ᐃᔅᑕᐅᑉ ᐊᒡᓚᖏᑦ 8:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑖᒃᑯᐊ ᑎᑎᖅᑲᓂᒃ ᓇᒃᓴᓚᐅᕐᑐᑦ, ᐊᖓᔪᖅᑳᕐᔪᐊᑉ ᕿᒻᒥᕐᔪᐊᖁᑎᖏᓐᓄᑦ ᓱᒃᑲᓂᕐᐹᓄᑦ ᓯᕗᒧᓚᐅᕐᐳᑦ, ᑐᐊᕕᕐᓗᑎᒡᓗ ᑎᓕᐅᕆᕗᑦ ᐊᖓᔪᖅᑳᕐᔪᐊᑉ ᐱᖁᔨᓂᖓᒍᑦ; ᑕᒪᓐᓇᓗ ᐱᖁᔭᖅ ᑎᑎᕋᕐᓯᒪᔪᖅ ᓴᖅᑭᑎᑕᐅᓚᐅᕆᕗᖅ ᓄᓇᒥ ᐊᖓᔪᖅᑳᕐᔪᐊᒃᑯᕕᖕᒥ ᓲᓴᒥ.

ᐃᔅᑕᐅᑉ ᐊᒡᓚᖏᑦ 8:14 Iomraidhean Croise

ᐊᑕᓃᑦ ᓯᕗᓪᓖᑦ 4:28

ᑖᒃᑯᐊᑦᑕᐅᖅ ᐊᖓᔪᖅᑳᖁᑎᖏᑦ ᑐᓂᓯᖃᑦᑕᓚᐅᕆᕗᑦ ᓂᐊᖂᔭᒃᓴᓂᒃ ᐃᕕᒐᕐᓂᒡᓗ ᕿᒻᒥᕐᔪᐊᖁᑎᖏᑕ ᐆᒪᔪᖁᑎᖏᑕᓗ ᓂᕿᒃᓴᖏᓐᓂᒃ ᑐᓂᓯᕙᓚᐅᕐᐳᑦ ᐱᔭᕆᐊᖃᓕᕌᖓᒥᒃ, ᐊᖓᔪᖅᑲᐅᕕᒋᔭᑎᒃ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 30:6

ᑕᕝᕙ ᑐᓴᕐᑎᑦᓯᔭᕐᑐᕐᑐᑦ ᐂᓚᐅᕐᐳᑦ ᐃᓴᕆᐊᓕᒥᐅᓕᒫᓄᑦ ᔫᑕᒥᐅᓕᒫᓄᓪᓗ ᑎᑎᖅᑲᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᑕᓗ ᑎᑎᕋᖏᓐᓂᒃ, ᐊᖓᔪᖅᑳᕐᔪᐊᑉ ᐱᖁᔨᓚᐅᕐᒪᑦ ᐅᖃᕐᓗᓂ: “ᐃᓴᕆᐊᓕᒥᐅᑦ ᐃᓄᖏᑦ, ᐊᑕᓂᕐᒧᑦ ᐅᑎᓚᐅᕆᑦᓯ, ᐂᑉᕋᕼᐋᒻ, ᐂᓴᑭᐅᓪᓗ ᐃᓴᕆᐊᓕᐅᓪᓗ ᒎᑎᖓᓄᑦ; ᑖᑦᓱᒪ ᐅᑎᕐᕕᒋᔪᓐᓇᕐᓂᐊᕐᒪᓯ ᐊᒥᐊᒃᑰᔪᓯ ᐊᓐᓇᓚᐅᕐᑐᓯᓗ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᓂᕼᐃᒤᐊᐅᑉ ᐊᒡᓚᖏᑦ 1:1

ᐅᑯᐊ ᓂᕼᐃᒤᐊᐅᑉ ᐅᖃᐅᓯᕆᓚᐅᕐᐰᑦ ᕼᐊᑲᓔᐊᐅᑉ ᐃᕐᓂᖓᑕ. ᑕᒪᓐᓇ ᐊᑐᓚᐅᕐᐳᖅ ᑕᖅᑭᖅ ᑭᓯᓕᕝ ᐊᑐᓕᕐᑎᓪᓗᒍ, ᐊᕐᕌᒎᑉ 12ᒋᓕᕐᑕᖓᓂ ᐊᖓᔪᖅᑳᒃᑯᕕᖕᒦᓐᓂᕐᒪ ᓄᓇᒥ ᓲᓴᒥ.

ᐃᔅᑕᐅᑉ ᐊᒡᓚᖏᑦ 1:2

ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕐᔪᐊᖑᕕᖕᒥᓂ ᐃᒃᓯᕙᐅᑕᕐᔪᐊᖃᓚᐅᕐᐳᖅ, ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ.

