ᐃᔅᑕᐅᑉ ᐊᒡᓚᖏᑦ 3:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᕝᕙ ᕼᐂᒪᓂ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᐅᖃᕐᐳᖅ, “ᐃᓅᖃᑎᒌᒡᔪᐊᕐᑕᖃᕐᐳᖅ ᓇᓂᑐᐃᓐᓇᖅ ᓯᐊᒻᒪᖓᔪᓂᒃ ᓄᓇᖁᑎᕕᑦ ᐊᕕᒃᑐᕐᓯᒪᓂᖏᓐᓂ ᓄᓇᖃᕐᑐᓂᒃ; ᑖᒃᑯᐊᓗ ᐃᒻᒥᒍᑦ ᐱᖁᔭᖃᕐᓗᑎᒃ ᐊᑦᔨᒋᔭᐅᖏᑦᑐᓂᒃ ᐃᓅᖃᑎᒌᒡᔪᐊᑦ ᐱᖁᔭᖏᓐᓄᑦ, ᐊᖓᔪᖅᑳᕐᔪᐊᓪᓗ ᐱᖁᔭᖏᓐᓂᒃ ᒪᓕᒐᑎᒃ, ᑍᒤᒻᒪᑦ ᑖᒃᑯᐊ ᑍᒤᓕᖓᑐᐃᓐᓇᕐᑎᓐᓂᐊᕈᕕᒋᑦ ᐃᓕᖕᓄᑦ ᓈᒻᒪᑦᔮᓐᖏᓚᑦ.

ᐃᔅᑕᐅᑉ ᐊᒡᓚᖏᑦ 3:8 Iomraidhean Croise

ᐄᓱᕋᐅᑉ ᐊᒡᓚᖏᑦ 4:6

ᐊᖓᔪᖅᑳᕐᔪᐊᖅ ᔨᕆᒃᓯ ᐊᐅᓚᑦᓯᒋᐊᓕᕐᓂᖓᓂᑦ, ᐊᑭᕋᕐᑐᕐᑐᐃᑦ ᐃᓄᖕᓂᒃ ᔫᑕᒥ ᔨᕉᓴᓕᒥᓗ ᓄᓇᖃᕐᑐᓂᒃ ᑎᑎᕋᕐᓯᒪᔪᓂᒃ ᐊᑭᕋᕐᑑᑎᓂᒃ ᓴᖅᑭᑎᑦᓯᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 1:8

ᐃᖅᑬᓚᐅᕆᑦ ᑐᒃᓯᐊᕐᐳᖓ, ᐅᖃᐅᓰᑦ ᐱᖁᔨᑦᔪᑎᒋᓚᐅᕐᑕᑎᑦ ᐱᔨᖕᓄᑦ ᒨᓯᓯᒧᑦ, ᐅᖃᕐᓗᑎᑦ, ‘ᐱᖁᔭᓐᓂᒃ ᒪᓕᖕᓂᐊᖏᒃᑯᑦᓯ, ᓄᓇᓖᑦ ᐊᓯᖏᓐᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ;

ᐃᔅᑕᐅᑉ ᐊᒡᓚᖏᑦ 3:9

ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐱᖁᔭᐅᓕᕐᓂᐊᕐᑐᓂᒃ ᑎᑎᕋᓚᐅᕆᑦ ᑖᒃᑯᐊ ᑐᖁᕋᕐᑕᐅᖁᓪᓗᒋᑦ, ᐊᖓᔪᖅᑳᕐᔪᐊᓪᓗ ᐱᓇᓱᐊᕐᑎᖏᑕ ᐊᖓᔪᖅᑳᖏᑦ ᐊᑭᓕᕐᓂᐊᕐᐸᒃᑲ ᓯᐅᓪᕕᕆᓂᒃ 10,000ᓂᒃ ᐅᖁᒤᓐᓂᕐᓯᐅᑎᕗᑦ ᒪᓕᒡᓗᒋᑦ, ᑖᒃᑯᓇᓐᖓᓪᓗ ᐊᖓᔪᖅᑳᕐᔪᐊᑉ ᑮᓇᐅᔭᖃᐅᑎᖓᓄᑦ ᐃᓕᔭᐅᖁᓪᓗᒋᑦ.”

