ᐃᔅᑕᐅᑉ ᐊᒡᓚᖏᑦ 6:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᓐᓄᕌᕐᓗ ᕿᒻᒥᕐᔪᐊᕐᓗ ᐂᔭᐅᔪᒃᓴᐅᕗᑦ ᐊᖓᔪᖅᑳᕐᔪᐊᑉ ᐊᖓᔪᖅᑳᖑᓂᕐᐹᖁᑎᖏᑕ ᐃᓚᖓᓐᓄᑦ; ᑖᑦᓱᒧᖓ ᐊᓐᓄᕌᒥᒃ ᐊᑎᓯᑎᑕᐅᖁᓪᓗᒍ ᕿᒻᒥᕐᔪᐊᒧᓪᓗ ᐃᑭᑎᓪᓗᓂᐅᒃ ᑖᓐᓇ ᐊᖓᔪᖅᑳᕐᔪᐊᑉ ᐅᐱᓐᓇᕐᓯᑎᑦᓱᒪᔭᖓ, ᕿᒻᒥᕐᔪᐊᒥ ᐃᑭᒪᑎᓪᓗᒍ ᑕᓯᒍᐊᕐᓂᐊᕐᒪᒍ ᐃᒡᓗᒐᓮᑦ ᐊᖅᑯᓯᓂᖏᑎᒍᑦ, ᓯᕗᓂᖓᓂᓗ ᕾᒐᓛᕐᑐᒃᓴᐅᕗᖅ, ‘ᑍᒫᒃ ᑕᕝᕙ ᐊᖓᔪᖅᑳᕐᔪᐊᑉ ᓇᓪᓕᐊᑦ ᐊᖑᑦ ᐅᐱᒋᔪᒪᔭᓂ ᐅᐱᒋᖃᑦᑕᕐᓂᐊᕐᐰᑦ!’”

ᐃᔅᑕᐅᑉ ᐊᒡᓚᖏᑦ 6:9 Iomraidhean Croise

ᒨᓯᓯ ᓯᕗᓪᓖᑦ 41:43

ᐊᒃᓴᓗᐊᓕᖁᑎᖓᑕᓗ ᑐᖓᓕᖓᑕ ᐃᑭᒪᕕᖓᓂ ᐃᑭᑎᓪᓗᒍ ᐃᖏᕐᕋᑎᑉᐹ; ᐅᐱᒍᓱᒃᑎᑕᐅᔪᓪᓗ ᓯᕗᓂᖓᓃᑦᑐᑦ ᕾᒐᓛᕐᐳᑦ, “ᑖᑦᓱᒧᖓ ᐅᑯᒋᑦᓯ!” ᑍᒤᓕᐅᕐᓗᓂ ᑕᕝᕙ ᐄᑦᔨᑉᑎᓕᒫᒧᑦ ᐊᐅᓚᑦᓯᔨᕈᕐᑎᓚᐅᕐᐹ.

ᐃᔅᑕᐅᑉ ᐊᒡᓚᖏᑦ 6:10

ᑕᕝᕙ ᐊᖓᔪᖅᑳᕐᔪᐊᖅ ᕼᐂᒪᓂᒧᑦ ᐅᖃᕐᐳᖅ: “ᑐᐊᕕᕐᓗᑎᑦ ᐅᓕᒡᔪᐊᕋ ᕿᒻᒥᕐᔪᐊᕋᓗ ᐂᓕᒃᑭᑦ, ᑍᒫᒃ ᐅᖃᓚᐅᕋᕕᑦ, ᒧᐊᑎᑬᓗ ᔫᑎᐅᔪᖅ ᑍᒤᓕᐅᕐᕕᒋᓕᕈᒃ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᐊᓂ ᐃᒃᓯᕙᔪᖅ. ᐅᖃᐅᓯᕆᔭᑎᑦ ᐊᑐᑦᓯᐊᕐᓂᐊᕐᐸᑎᑦ ᓇᓪᓕᐊᓐᓂᒡᓘᓐᓃᑦ ᐊᑐᓐᖏᑕᖃᖏᓪᓗᑎᑦ.”

ᐃᔅᑕᐅᑉ ᐊᒡᓚᖏᑦ 6:6

ᑕᕝᕙ ᕼᐂᒪᓂ ᐃᑎᕐᐳᖅ, ᐊᖓᔪᖅᑳᕐᔪᐊᓪᓗ ᐊᐱᕆᕚ, “ᐊᖑᑦ ᖃᓄᐃᓕᐅᑕᐅᔪᓐᓇᕋᔭᕐᐹ ᐊᖓᔪᖅᑳᕐᔪᐊᑉ ᖁᕕᐊᒋᓗᓂᐅᒃ ᐅᐱᓐᓇᕐᓯᑎᒐᔭᕐᑕᖓ?” ᕼᐂᒪᓂᓕ ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᐊᖓᔪᖅᑳᕐᔪᐊᖅ ᐅᐱᒋᔭᒃᓴᖃᕐᓂᕐᓴᐅᔪᓐᓇᕐᐹ ᐊᓯᓐᓂᒃ.”

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.