ᐃᔅᑕᐅᑉ ᐊᒡᓚᖏᑦ 2:3

ᓄᓇᓕᖁᑎᖕᓃᑦᑐᓂᒃ ᐊᑐᓂᑦ ᑲᒪᔨᐅᓂᐊᕐᑐᓂᒃ ᑎᓕᓯᓗᑎᑦ, ᑖᒃᑯᐊ ᐊᕐᓇᑦᓯᐊᕙᖕᓂᒃ ᐅᐃᖃᓚᐅᕐᓯᒪᖏᑦᑐᓂᒃ ᑲᑎᑦᓯᓗᑎᒃ ᐅᕗᖓ ᓇᔪᕐᑕᕐᓄᐊᕈᑦᔨᖁᓪᓗᒋᑦ ᐊᖓᔪᖅᑳᕐᔪᐊᒃᑯᕕᖕᒧᑦ ᓄᓇᒧᑦ ᓲᓴᒧᑦ, ᐊᕐᓇᒃᑯᕕᖕᒧᐊᕐᑕᐅᓗᑎᒃ, ᑲᒪᒋᔭᐅᖁᓪᓗᒋᑦ ᐱᔨᖕᓄᑦ ᕼᐃᒊᒧᑦ ᐃᒡᔪᐃᕐᑕᐅᓯᒪᔪᒧᑦ ᐊᕐᓇᓂᒃ ᑲᒪᔨᐅᕙᒃᑐᒧᑦ; ᑕᕝᕙᓂ ᐱᐅᓴᕐᑕᐅᑦᓯᐊᕈᓐᓇᖁᓪᓗᒋᑦ ᐅᐸᓗᖎᔭᕐᑕᐅᓗᑎᒃ.

ᐃᔅᑕᐅᑉ ᐊᒡᓚᖏᑦ 3:13

ᑖᒃᑯᐊᓗ ᑎᑎᕋᕐᑕᐅᔪᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓄᑦ ᐋᑎᕐᑕᐅᕗᑦ ᐅᓪᓚᒃᑎᓄᑦ, ᐅᖃᐅᓯᖃᕐᐳᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ, ᑐᖁᑕᐅᑯᓪᓗᒋᓪᓗ, ᐊᒥᐊᒃᑯᔭᐅᖏᑦᓯᐊᕐᓗᑎᒃ, ᐃᓅᓱᒃᑐᐃᑦ ᐃᓄᑐᕾᓪᓗ, ᓄᑕᕅᓪᓗ ᐊᕐᓁᓪᓗ, ᐅᓪᓗᒥ ᐊᑕᐅᓯᕐᒥ, ᐅᓪᓗᐃᑦ 13ᒋᓕᕐᐸᒍ ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐱᖁᑎᓕᒫᖏᓪᓗ ᓵᓚᖃᐅᓯᐊᕆᔭᐅᖁᓪᓗᒋᑦ.

ᐃᔅᑕᐅᑉ ᐊᒡᓚᖏᑦ 3:14

ᐱᖁᔭᓕᐊᕆᔭᐅᔪᓪᓗ ᐅᖃᕐᓯᒪᓂᖏᑦ ᐊᑦᔨᓕᐅᕐᑕᐅᓗᑎᒃ ᐅᓄᕐᓯᑎᑕᐅᖁᔭᐅᕗᑦ ᓄᓇᓖᑦ ᐊᕕᒃᑐᕐᓯᒪᔪᑦ ᐊᑐᓂᑦ ᐃᓄᓕᒫᓄᑦ ᑐᓂᔭᐅᖁᓪᓗᒋᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᖎᕐᓯᒪᖁᓪᓗᒋᑦ.

ᐃᔅᑕᐅᑉ ᐊᒡᓚᖏᑦ 3:15

ᐅᓪᓚᒃᑏᓪᓗ ᑕᕝᕙᓐᖓᑦ ᐊᐅᓪᓚᕐᐳᑦ, ᑐᐊᕕᕐᓗᑎᒃ ᐊᖓᔪᖅᑳᕐᔪᐊᑉ ᐱᖁᔨᓂᖓ ᒪᓕᒡᓗᒍ, ᐱᖁᔭᕐᓗ ᑖᓐᓇ ᓴᖅᑭᑕᐅᓚᐅᕆᕗᖅ ᓲᓴᒥ ᐊᖓᔪᖅᑳᕐᔪᐊᑉ ᐃᒡᓗᖓᓂ. ᐊᖓᔪᖅᑳᕐᔪᐊᕐᓕ ᕼᐂᒪᓂᓗ ᐃᒃᓯᕙᖃᑎᒌᓕᕐᐴᒃ ᐃᒥᕐᓗᑎᒡᓗ; ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᖁᐊᕐᓵᖓᓕᕐᑎᓪᓗᒋᑦ ᑕᒪᑐᒧᖓ.

