ᐃᔅᑕᐅᑉ ᐊᒡᓚᖏᑦ 6:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᒪᑐᒪᓂᓕ ᐅᓐᓄᐊᒥ ᐊᖓᔪᖅᑳᕐᔪᐊᖅ ᓯᓂᒍᓐᓁᓪᓕᕗᖅ; ᑕᕝᕙ ᑎᓕᓯᕗᖅ ᐊᖓᔪᖅᑳᕐᔪᐊᑉ ᐱᕙᓪᓕᐊᔪᖁᑎᖏᓐᓂ ᑎᑎᕋᕐᓯᒪᔪᑦ ᑕᕝᕗᓐᖓᕐᑕᐅᓗᑎᒃ ᐊᑐᐊᕐᑕᐅᖁᓪᓗᒋᑦ; ᑕᕝᕙ ᐊᑐᐊᕐᑕᐅᓕᕐᐳᑦ ᐊᖓᔪᖅᑳᕐᔪᐊᕐᒧᑦ.

ᐃᔅᑕᐅᑉ ᐊᒡᓚᖏᑦ 6:1 Iomraidhean Croise

ᒨᓯᓯ ᓯᕗᓪᓖᑦ 22:14

ᐂᑉᕋᕼᐋᒻᓗ ᑖᓐᓇ ᓇᔪᕐᑕᓂ ᐊᑦᓯᕐᐹ, ᐊᑕᓂᖅ ᐱᒃᓴᖃᕐᑎᑦᓯᓂᐊᕐᐳᖅ; ᐅᓪᓗᒥᒧᑦ ᑎᑭᓪᓗᒍ ᐅᖃᐅᓯᐅᕙᓕᕐᐳᖅ, “ᐊᑕᓂᐅᑉ ᖃᖅᑲᖁᑎᖓᓂ ᐱᒃᓴᖃᕐᑎᑕᐅᓇᕐᐳᖅ.”

ᐃᔅᑕᐅᑉ ᐊᒡᓚᖏᑦ 10:2

ᐱᔪᓐᓇᕐᓂᖓᑕᓕ ᐊᔪᖏᓐᓂᖓᑕᓗ ᓴᖅᑭᑕᐅᓯᒪᓂᖏᑦ, ᒧᐊᑎᑬᓪᓗ ᐅᐱᒋᔭᐅᓂᖓᑕ, ᐊᖓᔪᖅᑳᕐᔪᐊᑉ ᐱᕕᒃᓴᕐᑖᕐᑎᓚᐅᕐᒪᒍ ᐊᖓᔪᖅᑳᕈᕐᑎᓪᓗᓂᐅᒃ, ᑕᒪᒃᑯᐊᓕᒫᑦ ᑎᑎᕋᕐᑕᐅᓯᒪᕗᑦ ᐊᖓᔪᖅᑳᕐᔪᐊᑦ ᒥᑎᐊᒥ ᐴᕐᓯᐊᒥᓗ ᐱᕙᓪᓕᐊᔪᖁᑎᖏᓐᓂ ᑎᑎᕋᕐᑕᐅᕙᒃᑐᓂ.

ᐃᔅᑕᐅᑉ ᐊᒡᓚᖏᑦ 2:21

ᑍᑦᓱᒪᓂᐅᑎᓪᓗᒍ, ᒧᐊᑎᑬ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ ᐃᒃᓯᕙᑎᓪᓗᒍ, ᐊᖓᔪᖅᑳᕐᔪᐊᑉ ᐱᔨᖏᒃ ᒪᕐᕉᒃ ᐃᒡᔪᐃᕐᑕᐅᓯᒪᔫᒃ, ᐱᒡᑖᓇ ᑎᕆᔅᓗ, ᐊᖓᔪᖅᑳᕐᔪᐊᑉ ᐃᒡᓗᕈᓯᖓᑕ ᐃᑎᕐᑕᕐᕕᐊᓂ ᑲᒪᔨᒃ, ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᓂᓐᖓᒡᓗᑎᒃ ᐊᑭᕋᕐᑐᓕᕐᐴᒃ, ᑐᖁᑦᓱᒪᓕᕐᓗᒍᓗ.

