ᐃᔅᑕᐅᑉ ᐊᒡᓚᖏᑦ 8:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᓪᓗᒥ ᑕᕝᕙᓂ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᑯᐃᓐ ᐃᔅᑕᕐ ᕼᐂᒪᓂᐅᑉ ᔫᑎᑦ ᐊᑭᕋᕐᑐᕐᑎᖓᑦᑕ, ᐱᖁᑎᓕᒫᖏᓐᓂᒃ ᑐᓂᓯᕕᒋᕚ. ᒧᐊᑎᑬᓗ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᐃᑎᕐᑎᑕᐅᕗᖅ, ᐃᔅᑕᐅᑉ ᐅᖃᐅᓯᕆᓚᐅᕐᒪᒍ ᓱᓇᒋᖕᒪᖔᕐᒥᐅᒃ.

ᐃᔅᑕᐅᑉ ᐊᒡᓚᖏᑦ 8:1 Iomraidhean Croise

ᐃᔅᑕᐅᑉ ᐊᒡᓚᖏᑦ 1:14

ᐅᑯᐊ ᑕᕝᕙ ᖃᓂᒋᓂᕐᐹᕆᓪᓗᒋᑦ ᐊᐱᕆᒐᔪᒃᐸᓚᐅᕐᑕᖏᑦ ᑳᕐᓯᓇ, ᓯᑕᕆ, ᐊᑦᒪᑕ, ᑖᕐᓯᓯ, ᒥᕆᓯ, ᒪᕐᓰᓇ, ᒥᒧᑳᓐᓗ, ᑲᑎᑦᓱᒋᑦ 7ᐅᕗᑦ ᐴᕐᓯᐊᒥᑦ ᒥᑎᐊᒥᓪᓗ ᐱᓯᒪᔪᑦ, ᑖᒃᑯᐊ ᐊᖓᔪᖅᑳᕐᔪᐊᕐᒥ ᓇᔫᑏᓐᓇᕐᐸᒃᑐᑦ, ᐊᖓᔪᖅᑲᐅᕕᖓᓂᓗ ᐱᓪᓚᕆᐅᓂᕐᐸᐅᓪᓗᑎᒃ ᐊᖓᔪᖅᑳᖑᓂᕐᐸᐅᖃᑕᐅᕗᑦ.

ᐃᔅᑕᐅᑉ ᐊᒡᓚᖏᑦ 2:15

ᐃᔅᑕᕐᐅᓪᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᕕᒃᓴᖓ ᓇᓪᓕᐅᑎᖕᒪᑦ, ᑖᓐᓇ ᐊᐱᕼᐂᓕᐅᑉ ᒧᐊᑎᑬᑉ ᐊᒃᑲᖓᑕ ᐸᓂᖓ ᒧᐊᑎᑬᑉ ᑎᒍᐊᕐᑖᕆᓯᒪᓕᕐᑕᖓ ᐸᓂᖕᒥᑐᑦ ᐱᓕᕐᓗᓂᐅᒃ, ᓱᓇᒥᒃ ᑐᒃᓯᕋᓚᐅᓐᖏᓚᖅ ᕼᐃᒊᓪᓕ ᐊᖓᔪᖅᑳᕐᔪᐊᑉ ᐱᔨᖓᑕ ᐃᒡᔪᐃᕐᑕᐅᓯᒪᔫᑉ, ᐊᕐᓇᓂᒃ ᑲᒪᔨᒋᔭᐅᔫᑉ ᐊᑐᖁᔭᖏᓐᓂᒃ ᑭᓯᐊᓂ ᐊᑐᓚᐅᕐᐳᖅ. ᐃᔅᑕᕐᓗ ᑕᑯᔪᓕᒫᓄᑦ ᑖᑦᓱᒥᖓ ᖁᕕᐊᒋᔭᐅᓚᐅᕐᐳᖅ.

ᐃᔅᑕᐅᑉ ᐊᒡᓚᖏᑦ 2:7

ᒧᐊᑎᑬᓪᓗ ᓇᒃᓴᓚᐅᕐᐹ ᕼᐊᑖᓴ, ᕼᐄᑉᕉᑎᑐᑦ ᑍᒫᒃ ᐊᑎᓕᒃ, ᑖᓐᓇ ᐃᔅᑕᕐ, ᒧᐊᑎᑬᑉ ᐊᒃᑲᖓᑕ ᐸᓂᖓ, ᑖᓐᓇ ᐊᑖᑕᖃᓚᐅᓐᖏᓚᖅ ᐊᓈᓇᖃᕋᓂᓗ; ᐅᐃᒡᒐᓲᓪᓗᓂ ᐃᓂᖁᓇᕐᐳᖅ ᐊᕐᓇᑦᓯᐊᕙᐅᓪᓗᓂᓗ, ᑖᑦᓱᒪ ᐊᑖᑕᖓ ᐊᓈᓇᖓᓗ ᑐᖁᖕᒪᑎᒃ, ᒧᐊᑎᑬᑉ ᑎᒍᐊᕐᑖᕆᓚᐅᕐᐹ ᓇᖕᒥᓂᖅ ᐸᓂᖕᒥᑐᑦ ᐱᓕᕐᓗᓂᐅᒃ.

