ᐃᔅᑕᐅᑉ ᐊᒡᓚᖏᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕐᔪᐊᖑᕕᖕᒥᓂ ᐃᒃᓯᕙᐅᑕᕐᔪᐊᖃᓚᐅᕐᐳᖅ, ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ.

ᐃᔅᑕᐅᑉ ᐊᒡᓚᖏᑦ 1:2 Iomraidhean Croise

ᓴᒧᐃᓕ ᐂᑉᐸᖏᑦ 7:1

ᐊᖓᔪᖅᑳᕐᔪᐊᖅ ᑍᕕᑎ ᐃᓂᖃᓕᓚᐅᕐᐳᖅ ᐊᖓᔪᖅᑳᕐᔪᐊᑉ ᐃᒡᓗᖓᓂ, ᐊᑕᓂᐅᓪᓗ ᓴᐳᑎᓯᒪᓚᐅᕐᐹ ᐊᑭᕋᓕᒫᖏᓐᓂᑦ ᖃᓂᒋᔭᖓᓃᑦᑐᓂᑦ,

ᐊᑕᓃᑦ ᓯᕗᓪᓖᑦ 1:46

ᓲᓗᒨᓂ ᒫᓐᓇ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᓕᕐᐳᖅ.

ᓂᕼᐃᒤᐊᐅᑉ ᐊᒡᓚᖏᑦ 1:1

ᐅᑯᐊ ᓂᕼᐃᒤᐊᐅᑉ ᐅᖃᐅᓯᕆᓚᐅᕐᐰᑦ ᕼᐊᑲᓔᐊᐅᑉ ᐃᕐᓂᖓᑕ. ᑕᒪᓐᓇ ᐊᑐᓚᐅᕐᐳᖅ ᑕᖅᑭᖅ ᑭᓯᓕᕝ ᐊᑐᓕᕐᑎᓪᓗᒍ, ᐊᕐᕌᒎᑉ 12ᒋᓕᕐᑕᖓᓂ ᐊᖓᔪᖅᑳᒃᑯᕕᖕᒦᓐᓂᕐᒪ ᓄᓇᒥ ᓲᓴᒥ.

ᐃᔅᑕᐅᑉ ᐊᒡᓚᖏᑦ 2:3

ᓄᓇᓕᖁᑎᖕᓃᑦᑐᓂᒃ ᐊᑐᓂᑦ ᑲᒪᔨᐅᓂᐊᕐᑐᓂᒃ ᑎᓕᓯᓗᑎᑦ, ᑖᒃᑯᐊ ᐊᕐᓇᑦᓯᐊᕙᖕᓂᒃ ᐅᐃᖃᓚᐅᕐᓯᒪᖏᑦᑐᓂᒃ ᑲᑎᑦᓯᓗᑎᒃ ᐅᕗᖓ ᓇᔪᕐᑕᕐᓄᐊᕈᑦᔨᖁᓪᓗᒋᑦ ᐊᖓᔪᖅᑳᕐᔪᐊᒃᑯᕕᖕᒧᑦ ᓄᓇᒧᑦ ᓲᓴᒧᑦ, ᐊᕐᓇᒃᑯᕕᖕᒧᐊᕐᑕᐅᓗᑎᒃ, ᑲᒪᒋᔭᐅᖁᓪᓗᒋᑦ ᐱᔨᖕᓄᑦ ᕼᐃᒊᒧᑦ ᐃᒡᔪᐃᕐᑕᐅᓯᒪᔪᒧᑦ ᐊᕐᓇᓂᒃ ᑲᒪᔨᐅᕙᒃᑐᒧᑦ; ᑕᕝᕙᓂ ᐱᐅᓴᕐᑕᐅᑦᓯᐊᕈᓐᓇᖁᓪᓗᒋᑦ ᐅᐸᓗᖎᔭᕐᑕᐅᓗᑎᒃ.

ᐃᔅᑕᐅᑉ ᐊᒡᓚᖏᑦ 2:5

ᑕᕝᕙᓂ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᔫᑎᑕᖃᓚᐅᕐᐳᖅ ᒧᐊᑎᑬᒥᒃ ᐊᑎᓕᖕᒥᒃ ᔧᕆᐅᑉ ᐃᕐᓂᖓᓂᒃ; ᐊᑖᑕᑦᓯᐊᖃᕐᓗᓂ ᓯᒥᐂᒥᒃ ᑭᓯᐅᑉ ᐃᕐᓂᖓᓂᒃ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ.

ᐃᔅᑕᐅᑉ ᐊᒡᓚᖏᑦ 3:15

ᐅᓪᓚᒃᑏᓪᓗ ᑕᕝᕙᓐᖓᑦ ᐊᐅᓪᓚᕐᐳᑦ, ᑐᐊᕕᕐᓗᑎᒃ ᐊᖓᔪᖅᑳᕐᔪᐊᑉ ᐱᖁᔨᓂᖓ ᒪᓕᒡᓗᒍ, ᐱᖁᔭᕐᓗ ᑖᓐᓇ ᓴᖅᑭᑕᐅᓚᐅᕆᕗᖅ ᓲᓴᒥ ᐊᖓᔪᖅᑳᕐᔪᐊᑉ ᐃᒡᓗᖓᓂ. ᐊᖓᔪᖅᑳᕐᔪᐊᕐᓕ ᕼᐂᒪᓂᓗ ᐃᒃᓯᕙᖃᑎᒌᓕᕐᐴᒃ ᐃᒥᕐᓗᑎᒡᓗ; ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᖁᐊᕐᓵᖓᓕᕐᑎᓪᓗᒋᑦ ᑕᒪᑐᒧᖓ.

ᐃᔅᑕᐅᑉ ᐊᒡᓚᖏᑦ 4:16

“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”

ᑖᓂᐊᓕᐅᑉ ᐊᒡᓚᖏᑦ 4:4

“ᐅᕙᖓ, ᓂᐱᑯᓁᓴ, ᐊᖏᕐᕋᕐᓯᒪᓚᐅᕐᐳᖓ ᐃᒡᓗᒥ ᐊᖓᔪᖅᑳᕐᔪᐊᒃᑯᕕᓐᓂ, ᖁᕕᐊᓱᑦᓯᐊᕐᓗᖓ ᓈᒻᒪᒃᓯᓯᒪᑦᓯᐊᕐᓗᖓᓗ.

ᑖᓂᐊᓕᐅᑉ ᐊᒡᓚᖏᑦ 8:2

ᑕᑯᑎᑕᐅᓪᓗᖓ, ᐅᕙᓐᓂᒃ ᑕᑯᓚᐅᕐᐳᖓ ᐊᖓᔪᖅᑳᕐᔪᐊᑉ ᐃᒡᓗᖓᓃᓪᓗᖓ ᓄᓇᒥ ᓲᓴᒥ ᓄᓇᐅᑉ ᐊᕕᒃᑐᕐᓯᒪᓂᖓᑕ ᐃᓚᖓᓂ ᐊᑎᖃᕐᑐᒥ ᐃᓛᒥᒥᒃ, ᑕᑯᑎᑕᐅᓪᓗᖓ ᑰᑉ ᐊᑎᖃᕐᑑᑉ ᐅᓔᒥᒃ ᓯᓈᓂᓚᐅᕐᐳᖓ.