ᐃᔅᑕᐅᑉ ᐊᒡᓚᖏᑦ 8:13

ᑖᒃᑯᐊ ᑎᑎᕋᕐᓯᒪᔪᑦ ᓴᖅᑭᑎᑕᐅᔭᕆᐊᖃᓚᐅᕐᐳᑦ ᐊᖓᔪᖅᑳᕐᔪᐊᑉ ᐱᖁᔭᓐᖑᕐᑎᑕᖏᑎᑐᑦ ᓄᓇᓕᓕᒫᓄᑦ ᐊᕕᒃᑐᕐᓯᒪᔪᓄᑦ ᐅᓄᕐᓯᑎᑕᐅᓪᓗᑎᒡᓗ ᐃᓄᓕᒫᓄᑦ, ᔫᑎᑦ ᐅᓪᓗᒥ ᑖᑦᓱᒪᓂ ᐅᐸᓗᖎᕐᓯᒪᓗᑎᒃ ᐊᑐᐃᓐᓇᐅᖁᓪᓗᒋᑦ ᐃᒻᒥᖕᓂᒃ ᓴᐳᓐᓂᐊᕈᓐᓇᕐᓗᑎᒃ ᐊᑭᕋᕐᑐᕐᑎᒥᖕᓄᑦ.

ᐃᔅᑕᐅᑉ ᐊᒡᓚᖏᑦ 8:15

ᑕᕝᕙ ᒧᐊᑎᑬ ᐊᖓᔪᖅᑳᕐᔪᐊᑉ ᓇᔪᕐᑕᖓᓂᑦ ᐊᓂᕗᖅ ᐊᖓᔪᖅᑳᕐᔪᐊᕐᓯᐅᑎᓂᒃ ᐊᓐᓄᕌᓂᒃ ᐊᑐᕐᓗᓂ ᑐᖑᔪᕐᑕᓂᒃ ᖃᖁᕐᑕᓂᒡᓗ ᑕᕐᓴᓕᖕᒥᒃ, ᓂᐊᖂᓯᕐᓯᒪᓪᓗᓂᓗ ᒎᓗᒥᒃ ᐊᖏᔪᒥᒃ ᐅᓕᒡᔪᐊᕐᓯᒪᕗᕐᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐊᐅᐸᓪᓗᕆᒃᑐᒥᒃ, ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᕾᒐᓛᓚᐅᕐᐳᑦ ᖁᕕᐊᓱᖕᓂᕐᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10

ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᑖᓂᐊᓕᐅᑉ ᐊᒡᓚᖏᑦ 8:2

ᑕᑯᑎᑕᐅᓪᓗᖓ, ᐅᕙᓐᓂᒃ ᑕᑯᓚᐅᕐᐳᖓ ᐊᖓᔪᖅᑳᕐᔪᐊᑉ ᐃᒡᓗᖓᓃᓪᓗᖓ ᓄᓇᒥ ᓲᓴᒥ ᓄᓇᐅᑉ ᐊᕕᒃᑐᕐᓯᒪᓂᖓᑕ ᐃᓚᖓᓂ ᐊᑎᖃᕐᑐᒥ ᐃᓛᒥᒥᒃ, ᑕᑯᑎᑕᐅᓪᓗᖓ ᑰᑉ ᐊᑎᖃᕐᑑᑉ ᐅᓔᒥᒃ ᓯᓈᓂᓚᐅᕐᐳᖓ.

ᓴᒧᐃᓕ ᓯᕗᓪᓖᑦ 21:8

ᑍᕕᑎᓗ ᐅᖃᕐᐳᖅ ᐊᕼᐃᒥᓕᒃᒧᑦ, “ᖃᓗᒋᐊᖃᕐᐲᑦ ᓴᕕᒡᔪᐊᒥᒡᓘᓐᓃᑦ ᕾᒍᓐᓇᕐᑕᕐᓂᒃ? ᐊᖓᔪᖅᑳᕐᔪᐊᑉ ᑎᓕᓯᓂᖓᓄᑦ ᐅᐃᒪᓪᓗᑕ ᐊᐅᓪᓚᓚᐅᕋᑦᑕ ᓴᕕᒡᔪᐊᕋᓘᓐᓃᑦ ᐊᓯᖏᓪᓘᓐᓃᑦ ᐅᓇᑕᐅᑎᒃᑲ ᐱᔪᓐᓇᕐᓯᓚᐅᖏᓐᓇᒃᑭᑦ.”