ᐃᔅᑕᐅᑉ ᐊᒡᓚᖏᑦ 4:1

ᑕᕝᕙ ᒧᐊᑎᑬ ᑕᒪᑐᒥᖓ ᐱᓇᓱᐊᕐᑕᐅᔪᒥᒃ ᖃᐅᔨᒐᒥ, ᐊᓐᓄᕌᓂ ᐊᓕᒃᐰᑦ ᐳᑐᕐᓛᒥᒡᓗ ᐊᑎᓪᓗᓂ ᐃᒻᒥᓂᒃ ᐊᕐᔭᓕᓂᕐᑎᕐᐳᖅ, ᐃᒡᓗᒐᓮᓪᓗ ᕿᑎᖓᓄᐊᕐᓗᓂ, ᓂᐱᖅᑯᕐᑐᓪᓗᓂᓗ ᕿᐊᓕᕐᐳᖅ ᐅᒡᒍᐊᕐᓂᕐᒧᑦ ᓂᐹᔪᐊᓘᓪᓗᓂ;

ᔨᕆᒤᐊᐅᑉ ᐊᒡᓚᖏᑦ 33:24

“ᐃᓄᐃᑦ ᐅᖃᓪᓚᖕᓂᖏᑦ ᖃᐅᔨᒪᕕᒌᑦ? ᐅᖃᕐᒪᑕ, ‘ᐊᑕᓂᐅᑉ ᐊᖓᔪᖅᑲᐅᕕᒃ ᓂᕈᐊᓚᐅᕐᑕᓂ ᐃᓚᒌᒃ ᒪᕐᕉᒃ ᓇᕐᕈᒋᓕᕐᐹᒃ.’ ᑍᒤᒻᒪᑦ ᐃᓄᖁᑎᒃᑲ ᓇᕐᕈᒋᓕᕐᐰᑦ ᐃᓅᖃᑎᒌᒡᔪᐊᖑᔪᓐᓃᕐᓗᑎᒡᓗ ᑖᑦᓱᒪ ᓵᖓᓂ.

ᔨᕆᒤᐊᐅᑉ ᐊᒡᓚᖏᑦ 50:17

“ᐃᓴᕆᐊᓕᒥᐅᑦ ᓰᐱᑎᑐᑦ ᓯᐊᒻᒪᕐᓯᒪᕗᑦ ᓛᔭᓄᑦ ᒪᓕᑲᑕᒃᑕᐅᔪᑎᑐᑦ, ᓯᕗᓪᓕᕐᐹᖑᓪᓗᑎᒃ ᑖᒃᑯᓂᖓ ᑎᒍᓯᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ, ᑭᖑᓪᓕᕐᐹᖑᓪᓗᓂ ᓴᐅᓂᖅᑯᑦᑍᔪᑎᑐᑦ ᑍᒤᑦᑑᓯᒪᕗᖅ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 11:16

“ᑍᒤᒻᒪᑦ ᐅᖃᕆᑦ, ‘ᐊᑕᓂᖅ ᒎᑎ ᐅᖃᕐᐳᖅ: ᐊᐅᓪᓚᕈᑦᔭᐅᑎᓯᒪᒐᓗᐊᕐᐸᒃᑲ ᐅᖓᓯᒃᑐᒧᑦ ᐃᓅᖃᑎᒌᒡᔪᐊᓄᑦ, ᓄᓇᓕᒡᔪᐊᓄᓪᓗ ᓯᐊᒻᒪᕐᑎᓯᒪᓪᓗᒋᑦ, ᓱᓕᓕ ᐃᑦᔪᕐᓁᑦᑐᖁᑎᒋᔭᐅᕗᖓ ᑖᒃᑯᓄᖓ ᓄᓇᓕᒡᔪᐊᓂ ᐂᕕᒋᓯᒪᔭᖏᓐᓃᒐᓗᐊᕐᑎᓪᓗᒋᑦ.’

