ᐃᔅᑕᐅᑉ ᐊᒡᓚᖏᑦ 1:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᕝᕙ ᐊᖓᔪᖅᑳᕐᔪᐊᖅ ᓯᓚᑐᔪᖁᑎᒥᓄᑦ ᐊᐱᕆᕗᖅ, ᑕᕝᕙᓃᑦᑐᓄᑦ ᖃᐅᔨᔪᓄᓪᓗ ᓱᖕᒪᖔᑦ, ᐊᖓᔪᖅᑳᕐᔪᐊᖅ ᑍᒤᓕᐅᕐᐸᒃᑲᒥ ᑕᒪᒃᑯᓄᖓ ᐱᖁᔭᓂᒃ ᐃᓅᓯᓕᕆᓂᕐᒥᒡᓗ ᖃᐅᔨᒪᔪᖁᑎᒥᓄᑦ,

ᐃᔅᑕᐅᑉ ᐊᒡᓚᖏᑦ 1:13 Iomraidhean Croise

ᑯᕉᓂᑲ ᓯᕗᓪᓖᑦ 12:32

ᐃᓴᑳᕆᐅᑉ ᑭᖑᕚᖏᑦ ᑍᑦᓱᒪᓂᐅᑎᓪᓗᒍ ᑐᑭᓯᐅᒪᓚᐅᕐᐳᑦ ᐃᓴᕆᐊᓕᒃᑯᑦ ᖃᓄᐃᓕᐅᕐᑐᒃᓴᐅᖕᒪᖔᑕ, ᐊᖓᔪᖅᑳᖏᑦ 200ᐅᕗᑦ, ᐃᓚᒋᔭᓕᒫᖏᓪᓗ ᓈᓚᑦᓯᐊᓚᐅᕐᐳᑦ ᐊᖓᔪᖅᑲᖏᑕ ᐱᖁᔨᓂᖏᓐᓂᒃ;

ᑯᕉᓂᑲ ᓯᕗᓪᓖᑦ 12:33

ᓯᐳᓗᓂᐅᑉ ᑭᖑᕚᖏᓐᓂᑦ 50,000ᐅᕗᑦ ᐅᓇᑕᕐᑏᑦ, ᐅᓇᑕᕐᓂᕐᒧᑦ ᐊᑐᐃᓐᓇᐅᑦᓯᐊᕐᑐᑦ ᓱᓇᓕᒫᓂᒡᓗ ᐅᓇᑕᐅᑎᖃᑦᓯᐊᕐᓗᑎᒃ, ᑍᕕᑎᒥᒃ ᐃᑲᔪᕆᐊᓚᐅᕐᐳᑦ ᐊᑕᐅᓯᐅᓕᖅᑲᖓᑦᓯᐊᕐᑐᒥᒃ ᓯᕗᓂᖃᕐᓗᑎᒃ.

ᐃᔅᑕᐅᑉ ᐊᒡᓚᖏᑦ 1:12

ᑯᐃᓐ ᕚᔅᑎᓕ ᐊᖓᔪᖅᑳᕐᔪᐊᑉ ᑎᓕᔭᖏᓐᓄᑦ ᐅᐸᒃᑕᐅᒐᒥ ᕿᐱᓗᒃᐳᖅ; ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᕕᒃᔪᐊᕐᐳᖅ, ᓂᓐᖓᓗᐊᕐᓂᕐᒧᓪᓗ ᐃᓗᐃᓪᓕᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 10:7

ᑭᓇᓕ ᓯᕘᕋᖏᑦᑑᔪᓐᓇᕐᐹ ᐃᓕᖕᓃᒃ? ᐊᖓᔪᖅᑳᕐᔪᐊᖑᔪᑎᑦ ᐃᓅᖃᑎᒌᒡᔪᐊᓄᑦ ᓂᕐᑐᕐᑕᐅᔪᒃᓴᐅᕗᑎᑦ; ᓯᓚᑐᔪᕐᔪᐊᓕᒫᑦ ᐃᓅᖃᑎᒌᒡᔪᐊᓂ ᐊᖓᔪᖅᑲᐅᕕᓕᒫᓪᓗ ᑲᑎᓪᓗᒋᑦ ᐃᓕᒃᑐᑦ ᑍᒤᑦᑐᕐᑕᖃᓐᖏᓚᑦ.

ᑖᓂᐊᓕᐅᑉ ᐊᒡᓚᖏᑦ 2:12

ᑕᒪᓐᓇ ᐱᑦᔪᑎᒋᓪᓗᒍ, ᐊᖓᔪᖅᑳᕐᔪᐊᖅ ᓂᓐᖓᒃᐳᖅ ᓂᓐᖓᐅᒪᕕᒡᔪᐊᓕᕐᓗᓂ, ᐹᐱᓘᓂᒥᐅᓪᓗ ᓯᓚᑐᔪᖁᑎᓕᒫᖏᑦ ᑐᖁᕋᕐᑕᐅᖁᕔᑦ.

