ᐃᔅᑕᐅᑉ ᐊᒡᓚᖏᑦ 4:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᕝᕙ ᒧᐊᑎᑬ ᑕᒪᑐᒥᖓ ᐱᓇᓱᐊᕐᑕᐅᔪᒥᒃ ᖃᐅᔨᒐᒥ, ᐊᓐᓄᕌᓂ ᐊᓕᒃᐰᑦ ᐳᑐᕐᓛᒥᒡᓗ ᐊᑎᓪᓗᓂ ᐃᒻᒥᓂᒃ ᐊᕐᔭᓕᓂᕐᑎᕐᐳᖅ, ᐃᒡᓗᒐᓮᓪᓗ ᕿᑎᖓᓄᐊᕐᓗᓂ, ᓂᐱᖅᑯᕐᑐᓪᓗᓂᓗ ᕿᐊᓕᕐᐳᖅ ᐅᒡᒍᐊᕐᓂᕐᒧᑦ ᓂᐹᔪᐊᓘᓪᓗᓂ;

ᐃᔅᑕᐅᑉ ᐊᒡᓚᖏᑦ 4:1 Iomraidhean Croise

ᒨᓯᓯ ᓯᕗᓪᓖᑦ 27:34

ᐄᓴᓗ ᐊᑖᑕᖓᑕ ᐅᖃᐅᓯᖏᓐᓂᒃ ᑐᓴᕋᒥ, ᐃᓗᐃᓪᓕᕐᓗᓂ ᕿᐊᔪᐊᓘᓕᕐᐳᖅ, ᐊᑖᑕᒥᓄᓪᓗ ᐅᖃᕐᓗᓂ, “ᓮᒻᒪᕐᑎᓚᐅᓐᖓᑦᑕᐅᖅ ᐊᑖᑖᒃ!”

ᒨᓯᓯ ᓯᕗᓪᓖᑦ 37:34

ᑕᕝᕙ ᔧᑰᑉ ᐊᓐᓄᕌᓂ ᐊᓕᒃᐰᑦ, ᖃᓪᓗᓈᕐᑕᒥᒡᓗ ᐳᑐᕐᓛᒥᒃ ᐊᑎᓯᓪᓗᓂ, ᐃᕐᓂᓂᓗ ᕿᒃᓵᒍᑎᒋᕚ ᐅᓪᓗᓂᒃ ᐅᓄᕐᑐᓂᒃ.

ᓴᒧᐃᓕ ᐂᑉᐸᖏᑦ 1:11

ᑕᕝᕙ ᑍᕕᑎᐅᑉ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᐃᓅᖃᑎᓕᒫᖏᓪᓗ ᑍᒤᓚᐅᕆᕗᑦ;

ᓴᒧᐃᓕ ᐂᑉᐸᖏᑦ 13:19

ᑕᒫᕆᓕ ᐃᒻᒥᓂᒃ ᐊᕐᔭᓕᓂᕐᓂᒃ ᑲᑕᒑᑎᕝᕕᒋᓚᐅᕐᐳᖅ ᓂᐊᖁᕐᒥᓄᑦ, ᐅᓕᑯᑖᓂᓗ ᐊᓕᒃᑐᕐᓗᒍ; ᐊᒡᒐᒥᓄᑦ ᑮᓇᓂ ᒪᑐᓯᒪᓚᐅᕐᐹ, ᐊᓂᓚᐅᕐᐳᕐᓗ, ᕿᐊᓪᓗᓂ ᓂᐱᖅᑯᕐᑐᓪᓗᓂ.

ᐃᔅᑕᐅᑉ ᐊᒡᓚᖏᑦ 4:2

ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᑕ ᓴᓂᐊᓄᐊᓚᐅᕐᐳᖅ, ᓇᓪᓕᐊᓪᓘᓐᓃᑦ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᓄᐊᕆᖃᓚᐅᓐᖏᒻᒪᑦ ᐳᑐᕐᓛᓂᒃ ᐊᓐᓄᕌᕐᓯᒪᓗᓂ.