ᐃᓯᑭᐊᓕᐅᑉ ᐊᒡᓚᖏᑦ 6:8

“ᐊᒥᐊᒃᑯᖃᕐᑎᑦᓱᒫᕐᐸᑦᓯᓕ. ᐃᓚᖏᑦ ᓴᕕᒡᔪᐊᒥᑦ ᐊᓐᓇᒃᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᓂ, ᓯᐊᒻᒪᒃᑎᓪᓗᓯᓗ ᓄᓇᓕᒡᔪᐊᓄᑦ.

ᑖᓂᐊᓕᐅᑉ ᐊᒡᓚᖏᑦ 3:8

ᑍᑦᓱᒪᓂ ᑲᐅᓪᑎᐊᒥᐅᑦ ᓯᓚᑐᔪᖁᑎᖏᑕ ᐃᓚᖏᑦ ᕾᕗᑦ, ᔫᑎᓂᒡᓗ ᐊᑭᕋᕐᑐᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 6:13

ᑖᒃᑯᐊ ᐊᖓᔪᖅᑳᕐᔪᐊᒧᑦ ᐅᖃᓕᕐᐳᑦ, “ᐊᖓᔪᖅᑳᕐᔪᐊᖅ, ᑖᓂᐊᓕ, ᔫᑕᒥᑦ ᑎᒍᔭᐅᓯᒪᔪᑦ ᐃᓚᖓᑦ, ᐃᓕᖕᓂᒃ ᓈᓚᖏᒻᒪᑦ, ᐱᖁᔭᓕᐊᕆᓚᐅᕐᑕᕐᓂᒡᓘᓐᓃᑦ ᒪᓕᖏᒻᒪᑦ; ᓱᓕ ᑐᒃᓯᐊᖃᑦᑕᕐᒪᑦ ᐅᓪᓗᖅ ᐱᖓᓱᐃᕐᓱᕐᓗᒍ.”

ᑖᓂᐊᓕᐅᑉ ᐊᒡᓚᖏᑦ 6:14

ᐊᖓᔪᖅᑳᕐᔪᐊᕐᓕ ᑕᒪᑐᒥᖓ ᑐᓴᕋᒥ ᐃᓱᒪᔮᒻᒪᕆᓕᕐᐳᖅ, ᖃᓄᑐᐃᓐᓇᕐᓗ ᕿᓂᓕᕐᐳᖅ ᑖᓂᐊᓕ ᓴᐳᑎᔪᒪᓪᓗᒍ ᓯᕿᓂᐅᑉ ᓂᐱᓂᖓ ᑎᑭᓪᓗᒍ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 7:14

ᐅᓚᔪᔭᕐᒧᑦ ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ ᐊᑦᔨᒌᖏᑦᑐᓄᑦ, ᑕᑯᓕᒪᓇᖏᑦᑑᓪᓗᑎᒃ ᓄᓇᒋᓐᖏᑕᒥᖕᓂ ᓄᓇᖃᖃᑕᐅᓕᓚᐅᕐᐳᑦ. ᓄᓇ ᕿᒪᒃᑕᖓᑦ ᑐᓐᖓᓇᕈᓐᓁᓚᐅᕐᒪᑦ, ᑕᒪᓐᓇ ᓄᓇᑦᓯᐊᕙᒃ ᓄᓇᒋᔭᐅᔪᓐᓁᓚᐅᕐᐳᖅ ᐃᓄᖃᕈᓐᓁᕐᓗᓂ.”

ᒨᓯᓯ ᓯᑕᒪᖏᑦ 23:9

ᐃᓐᓈᕈᐃᑦ ᖄᖏᓐᓂᑦ ᐅᔭᕋᓱᒃᔪᖕᓂᑦ ᑕᑯᕙᒃᑲ, ᐱᖑᐃᑦ ᖄᖏᓐᓂᑦ ᑕᐅᑐᒃᐸᒃᑲ; ᑖᕙᓂ! ᐃᓄᐃᑦ ᑕᖕᒫᕐᓯᒪᔪᑦ ᐃᓄᑑᓪᓗᑎᒃ, ᐃᓅᖃᑎᒌᒡᔪᐊᓂᒃ ᐊᓯᒥᓂᒃ ᐃᓚᖃᕆᐊᒥᒃ ᐃᓱᒪᓇᑎᒃ.

