕐᔪᐊᑉ ᐱᕕᒃᓴᕐᑖᕐᑎᓚᐅᕐᒪᒍ ᐊᖓᔪᖅᑳᕈᕐᑎᓪᓗᓂᐅᒃ, ᑕᒪᒃᑯᐊᓕᒫᑦ ᑎᑎᕋᕐᑕᐅᓯᒪᕗᑦ ᐊᖓᔪᖅᑳᕐᔪᐊᑦ ᒥᑎᐊᒥ ᐴᕐᓯᐊᒥᓗ ᐱᕙᓪᓕᐊᔪᖁᑎᖏᓐᓂ ᑎᑎᕋᕐᑕᐅᕙᒃᑐᓂ.

ᐃᔅᑕᐅᑉ ᐊᒡᓚᖏᑦ 3:15

ᐅᓪᓚᒃᑏᓪᓗ ᑕᕝᕙᓐᖓᑦ ᐊᐅᓪᓚᕐᐳᑦ, ᑐᐊᕕᕐᓗᑎᒃ ᐊᖓᔪᖅᑳᕐᔪᐊᑉ ᐱᖁᔨᓂᖓ ᒪᓕᒡᓗᒍ, ᐱᖁᔭᕐᓗ ᑖᓐᓇ ᓴᖅᑭᑕᐅᓚᐅᕆᕗᖅ ᓲᓴᒥ ᐊᖓᔪᖅᑳᕐᔪᐊᑉ ᐃᒡᓗᖓᓂ. ᐊᖓᔪᖅᑳᕐᔪᐊᕐᓕ ᕼᐂᒪᓂᓗ ᐃᒃᓯᕙᖃᑎᒌᓕᕐᐴᒃ ᐃᒥᕐᓗᑎᒡᓗ; ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᖁᐊᕐᓵᖓᓕᕐᑎᓪᓗᒋᑦ ᑕᒪᑐᒧᖓ.

ᐃᔅᑕᐅᑉ ᐊᒡᓚᖏᑦ 5:1

ᑕᕝᕙ ᐅᓪᓗᐃᑦ ᓂᕆᑦᑍᓕᓂᖏᑕ ᐱᖓᔪᒋᓕᕐᑕᖓᓂ ᐃᔅᑕᕐ ᐊᖓᔪᖅᑳᕐᓯᐅᑎᓂᒃ ᐊᓐᓄᕌᓂᒃ ᐊᑎᕗᖅ ᐊᖓᔪᖅᑳᕐᔪᐊᓪᓗ ᐃᒡᓗᖓᑕ ᐊᕙᓗᐊᑕ ᐃᓗᐊᓄᑦ ᐃᑎᕐᓗᓂ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐊᑭᓪᓗᐊᖓᓃᑦᑐᒧᑦ, ᐊᖓᔪᖅᑳᕐᔪᐊᕐᓕ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᓚᐅᕐᐳᖅ ᐊᖓᔪᖅᑳᐅᕕᖕᒥᓂ, ᐃᑎᕐᑕᕐᕕᖓᓄᑦ ᓵᓐᖓᓪᓗᓂ.

ᐃᔅᑕᐅᑉ ᐊᒡᓚᖏᑦ 5:11

ᑕᕝᕙ ᕼᐂᒪᓂᐅᑉ ᐱᐅᔪᕆᓪᓗᓂ ᐅᖃᕐᕕᒋᓕᕐᐰᑦ ᐊᔪᕐᓴᖏᑦᑐᕐᔪᐊᖑᓂᕐᒥᓂᒃ, ᕿᑐᕐᖓᖏᑕᓗ ᐅᓄᕐᓂᖏᓐᓂᒃ, ᐊᖓᔪᖅᑳᕐᔪᐊᒧᓪᓗ ᐊᖓᔪᖅᑳᕈᕐᑎᑕᐅᓯᒪᓂᕐᒥᓂᒃ, ᐊᖓᔪᖅᑳᕐᔪᐊᓪᓗ ᐊᖓᔪᖅᑳᖁᑎᒋᔭᖏᓐᓂᑦ ᐱᔨᒋᔭᖏᓐᓂᓪᓗ ᐱᓪᓚᕆᐅᑎᑕᐅᓂᕐᓴᐅᓂᕐᒥᓂᒃ.

ᐃᔅᑕᐅᑉ ᐊᒡᓚᖏᑦ 6:11

ᑕᕝᕙ ᕼᐂᒪᓂᐅᑉ ᐅᓕᒡᔪᐊᖅ ᕿᒻᒥᕐᔪᐊᕐᓗ ᐂᓪᓗᓂᒋᑦ, ᒧᐊᑎᑬᒧᑦ ᐊᑎᑎᑉᐰᑦ ᕿᒻᒥᕐᔪᐊᖓᓗ ᑕᓯᒍᐊᓕᕐᐹ ᐃᒡᓗᒐᓮᑦ ᐊᖅᑯᓯᓂᖏᑎᒍᑦ, ᕾᒐᓛᕐᓗᓂᓗ ᑖᑦᓱᒪ ᓯᕗᓂᖓᓂ, “ᑍᒫᒃ ᑕᕝᕙ ᐊᖓᔪᖅᑳᕐᔪᐊᑉ ᓇᓪᓕᐊᑦ ᐊᖑᑦ ᐅᐱᒋᔪᒪᔭᓂ ᐅᐱᒋᖃᑦᑕᕐᓂᐊᕐᐰᑦ!”