ᐃᔅᑕᐅᑉ ᐊᒡᓚᖏᑦ 2:22

ᒧᐊᑎᑬᓕ ᑕᒪᑐᒥᖓ ᖃᐅᔨᒐᒥ, ᑯᐃᓐ ᐃᔅᑕᕐ ᐅᖃᐅᑎᕚ, ᐃᔅᑕᕐᐅᓪᓗ ᐊᖓᔪᖅᑳᕐᔪᐊᖅ ᑕᒪᑐᒥᖓ ᐅᖃᐅᑎᕚ ᒧᐊᑎᑬᒧᑦ ᖃᐅᔨᑎᑕᐅᓂᕋᕐᓗᓂ.

ᐃᔅᑕᐅᑉ ᐊᒡᓚᖏᑦ 2:23

ᑕᒪᓐᓇᓕ ᖃᐅᔨᓴᕐᑕᐅᓕᕋᒥ, ᓱᓕᓂᖓ ᖃᐅᔨᔭᐅᕗᖅ, ᑖᒃᑯᐊᒡᓗ ᐊᖑᑏᒃ ᕿᒥᑦᓯᕕᖕᒥ ᕿᒥᑕᐅᕘᒃ; ᑕᒪᓐᓇᓗ ᑎᑎᕋᕐᑕᐅᓚᐅᕐᐳᖅ ᐊᖓᔪᖅᑳᕐᔪᐊᑉ ᐱᕙᓪᓕᐊᔪᖁᑎᖏᓐᓂ ᑯᕉᓂᑲᓂ ᐊᖓᔪᖅᑳᕐᔪᐊᖅ ᓇᔫᑎᑎᓪᓗᒍ.

ᐃᔅᑕᐅᑉ ᐊᒡᓚᖏᑦ 5:8

ᐊᖓᔪᖅᑳᕐᔪᐊᖅ ᖁᕕᐊᒋᒍᕕᖓ, ᑐᒃᓯᕋᕈᒪᓂᕋᓗ ᐊᖓᔪᖅᑳᕐᔪᐊᑉ ᖃᓄᐃᒋᖏᑉᐸᒍ ᐱᔪᒪᔭᓐᓂᒡᓗ ᑐᓂᓯᕕᒋᓂᐊᕈᓂᖓ, ᑕᕝᕙ ᐊᖓᔪᖅᑳᕐᔪᐊᖅ ᕼᐂᒪᓂᓗ ᕾᖁᑲᓐᓂᕐᐸᑦᓯᒃ ᓂᕆᕕᒃᔪᐊᒃᓴᓕᐅᕐᓂᐊᕐᑕᓐᓄᑦ ᐃᓕᑦᓯᒃ ᐱᑦᔪᑎᒋᓗᓯᒃ, ᑕᕝᕙ ᖃᐅᒃᐸᑦ ᑕᕝᕗᖓ ᕾᒍᑦᓯᒃ ᐊᖓᔪᖅᑳᕐᔪᐊᑉ ᐅᖃᐅᓯᕆᓯᒪᔭᖓ ᒪᓕᒡᓗᒍ ᐱᔪᒪᔭᓐᓂᒃ ᐅᖃᐅᑎᓛᕐᐸᑦᓯᒃ.”

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᑖᓂᐊᓕᐅᑉ ᐊᒡᓚᖏᑦ 2:1

ᓂᐱᑯᓁᓴ ᐊᖓᔪᖅᑳᕐᔪᐊᖑᓂᕐᒥ ᐊᕐᕌᒍᖓᑕ ᐂᑉᐸᖓᓂ, ᓯᓐᓇᒃᑑᒪᓚᐅᕐᐳᖅ; ᐃᓱᒪᔮᓕᕐᓗᓂ ᓯᓂᔪᐃᑦᑑᓕᕐᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 6:18

ᐊᖓᔪᖅᑳᕐᔪᐊᕐᓗ ᐅᑎᕐᐳᖅ ᐃᒡᓗᒥᓄᑦ ᐅᓐᓄᒡᓗ ᓂᕆᓚᐅᓐᖏᓚᖅ ᑐᓴᕐᓂᕋᕐᑐᓂᒡᓗ ᑐᓵᔪᒪᓇᓂ, ᓯᓂᓚᐅᓐᖏᓚᕐᓘᓐᓃᑦ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᕉᒪᒥᐅᓄᑦ 11:33

ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?