ᔪᐊᓇᓯᐅᑉ ᐊᒡᓚᖏᑦ 7:35

ᔫᑎᓪᓕ ᐊᖓᔪᖅᑳᖏᑦ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, “ᓇᒧᓐᖓᐅᓂᐊᕋᒥᐅᓇ ᐅᕙᑦᑎᓐᓄᑦ ᓇᓂᔭᐅᔪᓐᓁᓪᓕᓂᐊᕐᓂᕋᕐᐸ? ᐅᓇ ᒍᕇᑭᑦ ᓄᓇᖏᓐᓄᐊᕈᒪᓕᕐᑐᖅ ᒍᕇᑭᓂᒃ ᐊᔪᕆᕐᑐᐃᔭᕐᑐᕈᒪᓪᓗᓃ?

ᐋᐴᓯᑕᓖᑦ ᐱᓂᐊᕐᓂᖏᑦ 24:5

“ᐅᓇ ᐊᖑᑦ ᖃᐅᔨᔭᕗᑦ ᐃᓅᖃᑎᒌᓂᒃ ᓱᕋᒃᑎᕆᔨᐅᖕᒪᑦ, ᔫᑎᓂᒃ ᓇᓂᑐᐃᓐᓇᖅ ᐅᐃᒪᔮᕐᑎᑦᓯᕙᒃᓗᓂ, ᐊᖓᔪᖅᑳᕆᔭᐅᔪᕐᓗ ᓈᓴᕇᑎᒥᐅᓄᑦ ᐅᒃᐱᕐᑐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:22

ᑐᓴᕈᒪᔪᐊᓘᕗᒍᓪᓕ ᐃᓱᒪᒋᔭᕐᓂᒃ; ᖃᐅᔨᒪᒐᑦᑕ ᓇᓂᑐᐃᓐᓇᖅ ᐃᓄᐃᑦ ᐊᑭᕋᕐᑐᖃᑦᑕᕐᒪᑕ ᑕᒪᑐᒧᖓ ᐃᓚᐅᕕᒋᔭᕐᓄᑦ.”

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.

ᒨᓯᓯ ᑕᓪᓕᒪᖏᑦ 32:26

ᐅᖃᕋᔭᓚᐅᕈᒪ, ᐅᖓᓯᒃᑐᒧᑦ ᓯᐊᒻᒪᕐᓕᑦ, ᐳᐃᒍᕐᑕᐅᒐᔭᕐᐳᑦ ᐃᓄᖕᓄᑦ.

ᒨᓯᓯ ᑕᓪᓕᒪᖏᑦ 4:27

ᐊᑕᓂᐅᑉ ᓯᐊᒻᒪᕐᑎᓐᓂᐊᕐᐹᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ, ᐅᓄᖏᑦᑐᓯᒍᓪᓕ ᐊᒥᐊᒃᑰᓂᐊᕐᐳᓯ.

ᔧᒥᓯᐅᑉ ᐊᒡᓚᖏᑦ 1:1

ᔧᒥᓯ, ᒎᑎᐅᑉ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᔨᖓ, ᑭᖑᕚᕇᓄᑦ 12ᓄᑦ ᓯᓚᕐᔪᐊᕐᒥ ᓇᓂᑐᐃᓐᓈᕐᑐᓄᑦ; ᑐᓐᖓᓱᒋᑦᓯ.

ᐲᑦᑐᕉᓯ ᓯᕗᓪᓖᑦ 1:1

ᐲᑦᑐᕉᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖁᑎᖓᓂᑦ, ᐃᓄᖕᓄᑦ ᒎᑎᒧᑦ ᓂᕈᐊᕐᑕᐅᓯᒪᔪᓄᑦ ᕿᒫᓯᒪᓪᓗᑎᒃ ᓯᐊᒻᒪᕐᓯᒪᔪᓄᑦ ᓄᓇᓄᑦ ᐹᓐᑕᓯᒥ, ᒐᓔᑎᐊᒥ, ᑲᐸᑑᓯᐊᒥ, ᐂᓯᐊᒥ, ᐱᑎᓂᐊᒦᑦᑐᓄᓪᓗ.