ᐃᔅᑕᐅᑉ ᐊᒡᓚᖏᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᒧᐊᑎᑬᓪᓗ ᓇᒃᓴᓚᐅᕐᐹ ᕼᐊᑖᓴ, ᕼᐄᑉᕉᑎᑐᑦ ᑍᒫᒃ ᐊᑎᓕᒃ, ᑖᓐᓇ ᐃᔅᑕᕐ, ᒧᐊᑎᑬᑉ ᐊᒃᑲᖓᑕ ᐸᓂᖓ, ᑖᓐᓇ ᐊᑖᑕᖃᓚᐅᓐᖏᓚᖅ ᐊᓈᓇᖃᕋᓂᓗ; ᐅᐃᒡᒐᓲᓪᓗᓂ ᐃᓂᖁᓇᕐᐳᖅ ᐊᕐᓇᑦᓯᐊᕙᐅᓪᓗᓂᓗ, ᑖᑦᓱᒪ ᐊᑖᑕᖓ ᐊᓈᓇᖓᓗ ᑐᖁᖕᒪᑎᒃ, ᒧᐊᑎᑬᑉ ᑎᒍᐊᕐᑖᕆᓚᐅᕐᐹ ᓇᖕᒥᓂᖅ ᐸᓂᖕᒥᑐᑦ ᐱᓕᕐᓗᓂᐅᒃ.

ᐃᔅᑕᐅᑉ ᐊᒡᓚᖏᑦ 2:7 Iomraidhean Croise

ᒨᓯᓯ ᓯᕗᓪᓖᑦ 48:5

“ᒫᓐᓇᓗ ᐃᕐᓃᒃᑭᒃ ᒪᕐᕉᒃ, ᐄᑦᔨᑉᑎᐅᑉ ᓄᓇᖓᓂ ᐃᕐᓂᕐᑖᕆᓚᐅᕐᑖᒃᑭᑦ ᑕᒪᐅᓐᖓᓚᐅᕐᑎᓐᓇᖓ, ᓇᖕᒥᓂᕆᓕᕐᐹᒃᑲᒃ; ᐃᕗᕅᒥ ᒫᓇᓯᓗ ᓇᖕᒥᓂᕆᓂᐊᓕᕐᐹᒃᑲᒃ, ᕉᐱᓂᑐᑦ ᓯᒥᐅᓂᑐᓪᓗ.

ᐃᔅᑕᐅᑉ ᐊᒡᓚᖏᑦ 1:11

ᐂᒃᓯᖁᓪᓗᒋᑦ ᑯᐃᓐ ᕚᔅᑎᒥᒃ ᐊᖓᔪᖅᑳᕐᔪᐊᕐᒧᑦ ᐂᑎᑕᐅᖁᓪᓗᒍ, ᑯᐃᒃᓯᐅᑎᒥᓂᒃ ᓂᐊᖂᓯᕐᓯᒪᓗᓂ, ᑖᑦᓱᒪ ᐊᕐᓇᑦᓯᐊᕙᐅᓂᖓ ᑕᑯᔭᐅᑎᑦᓱᒪᓪᓗᓂᐅᒃ ᐃᓄᖕᓄᑦ ᐊᖓᔪᖅᑳᓄᓪᓗ, ᑯᐃᓐ ᕚᔅᑎ ᐊᕐᓇᑦᓯᐊᕙᓪᓚᕆᐅᖕᒪᑦ.

ᐃᔅᑕᐅᑉ ᐊᒡᓚᖏᑦ 2:15

ᐃᔅᑕᕐᐅᓪᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᕕᒃᓴᖓ ᓇᓪᓕᐅᑎᖕᒪᑦ, ᑖᓐᓇ ᐊᐱᕼᐂᓕᐅᑉ ᒧᐊᑎᑬᑉ ᐊᒃᑲᖓᑕ ᐸᓂᖓ ᒧᐊᑎᑬᑉ ᑎᒍᐊᕐᑖᕆᓯᒪᓕᕐᑕᖓ ᐸᓂᖕᒥᑐᑦ ᐱᓕᕐᓗᓂᐅᒃ, ᓱᓇᒥᒃ ᑐᒃᓯᕋᓚᐅᓐᖏᓚᖅ ᕼᐃᒊᓪᓕ ᐊᖓᔪᖅᑳᕐᔪᐊᑉ ᐱᔨᖓᑕ ᐃᒡᔪᐃᕐᑕᐅᓯᒪᔫᑉ, ᐊᕐᓇᓂᒃ ᑲᒪᔨᒋᔭᐅᔫᑉ ᐊᑐᖁᔭᖏᓐᓂᒃ ᑭᓯᐊᓂ ᐊᑐᓚᐅᕐᐳᖅ. ᐃᔅᑕᕐᓗ ᑕᑯᔪᓕᒫᓄᑦ ᑖᑦᓱᒥᖓ ᖁᕕᐊᒋᔭᐅᓚᐅᕐᐳᖅ.