ᐃᔅᑕᐅᑉ ᐊᒡᓚᖏᑦ 4:3

ᓄᓇᓕᓕᒫᓂ ᐊᕕᒃᑐᕐᓯᒪᔪᓂ ᐊᖓᔪᖅᑳᕐᔪᐊᑉ ᐱᖁᔭᓕᐊᕆᔭᖓᓄᑦ ᑎᑭᑕᐅᔪᑦ, ᔫᑎᑦ ᕿᒃᓵᒻᒪᕆᒃᓗᑎᒃ ᕿᐊᓚᐅᕐᐳᑦ, ᓂᕆᑦᑍᓕᓪᓗᑎᒃ, ᖁᕝᕕᐅᕐᓗᑎᒡᓗ, ᐅᒡᒍᐊᕐᓂᕐᒧᑦ; ᐅᓄᕐᑐᓪᓗ ᐳᑐᕐᓛᓂᒃ ᐊᓐᓄᕌᕐᓯᒪᕗᖅ ᐊᕐᔭᓕᓂᕐᑎᕐᓯᒪᓪᓗᑎᒡᓗ.

ᔫᐱᐅᑉ ᐊᒡᓚᖏᑦ 1:20

ᔫᐱᓗ ᓂᑯᕕᓐᓇᒥ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᓂᐊᖁᓂᓗ ᓄᔧᔭᕐᐹ, ᒪᓂᖅᑲᒧᓪᓗ ᐹᒻᒪᒃᓗᓂ ᑐᒃᓯᐊᕐᐳᖅ.

ᔫᐱᐅᑉ ᐊᒡᓚᖏᑦ 2:8

ᑕᕝᕙ ᔫᐱ ᒪᕐᕋᕕᓂᕐᓂᒃ ᐃᒋᑦᓯᕕᖕᒧᑦ ᐃᖏᑦᓴᕐᑐᕐᐳᖅ ᑕᕝᕙᓂᓗ ᓯᖁᒥᓯᒪᔪᒥᒃ ᐱᓪᓗᓂ ᐊᔪᐊᓂ ᑖᑦᓱᒧᖓ ᑭᓕᐅᕐᑐᓕᕐᐰᑦ.

ᔫᐱᐅᑉ ᐊᒡᓚᖏᑦ 42:6

ᑍᒤᒻᒪᑦ ᑲᓐᖑᓱᓕᕐᐳᖓ ᐸᓯᔭᒃᓴᐅᓕᕐᓗᖓᓗ, ᖃᕿᐊᓕᕐᓗᖓᓗ ᐳᔪᕋᒥᑎᕐᓂᐊᕐᐳᖓ ᐊᕐᔭᓕᓂᕐᑎᕐᓗᖓᓗ.”

ᐂᓮᐊᓯᐅᑉ ᐊᒡᓚᖏᑦ 15:4

ᕼᐃᓴᐸᓂᒥᐅᑦ ᐃᓕᐊᓚᒥᐅᓪᓗ ᓂᐱᖅᑯᕐᑐᓪᓗᑎᒃ ᕿᐊᖕᒪᑕ, ᕿᐊᓂᖏᑦ ᐊᒡᓛᑦ ᑐᓴᕐᓴᐅᕗᑦ ᔧᕼᐊᓯᒃᑯᓐᓄᑦ; ᐊᒡᓛᓪᓗ ᐅᓇᑕᕐᑐᒃᓮᑦ ᒧᐊᐱᒥᐅᑦ ᕿᐊᓕᕆᕗᑦ ᓂᐱᖃᕐᓗᑎᒃ; ᑕᕐᓂᖏᑦ ᓴᔪᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 22:4

ᑍᒤᒻᒪᑦ ᐃᒫᒃ ᐅᖃᓚᐅᕐᐳᖓ: “ᐊᓚᕆᑦᓯ ᐅᕙᓐᓂᒃ, ᐃᓱᒪᕐᓱᕐᓗᖓ ᕿᐊᓚᖓ; ᓮᒻᒪᕐᓴᕐᑕᐅᓇᓱᐊᕈᒪᓐᖏᓚᖓ ᐃᓅᖃᑎᒃᑲ ᑐᖁᑕᐅᓚᐅᕐᑐᑦ ᐱᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 37:1

ᐊᖓᔪᖅᑳᕐᔪᐊᖅ ᕼᐃᓯᑬᐊ ᑐᓴᕋᒥ, ᐊᓐᓄᕌᓂ ᐊᓕᒃᐰᑦ ᕿᒃᓵᒃᑐᕐᓯᐅᑎᒥᒃ ᐃᒃᐱᐊᕐᔪᒐᔭᐅᔮᕐᑐᒥᒃ ᐊᑎᓪᓗᓂ, ᐊᑕᓂᐅᓪᓗ ᐃᒡᓗᖓᓄᑦ ᐂᕗᖅ.

