ᐃᔅᑕᐅᑉ ᐊᒡᓚᖏᑦ 7:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓅᖃᑎᒃᑲᓗ ᐅᕙᖓᓗ ᓂᐅᕐᕈᑎᒋᔭᐅᓯᒪᒐᑦᑕ, ᐊᓯᕈᕐᑕᐅᖁᓪᓗᑕ, ᑐᖁᑕᐅᖁᓪᓗᑕ, ᓄᖑᑕᐅᑦᓯᐊᖁᓪᓗᑕᓗ. ᓂᐅᕐᕈᑎᒋᔭᐅᓂᐊᕈᑦᑕᓕ ᐊᖑᑎᓪᓗ ᐊᕐᓁᓪᓗ ᓯᐊᓛᒃᓴᐅᖁᓪᓗᑕ, ᓂᓪᓕᕋᔭᓐᖏᓚᖓ, ᑕᒪᓐᓇ ᐅᖁᒤᑦᑐᒦᑎᑕᐅᓂᕗᑦ ᐊᑦᔨᐅᑎᑕᒃᓴᐅᖏᒻᒪᑦ ᐊᖓᔪᖅᑳᕐᔪᐊᑉ ᐊᓯᐅᔨᒐᔭᕐᓂᖓᓄᑦ.”

ᐃᔅᑕᐅᑉ ᐊᒡᓚᖏᑦ 7:4 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 5:5

ᐃᓅᖃᑎᒌᒃᑲᓗᐊᕐᑐᒍᑦ ᔫᑎᐅᖃᑎᒋᒐᑦᑎᒍ, ᕿᑐᕐᖓᕗᑦ ᑍᒃᑯᑎᑐᓇᖅ ᕿᑐᕐᖓᖏᑎᑐᑦ ᐱᐅᔫᑎᒋᓐᖏᓛᑦ? ᐸᓂᑦᑕ ᐃᓚᖏᑦ ᐊᒡᓛᑦ ᓂᐅᕐᕈᑎᐅᓯᒪᕗᑦ ᐱᔨᑲᑖᖑᓂᐊᓕᕐᓗᑎᒃ. ᐊᔪᓕᕐᐳᒍᑦ ᐱᕈᕐᓰᕕᖁᑎᕗᑦ ᕔᓂᓕᐅᕐᕕᒃᐳᓪᓗ ᑎᒍᔭᐅᓯᒪᓕᕐᒪᑕ.”

ᐃᔅᑕᐅᑉ ᐊᒡᓚᖏᑦ 3:13

ᑖᒃᑯᐊᓗ ᑎᑎᕋᕐᑕᐅᔪᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓄᑦ ᐋᑎᕐᑕᐅᕗᑦ ᐅᓪᓚᒃᑎᓄᑦ, ᐅᖃᐅᓯᖃᕐᐳᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ, ᑐᖁᑕᐅᑯᓪᓗᒋᓪᓗ, ᐊᒥᐊᒃᑯᔭᐅᖏᑦᓯᐊᕐᓗᑎᒃ, ᐃᓅᓱᒃᑐᐃᑦ ᐃᓄᑐᕾᓪᓗ, ᓄᑕᕅᓪᓗ ᐊᕐᓁᓪᓗ, ᐅᓪᓗᒥ ᐊᑕᐅᓯᕐᒥ, ᐅᓪᓗᐃᑦ 13ᒋᓕᕐᐸᒍ ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐱᖁᑎᓕᒫᖏᓪᓗ ᓵᓚᖃᐅᓯᐊᕆᔭᐅᖁᓪᓗᒋᑦ.

ᐃᔅᑕᐅᑉ ᐊᒡᓚᖏᑦ 3:9

ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐱᖁᔭᐅᓕᕐᓂᐊᕐᑐᓂᒃ ᑎᑎᕋᓚᐅᕆᑦ ᑖᒃᑯᐊ ᑐᖁᕋᕐᑕᐅᖁᓪᓗᒋᑦ, ᐊᖓᔪᖅᑳᕐᔪᐊᓪᓗ ᐱᓇᓱᐊᕐᑎᖏᑕ ᐊᖓᔪᖅᑳᖏᑦ ᐊᑭᓕᕐᓂᐊᕐᐸᒃᑲ ᓯᐅᓪᕕᕆᓂᒃ 10,000ᓂᒃ ᐅᖁᒤᓐᓂᕐᓯᐅᑎᕗᑦ ᒪᓕᒡᓗᒋᑦ, ᑖᒃᑯᓇᓐᖓᓪᓗ ᐊᖓᔪᖅᑳᕐᔪᐊᑉ ᑮᓇᐅᔭᖃᐅᑎᖓᓄᑦ ᐃᓕᔭᐅᖁᓪᓗᒋᑦ.”

ᐃᔅᑕᐅᑉ ᐊᒡᓚᖏᑦ 7:5

ᑕᕝᕙ ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᐱᕆᕗᖅ ᑯᐃᓐ ᐃᔅᑕᕐᒧᑦ, “ᑭᓇᐅᕚ ᑍᓐᓇ, ᓇᓃᑉᐸᓗ, ᑍᒫᒃ ᐱᓇᓱᐊᕈᒪᓗᓂ ᐃᓱᒪᖃᕐᑐᖅ?”