ᐃᔅᑕᐅᑉ ᐊᒡᓚᖏᑦ 7:6

ᐃᔅᑕᐅᑉ ᑭᐅᕚ, “ᑐᖁᕅᓇᓱᒃᑐᖅ ᐊᑭᕋᕐᑐᕐᑎᓗ ᐅᓇᐅᕗᖅ ᐱᐅᖏᑦᑐᐊᓗᖕᒥᒃ ᐱᓇᓱᐊᕐᑐᖅ ᕼᐂᒪᓂ!” ᑕᕝᕙ ᕼᐂᒪᓂ ᑲᑉᐱᐊᓱᒃᑐᐊᓘᓕᕐᐳᖅ ᐊᖓᔪᖅᑳᕐᔪᐊᑉ ᑯᐃᓪᓗ ᓵᖓᓂ.

ᐃᔅᑕᐅᑉ ᐊᒡᓚᖏᑦ 8:7

ᑕᕝᕙ ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐅᖃᕐᐳᖅ ᑯᐃᓐ ᐃᔅᑕᕐᒧᑦ ᒧᐊᑎᑬᒧᓪᓗ ᔫᑎᒧ, “ᑕᑯᒋᑦ, ᐃᔅᑕᕐ ᕼᐂᒪᓂᐅᑉ ᐱᖁᑎᓕᒫᖏᓐᓂᒃ ᑐᓂᓯᕕᒋᓚᐅᕐᐸᕋ, ᕼᐂᒪᓂᓗ ᕿᒥᑕᐅᓚᐅᕐᐳᖅ ᕿᒥᑦᓯᕕᖕᒥ ᑐᖁᕋᕐᑕᐅᑎᑦᓯᓇᓱᓚᐅᕐᒪᑦ ᔫᑎᓂᒃ.

ᐃᓐᖏᕈᑎᑦ 39:6

ᓱᓕᔪᒥᒡᓕ ᐃᓄᓕᒫᑦ ᐱᓱᑲᑕᒃᐳᑦ ᑕᕐᕋᑐᐃᓐᓇᕐᑎᑐᑦ; ᐱᔭᒃᓴᖃᕐᓂᕐᒧᓪᓗ ᓄᖅᑲᔪᐃᑦᑑᕗᑦ ᓱᕙᓕᑭᐊᒧᑦ ᐊᒡᓗᐃᑦᔪᑎᓂᒡᓗ ᑲᑎᕐᓱᐃᕗᑦ, ᖃᐅᔨᒪᓇᑎᒃ ᑭᐊ ᐱᓛᕐᒪᖔᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:22

ᐃᓄᑦᓯᐊᕙᒃ ᑭᖑᕐᖑᑎᔭᒃᓴᖁᑎᖃᕐᐳᖅ ᕿᑐᕐᖓᒥ ᕿᑐᕐᖓᖏᓐᓄᑦ, ᐊᔪᕐᑐᓕᔫᓪᓕ ᐊᒃᓗᐃᓐᓂᖓ ᐊᑐᐃᓐᓇᕈᕐᑕᐅᕗᖅ ᓇᓛᒎᕐᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:8

ᑮᓇᐅᔭᓂᒃ ᐊᑐᕐᑐᐊᕐᑕᐅᔪᓂᒃ ᐃᓚᓯᖃᑦᑕᕐᓂᕐᒧᑦ ᐅᓄᕐᓯᕙᓪᓕᐊᑎᑦᓯᔪᖅ ᑲᑎᕐᓱᐃᕗᖅ ᑖᑦᓱᒧᖓ ᐊᔪᕐᓴᕐᑐᓂᒃ ᐃᓚᑦᓱᒍᓱᒃᑐᓄᑦ.

ᓘᑲᓯᐅᑉ ᐊᒡᓚᖏᑦ 12:20

ᒎᑎᐅᓪᓕ ᐅᖃᐅᑎᕚ, ‘ᓯᓔᑦᑐᑎᑦ! ᒫᓐᓇ ᐅᓐᓄᒃ ᐃᓅᔪᓐᓃᕐᓂᐊᕐᐳᑎᑦ; ᑭᐊᓕ ᑍᒪ ᑲᑎᕐᓱᓚᐅᕐᑕᑎᑦ ᐱᓂᐊᓕᕐᐰᑦ?’