ᐂᓮᐊᓯᐅᑉ ᐊᒡᓚᖏᑦ 37:2

ᑎᓕᓯᓪᓗᓂᓗ ᐃᓔᐊᑭᒻᒥᒃ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨᒻᒪᕆᐅᔪᒥᒃ, ᓯᑉᓇᒥᒡᓗ ᑎᑎᕋᕐᑎᐅᔪᒥᒃ, ᑐᓂᕐᕈᓯᕐᑎᑦᓯᔩᓪᓗ ᓯᕗᓕᕐᑎᖏᓐᓂᒃ, ᑖᒃᑯᐊᓗ ᕿᒃᓵᒃᑐᕐᓯᐅᑎᒥᒃ ᐃᒃᐱᐊᕐᔪᒐᔭᐅᔮᕐᑐᒥᒃ ᐊᓐᓄᕌᕐᓯᒪᓪᓗᑎᒃ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐂᓮᐊᓯᒧᑦ ᐂᒨᓯᐅᑉ ᐃᕐᓂᖓᓄᑦ ᐂᕗᑦ.

ᐂᓮᐊᓯᐅᑉ ᐊᒡᓚᖏᑦ 58:5

ᑍᒤᑦᑐᒥᒃ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓯᒪᕗᖔ? ᐃᓅᑉ ᐃᒻᒥᓂᒃ ᒥᑭᒡᓕᑎᕐᕕᒃᓴᖓᓂᒃ? ᓂᐊᖁᕐᒧᑦ ᐅᑯᑦᑕᕐᕕᑐᐃᓐᓇᐅᓗᓂ ᐅᕐᐱᒐᕐᑐᑦ ᓂᐅᓐᖓᒃᑕᕐᑐᑎᑐᑦ? ᒪᒥᐊᑦᑐᕐᓯᐅᒻᒥᒃ ᐊᓐᓄᕌᕐᓯᒪᓗᓂ ᐊᕐᔭᓕᓂᕐᓂᒃ ᐃᒃᓯᕙᕕᑐᐃᓐᓇᖅ, ᑕᒪᑦᔮ ᓂᕆᑦᑍᓕᓂᐅᓂᕋᕐᑕᓰ? ᐅᓪᓗᖅ ᓈᒻᒪᒋᔭᐅᔪᖅ ᐊᑕᓂᕐᒧᑦ?

ᐃᓯᑭᐊᓕᐅᑉ ᐊᒡᓚᖏᑦ 21:11

ᓴᕕᒡᔪᐊᖅ ᕿᓪᓚᕆᒃᓴᕐᑕᐅᕗᖅ, ᐊᑐᕐᑕᐅᔪᒫᓕᕋᒥ; ᐃᐱᒃᓴᕐᑕᐅᓕᕐᐳᖅ ᕿᓪᓚᕆᒃᓴᕐᑕᐅᓪᓗᓂᓗ ᑐᖁᕅᔨᐅᑉ ᐊᑐᓛᓕᕐᒪᒍ.

ᐃᓯᑭᐊᓕᐅᑉ ᐊᒡᓚᖏᑦ 21:6

ᑍᒤᒻᒪᑦ ᐊᓂᕐᓴᐅᒥᓗᑎᑦ ᐃᓅᑉ ᐃᕐᓂᖓ; ᐊᓂᕐᓴᐅᒥᒋᑦ ᐆᒻᒪᑎᒃᑯᑦ ᓯᖁᒥᓯᒪᓗᑎᑦ ᕿᒃᓵᒡᕕᒡᔪᐊᕐᓗᑎᓪᓗ ᐃᓄᖕᓄᑦ ᑕᑯᓐᓇᕐᑕᐅᓗᑎᑦ.

ᑖᓂᐊᓕᐅᑉ ᐊᒡᓚᖏᑦ 9:3

ᑍᒤᒻᒪᑦ ᐊᑕᓂᕐᒧᑦ ᒎᑎᒧᑦ ᓵᓚᐅᕐᐳᖓ ᕿᓄᕕᒋᓪᓗᒍᓗ ᑐᒃᓯᐊᕐᕕᒋᕙᕋ, ᓂᕆᑦᑍᓕᓪᓗᖓᓗ, ᐊᓐᓄᕌᕐᓯᒪᓪᓗᖓᓗ ᐃᒃᐱᐊᕐᔪᒐᔭᐅᔮᕐᑐᓂᒃ, ᐊᕐᔭᓕᓂᕐᓃᓪᓗᖓᓗ.

ᒤᑲᐅᑉ ᐊᒡᓚᖏᑦ 1:8

ᑕᒪᓐᓇ ᐱᑦᔪᒋᓗᒍ ᓂᐹᕐᓗᖓ ᕿᐊᔪᒫᕐᐳᖓ, ᐱᓱᒍᒫᕐᐳᖓ ᐊᓐᓄᕌᖃᖏᓪᓗᖓ ᑲᒥᓪᓛᕐᓗᖓᓗ ᐱᓱᒍᒫᕐᐳᖓ ᓂᐹᕐᓗᖓ ᕿᒻᒥᖓᔪᑎᑐᑦ, ᕿᒃᓵᒡᓗᖓᓗ ᑎᖕᒥᐊᕐᔪᐊᑎᑐᑦ ᐋᔅᑐᕆᓯᑎᑐᑦ.

ᔨᐸᓁᐊᐅᑉ ᐊᒡᓚᖏᑦ 1:14

ᐊᑕᓂᐅᑉ ᐅᓪᓗᕐᔪᐊᖓ ᖃᒡᓕᓕᕐᐳᖅ, ᖃᓪᓕᕗᖅ ᑎᑭᑦᓴᐅᑎᒋᓕᕐᓗᓂᓗ; ᐊᑕᓂᐅᑉ ᐅᓪᓗᖓᑕ ᓂᐱᖓ ᖃᓯᓕᓇᕐᐳᖅ, ᑕᕝᕙᓂ ᐊᖑᑏᑦ ᐊᔪᖏᑦᑐᐊᓗᐃᑦ ᓂᐱᓕᐊᓘᔪᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 11:21

“ᑲᑉᐱᐊᓐᓇᒦᒃ ᐃᓕᑦᓯ, ᑯᕋᓯᓐ! ᑲᑉᐱᐊᓐᓇᒦᒡᓗ ᐃᓕᑦᓯ, ᐱᑦᓮᑕ! ᑕᒪᒃᑯᐊ ᑲᒪᓇᕐᑐᓕᓃᑦ ᐃᓕᑦᓯᓐᓂ ᐱᓂᐊᕐᓂᐅᖃᑦᑕᓚᐅᕐᑐᑦ ᐱᓂᐊᕐᓂᐅᖔᓚᐅᕐᐸᑕ ᓄᓇᓂ ᑍᕆᒥ ᓮᑐᓂᒥᓗ, ᐃᓄᖏᑦ ᖃᕿᐊᓕᖅᑲᒻᒥᕋᔭᓚᐅᓐᖏᓚᑦ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᐊᑎᓗᑎᒃ ᐊᕐᔭᓕᓂᕐᓂᒡᓗ ᐃᒻᒥᖕᓄᑦ ᑲᓐᖓᕐᑎᕐᕕᒋᓗᑎᒃ ᐱᒐᔭᓚᐅᕐᐳᑦ!

ᐋᐴᓯᑕᓖᑦ ᐱᓂᐊᕐᓂᖏᑦ 14:14

ᐸᕐᓇᐹᓯᒃᑯᒃ ᐸᐅᓗᓯᒃᑯᒃ ᑕᒪᑐᒥᖓ ᑐᓴᕋᒥᒃ, ᐊᓐᓄᕌᑎᒃ ᐊᓕᒃᐰᑦ, ᑐᐊᕕᕐᓗᑎᒃ ᐃᓄᒋᐊᒃᑐᑦ ᐊᑯᓐᓂᖓᓄᐊᕐᐴᒃ; ᕾᒐᓛᕐᓗᑎᒃ.

ᔮᓱᐊᑉ ᐊᒡᓚᖏᑦ 7:6

ᑕᕝᕙ ᔮᓱᐊ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐊᓐᓄᕌᑎᒃ ᐊᓕᒃᐰᑦ ᕿᒃᓵᖕᓂᕐᒧᑦ, ᐹᒻᒪᒃᐳᓪᓗ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᑕ ᓵᖓᓄᑦ, ᑕᕝᕙᓃᓚᐅᕐᐳᓪᓗ ᐅᓐᓄᒃ ᑎᑭᓪᓗᒍ; ᐊᕐᔭᓕᓂᕐᓂᒡᓗ ᓂᐊᖁᕐᒥᓅᕆᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᕕᒡᔪᐊᕐᓂᕐᒥᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:3

ᓇᓗᓁᕐᓯᔩᒃᑲᒡᓗ ᒪᕐᕉᒃ ᑎᓕᔪᒫᕐᐹᒃᑲᒃ ᐳᑐᕐᓛᓂᒃ ᐊᓐᓄᕌᕐᓯᒪᔫᒃ; ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖁᓪᓗᒋᒃ ᐅᓪᓗᑦ 1,260 ᓈᓗᒋᑦ.”