ᐃᔅᑕᐅᑉ ᐊᒡᓚᖏᑦ 7:6

ᐃᔅᑕᐅᑉ ᑭᐅᕚ, “ᑐᖁᕅᓇᓱᒃᑐᖅ ᐊᑭᕋᕐᑐᕐᑎᓗ ᐅᓇᐅᕗᖅ ᐱᐅᖏᑦᑐᐊᓗᖕᒥᒃ ᐱᓇᓱᐊᕐᑐᖅ ᕼᐂᒪᓂ!” ᑕᕝᕙ ᕼᐂᒪᓂ ᑲᑉᐱᐊᓱᒃᑐᐊᓘᓕᕐᐳᖅ ᐊᖓᔪᖅᑳᕐᔪᐊᑉ ᑯᐃᓪᓗ ᓵᖓᓂ.

ᐃᔅᑕᐅᑉ ᐊᒡᓚᖏᑦ 8:11

ᑖᒃᑯᑎᒎᓇᖅ ᑎᑎᖅᑲᑎᒍᑦ ᐊᖓᔪᖅᑳᕐᔪᐊᖅ ᐱᔪᓐᓇᕐᓯᑎᑦᓯᓚᐅᕐᐳᖅ ᔫᑎᑦ ᐃᒡᓗᒐᓴᓕᒫᓂ ᐊᑐᓂᑦ ᑲᑐᑦᔨᓗᑎᒃ ᐃᓅᓯᕐᒥᖕᓂᒃ ᓴᐳᓐᓂᐊᖁᓪᓗᒋᑦ, ᐊᓯᕈᐃᖁᓪᓗᒋᑦ, ᑐᖁᑦᓯᖁᓪᓗᒋᑦ, ᓄᖒᑦᓯᑦᓯᐊᖁᓪᓗᒋᓪᓗ ᐅᓇᑕᐅᑎᖃᕐᑐᓕᒫᓂᒃ ᐃᓄᖕᓂᒃ ᖃᓄᐃᑦᑑᒐᓗᐊᕐᐸᑕ ᐅᕝᕙᓗ ᓄᓇᓕᖕᓂ ᐊᕕᒃᑐᕐᓯᒪᔪᑦ ᓇᓪᓕᐊᓐᓂ ᑐᖁᑦᓯᓇᓱᒃᑐᓕᒫᓂᒃ ᔫᑎᓂᒃ, ᕿᑐᕐᖓᖏᑦ ᐊᕐᓁᓪᓗ ᐱᖃᓯᐅᑎᓗᒋᑦ, ᑐᖁᑕᖏᑕᓗ ᐱᖁᑎᖏᑦ ᐱᑖᕆᓗᒋᑦ,

ᐃᔅᑕᐅᑉ ᐊᒡᓚᖏᑦ 8:6

ᖃᓄᖅ ᕿᓄᐃᓵᕈᓐᓇᕋᔭᕐᐳᖓ ᑕᑯᓐᓇᕐᓗᖓ ᐃᓅᖃᑎᒃᑲ ᐱᐅᖏᑦᑐᐊᓗᖕᒥᒃ ᑎᑭᑕᐅᓂᐊᕐᑎᓪᓗᒋᑦ? ᐅᕝᕙᓗ ᖃᓄᖅ ᕿᓄᐃᓵᕈᓐᓇᕋᔭᕐᐳᖓ ᑕᑯᓐᓇᕐᓗᖓ ᐃᓚᒃᑲ ᑐᖁᕋᕐᑕᐅᑎᓪᓗᒋᑦ?”

ᐃᔅᑕᐅᑉ ᐊᒡᓚᖏᑦ 9:25

ᐃᔅᑕᕐᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᓚᐅᕐᒪᑦ, ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓕᓚᐅᕐᐳᖅ ᑎᑎᕋᕐᓗᓂᓗ ᑕᒪᓐᓇ ᐱᐅᖏᑦᑐᐊᓗᒃ ᐋᖅᑭᒃᑕᐅᓯᒪᔪᖅ ᕼᐂᒪᓂᒧᑦ ᔫᑎᓂᒃ ᓄᖑᑦᓯᔪᒪᓂᖅ ᑖᑦᓱᒧᖓ ᐅᑎᕐᑎᑕᐅᖔᖁᓪᓗᒍ, ᑖᓐᓇ ᐃᕐᓂᖏᓪᓗ ᕿᒥᑦᓯᕕᖕᒥ ᕿᒥᑕᐅᖁᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 6:2

ᑖᒃᑯᐊ ᐱᖓᓱᓂᒃ ᐊᖓᔪᖅᑳᖃᕐᑎᑉᐰᑦ, ᑖᓂᐊᓕ ᐱᖓᓱᒋᔭᐅᓪᓗᓂ: ᐊᖓᔪᖅᑳᖁᑎᖏᑦ ᐅᖃᕆᐊᖃᕐᓗᑎ ᑖᒃᑯᓄᖓ, ᐊᖓᔪᖅᑳᕐᔪᐊᖅ ᐅᖁᒤᒃᓴᖁᓇᒍ.

