ᐃᔅᑕᐅᑉ ᐊᒡᓚᖏᑦ 3:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᖓᔪᖅᑳᕐᔪᐊᓪᓗ ᐱᔨᓕᒫᖏᑦ ᐃᒡᓗᖓᓃᑦᑐᑦ ᐊᖓᔪᖅᑳᕐᔪᐊᑉ ᕼᐂᒪᓂᒥᒃ ᐅᐱᒍᓱᖕᓂᕐᒧᑦ ᓰᖅᑯᕐᓗᑎᒃ ᐅᑯᖃᑦᑕᖁᓚᐅᕐᐰᑦ; ᑖᒃᑯᐊᓗ ᑍᒤᓕᐅᕐᐳᑦ, ᒧᐊᑎᑬᓕ ᓰᖅᑯᕐᓗᓂ ᐅᑯᔪᒪᓚᐅᓐᖏᓚᖅ ᐅᐱᒍᓱᒍᒪᓇᓂᓗ ᑖᑦᓱᒥᖓ.

ᐃᔅᑕᐅᑉ ᐊᒡᓚᖏᑦ 3:2 Iomraidhean Croise

ᒨᓯᓯ ᓯᕗᓪᓖᑦ 41:43

ᐊᒃᓴᓗᐊᓕᖁᑎᖓᑕᓗ ᑐᖓᓕᖓᑕ ᐃᑭᒪᕕᖓᓂ ᐃᑭᑎᓪᓗᒍ ᐃᖏᕐᕋᑎᑉᐹ; ᐅᐱᒍᓱᒃᑎᑕᐅᔪᓪᓗ ᓯᕗᓂᖓᓃᑦᑐᑦ ᕾᒐᓛᕐᐳᑦ, “ᑖᑦᓱᒧᖓ ᐅᑯᒋᑦᓯ!” ᑍᒤᓕᐅᕐᓗᓂ ᑕᕝᕙ ᐄᑦᔨᑉᑎᓕᒫᒧᑦ ᐊᐅᓚᑦᓯᔨᕈᕐᑎᓚᐅᕐᐹ.

ᐃᔅᑕᐅᑉ ᐊᒡᓚᖏᑦ 2:19

ᐅᐃᒡᒐᓱᐃᑦ ᐂᑉᐸᖓᓂᒃ ᑲᑎᑕᐅᓕᕐᑎᓪᓗᒋᑦ, ᒧᐊᑎᑬ ᐃᒃᓯᕙᕗᖅ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ.

ᐃᔅᑕᐅᑉ ᐊᒡᓚᖏᑦ 2:21

ᑍᑦᓱᒪᓂᐅᑎᓪᓗᒍ, ᒧᐊᑎᑬ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ ᐃᒃᓯᕙᑎᓪᓗᒍ, ᐊᖓᔪᖅᑳᕐᔪᐊᑉ ᐱᔨᖏᒃ ᒪᕐᕉᒃ ᐃᒡᔪᐃᕐᑕᐅᓯᒪᔫᒃ, ᐱᒡᑖᓇ ᑎᕆᔅᓗ, ᐊᖓᔪᖅᑳᕐᔪᐊᑉ ᐃᒡᓗᕈᓯᖓᑕ ᐃᑎᕐᑕᕐᕕᐊᓂ ᑲᒪᔨᒃ, ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᓂᓐᖓᒡᓗᑎᒃ ᐊᑭᕋᕐᑐᓕᕐᐴᒃ, ᑐᖁᑦᓱᒪᓕᕐᓗᒍᓗ.

ᐃᔅᑕᐅᑉ ᐊᒡᓚᖏᑦ 2:5

ᑕᕝᕙᓂ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᔫᑎᑕᖃᓚᐅᕐᐳᖅ ᒧᐊᑎᑬᒥᒃ ᐊᑎᓕᖕᒥᒃ ᔧᕆᐅᑉ ᐃᕐᓂᖓᓂᒃ; ᐊᑖᑕᑦᓯᐊᖃᕐᓗᓂ ᓯᒥᐂᒥᒃ ᑭᓯᐅᑉ ᐃᕐᓂᖓᓂᒃ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ.

