ᐃᔅᑕᐅᑉ ᐊᒡᓚᖏᑦ 2:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑍᑦᓱᒪᓂᐅᑎᓪᓗᒍ, ᒧᐊᑎᑬ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ ᐃᒃᓯᕙᑎᓪᓗᒍ, ᐊᖓᔪᖅᑳᕐᔪᐊᑉ ᐱᔨᖏᒃ ᒪᕐᕉᒃ ᐃᒡᔪᐃᕐᑕᐅᓯᒪᔫᒃ, ᐱᒡᑖᓇ ᑎᕆᔅᓗ, ᐊᖓᔪᖅᑳᕐᔪᐊᑉ ᐃᒡᓗᕈᓯᖓᑕ ᐃᑎᕐᑕᕐᕕᐊᓂ ᑲᒪᔨᒃ, ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᓂᓐᖓᒡᓗᑎᒃ ᐊᑭᕋᕐᑐᓕᕐᐴᒃ, ᑐᖁᑦᓱᒪᓕᕐᓗᒍᓗ.

ᐃᔅᑕᐅᑉ ᐊᒡᓚᖏᑦ 2:21 Iomraidhean Croise

ᓴᒧᐃᓕ ᐂᑉᐸᖏᑦ 16:11

ᑍᕕᑎᓗ ᐅᖃᕐᐳᖅ ᐊᐱᓮᒧᑦ ᐊᖓᔪᖅᑳᖁᑎᖏᓐᓄᓪᓗ, “ᓇᖕᒥᓂᖅ ᐃᕐᓂᕐᒪ ᑐᖁᓐᓇᓱᐊᕐᐹᖓ; ᖃᓄᐃᒻᒪᑦ ᑲᒪᓇᓱᐊᕐᐲᑦ ᑖᑦᓱᒥᖓ ᐱᓐᔭᒥᓂᒃᑯᓐᓂᒥᐅᑕᕐᒥᒃ? ᐊᑕᓂᐅᑉ ᓇᕐᕈᓇᕐᓯᑎᑦᓯᖁᒃᐸᒍ ᑲᒪᒋᔭᐅᔭᕆᐊᖃᓐᖏᓚᖅ.

ᐊᑕᓃᑦ ᓯᕗᓪᓖᑦ 16:9

ᑖᑦᓱᒪᓕ ᐱᔨᖓ ᔨᒻᕆ, ᐊᖓᔪᖅᑳᖑᔪᖅ ᕿᒧᒃᓯᐅᑏᑦ ᐊᒃᓴᓗᐊᓕᖁᑎᖏᑕ ᐊᕝᕙᖏᓐᓄᑦ, ᐊᑭᕋᕐᑐᓕᕐᐳᖅ ᑖᑦᓱᒥᖓ. ᑎᕐᔭᒦᓪᓗᓂ, ᐃᒥᕋᒥ ᐋᖓᔮᓕᕐᐳᖅ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᑲᒪᔨᐅᔪᑦ ᐊᖓᔪᖅᑳᖓᑦᑕ ᐋᕐᓴᐅᑉ ᐃᒡᓗᖓᓂ.

ᐊᑕᓃᑦ ᐂᑉᐸᖏᑦ 12:20

ᔪᐊᓯᐅᑉ ᐊᖓᔪᖅᑳᖁᑎᖏᑕ ᐊᑭᕋᕐᑐᓕᕋᒥᑦᔪᒃ ᑐᖁᑕᐅᑎᓚᐅᕐᐹᑦ ᓄᓇᒥ ᐱᐊᓯ ᒥᓗᒥ, ᓮᓚᒧᓐᖓᐅᒋᐊᑉ ᐊᖅᑯᑎᖓᓃᑦᑐᒥ.

ᐊᑕᓃᑦ ᐂᑉᐸᖏᑦ 21:23

ᐋᒪᓐ ᐊᖓᔪᖅᑳᑯᑎᖏᑕ ᐃᓄᐊᕈᒪᓪᓗᒍ ᐃᓱᒪᒌᓐᓇᓕᕋᒥᑦᔪᒃ, ᑐᖁᑕᐅᑎᑉᐹᑦ ᐊᖓᔪᖅᑳᕐᔪᐊᑉ ᐃᒡᓗᖓᓂ.

ᐄᓱᕋᐅᑉ ᐊᒡᓚᖏᑦ 4:6

ᐊᖓᔪᖅᑳᕐᔪᐊᖅ ᔨᕆᒃᓯ ᐊᐅᓚᑦᓯᒋᐊᓕᕐᓂᖓᓂᑦ, ᐊᑭᕋᕐᑐᕐᑐᐃᑦ ᐃᓄᖕᓂᒃ ᔫᑕᒥ ᔨᕉᓴᓕᒥᓗ ᓄᓇᖃᕐᑐᓂᒃ ᑎᑎᕋᕐᓯᒪᔪᓂᒃ ᐊᑭᕋᕐᑑᑎᓂᒃ ᓴᖅᑭᑎᑦᓯᓚᐅᕐᐳᑦ.

ᐃᔅᑕᐅᑉ ᐊᒡᓚᖏᑦ 2:19

ᐅᐃᒡᒐᓱᐃᑦ ᐂᑉᐸᖓᓂᒃ ᑲᑎᑕᐅᓕᕐᑎᓪᓗᒋᑦ, ᒧᐊᑎᑬ ᐃᒃᓯᕙᕗᖅ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ.

ᐃᔅᑕᐅᑉ ᐊᒡᓚᖏᑦ 6:1

ᑕᒪᑐᒪᓂᓕ ᐅᓐᓄᐊᒥ ᐊᖓᔪᖅᑳᕐᔪᐊᖅ ᓯᓂᒍᓐᓁᓪᓕᕗᖅ; ᑕᕝᕙ ᑎᓕᓯᕗᖅ ᐊᖓᔪᖅᑳᕐᔪᐊᑉ ᐱᕙᓪᓕᐊᔪᖁᑎᖏᓐᓂ ᑎᑎᕋᕐᓯᒪᔪᑦ ᑕᕝᕗᓐᖓᕐᑕᐅᓗᑎᒃ ᐊᑐᐊᕐᑕᐅᖁᓪᓗᒋᑦ; ᑕᕝᕙ ᐊᑐᐊᕐᑕᐅᓕᕐᐳᑦ ᐊᖓᔪᖅᑳᕐᔪᐊᕐᒧᑦ.

ᐃᔅᑕᐅᑉ ᐊᒡᓚᖏᑦ 6:2

ᑕᕝᕙᓂᓗ ᑎᑎᕋᕐᓯᒪᔪᓂᒃ ᓇᓂᓯᔪᖃᕐᐳᖅ ᒧᐊᑎᑬᑉ ᐅᖃᐅᓯᖃᕐᓂᕆᓚᐅᕐᑕᖓᓂᒃ ᐊᖓᔪᖅᑳᕐᔪᐊᑉ ᐃᒡᓗᒥᓂ ᐱᔨᒋᔭᖏᒃ, ᐱᒡᑖᓇ ᑎᕆᔅᓗ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᐃᑎᕐᑕᕐᕕᖕᒥ ᑲᒪᔨᐅᕙᒃᑑᒃ, ᐊᖓᔪᖅᑳᕐᔪᐊᕐᒥᒃ ᐊᕼᐊᓱᐃᕋᔅᒥᒃ ᑐᖁᑦᓯᔪᒪᓚᐅᕐᓂᖏᖕᓂᒃ.

ᐃᓐᖏᕈᑎᑦ 144:10

ᐊᖓᔪᖅᑳᕐᔪᐊᓄᑦ ᐱᐅᓕᔭᐅᓂᕐᒥᒃ ᑐᓂᓯᒐᕕᑦ, ᐱᔨᒥᓂᒃ ᑍᕕᑎᒥᒃ ᓴᐳᑦᔨᔪᖅ ᓴᕕᒡᔪᐊᒥᑦ ᑐᖁᓐᓇᕐᑐᒥᑦ.

ᑖᓂᐊᓕᐅᑉ ᐊᒡᓚᖏᑦ 2:49

ᑖᓂᐊᓕᐅᓪᓕ ᐱᖁᔨᓂᖓᓄᑦ, ᐊᖓᔪᖅᑳᕐᔪᐊᑉ ᓵᑐᕌᑭ, ᒥᓵᑭᓗ ᐊᐱᓐᑎᒎᓗ, ᑲᒪᔨᓐᖑᕐᑎᐰᑦ ᐹᐱᓘᓂᓕᒫᒧᑦ: ᑖᓂᐊᓕᓕ ᐊᖓᔪᖅᑳᕐᔪᐊᑉ ᐃᒡᓗᖓᓃᖏᓐᓇᓕᕐᐳᖅ.