ᔪᐃᓕᐅᑉ ᐊᒡᓚᖏᑦ 3:6

ᔫᑕᐅᑉ ᔨᕉᓴᓕᐅᓪᓗ ᐃᓄᖏᓐᓂᒃ ᓂᐅᕐᕈᑎᖃᓚᐅᕋᑦᓯ ᒍᕇᑭᓄᑦ, ᐊᐅᓪᓚᐅᑎᔪᒪᓪᓗᒋᑦ ᐅᖓᓯᒃᑐᒧᑦ ᓄᓇᖁᑎᖏᑕ ᓯᓚᑖᓄᑦ.

ᐂᒨᓯᐅᑉ ᐊᒡᓚᖏᑦ 2:6

ᐊᑕᓂᖅ ᐃᒫᒃ ᐅᖃᕐᐳᖅ, “ᐃᓴᕆᐊᓕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᐃᓱᐊᕐᑐᓂᒃ ᓂᐅᕐᕈᑎᖃᓚᐅᕐᒪᑕ ᓯᐅᓪᕕᕆᒧᑦ, ᐊᔪᕐᓴᕐᑐᓂᒡᓗ ᓂᐅᕐᕈᑎᖃᓚᐅᕐᐳᑦ ᐃᑎᒐᒍᑎᓄᑦ.

ᓘᑲᓯᐅᑉ ᐊᒡᓚᖏᑦ 12:45

ᐱᔨ ᐃᓱᒪᓕᕐᐸᑦ, ‘ᐊᖓᔪᖅᑳᕋ ᐅᑎᕐᓇᓵᓗᐊᓕᕐᒪᑦ,’ ᐱᔨᐅᔪᑦ ᐊᖑᑎᑦ ᐊᕐᓁᓪᓗ ᐋᓐᓂᕐᓯᑲᑕᓕᕐᐰᑦ, ᓂᕆᓗᓂ ᐃᒥᓕᕐᓗᓂᓗ ᐋᖓᔮᑲᑦᑕᓕᕐᐳᖅ,

ᒨᓯᓯ ᑕᓪᓕᒪᖏᑦ 28:68

ᐊᑕᓂᐅᑉ ᐄᑦᔨᑉᑎᒧᑦ ᐅᑎᕐᑎᑦᓱᒫᕐᐹᓯ ᐅᒥᐊᕐᔪᐊᑎᒍᑦ, ᑕᕝᕗᖓ ᓄᓇᒧᑦ ᐅᑎᓚᐅᕐᓯᒫᑦᔮᖏᓐᓂᕋᕐᓗᓯ ᐅᖃᕐᓯᒪᒐᓗᐊᕐᑎᓪᓗᒍ. ᑕᕝᕙᓂᓗ ᐊᑭᕋᑦᓯᓐᓄᑦ ᐃᓕᑦᓯᓐᓂᒃ ᓂᐅᕐᕈᑎᒋᓇᓱᐊᕈᒫᕐᐳᓯ ᓯᐊᓛᕐᑕᕆᔭᐅᔪᒪᓗᓯ, ᓇᓪᓕᐊᓐᓄᓪᓘᓐᓃᓪᓕ ᓂᐅᕕᕐᑕᐅᔪᒪᓛᓐᖏᓚᓯ.”

ᔮᓱᐊᑉ ᐊᒡᓚᖏᑦ 9:23

ᒫᓐᓇ ᐱᓇᓱᐊᕐᓂᕆᓚᐅᕐᑕᓯ ᒪᓕᒡᓗᒍ ᒎᑎᐅᑉ ᓱᒋᐊᕐᓂᐊᕐᐹᓯ, ᐃᓚᓯ ᐱᔨᒋᔭᐅᖏᓐᓇᕐᓂᐊᓕᕐᐳᑦ, ᕿᔪᖕᓂᒡᓗ ᓇᑲᑎᕆᔨᐅᓕᕐᓗᓯ ᐃᒥᕐᑕᕐᑎᐅᓗᓯᓗ ᒎᑎᒪ ᐃᒡᓗᖁᑎᖓᓄᑦ.”

ᓴᒧᐃᓕ ᓯᕗᓪᓖᑦ 22:23

ᐅᕙᓐᓃᓕᕆᑦ, ᑲᑉᐱᐊᓱᖏᓪᓗᑎᑦ; ᐅᕙᓐᓂᒃ ᑐᖁᑦᓯᓇᓱᒃᑐᑦ ᐃᓕᖕᓂᒃᑕᐅᖅ ᑐᖁᑦᓯᓇᓱᒃᑭᕗᑦ; ᐅᕙᓐᓃᒃᑯᕕᑦ ᑐᖁᑕᐅᓂᐊᓐᖏᓚᑎᑦ.”