ᐃᔅᑕᐅᑉ ᐊᒡᓚᖏᑦ 3:1

ᑕᒪᒃᑯᐊ ᑭᖑᓂᖓᑦᑎᒍᑦ, ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕈᕐᑎᑦᓯᕗᖅ ᕼᐂᒪᓂᒥᒃ, ᕼᐊᒥᑕᑕᐅᑉ ᐃᕐᓂᖓᓂᒃ ᐊᒐᒊᑎᒥᐅᑕᒥᒃ, ᐊᐅᓚᑦᓯᔨᖁᑎᒥᓄᑦ ᓇᔪᕐᑎᒋᔭᓕᒫᒥᓄᑦ ᐊᖓᔪᖅᑳᕈᕐᑎᓪᓗᓂᐅᒃ.

ᐃᔅᑕᐅᑉ ᐊᒡᓚᖏᑦ 3:3

ᑕᕝᕙ ᐊᖓᔪᖅᑳᕐᔪᐊᑉ ᐱᔨᓕᒫᖏᑦ ᐃᒡᓗᖓᓃᑦᑐᑦ ᒧᐊᑎᑬᒥᒃ ᐊᐱᕆᕗᑦ, “ᓱᖕᒪᑦ ᐊᖓᔪᖅᑳᕐᔪᐊᑉ ᐱᖁᔨᓂᖓᓂᒃ ᓈᓚᓐᖏᓚᑎᑦ?”

ᐃᔅᑕᐅᑉ ᐊᒡᓚᖏᑦ 3:5

ᕼᐂᒪᓂᓕ ᑕᑯᒐᒥ ᒧᐊᑎᑬᑉ ᓰᖅᑯᕐᓗᓂ ᐅᑯᔪᒪᖏᓐᓂᖓᓂᒃ ᐅᐱᒍᓱᒍᒪᖏᓐᓂᖓᓂᒡᓗ, ᐃᓗᒥᒍᑦ ᓂᓐᖓᕕᒡᔪᐊᕐᐳᖅ.

ᐃᔅᑕᐅᑉ ᐊᒡᓚᖏᑦ 5:9

ᕼᐂᒪᓂᓕ ᑕᕝᕙᓐᖓᑦ ᐊᓂᓕᕐᐳᖅ ᖁᕕᐊᓱᒡᓗᓂ ᐆᒻᒪᑎᒥᒍᓪᓗ ᓮᒪᑦᓯᐊᕐᓗᓂ; ᒧᐊᑎᑬᓕ ᑕᑯᒐᒥᐅᒃ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᐊᑕ ᓴᓂᐊᓃᑦᑐᖅ, ᓂᑯᕕᖏᒻᒪᑦ ᐅᑯᖏᒻᒪᓪᓘᓐᓃᑦ ᕼᐂᒪᓂᒧᑦ, ᑕᕝᕙ ᕼᐂᒪᓂ ᒧᐊᑎᑬᒧᑦ ᓂᓐᖓᕕᒡᔪᐊᕐᐳᖅ.

ᐃᓐᖏᕈᑎᑦ 15:4

ᐱᐅᖏᑦᑐᓕᐅᕐᑎᒥᒡᓗ ᖁᕕᐊᒋᔭᖃᖏᑦᑐᖅ, ᐅᐱᒍᓱᒃᑐᖅ ᒎᑎᒥᒃ ᓯᕘᕋᔪᓂᒃ, ᐊᖏᕈᑎᒥᓂᒃ ᑲᔪᓯᑎᑦᓯᕙᒃᑐᖅ, ᐊᓯᑦᔩᕙᒐᓂᓗ ᐃᒻᒥᓄᑦ ᐋᓐᓂᕐᓇᕋᓗᐊᕐᐸᑦ,

ᒨᓯᓯ ᐂᑉᐸᖏᑦ 17:14

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᓐᓇ ᓵᓚᖃᕐᓂᕆᔭᓯ ᑎᑎᕋᓚᐅᕈᒃ, ᐃᖅᑲᐅᒪᔭᐅᔪᓐᓇᖁᓪᓗᒍ. ᔮᓱᐊᓗ ᐅᖃᐅᑎᓂᐊᕐᐸᑦ ᐊᒪᓕᒃᒥᐅᑦ ᓄᖑᑦᓯᐊᕐᑕᐅᖁᒐᒃᑭᑦ ᐊᒥᐊᒃᑯᖃᖏᑦᓯᐊᓕᕐᓗᑎᒃ.”