ᐃᔅᑕᐅᑉ ᐊᒡᓚᖏᑦ 2:20

ᐃᔅᑕᕐᓕ ᖃᐅᔨᔭᐅᑎᑦᓯᓚᐅᓐᖏᓚᖅ ᐃᓚᒥᓂᒃ ᐃᓅᖃᑎᒥᓂᒡᓗ, ᒧᐊᑎᑬᑉ ᖃᐅᔨᔭᐅᑎᑦᓯᖁᔨᖏᓐᓂᖓ ᒪᓕᒡᓗᓂᐅᒃ, ᐃᔅᑕᕐ ᒧᐊᑎᑬᑉ ᐱᖁᔨᓂᖓᓂᒃ ᓈᓚᓚᐅᕐᐳᖅ, ᑍᒪᓐᖓᑦ ᐱᕈᕐᓴᓂᕐᒥᓂᑦ ᓈᓔᓐᓇᕋᒥᐅᒃ.

ᐃᔅᑕᐅᑉ ᐊᒡᓚᖏᑦ 8:1

ᐅᓪᓗᒥ ᑕᕝᕙᓂ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᑯᐃᓐ ᐃᔅᑕᕐ ᕼᐂᒪᓂᐅᑉ ᔫᑎᑦ ᐊᑭᕋᕐᑐᕐᑎᖓᑦᑕ, ᐱᖁᑎᓕᒫᖏᓐᓂᒃ ᑐᓂᓯᕕᒋᕚ. ᒧᐊᑎᑬᓗ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᐃᑎᕐᑎᑕᐅᕗᖅ, ᐃᔅᑕᐅᑉ ᐅᖃᐅᓯᕆᓚᐅᕐᒪᒍ ᓱᓇᒋᖕᒪᖔᕐᒥᐅᒃ.

ᔫᐱᐅᑉ ᐊᒡᓚᖏᑦ 31:17

ᐅᕝᕙᓗ ᓂᕆᔪᑑᓚᐅᕐᓯᒪᓐᓂᕈᒪ ᐃᓄᑑᓗᖓ, ᐃᓕᐊᕐᔪᐃᑦ ᓂᕆᔭᒃᓴᖃᕐᑎᓐᓇᒋᑦ

ᔫᐱᐅᑉ ᐊᒡᓚᖏᑦ 31:18

ᐃᓅᓱᒃᑑᓂᓐᓂᑦ ᐊᑖᑕᑦᑐᑦ ᐱᖃᑦᑕᕐᓯᒪᕙᒃᑲ; ᐊᓈᓇᖓᑕ ᐃᒡᓕᐊᖓᓃᑎᓪᓗᒋᑦ ᓱᓕ ᑲᒪᒋᑦᓯᐊᕈᒪᓯᒪᕙᒃᑲ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:18

ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ, ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ, ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”

ᐃᐱᓯᒥᐅᓄᑦ 6:4

ᐃᓕᑦᓯ ᐊᑖᑕᐅᔪᓯ, ᕿᑐᕐᖓᓯ ᓂᓐᖓᒃᓴᕐᓂᐊᕐᓇᒋᑦ, ᐋᖅᑭᒃᓱᕋᓱᐊᕐᓯᒋᒡᓕ ᐱᕈᕐᐸᓪᓕᐊᑎᓪᓗᒋᑦ ᖃᐅᑦᔨᑎᖃᑦᓯᐊᖁᓪᓗᒋᑦ ᐃᓕᓯᒪᑦᓯᐊᕐᓇᕐᑐᓂᒃ ᐊᑕᓂᐅᑉ ᐊᔪᕆᕐᑑᓯᖏᓐᓂᒃ.

ᔪᐊᓇᓯ ᓯᕗᓪᓖᑦ 3:1

ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ.