ᐃᔅᑕᐅᑉ ᐊᒡᓚᖏᑦ 2:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙ ᐃᔅᑕᕐ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᐂᑎᑕᐅᕗᖅ, ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑕᖅᑮᑦ 10ᖓᓐᓂ, ᑎᐲᓯᒥᒃ ᑍᔭᐅᔪᒥ, ᐊᖓᔪᖅᑳᕐᔪᐊᑉ ᐊᖓᔪᖅᑳᖑᓂᖓᑕ 7ᒋᓕᕐᑕᖓᓂ.

ᐃᔅᑕᐅᑉ ᐊᒡᓚᖏᑦ 2:16 Iomraidhean Croise

ᐄᓱᕋᐅᑉ ᐊᒡᓚᖏᑦ 4:6

ᐊᖓᔪᖅᑳᕐᔪᐊᖅ ᔨᕆᒃᓯ ᐊᐅᓚᑦᓯᒋᐊᓕᕐᓂᖓᓂᑦ, ᐊᑭᕋᕐᑐᕐᑐᐃᑦ ᐃᓄᖕᓂᒃ ᔫᑕᒥ ᔨᕉᓴᓕᒥᓗ ᓄᓇᖃᕐᑐᓂᒃ ᑎᑎᕋᕐᓯᒪᔪᓂᒃ ᐊᑭᕋᕐᑑᑎᓂᒃ ᓴᖅᑭᑎᑦᓯᓚᐅᕐᐳᑦ.

ᐄᓱᕋᐅᑉ ᐊᒡᓚᖏᑦ 7:8

ᐅᓪᓘᑉ ᓯᕗᓪᓕᕐᐹᖓᓂ ᑕᖅᑭᐅᑉ ᑕᓪᓕᒪᖓᓐᓂ, ᐊᖓᔪᖅᑳᕐᔪᐊᑉ ᐊᐅᓚᑦᓯᓂᖓᑕ ᐊᕐᕌᒍᖏᑕ 7ᖓᓂ.

ᐃᔅᑕᐅᑉ ᐊᒡᓚᖏᑦ 2:1

ᑕᒪᒃᑯᐊ ᑭᖑᓂᖓᑦᑎᒍᑦ, ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᓂᓐᖓᐅᒪᔪᓐᓃᕋᒥ, ᐃᖅᑲᐅᒪᓕᓚᐅᕐᐳᖅ ᕚᔅᑎᒥᒃ, ᖃᓄᐃᓕᐅᓚᐅᕐᓂᖓᓂᒡᓗ, ᐱᖁᔨᑦᔪᑎᓕᐅᓚᐅᕐᓂᕐᒥᓂᒡᓗ ᑎᑎᕋᕐᑎᑦᓯᓪᓗᓂ ᑖᑦᓱᒥᖓ ᓈᒻᒪᒃᓴᓐᖏᐅᑎᒥᓂᒃ.

ᐃᔅᑕᐅᑉ ᐊᒡᓚᖏᑦ 2:15

ᐃᔅᑕᕐᐅᓪᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᕕᒃᓴᖓ ᓇᓪᓕᐅᑎᖕᒪᑦ, ᑖᓐᓇ ᐊᐱᕼᐂᓕᐅᑉ ᒧᐊᑎᑬᑉ ᐊᒃᑲᖓᑕ ᐸᓂᖓ ᒧᐊᑎᑬᑉ ᑎᒍᐊᕐᑖᕆᓯᒪᓕᕐᑕᖓ ᐸᓂᖕᒥᑐᑦ ᐱᓕᕐᓗᓂᐅᒃ, ᓱᓇᒥᒃ ᑐᒃᓯᕋᓚᐅᓐᖏᓚᖅ ᕼᐃᒊᓪᓕ ᐊᖓᔪᖅᑳᕐᔪᐊᑉ ᐱᔨᖓᑕ ᐃᒡᔪᐃᕐᑕᐅᓯᒪᔫᑉ, ᐊᕐᓇᓂᒃ ᑲᒪᔨᒋᔭᐅᔫᑉ ᐊᑐᖁᔭᖏᓐᓂᒃ ᑭᓯᐊᓂ ᐊᑐᓚᐅᕐᐳᖅ. ᐃᔅᑕᕐᓗ ᑕᑯᔪᓕᒫᓄᑦ ᑖᑦᓱᒥᖓ ᖁᕕᐊᒋᔭᐅᓚᐅᕐᐳᖅ.

ᐃᔅᑕᐅᑉ ᐊᒡᓚᖏᑦ 2:17

ᐊᖓᔪᖅᑳᕐᔪᐊᓪᓗ ᐃᔅᑕᕐ ᓇᒡᓕᒋᓂᕐᐹᕆᓕᕐᐹ ᐊᕐᓇᓕᒫᓂᑦ, ᖁᕕᐊᒋᓪᓗᒍᓗ ᐱᐅᒋᓂᕐᓴᕆᓕᕐᐹ ᐅᐃᒡᒐᓲᖃᑎᓕᒫᖏᓐᓂᑦ; ᑕᕝᕙ ᑯᐃᑉ ᓂᐊᖂᑎᖓᓂᒃ ᐊᑎᑎᑉᐹ ᑯᐃᓐᖑᕐᑎᓪᓗᒍᓗ ᐃᓇᖐᑎᑉᐹ ᕚᔅᑎᒥᒃ.

ᐃᔅᑕᐅᑉ ᐊᒡᓚᖏᑦ 2:3

ᓄᓇᓕᖁᑎᖕᓃᑦᑐᓂᒃ ᐊᑐᓂᑦ ᑲᒪᔨᐅᓂᐊᕐᑐᓂᒃ ᑎᓕᓯᓗᑎᑦ, ᑖᒃᑯᐊ ᐊᕐᓇᑦᓯᐊᕙᖕᓂᒃ ᐅᐃᖃᓚᐅᕐᓯᒪᖏᑦᑐᓂᒃ ᑲᑎᑦᓯᓗᑎᒃ ᐅᕗᖓ ᓇᔪᕐᑕᕐᓄᐊᕈᑦᔨᖁᓪᓗᒋᑦ ᐊᖓᔪᖅᑳᕐᔪᐊᒃᑯᕕᖕᒧᑦ ᓄᓇᒧᑦ ᓲᓴᒧᑦ, ᐊᕐᓇᒃᑯᕕᖕᒧᐊᕐᑕᐅᓗᑎᒃ, ᑲᒪᒋᔭᐅᖁᓪᓗᒋᑦ ᐱᔨᖕᓄᑦ ᕼᐃᒊᒧᑦ ᐃᒡᔪᐃᕐᑕᐅᓯᒪᔪᒧᑦ ᐊᕐᓇᓂᒃ ᑲᒪᔨᐅᕙᒃᑐᒧᑦ; ᑕᕝᕙᓂ ᐱᐅᓴᕐᑕᐅᑦᓯᐊᕈᓐᓇᖁᓪᓗᒋᑦ ᐅᐸᓗᖎᔭᕐᑕᐅᓗᑎᒃ.

ᐃᔅᑕᐅᑉ ᐊᒡᓚᖏᑦ 8:9

ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᕗᑦ, ᐅᓪᓗᖅ 23ᖑᑎᓪᓗᒍ, ᑕᖅᑮᑦ ᐱᖓᔪᒋᓕᕐᑕᖓᓂ, ᓯᕚᓐᒥᒃ ᐊᑎᓕᖕᒥ; ᑎᑎᕋᕐᑕᐅᓚᐅᕐᐳᓪᓗ, ᒧᐊᑎᑬᑉ ᐱᖁᔨᓂᖓ ᒪᓕᒡᓗᒍ ᔫᑎᓄᑦ, ᑐᕌᕐᑎᑕᐅᓪᓗᑎᒃ ᓄᓇᓕᖕᓂ ᐊᐅᓚᑦᓯᔨᓄᑦ, ᐊᖓᔪᖅᑳᒻᒪᕆᖕᓄᑦ, ᓄᓁᓪᓗ ᐊᕕᒃᑐᕐᓯᒪᓂᖏᓐᓂ ᐊᖓᔪᖅᑳᖏᓐᓄᑦ ᓄᓇᒥᒃ ᐃᓐᑎᐊᒥᑦ ᐃᑎᐅᐱᐊ ᑎᑭᓪᓗᒍ, ᓄᓇᓖᑦ ᐊᕕᒃᑐᕐᓯᒪᔪᑦ ᑲᑎᓪᓗᒋᑦ 127ᓄᑦ, ᓄᓇᓕᖕᓂ ᐊᕕᒃᑐᕐᓯᒪᔪᓂ ᑎᑎᕋᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᐃᓄᖏᑕᓗ ᐅᖃᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᔫᑏᓪᓗ ᑎᑎᕋᐅᓯᖏᑦ ᐅᖃᐅᓯᖏᓪᓗ ᒪᓕᒡᓗᒋᑦ.