ᐃᔅᑕᐅᑉ ᐊᒡᓚᖏᑦ 7:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᕝᕙ ᑯᐃᓐ ᐃᔅᑕᕐ ᑭᐅᓪᓗᓂ ᐅᖃᓕᕐᐳᖅ, “ᖁᕕᐊᒋᒍᕕᖓ, ᐊᖓᔪᖅᑳᕐᔪᐊᖅ, ᖃᓄᐃᒋᖏᒃᑯᕕᖓᓗ ᐊᖓᔪᖅᑳᕐᔪᐊᖅ, ᐃᓅᓯᕋ ᓴᐳᑎᔭᐅᖁᓪᓗᒍ ᕿᓄᕗᖓ, ᐃᓅᖃᑎᒪᓗ ᐃᓅᓯᖏᑦ ᓴᐳᑎᔭᐅᖁᓪᓗᒋᑦ ᕿᓄᑦᔪᑎᒋᕙᒃᑲ.

ᐃᔅᑕᐅᑉ ᐊᒡᓚᖏᑦ 7:3 Iomraidhean Croise

ᐊᑕᓃᑦ ᓯᕗᓪᓖᑦ 20:31

ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᐅᖃᐅᑎᕚᑦ, “ᑕᑯᒋᑦ ᒫᓐᓇ, ᑐᓴᐅᒪᕗᒍᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑦ ᓂᑲᒍᓱᓲᖑᖕᒪᑕ; ᐊᑏ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᓗᑕ ᐊᒃᓗᓈᒥᒡᓗ ᖁᖓᓯᑦᑎᓐᓄᑦ ᕿᓚᒃᓯᓗᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᐊᓚᐅᕐᑕ; ᐃᒻᒪᖄ ᑐᖁᓐᓂᐊᓐᖏᓛᑎᑦ.”

ᐊᑕᓃᑦ ᐂᑉᐸᖏᑦ 1:13

ᓱᓕ ᐊᖓᔪᖅᑳᕐᔪᐊᖅ ᑎᓕᓯᒃᑲᓐᓂᕆᕗᖅ ᐱᖓᔪᒋᓕᕐᑕᖓᓐᓂᒃ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ ᐅᓇᑕᕐᑐᒃᓴᓂᒃ 50ᓂᒃ ᐃᓚᖃᕐᑎᓪᓗᒍ. ᑖᓐᓇᓕ ᐅᓇᑕᕐᑐᕐᓮᑦ ᐊᖓᔪᖅᑳᖓᑦ ᐃᓔᑦᔭᐅᑉ ᓵᖓᓄᑦ ᓰᖁᕐᓗᓂ ᐃᓚᓐᓂᕐᓴᕐᕕᒋᓪᓗᒍ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᐃᓅᓯᕋ ᐅᑯᐊᓗ ᐅᓇᑕᕐᑐᒃᓮᑦ ᐱᔨᒋᔭᕕᑦ ᐃᓅᓯᖏᑦ ᐊᓐᓂᕆᒃᑭᑦ.

ᐃᔅᑕᐅᑉ ᐊᒡᓚᖏᑦ 4:8

ᐱᖁᔭᓕᐊᕆᔭᐅᔫᓪᓗ ᐅᖃᐅᓯᕐᑕᖏᑕ ᐊᑦᔨᖏᓐᓂᒃ ᕼᐊᑕᒃ ᑐᓂᓯᕕᒋᕚ ᓲᓴᒥ ᓴᖅᑭᑎᑕᐅᓯᒪᔪᓂᒃ, ᔫᑎᑦ ᑐᖁᕋᕐᑕᐅᖁᓪᓗᒋᑦ, ᑖᒃᑯᐊᓗ ᐃᔅᑕᕐᒧᑦ ᑕᑯᔭᐅᖁᕔᑦ ᑕᒪᑐᒥᖓᓗ ᑐᑭᓯᑎᑕᐅᖁᕚ, ᐊᖓᔪᖅᑳᕐᔪᐊᕐᒧᐊᕈᓐᓇᕐᒪᖔᓪᓗ ᐃᓗᖏᕐᑐᕐᓗᓂ ᕿᓄᕕᖃᖁᓪᓗᒍ ᐊᖓᔪᖅᑳᕐᔪᐊᕐᒥᒃ ᓴᐳᑦᔭᐅᖁᔨᓗᓂᓗ ᐃᓅᖃᑎᒥᓂᒃ.