ᒨᓯᓯ ᐂᑉᐸᖏᑦ 17:16

ᐅᖃᕐᓗᓂ, “ᖁᒻᒧᑦ ᐃᓴᐅᑎᓯᒪᒍᒃ ᐊᑕᓂᐅᑉ ᓇᓗᓁᒃᑯᑕᖓ! ᐊᑕᓂᖅ ᑕᕝᕙ ᐅᓇᑍᓐᓇᕐᓂᐊᕐᐳᖅ ᐊᒪᓕᖕᒥᐅᓂᒃ ᐃᓱᖃᖏᑦᑐᒧᑦ.”

ᑖᓂᐊᓕᐅᑉ ᐊᒡᓚᖏᑦ 2:49

ᑖᓂᐊᓕᐅᓪᓕ ᐱᖁᔨᓂᖓᓄᑦ, ᐊᖓᔪᖅᑳᕐᔪᐊᑉ ᓵᑐᕌᑭ, ᒥᓵᑭᓗ ᐊᐱᓐᑎᒎᓗ, ᑲᒪᔨᓐᖑᕐᑎᐰᑦ ᐹᐱᓘᓂᓕᒫᒧᑦ: ᑖᓂᐊᓕᓕ ᐊᖓᔪᖅᑳᕐᔪᐊᑉ ᐃᒡᓗᖓᓃᖏᓐᓇᓕᕐᐳᖅ.

ᒨᓯᓯ ᑕᓪᓕᒪᖏᑦ 25:19

ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᓄᓇᑖᕐᑎᓯᒪᓕᕐᐸᓯ ᑕᕝᕙᓂᓗ ᐃᓂᓪᓚᑦᓯᐊᕐᓯᒪᓕᕈᑦᓯ ᐊᑭᕋᓕᒫᑦᓯᓐᓂᓪᓗ ᖃᓂᒋᔭᑦᓯᓐᓃᑦᑐᓂᑦ ᐅᐸᒃᑕᐅᓂᐅᓴᔪᓐᓁᕈᑦᓯ, ᐊᒪᓕᖕᒥᐅᑦ ᐊᑕᖏᑦᓯᐊᕐᓗᒋᑦ ᑐᑯᕋᕐᑕᒃᓴᕆᕙᓯ, ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓁᖁᓪᓗᒋᑦ, ᑕᒪᑐᒥᖓ ᐳᐃᒍᕐᑍᓕᒋᑦᓯ!”

ᐱᓕᐱᒥᐅᓄᑦ 2:10

ᔩᓱᓯᐅᑉ ᐊᑎᖓᓂ ᓰᖅᑯᑦ ᑕᒪᕐᒥᒃ ᓰᖅᑯᕐᑐᒃᓴᐅᕗᑦ, ᕿᓚᖕᒦᑦᑐᑦ ᓄᓇᒦᑦᑐᓪᓗ ᓄᓇᐅᑉ ᐊᑖᓃᑦᑐᓪᓗ,

ᓴᒧᐃᓕ ᓯᕗᓪᓖᑦ 15:3

ᒫᓐᓇ ᐅᓇᑕᕆᐊᓕᕆᑦ ᐊᒪᓕᒃᒧᑦ, ᐱᖁᑎᓕᒫᖏᓪᓗ ᐊᓯᕈᕐᓗᒋᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑦᑍᓕᒃᑭᑦ, ᑐᖁᒃᑭᑦ ᐊᖑᑎᑦ ᐊᕐᓁᓪᓗ, ᓱᕈᓰᑦ ᐊᒫᒪᒃᑐᓪᓗ, ᑐᒃᑐᕙᖁᑎᖏᑦ ᓰᐱᖁᑎᖏᓪᓗ, ᑳᒥᓕᖁᑎᖏᑦ ᓯᐅᑎᖅᑯᕐᑐᔪᖁᑎᖏᓪᓗ.’”