ᐃᔅᑕᐅᑉ ᐊᒡᓚᖏᑦ 6:8

ᐅᓕᒡᔪᐊᕐᓂᒃ ᐊᑐᕐᓯᒪᔭᕐᓂᒃ ᐊᑎᑎᑕᐅᔪᒃᓴᐅᕗᖅ, ᕿᒻᒥᕐᔪᐊᕐᓂᓗ ᐃᑭᒪᕕᒋᓯᒪᔭᕐᓂ ᐃᑭᒪᓗᓂ, ᐊᑎᑎᑕᐅᓗᓂᓗ ᐊᖓᔪᖅᑳᕐᔪᐊᑉ ᓂᐊᖂᑎᖓᓂᒃ;

ᐃᔅᑕᐅᑉ ᐊᒡᓚᖏᑦ 8:14

ᑖᒃᑯᐊ ᑎᑎᖅᑲᓂᒃ ᓇᒃᓴᓚᐅᕐᑐᑦ, ᐊᖓᔪᖅᑳᕐᔪᐊᑉ ᕿᒻᒥᕐᔪᐊᖁᑎᖏᓐᓄᑦ ᓱᒃᑲᓂᕐᐹᓄᑦ ᓯᕗᒧᓚᐅᕐᐳᑦ, ᑐᐊᕕᕐᓗᑎᒡᓗ ᑎᓕᐅᕆᕗᑦ ᐊᖓᔪᖅᑳᕐᔪᐊᑉ ᐱᖁᔨᓂᖓᒍᑦ; ᑕᒪᓐᓇᓗ ᐱᖁᔭᖅ ᑎᑎᕋᕐᓯᒪᔪᖅ ᓴᖅᑭᑎᑕᐅᓚᐅᕆᕗᖅ ᓄᓇᒥ ᐊᖓᔪᖅᑳᕐᔪᐊᒃᑯᕕᖕᒥ ᓲᓴᒥ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:10

ᐃᓱᐊᕐᑐᑦ ᐱᕙᓪᓕᐊᑦᓯᐊᓕᕌᖓᑕ ᐃᒡᓗᒐᓴᒡᔪᐊᑦ ᖁᕕᐊᓱᓕᕐᐸᒃᐳᑦ, ᐱᐅᖏᑦᑐᓪᓕ ᐊᓯᕈᕐᑕᐅᔭᕌᖓᑕ ᓯᕆᓂᕐᒧᑦ ᖁᕕᐊᓱᖕᓂᕐᑕᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:12

ᐃᓱᐊᕐᑐᓕᔪᖅ ᓵᓚᖃᕐᐸᑦ, ᐱᓐᓇᕐᓇᕐᓂᕐᔪᐊᖃᕐᐳᖅ; ᐱᐅᖏᑦᑐᓕᔪᕐᓕ ᒪᑭᑉᐸᑦ, ᐃᓄᐃᑦ ᐃᔨᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:2

ᐃᓱᐊᕐᑐᑦ ᐱᔪᓐᓇᕐᓂᖃᕐᓗᑎᒃ ᐊᐅᓚᑦᓯᓕᑐᐊᕐᒪᑕ, ᐃᓄᐃᑦ ᖁᕕᐊᓱᒃᐸᒃᐳᑦ; ᐱᐅᖏᑦᑐᓕᔪᑦ ᐊᖓᔪᖅᑲᐅᓕᑐᐊᕐᒪᑕ, ᐃᓄᐃᑦ ᐊᓂᕐᓴᐅᒥᕙᒃᐳᑦ.

ᒫᑎᐅᓯᐅᑉ ᐊᒡᓚᖏᑦ 11:8

ᖃᓄᐃᑦᑐᒥᒡᓕ ᑕᑯᔭᕐᑐᓚᐅᕐᐱᓰ? ᐊᖑᒻᒥᒃ ᐊᓐᓄᕌᑦᓯᐊᕐᓯᒪᔪᒦᒃ? ᐊᓐᓄᕌᑦᓯᐊᕐᓯᒪᔪᓪᓕ ᐊᖓᔪᖅᑳᕐᔪᐊᒃᑯᕕᖕᒥ ᐃᓂᖃᓲᖑᕗᑦ!

ᒫᑎᐅᓯᐅᑉ ᐊᒡᓚᖏᑦ 6:29

ᐅᖃᐅᑎᕙᑦᓯ ᓲᓗᒨᓂ ᐊᖓᔪᖅᑳᕐᔪᐊᖅ ᐊᔪᕐᓴᖏᑦᑑᒐᓗᐊᕐᓗᓂ ᐊᓐᓄᕌᕐᓯᒪᕙᓚᐅᓐᖏᓚᖅ ᓄᓇᕋᕐᑎᑐᑦ ᑕᑯᒥᓇᕐᑎᒋᔪᓂᒃ.

ᓘᑲᓯᐅᑉ ᐊᒡᓚᖏᑦ 16:19

“ᐊᔪᕐᓴᖏᑦᑐᖕᒥᒃ ᐊᖑᑎᑕᖃᓚᐅᕐᐳᖅ ᐊᓐᓄᕌᓯᒪᕙᒃᑐᒥᒃ ᐊᓐᓄᕌᓂᒃ ᐊᑭᑐᓂᕐᐹᓂᒃ ᐊᐅᐸᓪᓚᕆᒃᑐᓂᒃ, ᖃᐅᑕᒫᑦ ᓂᕆᕕᒃᔪᐊᕐᑎᑦᓰᓐᓇᕐᑐᒥᒃ.