ᐃᔅᑕᐅᑉ ᐊᒡᓚᖏᑦ 5:8

ᐊᖓᔪᖅᑳᕐᔪᐊᖅ ᖁᕕᐊᒋᒍᕕᖓ, ᑐᒃᓯᕋᕈᒪᓂᕋᓗ ᐊᖓᔪᖅᑳᕐᔪᐊᑉ ᖃᓄᐃᒋᖏᑉᐸᒍ ᐱᔪᒪᔭᓐᓂᒡᓗ ᑐᓂᓯᕕᒋᓂᐊᕈᓂᖓ, ᑕᕝᕙ ᐊᖓᔪᖅᑳᕐᔪᐊᖅ ᕼᐂᒪᓂᓗ ᕾᖁᑲᓐᓂᕐᐸᑦᓯᒃ ᓂᕆᕕᒃᔪᐊᒃᓴᓕᐅᕐᓂᐊᕐᑕᓐᓄᑦ ᐃᓕᑦᓯᒃ ᐱᑦᔪᑎᒋᓗᓯᒃ, ᑕᕝᕙ ᖃᐅᒃᐸᑦ ᑕᕝᕗᖓ ᕾᒍᑦᓯᒃ ᐊᖓᔪᖅᑳᕐᔪᐊᑉ ᐅᖃᐅᓯᕆᓯᒪᔭᖓ ᒪᓕᒡᓗᒍ ᐱᔪᒪᔭᓐᓂᒃ ᐅᖃᐅᑎᓛᕐᐸᑦᓯᒃ.”

ᐃᔅᑕᐅᑉ ᐊᒡᓚᖏᑦ 7:7

ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᕕᒡᔪᐊᕐᓗᓂ ᓂᑯᕕᑉᐳᖅ ᓂᕆᕕᒡᔪᐊᕐᕕᖕᒥᑦ ᐊᖓᔪᖅᑳᕐᔪᐊᒃᑯᕕᐅᓪᓗ ᐱᕈᕐᓰᕕᖓᓄᐊᕐᓗᓂ; ᕼᐂᒪᓂᓕ ᐃᔅᑕᕐᒧᑦ ᕿᓄᕗᖅ ᐃᓅᓯᕐᒥᓂ ᓴᐳᑎᔭᐅᔪᒪᓪᓗᓂ, ᖃᐅᔨᒐᒥ ᐊᖓᔪᖅᑳᕐᔪᐊᖅ ᑖᑦᓱᒧᖓ ᓈᒻᒪᖏᑦᑐᒥᒃ ᐃᓱᒪᖃᓕᕐᒪᑦ.

ᐃᔅᑕᐅᑉ ᐊᒡᓚᖏᑦ 8:5

ᐅᖃᕐᓗᓂᓗ, “ᐊᖓᔪᖅᑳᕐᔪᐊᕐᒧᑦ ᖃᓄᐃᒋᔭᐅᖏᑉᐸᑦ, ᑖᑦᓱᒧᖓᓗ ᖁᕕᐊᒋᔭᐅᒍᒪ ᐊᖓᔪᖅᑳᕐᔪᐊᕐᒧᓪᓗ ᓈᒻᒪᓈᕐᑑᔮᕐᐸᑦ ᖃᓄᐃᒋᔭᐅᖏᒃᑯᒪᓗ ᑖᑦᓱᒧᖓ, ᑎᑎᖅᑲᑎᒍᑦ ᐱᖁᔨᔪᖃᓚᐅᕐᓕ ᕼᐂᒪᓂᐅᑉ ᑎᑎᕋᓚᐅᕐᑕᖏᑦ ᓄᖅᑲᕐᑎᑕᐅᖁᓗᒋᑦ, ᕼᐊᒥᑕᑕᐅᑉ ᐃᕐᓂᖓᑕ ᐊᒐᒊᑎᐅᑉ, ᑖᓐᓇ ᑎᑎᕋᓚᐅᕐᒪᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᓄᓇᐅᑉ ᐊᕕᒃᑐᕐᓯᒪᓂᓕᒫᖏᓐᓂ.

ᔫᐱᐅᑉ ᐊᒡᓚᖏᑦ 2:4

ᓵᑖᓇᓯᓕ ᑭᐅᕗᖅ, “ᐊᖑᑦ ᑖᓐᓇ ᓱᓇᓕᒫᓂᒃ ᓄᖅᑲᐅᑦᔨᓂᐊᕐᐳᖅ ᐃᓅᖔᕈᒪᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 38:26

ᐅᖃᐅᑎᓂᐊᕐᐸᑎᓪᓕ, ᐊᖓᔪᖅᑳᕐᔪᐊᕐᒧᑦ ᕿᓄᔭᕐᑐᓚᐅᕐᐳᖓ ᔫᓇᑕᓂᐅᑉ ᐃᒡᓗᖓᓄᑦ ᐅᑎᕐᑎᑕᐅᔪᒪᓇᖓ ᑐᖁᔭᕐᑐᕈᒪᓇᖓ ᑕᕝᕗᖓ.”