ᑖᓂᐊᓕᐅᑉ ᐊᒡᓚᖏᑦ 2:2

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᐊᖓᒃᑯᓂᒃ, ᓇᓚᐅᑦᑍᔨᓂᒡᓗ, ᐱᔪᓐᓇᐅᑎᓕᖕᓂᒡᓗ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᑖᒃᑯᓄᖓ ᐅᖃᐅᑎᔭᐅᔪᒪᓪᓗᓂ ᓱᓇᒥᒃ ᓯᓐᓇᒃᑐᓚᐅᕐᒪᖔᕐᒥ. ᑖᒃᑯᐊᓗ ᕾᒐᒥᒃ ᐊᖓᔪᖅᑳᕐᔪᐊᑉ ᓵᖓᓂ ᓇᖏᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:27

ᑖᓂᐊᓕᐅᑉ ᐊᖓᔪᖅᑳᕐᔪᐊᖅ ᑭᐅᕚ, “ᐃᔨᕐᓯᒪᔪᖅ ᐊᖓᔪᖅᑳᕐᔪᐊᑉ ᑐᓴᕈᒪᔭᖓ, ᓯᓚᑐᔪᓄᑦ, ᑳᓪᑎᐊᒥᐅᑦ ᓯᓚᑐᔪᖁᑎᖏᓐᓄᓪᓘᓐᓃᑦ, ᐊᖓᒃᑯᓄᓪᓘᓐᓃᑦ, ᓇᓚᐅᑦᑍᔨᓄᓪᓘᓐᓃᑦ ᐅᖃᐅᓯᐅᔪᓐᓇᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 5:7

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᓇᓚᐅᑦᑍᔨᓂᒃ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᐊᖓᒃᑯᓂᒡᓗ, ᐅᖃᐅᑎᓪᓗᒋᓪᓗ ᐹᐱᓘᓂᒥᐅᑦ ᓯᓚᑐᔪᖁᑎᖏᑦ, “ᓇᓪᓕᐊᑦ ᐅᑯᓂᖓ ᑎᑎᖅᑲᓂᒃ ᐅᖃᓕᒫᕐᑐᖅ, ᖃᓄᐃᓕᖕᒪᖔᑕᓗ ᐅᖃᐅᑎᓗᖓ, ᐊᓐᓄᕌᕐᑎᓐᓂᐊᕐᐸᕋ ᐊᐅᐸᓪᓚᕆᒃᑐᓂᒃ ᒎᓗᒥᒡᓗ ᐅᔭᒥᒃᑎᓪᓗᒍ, ᐊᖓᔪᖅᑲᐅᓂᓐᓂᓗ ᑐᖏᓕᕐᒪ ᐱᖓᔪᒋᓕᕐᓂᐊᐹ.”

ᒫᑎᐅᓯᐅᑉ ᐊᒡᓚᖏᑦ 16:3

ᐅᓪᓛᒻᒪᕆᒃᑯᓪᓗ ᐅᖃᕐᐸᒃᑭᕗᓯ, ‘ᐅᓪᓗᒥ ᓯᓚᓗᖕᓂᐊᕐᐳᖅ, ᓄᕗᔧᑦ ᐊᐅᐸᕐᑑᓪᓗᑎᒃ ᕿᕐᓂᕐᑕᐅᖕᒪᑕ.’ ᓯᓚᒥᒃ ᓇᓚᐅᑦᑍᔪᓐᓇᕐᑐᓯ ᑕᑯᓐᓈᕐᓗᓯ ᕿᓚᖕᒥᒃ, ᑐᑭᓯᔪᓐᓇᓐᖏᓚᓯᓕ ᓇᓗᓁᒃᑯᑕᕐᓂᒃ ᓇᓪᓕᐅᑎᓕᕐᑐᓂᒃ ᒫᓐᓇᐅᔪᒥᒃ!

ᒫᑎᐅᓯᐅᑉ ᐊᒡᓚᖏᑦ 2:1

ᔩᓱᓯ ᐃᕐᓂᐊᖑᖕᒪᑦ ᐱᑦᓕᐊᒥ ᔫᑎᐊᒦᑦᑐᒥ, ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ, ᑕᑯᒋᑦ, ᐊᖑᑏᑦ ᐅᓪᓗᕆᐊᓂᒃ ᐃᓕᓯᒪᔪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ, ᔨᕉᓴᓕᒻᒧᑦ ᑎᑭᑉᐳᑦ.